Ремонт и техническое обслуживание транспортных средств и оборудования и сопутствующие услуги (Грузия - Тендер #71672562)

სსიპ ილია წინამძღვრიშვილის სახელობის კოლეჯის ბალანსზე რიცხული ორი ერთეული სატრანსპორტო საშუალების შეკეთების მომსახურების სახელმწიფო შესყიდვა
1. სუზუკი SX4 ქროსი, მექანიკა - BB-617-VV, 2015 წელი.
2. მერსედეს ბენც სპრინტერი, მექანიკა - IA-508-AI, 2008 წელი.
3. გაზ (სობოლ), მექანიკა - OO-858-VO, 2019 წელი.

1.2.1. სატრანსპორტო საშუალებების შეკეთება და ტექნიკური მომსახურება (სერვისი-სათადარიგო ნაწილები) გულისხმობს ავტოსატრანსპორტო საშუალებების დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას, ავტომობილის ნაწილების შეკეთებას და/ან გამოცვლას, რაც გათვალისწინებულია დანართი N2-ში (პრეისკურანტი);
1.2.2. სატრანსპორტო საშუალებების დაზიანებული ნაწილები უნდა შეიცვალოს ახალი, ქარხნული წესით დამზადებული სათადარიგო ნაწილებით (შემსყიდველთან შეთანხმების შემთხვევაში მეორადი ნაწილებით);
1.2.3. შემსყიდველის მიერ ავტომანქანის მიმწოდებლის სერვისცენტრში მიყვანისთანავე მიმწოდებელი ვალდებულია შეადგინოს დეფექტური აქტი და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის დასახელების ან/და რაოდენობის კორექტირება ობიექტური მიზეზით) შემთხვევაში აქტზე ორივე მხარის მიერ ხელმოწერის შემდეგ მიმწოდებელმა უნდა დაიწყოს მომსახურების განხორციელება დანართით N2 (პრეისკურანტი) განსაზღვრული ფასების შესაბამისად. იმ შემთხვევაში თუ მიმწოდებელი აჭიანურებს დეფექტური აქტის შედგენას ან არ აწერს დეფექტურ აქტს ხელს, შემსყიდველს უფლება აქვს ცალმხრივად შეწყვიტოს ხელშეკრულება მიმწოდებელთან;
1.2.4. იმ შემთხვევაში, თუ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით დაუყოვნებლივ ან გონივრულ ვადაში შემსყიდველთან შეთანხმებით;
1.2.5. მიმწოდებელმა უნდა უზრუნველყოს მომსახურების გაწევა დანართით N1 გათვალისწინებულ ავტომობილებზე.

1.4.1. მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით.
1.4.2. მიმწოდებელმა ყოველ კონკრეტულ შემთხვევაში, შემსყიდველის მიმართვის შემდეგ ოპერატიულად, რიგგარეშედ უნდა ჩაატაროს ავტომანქანის დათვალიერება, სერვის ცენტრში შესვლიდან არაუგვიანეს 2 (ორი) საათის განმავლობაში, რის შემდეგაც მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების დეტალური აღწერა, გამოსაყენებელი სათადარიგო ნაწილების, საცხებ-საპოხი მასალების რაოდენობა, ერთეულის და საერთო ღირებულება, მომსახურების გაწევის/საქონლის მოწოდების ვადები და სხვა მონაცემები. აღნიშნული დეფექტური აქტის ელექტრონული ვერსია მიმწოდებელმა დაუყოვნებლივ უნდა გაუგზავნოს შემსყიდველის უფლებამოსილ წარმომადგენელს შემდგომი შეთანხმებისთვის.
1.4.3. მიმწოდებელი, ასევე ქვეკონტრაქტორ(ებ)ი (არსებობის შემთხვევაში) ვალდებულია მოახდინოს ავტომობილის შეკეთება შემდეგ ვადებში:
ა) ძრავის ზეთის, ფილტრებისა და სამუხრუჭე ხუნდის შეცვლა არაუმეტეს 2 სთ;
ბ) სავალი ნაწილების შეცვლა/აღდგენა მოთხოვნიდან არაუმეტეს 1 სამუშაო დღე;
გ) ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 7 სამუშაო დღე;
დ) ელექტრული დეტალების შეცვლა/აღდგენა მოთხოვნიდან 1 სამუშაო დღე;
ე) სხვა სამუშაოებისთვის ვადა განისაზღვრება მხარეთა შეთანხმებით;
1.4.4. თუ ავტომობილს დასჭირდა ისეთი დეტალი, რომლებიც არ აღმოაჩნდა კომპანიას და არ არის გაყიდვაში ადგილობრივ ბაზარზე, მომწოდებელს მიეცემა შეძენა/შეკეთებისთვის გონივრული ვადა არაუმეტეს 40 კალენდარული დღის ოდენობით.

