Медицинские услуги (Грузия - Тендер #71672617)

შპს ,,თბილსერვის ჯგუფი“-ს თანამშრომლების (მძღოლები) სავალდებულო პერიოდული სამედიცინო შემოწმების მომსახურების სახელმწიფო შესყიდვა

1.2.1 შპს თბილსერვის ჯგუფი-ს ავტომობილების მართვასთან დაკავშირებულ დასაქმებულთა (მძღოლი) სავალდებულო პერიოდული სამედიცინო შემოწმების მომსახურების შესყიდვა 450 (ოთხას ორმოცდაათი) ადამიანისთვის;

შენიშვნა:
1.2.2 პრეტენდენტი ვალდებულია ფასების ცხრილის განფასებისას, საქართველოს საგადასახადო კოდექსის 170-ე მუხლის პირველი ნაწილის ("1. დღგ-ისგან ჩათვლის უფლების გარეშე გათავისუფლებულია:“) „ა“ ქვეპუნქტის („ა") სტაციონარული/ამბულატორიული სამედიცინო მომსახურება/ მკურნალობის მომსახურება, აგრეთვე მათთან უშუალოდ დაკავშირებული ან/და დამხმარე მომსახურების გაწევა/საქონლის მიწოდება იმ პირის მიერ, რომელსაც საქართველოს კანონმდებლობის შესაბამისად აქვს სამედიცინო საქმიანობის უფლება;) შესაბამისად, სატენდერო წინადადების ფასში არ გაითვალისწინოს დღგ, მიუხედავად იმისა, არის თუ არა იგი დღგ-ს გადამხდელი საქართველოს კანონმდებლობის შესაბამისად;
1.2.3 დაწესებულების მიერ გაცემული ფორმა IV–100/ა „ცნობა ჯანმრთელობის მდგომარეობის შესახებ“ უნდა შეიცავდეს დასკვნას თანამშრომლის ჯანმრთელობის მდგომარეობის დაკავებულ თანამდებობასთან შეთავსებადობის შესახებ.
1.2.4 შემსყიდველი ექვსივე სამედიცინო კვლევის მომსახურების მოთხოვნას გააკეთებს თითოეულ თანამშრომელზე სრულად.
1.2.5 შესყიდვის სავარაუდო ღირებულების კლების შემთხვევაში, პრეტენდენტის მიერ წარმოდგენილ ფასების ცხრილში, თითოეული პოზიციის ერთეული ფასის კლება უნდა განხორციელდეს სატენდერო დოკუმენტაციის დანართი N1- ფასების ცხრილით განსაზღვრული ზღვრული ერთეულის ფასებიდან, არანაკლებ, სატენდერო განცხადებაში მოცემულ შესყიდვის სავარაუდო ღირებულებასა და პრეტენდენტის მიერ სისტემაში დაფიქსირებულ სატენდერო წინადადების საბოლოო ფასს შორის არსებული პროცენტული სხვაობით;
1.2.6 პრეტენდენტმა უნდა წარმოადგინოს სატენდერო დოკუმენტაციის 1.3 პუნქტში ატვირთული დანართი N1 - ფასების ცხრილი (Excel)-ის ფორმატის სახით.
1.2.7 პრეტენდენტი ვალდებულია, დანართი N1 - ფასების ცხრილი (Excel)-ში "პრეტენდენტის მიერ დაფიქსირებული ბოლო შეთავაზება"-ის გრაფაში მიუთითოს შესყიდვის ობიექტის შემოთავაზებული ჯამური ღირებულება. რის შემდგომაც ფორმულა ავტომატურად გადაანაწილებს შესყიდვის ობიექტის ყველა პოზიციაზე როგორც ერთეულის ფასს, ასევე ჯამურ ღირებულებას მე-4 და მე-5 სვეტებში.
1.2.8 დანართი N1- ფასების ცხრილის წარმოუდგენლობის ან განუფასებლად წარმოდგენის შემთხვევაში პრეტენდენტი ექვემდებარება დისკვალიფიკაციას.

1.4.1 შესყიდვის ობიექტის მიწოდება განხორციელდება ეტაპობრივად, შემსყიდველის მოთხოვნის შესაბამისად (საჭიროებისამებრ), ხელშეკრულების გაფორმებიდან 2026 წლის 31 დეკემბრის ჩათვლით, შემსყიდველის მოთხოვნიდან 3 (სამი) სამუშაო დღის განმავლობაში;
1.4.2 შემსყიდველი არ იღებს ვალდებულებას შესყიდვის ობიექტის სრულად დაკვეთის შესახებ.

1.5.1 შესყიდვის ობიექტის საჭიროებიდან გამომდინარე, შემსყიდველი ხელშეკრულებაში მიმწოდებლის მიერ მითითებულ ელექტრონულ ფოსტაზე უზრნველყოფს მომსახურების მოთხოვნას;
1.5.2 პრეტენდენტს უნდა შეეძლოს მოცემული სამედიცინო შემოწმების მომსახურების გაწევა ქ. თბილისის მასშტაბით შემდეგ რაიონებში: 1. დიდუბე ან /და გლდანი ან/და საბურთალო (აღმაშენებლის ხეივანი ან/და დიდი დიღომი) 2. ისანი ან/და სამგორი;
1.5.3 მომსახურების გაწევის დრო: ორშაბათიდან შაბათი დღის ჩათვლით, 10:00 სთ-დან 18:00 საათამდე.

