Услуги в области бухгалтерского учета, аудита и налогообложения (Грузия - Тендер #71648537)

აუდიტორული (საშემფასებლო) მომსახურების გაწევა

საშემფასებლო მომსახურება, რაც მოიცავს ძირითადი საშუალებების შეფასება/გადაფასებას:

- არსებული (მოძრავი და უძრავი) ძირითადი საშუალებების გადაფასება/გადაფასება და მათი ექსპლუატაციის ვადის განსაზღვრა - სულ არაუმეტეს 2150 ერთეული.

- სასაქონლო მატერიალური მარაგების შეფასება/გადაფასება - არაუმეტეს 700 დასახელება.

- ბალანსზე ასაყვანი ძირითადი საშუალებების (მიწის ) შეფასება - არაუმეტეს 15 ნაკვეთისა.

- აუქციონზე გასაყიდად განკუთვნილი ძირითადი საშუალებების (მანქანების ) ან მარაგის (ჯართი და აკუმულატორები) შეფასება - არაუმეტეს 5 დასკვნა.

შენიშვნა: მოთხოვნიდან გამომდინარე საჭირო იქნება აუდიტორული დასკვნების მომზადება, რომელიც ეხება კაპიტალის ცვლილებას (ბალანსზე ასაყვანი ძირითადი საშუალებების - მიწის შეფასების დასკვნების მომზადებასთან ერთად). აღნიშნული დასკვნების მომზადება უნდა განხორციელდეს მოთხოვნის შესაბამისად, სულ არაუმეტეს 15 დასკვნისა. ეს მომსახურება არ არის ანაზღაურებადი.

ამასთანავე, რაიონებში განთავსებული ძირითადი საშუალებების შეფასება/გადაფასებისას, დასკვნასთან ერთად წარმოდგენილი უნდა იყოს შესაბამისი ფოტო მასალა, სადაც ასახული იქნება შენობები, შელტერები და ძირითადი აგრეგატები (ანძები და გადამცემები).

პრეტენდენტი ვალდებულია საშემფასებლო მომსახურება შეასრულოს „ბუღალტრული აღრიცხვის, ანგარიშგებისა და აუდიტის შესახებ“ სახელმწიფო კანონის 28 მუხლის მე-8 პუნქტის მოთხოვნების შესაბამისად.

მომსახურების გაწევის ვადებია:

- პირველი, მე-2 და მე-3 პოზიცია - არაუგვიანეს 2026 წლის 30 სექტემბრისა.
- მე-4, მე-5, მე-6 და მე-7 პოზიციები - მოთხოვნიდან 5 სამუშაო დღეში (მაგრამ არაუგვიანეს 2026 წლის 20 დეკემბრისა).

- შესაფასებელი ქონების (ფასების ცხრილის მე-5, მე-6, მე-7 პოზიციების) ადგილმდებარეობაა - ქ. თბილისი, მთაწმინდა, ფუნიკულიორის ზედა პლატო.

- დანარჩენი პოზიციების (ფასების ცხრილის პირველი, მე-2, მე-3 და მე-4 პოზიციების) საქართველოს სხვადასხვა რეგიონებში. ტელერადიოცენტრის სპეციფიკიდან გამომდინარე ძირითადი საშუალებები წარმოადგენენ სამაუწყებლო აპარატურას, მანქანა-დანადგარებს, ანძებს, შენობა-ნაგებობებს და მიწის ნაკვეთებს, რომლებიც მდებარეობენ როგორც საქართველოს დიდ ქალაქებში ასევე მთელს კონტროლირებად ტერიტორიებზე, ასევე უფრო ხშირად მაღალ, ძნელად მისაღწევ ადგილებში (იქედან გამომდინარე რომ მაუწყებლობის დაფარვის ზონა დამოკიდებულია გადამცემების განთავსების მდებარეობაზე).

1. პრეტენდენტს უნდა გააჩნდეს სახელმწიფო ორგანიზაციების ან/და სახელმწიფოს 50%-იანი ან მეტი წილობრივი მონაწილეობით დაფუძნებულ საწარმოთა აუდტორული ან/და საშემფასებლო მომსახურების გაწევის გამოცდილება.

2. პრეტენდენტს უნდა გააჩნდეს ბოლო ხუთი წლის განმავლობაში (2020 წლიდან აღნიშნული ტენდერის წინადადების მიღების დასრულების დღემდე) ზემოაღნიშნული ორგანიზაციებისათვის/საწარმოთათვის ჯამურად შესრულებული არანაკლებ 150 000 (ასორმოცდაათი ათასი) ლარის აუდიტორული ან/და საშემფასებლო მომსახურება, რაც უნდა დასტურდებოდეს შესაბამისი ხელშეკრულებებით და მიღება-ჩაბარების აქტებით ან/და მითითება სახელმწიფო შესყიდვების ერთიანი ელექტრონული სისტემის შესაბამის ნომრებზე (SPA/NAT/CMR და სხვა).