პრეტენდენტი უნდა ფლობდეს ავტოსახელოსნოებს/სერვის-ცენტრს, მათ შორის, აუცილებლად ქ. თბილისში ან ქ. მცხეთაში, სსიპ ილის წინამძღვრიშვილის სახელობის კოლეჯის დისლოკაციიდან (მცხეთის მუნიციპალიტეტი, სოფ. წინამძღვრიანთკარი) არაუმეტეს 40 კმ. დაშორებით.

1.7.1.1. პრეტენდენტის, ასევე ქვეკონტრაქტორ(ებ)ის (მისი არსებობის შემთხვევაში) მიერ შესრულებულ სამუშაოზე, შეცვლილ და/ან აღდგენილ დეტალებზე ვრცელდება შემდეგი გარანტია:
ა) სავალ ნაწილებზე არანაკლებ 6 თვე ;
ბ) ძრავზე, გადაცემათა კოლოფზე და ხიდებზე არანაკლებ 1 წელი ან 25 000 კმ;
გ) ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი ;
დ) XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე ;
ე) სათუნუქე და სამღებრო სამუშაოებზე არანაკლებ 1 წელი ;
ვ) გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 2 000 კმ.
1.7.1.2 საგარანტიო პერიოდში მიმწოდებელი ვალდებულია დაუყონებლივ, შემსყიდველის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.
შენიშვნა: ინფორმაცია წარმოდგენილი უნდა იქნას თანდართული ფაილის მიხედვით.

პრეტენდენტს საქართველოს ტერიტორიაზე ან/და სხვა ქვეყნის ტერიტორიაზე (გარდა იმ ქვეყნის ტერიტორიისა, სადაც რეგისტრირებულია პრეტენდენტი) 2021 წლის 01 იანვრიდან, მოცემულ ტენდერში წინადადებების მიღების დასრულების დღემდე, უნდა ჰქონდეს ავტომანქანების ტექნიკური მომსახურების სამუშაოების შესრულების გამოცდილება, ჯამურად არანაკლებ 100 000 (ასი ათასი) ლარის ღირებულებით;

გარდა ამისა, პრეტენდენტმა მოთხოვნილი გამოცდილების დასტურად უნდა წარმოადგინოს ხელშეკრულებ(ები)ა, საბოლოო მიღება-ჩაბარების აქტ(ებ)ი და ანგარიშფაქტურ(ები)ა (არსებობის შემთხვევაში - ვრცელდება ანგარიშფაქტურაზე);

შენიშვნა: სახელმწიფო შესყიდვის განხორციელების შემთხვევაში, საკმარისია შესაბამისი SPA/NAT/ CMR ნომერის წარმოდგენა პრეტენდენტის მიერ შედგენილი ცხრილის სახით, შესრულების წლის, ხელშეკრულების დამდები მხარის დასახელების და შესრულებული სამუშაოს ღირებულების მითითებით - ამ შემთხვევაში დამატებითი დოკუმენტაციის (ხელშეკრულებ(ები)ა, მიღება-ჩაბარების აქტ(ები)ი, დადასტურებული ანგარიშ-ფაქტურ(ები)ა) წარმოდგენა სავალდებულო არ არის.

2.3.1.1. პრეტენდენტმა, ასევე ქვეკონტრაქტორ(ებ)მა (ასეთის არსეობის შემთხვევაში) უნდა წარმოადგინოს ავტოსახელოსნოს(ების) საკუთრების დამადასტურებელი დოკუმენტაცია. იმ შემთხვევაში, თუ ავტოსახელოსნო(ები) არ წარმოადგენს პრეტენდენტის საკუთრებას, სისტემაში უნდა აიტვირთოს შესაბამისი ხელშეკრულებები (იჯარის ან სხვა სარგებლობის უფლების დამადასტურებელი დოკუმენტაცია), რომლის მოქმედების ვადა უნდა ვრცელდებოდეს არანაკლებ 2022 წლის 31 დეკემბრისა; ასევე, თანდართული ფაილის სახით წარმოდგენილი უნდა იქნას ინფორმაცია მატერიალურ-ტექნიკური ბაზის შესახებ (დანართი N4);
2.3.1.2. ავტოსერვის-ცენტრს უნდა გააჩნდეს დაცვით უზრუნველყოფილი ავტოსადგომი მინიმუმ 3 მანქანაზე;
2.3.1.3. პრეტენდენტის, ასევე ქვეკონტრაქტორ(ებ)ის (მისი არსებობის შემთხვევაში) ავტოსერვის-ცენტრები აღჭურვილი უნდა იყოს შემდეგი მატერიალურ-ტექნიკური საშუალებებით: -ელექტრო სისტემის კომპიუტერული დიაგნოსტიკის აპარატი - არანაკლებ 1 ერთეული; -სატრანსპორტო საშუალების ამწევი მექანიზმი - არანაკლებ 2 ერთეული; -ვულკანიზაციის, ბალანსირების ელექტრო აპარატი - არანაკლებ 1; -ძრავის ამოსაღები ამწე - არანაკლებ 1 ერთეული; -ზეთის შეცვლის ორმო - არანაკლებ 2 ერთეული; -ავტომობილების სერვისის (დათვალიერების) ორმო - არანაკლებ 2 ერთეული; -სათუნუქე სამუშაოებისათვის განკუთვნილი ტერიტორიის ფართი - არანაკლებ 1 ერთეული;
2.3.1.4. პრეტენდენტმა უნდა უზრუნველყოს მობილური მომსახურების ჯგუფისა და საჭიროების შემთხვევაში ევაკუატორით მომსახურება ქვეყნის მასშტაბით;

