Услуги по очистке и санации (Грузия - Тендер #71672648)

სატენდერო დოკუმენტაციით გათვალისწინებული შესყიდვის ობიექტი (გასაწევი მომსახურება) მოიცავს სსიპ „ახალგაზრდობის სააგენტოს“ ბალანსზე არსებული დმანისის "ახალგაზრდული ცენტრისა" და ანაკლიის "ახალგაზრდული ბანაკის" დერატიზაციასთან, დეზინფექციასთან და დეზინსექციასთან დაკავშირებული მომსახურებების სახელმწიფო შესყიდვას.

1.2.1. შესყიდვის ობიექტი მოიცავს: სსიპ „ახალგაზრდობის სააგენტოს“ ბალანსზე არსებული დმანისის ახალგაზრდული ცენტრის ტერიტორიისა (ეზო) და მასზე განთავსებული შენობა-ნაგებობების, მათ შორის, ოთახების, საპირფარეშოების და ანაკლიის საბანაკე ტერიტორიისა და მასზე განთავსებული შენობა-ნაგებობების, მათ შორის, საბანაკე ტერიტორიაზე (ეზო) განთავსებული ბუნკერების, ბუნგალოს და შენობა-ნაგებობების, აგრეთვე, ოთახების, სადარბაზოების, საპირფარეშოების დერატიზაციის, დეზინფექციისა და დეზინსექციის მომსახურებას.
1.2.2. ტენდერით გათვალისწინებული შესყიდვის ობიექტის რაოდენობა (მოცულობა) და მომსახურების გაწევის ჯერადობა მოცემულია ფასების ცხრილში. ამასთან შემსყიდველი ორგანიზაცია არ არის ვალდებული, სრულად აითვისოს ფასების ცხრილში მითითებული შესყიდვის ობიექტის რაოდენობა.
1.2.3. სატენდერო დოკუმენტაციით გათვალისწინებული გასაწევი მომსახურება უნდა განხორციელდეს საქართველოს მოქმედი ნორმატიული აქტებით განსაზღვრული მეთოდიკისა და ინსტრუქციების მიხედვით (არსებობის შემთხვევაში).
1.2.4. მომსახურება გაწეული უნდა იქნეს შესაბამისი კვალიფიკაციის მქონე სპეციალისტების მიერ და გაწეული მომსახურების ხარისხი უნდა შეესაბამებოდეს დადგენილ ადგილობრივ და საერთაშორისო სტანდარტებს (არსებობის შემთხვევაში).
1.2.5. მიმწოდებლის მიერ გამოყენებული ქიმიური საშუალებები უნდა შეესაბამებოდნენ საქართველოს მოქმედი კანონმდებლობით დადგენილ მოთხოვნებს, უნდა აკმაყოფილებდნენ საერთაშორისო სტანდარტებს და არ უნდა უქმნიდეს საფრთხეს ადამიანის სიცოცხლესა და ჯანმრთელობას, ასევე მიმწოდებელმა არ უნდა გამოიყენოს მწვავე (მძაფრი) სუნის ან ადამიანისათვის სხვა უარყოფითი რეაქციის გამომწვევი საშუალებები. გამოყენებული ქიმიური საშუალებები არ უნდა აყენებდეს ზიანს გარემოს, შენობა-ნაგებობას/მასში განთავსებულ მატერიალურ მოძრავ ქონებას.
1.2.6. მიმწოდებელმა მომსახურების გაწევის ყოველ კონკრეტულ შემთხვევაში უნდა წარმოადგინოს გამოსაყენებელი ქიმიური საშუალებების ხარისხის და წარმოშობის შესახებ დოკუმენტაცია. ამასთან, მიმწოდებელი ვალდებულია, შემსყიდველის მიერ გამოყოფილი კონტროლის განმახორციელებელი პირ(ებ)ის თანდასწრებით გახსნას პრეპარატ(ებ)ი, რითაც უნდა დამუშავდეს ობიექტი.
1.2.7. მიმწოდებელი პასუხისმგებელია მიწოდებული მომსახურების ხარისხზე და შედეგებზე, ხოლო იმ შემთხვევაში თუ მიმწოდებლის მიერ გაწეული კონკრეტული მომსახურება აღმოჩნდება უშედეგო, მიმწოდებელი ვალდებულია, განმეორებით ჩაატაროს დერატიზაცია ან/და დეზინსექცია ან/და დეზინფექცია, საკუთარი ხარჯებით, შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) არაუგვიანეს 2 (ორი) კალენდარული დღის ვადაში.

მომსახურების გაწევა უნდა განხორციელდეს ხელშეკრულების გაფორმებიდან 20 დეკემბრის ჩათვლით ეტაპობრივად, შემსყიდველის მოთხოვნის შესაბამისად.

მომსახურების გაწევის ადგილია:
1. დმანისის მუნიციპალიტეტში მდებარე სსიპ - ახალგაზრდობის სააგენტოს დმანისის ახალგაზრდული ცენტრი (მის: ქ. დმანისი, 26 მაისის ქ.);
2. ზუგდიდის მუნიციპალიტეტის სოფელ ანაკლიაში მდებარე, სსიპ - ახალგაზრდობის სააგენტოს "ახალგაზრდული ბანაკი".

1. პრეტენდენტს 2023 წლის 01 იანვრიდან ტენდერის გამოცხადების დღემდე უნდა ჰქონდეს ჯამში არანაკლებ 6500.00 ლარის ღირებულების ანალოგიური მომსახურების (დერატიზაციასთან, დეზინფექციასთან და დეზინსექციასთან დაკავშირებული მომსახურებები) გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა (არსებობის შემთხვევაში) და გადარიცხვის დამადასტურებელი დოკუმენტით ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა.
3. ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ სატენდერო დოკუმენტაციის 2.2.1 პუნქტში არსებული დანართი N2-ის შესაბამისად.
4. სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული მომსახურებ(ებ)ის ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით.

ანგარიშსწორება მოხდება ეტაპობრივად, ფაქტიურად გაწეული მომსახურების შესაბამისად, უნაღდო ანგარიშსწორებით ლარში.

ანგარიშსწორება მოხდება მხარეებს შორის მიღება-ჩაბარების აქტი(ებ)ს გაფორმებიდან და ანგარიშ-ფაქტურ(ებ)ის (დღგ-ს გადამხდელის შემთხვევაში) გამოწერიდან 10 (ათი) სამუშაო დღის ვადაში.

ნინო ოდილავაძე, 595807508, nodilavadze@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ მის მიერ შექმნილ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. „სახელმწიფო შესყიდვის განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმწიფო შესყიდვების სააგენტოს მიერ დადგენილი სახელმძღვანელო ინსტრუქცია). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
სხვა დამატებითი დოკუმენტაცია/ინფორმაცია, რომელიც არ არის პრეტენდენტის მიერ შექმნილი, მათ შორის, გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.