„ბუღალტრული აღრიცხვის, ანგარიშგებისა და აუდიტის შესახებ „ საქართველოს კანონის 17 მუხლის მოთხოვნის შესაბამისად პრეტენდენტს უნდა ჰქონდეს დაზღვეული თავისი პროფესიული პასუხისმგებლობა არანაკლებ 100 000 ლარის ოდენობით.

• პრეტენდენტი რეგისტრირებული უნდა იყოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებული აუდიტორული კომპანიების რეესტრში (www.saras.gov.ge );

• პრეტენდენტმა აღნიშნული აუდიტორული (საშემფასებლო) მომსახურების გაწევა უნდა უზრუნველყოს ,,შემფასებელთა და ექსპერტთა პროფესიული განვითარების ცენტრის სერტიფიკაციის ორგანოს" მიერ სერტიფიცირებული თანამშრომლებით. შემფასებლებს, რომელიც უშუალოდ შეასრულებენ ამ სატენდერო დოკუმენტაციით განსაზღვრულ როგორც მოძრავი ასევე უძრავი ქონების შეფასება/გადაფასებას, უნდა გააჩნდეთ შესაბამისი შემფასებლის სერტიფიკატი. აღნიშნულის დამადასტურებლად აუცილებელია წარმოდგენილი იყოს აღნიშნული სერტიფიკატები (სერტიფიკატების მოქმედების ვადა უნდა იყოს არანაკლებ 2026 წლის 31 დეკემბრის ჩათვლით).

წარმოსადგენი დოკუმენტები:

1) პრეტენდენტმა უნდა წარმოადგინოს ორგანიზაციის რეკვიზიტები (დანართის შესაბამისად) - თუ აღნიშნული არ არის სისტემაში დაფიქსირებული;

2) დანართი №1 ფასების ცხრილი.

3) სატენდერო პირობების 2.2.1. პუნქტით განსაზღვრული გამოცდილების დამადასტურებელი დოკუმენტები.

4) სატენდერო პირობების 2.6.1. პუნქტით განსაზღვრულ მოთხოვნებთან შესაბამისობის დადასტურების მიზნით, პრეტენდენტმა უნდა წარმოადგინოს შესაბამისი დამადასტურებელი დოკუმენტი - დასტურის წერილი სადაზღვევო კომპანიიდან ან/და ხელშეკრულება ან/და სხვა; ამ პუნქტით გათვალისწინებული ინფორმაციის/დოკუმენტაციის წარმოდგენის ვალდებულება პრეტენდენტს არ აქვს, თუ ამგვარი მონაცემები ხელმისაწვდომია ვებ-გვერდზე saras.gov.ge;

5) სატენდერო პირობების 2.7.1. პუნქტით განსაზღვრულ მოთხოვნებთან შესაბამისობის დადასტურების მიზნით, პრეტენდენტმა უნდა წარმოადგინოს მატერიალური მოძრავი და უძრავი ქონების შემფასებლის სერტიფიკატი, რომელიც უშუალოდ შეასრულებენ ამ სატენდერო დოკუმენტაციით განსაზღვრულ მომსახურებას.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო ან აუდიტორული ან საშემფასებლო დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლითაც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული მომსახურების ერთეულის ფასებით და აგრეთვე ჯამური ღირებულებით ტენდერით განსაზღვრული შესყიდვის ობიექტის მიწოდების შესაძლებლობა.

7.2.1 სატენდერო წინადადებაში საერთო ფასი უნდა შეიცავდეს როგორც მომსახურების ღირებულებას, ისე აღნიშნულ მომსახურებასთან დაკავშირებით მიმწოდებლის მიერ გასაწევი ყველა ხარჯისა და საქართველოს კანონმდებლობით დადგენილ გადასახადებს.

7.2.2 ანგარიშსწორება განხორციელდება ყოველი კონკრეტული მომსახურების გაწევის შემდეგ, მიღება–ჩაბარების აქტის გაფორმებიდან და თუ მიმწოდებელი დღგ-ს გადამხდელია, საგადასახადო ანგარიშ-ფაქტურის, ხოლო თუ მიმწოდებელი არ არის დღგ-ს გადამხდელი, შემოსავლების სამსახურიდან შესაბამისი ცნობის საფუძველზე.

7.2.3. შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებელზე გადასარიცხი თანხიდან.

7.2.4. ანგარიშსწორება მოხდება უნაღდო ანგარიშსწორებით ლარში.

საანგარიშსწორებო დოკუმენტაციის წარმოდგენიდან 10 (ათი) სამუშაო დღის ვადაში, თუკი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

დავით რეხვიაშვილი, 593747774, d.rekhviashvili@tvrcenter.ge 577-243475 კახა ჭანტურიძე, 577-422790 ნუგზარ ზეიკიძე

წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს.

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა მის მიერ შექმნილი დოკუმენტი ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი) რომელიც წარმოდგენილი უნდა იქნას Excel-ის ფორმატის სახით.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).