2.8.1.1 ქვეკონტრაქტორი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – “შავ სიაში“ ან „გაფრთხილებულ მომწოდებელთა სიაში";
2.8.1.2. პრეტენდენტმა უნდა წარმოადგინოს ინფორმაცია ქვეკონტრაქტორ(ებ)ის მიერ ანალოგიური მომსახურების მიწოდების არანაკლებ 2-წლიანი გამოცდილების შესახებ. მას, მოცემულ ტენდერში წინადადებების მიღების დასრულების დღემდე, უნდა ჰქონდეს ავტომანქანების ტექნიკური მომსახურების სამუშაოების შესრულების გამოცდილება, ჯამურად არანაკლებ 50 000 (ორმოცდაათი ათასი) ლარის ღირებულებით; რაც უნდა დადასტურდეს ხელშეკრულებებით, წარმოდგენილი ხელშეკრულებების ფარგლებში გაფორმებული მიღება-ჩაბარების აქტებით და დადასტურებული ანგარიშ-ფაქტურებით სრულად (სახელმწიფო შესყიდვის განხორციელების შემთხვევაში, საკმარისია შესაბამისი SPA/ CMR/ NAT ნომერის წარმოდგენა- ამ შემთხვევაში დამატებითი დოკუმენტაციის (ხელშეკრულებ(ები)ა, მიღება-ჩაბარების აქტ(ები)ი, დადასტურებული ანგარიშ-ფაქტურები) წარმოდგენა სავალდებულო არ არის).

შენიშვნა: თუ პრეტენდენტს განზრახული აქვს მომსახურების მიწოდება ქვეკონტრაქტორის გარეშე, უნდა წარმოადგინოს ინფორმაცია ამის შესახებ.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარისწორება განხორციელდება ეტაპობრივად, მხარეთა შორის გაფორმებული მიღება-ჩაბარების აქტისა და საგადასახადო ანგარიშფაქტურის საფუძველზე.

მხარეთა შორის მიღება-ჩაბარების აქტისა და საგადასახადო ანგარიშფქტურის გაფორმებიდან 10 სამუშაო დღის ვადაში.

თორნიკე წიწილაშვილი, 574118558, TMK@procurement.gov.ge

10.1.1 პრეტენდენტის მიერ პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე (კლების პროცენტული ოდენობა გამოითვლება პრეისკურანტის ჯამურ სავარაუდო ღირებულებასა და პრეტენდენტის მიერ სისტემის შესაბამის ველში საბოლოოდ დაფიქსირებულ ფასს შორის არსებული სხვაობით). ამასთან, თუ ელექტრონული ვაჭრობის შედეგად სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები წარმოდგება მრავალნიშნა ათწილადის სახით, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.
10.1.2 შემოთავაზებული ფასები უნდა მოიცავდეს საქონლის მოწოდებასთან/მომსახურების გაწევასთან დაკავშირებულ ყველა ხარჯს და კანონმდებლობით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას. სატენდერო წინადადების ფასი სისტემაში მითითებული უნდა იქნეს დღგ-ს გათვალისწინებით.
10.1.3 მიმწოდებლის მიერ პრეისკურანტის ცხრილში დაფიქსირებული ერთეულის ფასები არ უნდა აღემატებოდეს შემსყიდველის განფასების ცხრილში დაფიქსირებულ ზღვრულ ერთეულის ფასს. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა. პრეტენდენტის მიერ წარმოდგენილ დაზუსტებულ ფასების ცხრილში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.
10.1.4 თუ ფასების ცხრილში მითითებულ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“; ამასთანავე, ფასების ცხრილში ნებისმიერ პოზიციაზე გრაფის შეუვსებლობა ჩაითვლება როგორც ჩანაწერი „0“ და არ ანაზღაურდება შემსყიდველის მიერ;
10.1.5 ხელშეკრულების დადების შემდეგ, პრეისკურანტში მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
10.1.6 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული დოკუმენტი, ელექტრონულად ხელმოწერილი ან/და შტამპდასმული უნდა იყოს "ელექტრონული დოკუმენტისა და ელექტრონული სანდო მომსახურების შესახებ" საქართველოს კანონის შესაბამისად.