2.3.1.1 შესყიდვის ობიექტის სპეციფიკაციიდან გამომდინარე, მიმწოდებელს უნდა გააჩნდეს შესაბამისი მატერიალურ-ტექნიკური ბაზით აღჭურვილი სამედიცინო დაწესებულება,რომელიც სრულად დააკმაყოფილებს ყველა იმ მოთხოვნას, რომელიც საჭიროა აღნიშნული კვლევების მაღალ დონეზე ჩასატარებლად, მიმწოდებლის მიერ სატენდერო დოკუმენტაციაში მითითებულ მისამართებზე.
2.3.1.2 პრეტენდენტმა აღნიშნულის დასადასტურებლად უნდა წარმოადგინოს: საკუთრების შემთხვევაში შესაბამისი დამადასტურებელი დოკუმენტაცია, ხოლო იჯარის შემთხვევაში - საქართველოს კანონმდებლობის შესაბამისადსად, მოიჯარესთან გაფორმებული ხელშეკრულება, რომლის მოქმედების ვადა უნდა იყოს არანაკლებ 2026 წლის 31 დეკემბრისა.

2.4.1.1 პრეტენდენტმა უნდა უზრუნველყოს, სამედიცინო კვლევების განხორციელება შესაბამისი განათლების მქონე სპეციალისტების მიერ, რომლებსაც უნდა გააჩნდეთ შესაბამის სფეროში არსებული ლიცენზია ან/და ნებართვა;

2.4.1.2 აღნიშნულის დასადასტურებლად პრეტენდენტმა უნდა წარმოადგინოს:
2.4.1.2.1 სპეციალისტის პირადობის დამადასტურებელი მოწმობა;
2.4.1.2.2 შესაბამისი განათლების დამადასტურებელი დიპლომი ან/და სერტიფიკატი/ლიცენზია/ნებართვა;
2.4.1.2.3 შესაბამის პერსონალთან გაფორმებული შრომითი ხელშეკრულების ან/და ბრძანების ასლი, რომელიც დაადასტურებს მიმწოდებელთან მისი მუშაობის ფაქტს;

პრეტენდენტს უნდა გააჩნდეს სამედიცინო საქმიანობის სახელმწიფო რეგულირების სააგენტოს მიერ გაცემული საქმიანობის განხორცილების დამადასტურებელი ნებართვა/ლიცენზია და/ან ისეთ ქვეკონტრაქტორ ლაბორატორიასთან გაფორმებული ხელშეკრულება, რომელსაც გააჩნია ზემოთ მოხსენებული საქმიანობის განხორცილების დამადასტურებელი ნებართვა/ლიცენზია.

2.8.1.1 პრეტენდენტი ვალდებულია ქვეკონტრაქტორის არსებობის შემთხვევაში წარმოადგინოს ქვეკონტრაქტორის იურიდიული ფორმის შესახებ ინფორმაცია სისტემის მეშვეობით და სამედიცინო საქმიანობის სახელმწიფო რეგულირების სააგენტოს მიერ გაცემული საქმიანობის განხორცილების დამადასტურებელი ნებართვა/ლიცენზია.
2.8.1.2 პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
2.8.1.3 ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
2.8.1.4 იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს შემსყიდველ ორგანიზაციას და ვალდებულია წარმოადგინოს ქვეკონტრაქტორის სამედიცინო საქმიანობის სახელმწიფო რეგულირების სააგენტოს მიერ გაცემული საქმიანობის განხორცილების დამადასტურებელი ნებართვა/ლიცენზია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტი და დასკვნაზე ხელმომწერი ქონების შემფასებელი პირის (საქართველოს აკრედიტაციის ეროვნულ ორგანოს - აკრედიტაციის ცენტრის მიერ, საერთაშორისო სტანდარტის – ISO/IEC 17024 შესაბამისად აკრედიტირებული სერტიფიკაციის ორგანოს მიერ გაცემული) ქონების შემფასებლის მოქმედი სერტიფიკატ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება- ჩაბარების აქტის შესაბამისად;

შესყიდვის ობიექტის ღირებულება ანაზღაურდება, მიღება-ჩაბარების (შესრულების) აქტის გაფორმებისა და ანგარიშ-ფაქტურის (საქართველოს კანონმდებლობით განსაზღვრულ შემთხვევაში) გამოწერის თარიღიდან (რომელიც უფრო გვიან დადგება) არაუგვიანეს 10 (ათი) სამუშაო დღისა.

ქეთევან გოგიბერიძე, 551526284, q.gogiberidze@tbsg.ge ტექნიკურ საკითხებთან დაკავშირებით საკონტაქტო პირი: ნინო ჭელიძე, მობ: 599 71 65 24;

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის 1.3. პუნქტით გათვალისწინებული დანართ(ებ)ი შესაძლებელია წარმოდგენილ იქნეს MS Excel-ის ფორმატის ფაილის სახით, რაც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ექვივალენტური“;
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით გარდა დღგ-სა. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 სატენდერო დოკუმენტაციის 1.3 პუნქტით გათვალისწინებული ფასების ცხრილი (დანართი N1) MS Excel-ის ფორმატის სახით;
10.1.7.2 სატენდერო დოკუმენტაციის 2.3.1 პუნქტით გათვალისწინებული ინფორმაცია;
10.1.7.3 სატენდერო დოკუმენტაციის 2.4.1 პუნქტით გათვალისწინებული ინფორმაცია;
10.1.7.4 სატენდერო დოკუმენტაციის 2.7.1 პუნქტით გათვალისწინებული ინფორმაცია.