Электрические двигатели, генераторы электричества и электротрансформаторы (Грузия - Тендер #71648470)

სტაციონალური გარე დასადგმელი დიზელ-გენერატორის, ავტომატური მართვით და ხმის ჩამხშობი ძარით (ე.წ. კაბინით), შესყიდვა (თანმდევი მომსახურებით - მონტაჟით ობიექტზე).

1.2.1. მისაწოდებელი საქონლის ფასი და ტექ. მონაცემები წარმოდგენილი უნდა იქნას დანართი N1-ის (ფასების ცხრილი) შესაბამისად.
1.2.2 შესყიდვა მოიცავს თბილისის მუნიციპალიტეტის ისნის რაიონის გამგეობისთვის (მის.: ქ. თბილისი, ნავთლუღის ქ. 8-1) დიზელ-გენერატორის მიწოდება-მონტაჟი-ექსპლუატაციაში გაშვებას.
1.2.3 სამონტაჟო სამუშაოები (თანმდევი მომსახურება) უნდა მოიცავდეს შემდეგს: მიმწოდებელმა საკუთარი ხარჯებით უნდა უზრუნველყოს გამგეობის ეზოში არსებულ რკინის დამცავ ცხაურაში (სიგრძე - 3.40მ, სიგანე - 2,40მ, სიმაღლე - 2,00მ) გენერატორის მოთავსება, ამწით მომსახურება. მიწოდებული გენერატორის გაბარიტების შეუსაბამობის შემთხვევაში, მიმწოდებელმა უნდა უზრუნველყოს ცხაურის გაფართოების სამუშაოების ჩატარება, რათა გენერატორი ისე მოთავსდეს, რომ უზრუნველყოფილი იყოს მისი შეუფერხებელი საგარანტიო მომსახურება.

1.2.4 საქონლის ტექნიკური მონაცემები:
1. დიზელ-გენერატორის სიმძლავრე: არანაკლებ 150 კვა / 120 კვტ (PRIME);
2. ავტომატური მართვის ფარით (ე/წ AVR);
3. ძაბვის მახასიათებელი – 400/230 ვოლტი; 50 ჰერცი; 3 ფაზა;
4. ძრავის ბრუნვის სიჩქარე (Engine Speed) - არანაკლებ 1500 rpm (ბრუნი წუთში);
5. ძრავის კუმშვის ხარისხი - არანაკლებ 18:01;
6. ძაბვის რეგულატორი - ელექტრონული;
7. უსაფრთოების დონე - არანაკლებ IP-23;
8. საწვავის ტიპი - დიზელი;
9. დიზელ-გენერატორი უნდა იყოს ახალი, ექსპლუატაციაში არ მყოფი.
10. სუპერ უხმაურო ხმის ჩამხშობი კაბინით (ქვა-ბამბის დაცვით,), კაბინის გასაღებიანი კარით;
11. მაყუჩი მოთავსებული უნდა იყოს ხმის ჩამხშობ კაბინაში;
12. აღჭურვილი სტანდარტული და დამატებითი სპეციფიკაციით - სრული კომპლექტაცია;
13. დიზელ - გენერატორი აღჭურვილი უნდა იყოს: ავტომატური მართვის ფარით (ე/წ AVR); დიზელ-გენერატორის გაშვების სისტემა (ე/წ AVR) აღჭურვილი უნდა იყოს როგორც ავტომატური, ისე მექანიკური გადამრთველით; კონტროლისა და მართვის დაფით; საავარიო-საინდიკაციო მაჩვენებლებით; დიზელ-გენერატორის ლოკალურად ამუშავებისათვის საჭირო საშუალებებით; მაგნიტო-თერმული ავტომატური ამომრთველით; 12 ვოლტიანი დასამუხტით - ალტერნატორისა და სტარტერისათვის, საკომუნიკაციო - RS485 და USB პორტებით;
14. კონტროლისა და მართვის დაფა აღჭურვილი უნდა იყოს: თითოეული ფაზის დენის ძალისა და ძაბვის საზომით; სიხშირის მზომით; მუშაობის საათების აღმრიცხველით; გამაგრილებელი სითხის ტემპერატურის და ზეთის წნევის მაჩვენებლებით; საწვავის დონის მაჩვენებლით; შესაბამისი სიმძლავრის ელექტრომექანიკური გადამრთველით; გადართვის მართვის მოწყობილობით; ავარიის შემთხვევაში ხელით მართვის შესაძლებლობით;
15. პერიოდული სერვისის მოთხოვნის მაჩვენებელი:
- ძრავის ზეთის;
- ძრავის ტემპერატურის;
- ზეთის წნევის;
- საწვავის დონის;
- ნამუშევარი საათების;
- ჩართვების რაოდენობის;
- ამპერაჟის, ვოლტაჟის და სხვა მახასიათებლების მაჩვენებელი;
- აკუმულატორის მინიმალური და მაქსიმალური ძაბვის ასახვა;
- მინიმუმ ინგლისურ ენოვანი მხარდაჭერა;
16. დიზელის ძრავი აღჭურვილი უნდა იყოს: სითხით გაგრილების სისტემით; ავარიულ სიტუაციაში ავტომატურად გამორთვის შესაძლებლობით;
17. საექსპლუატაციო ტემპერატურის დიაპაზონი (არანაკლებ) -20C +50C.
18. გენერატორს უნდა გააჩნდეს დაცვისა და კონტროლის სისტემა, რომელიც უზრუნველყოფს გენერატორის გათიშვას შესაბამისი გარემოებების დადგომისთანავე, ასევე დამცავი ძარით.
19. გენერატორს უნდა გააჩნდეს და მოწოდებისას ფიზიკურად დატანილი უნდა ჰქონდეს CE მარკირება. პრეტენდენტმა უნდა წარმოადგინოს ინფორმაცია/დოკუმენტაცია, სადაც მწარმოებელი ადასტურებს, რომ შემოთავაზებულ საქონელს გააჩნია CE მარკირება. აღნიშნული ინფორმაცია/დოკუმენტაცია უნდა აიტვირთოს ერთიან ელექტრონულ სისტემაში ნოტარიულად დამოწმებულ ქართულენოვან თარგმანთან ერთად.
20. დიზელ-გენერატორის ხმაურის დონე არ უნდა აღემატებოდეს კანონმდებლობით განსაზღვრულ დონეს;
21. დიზელ-გენერატორს კომპლექტში უნდა მოყვებოდეს სამონტაჟოდ საჭირო ელ. ავტომატები, კაბელები, ბუნიკები და სხვა სახარჯი მასალა.
22. მომსახურეობის ღირებულებაში გათვალისწინებული უნდა იყოს ახალი გენერატორის ექსპლუატაციაში გაშვება; AVR ის მონტაჟი, ძალოვან კარადაზე დაერთებით;

1.2.5 ადგილზე ინსტალაციის შემდეგ ჩასატარებელი შემოწმებები:
• შემოწმება დატვირთვაზე:
- 50% დატვირთვა არანაკლებ 30 წუთის განმავლობაში;
- 100% დატვირთვა არანაკლებ 30 წუთის განმავლობაში;
- ჩართვის დროის და სრულ დატვირთვაზე გადასვლის დროის შემოწმება;
- შემსყიდველი უფლებამოსილია შესაბამისი უფლებამოსილი პირის საშუალებით შეამოწმოს გენერატორის ხმაურის დონე, რომელიც არ უნდა აღემატებოდეს კანონმდებლობით განსაზღვრულ დონეს;
- მიმწოდებელი ვალდებულია შესაბამის დატვირთვაზე ტესტირების დროს უზრუნველყოს დიზელ-გენერატორი შესაბამისი საცხებ-საპოხი მასალით ( ზეთი, ფილტრი, საწვავი და ა.შ).
1.2.6 მიმწოდებელმა ისნის რაიონის გამგეობის თანამშრომელს უნდა ჩაუტაროს დიზელ გენერატორის ექსპლუატაციისათვის საჭირო სწავლების კურსი;
1.2.7 მიმწოდებელმა ისნის რაიონის გამგეობას უნდა წარუდგინოს ლ.სამხარაულის ექსპერტიზის ბიუროს ან სხვა შესაბამის დარგში აკრედიტირებული ორგანოს ექსპერტიზის
დასკვნა დიზელ-გენერატორისა და შესრულებული სამუშაოების ხელშეკრულების პირობებთან შესაბამისობის შესახებ, რომლის საფუძველზეც განხორციელდება მიღება-ჩაბარების აქტის გაფორმება.
1.2.8 საქონლის დამონტაჟების შემდგომ მიმწოდებელმა უნდა შეადგინოს და შემსყიდველს წარუდგინოს ადგილზე შემოწმების აქტი (SAT).
1.2.9 მომსახურეობა უნდა განხორციელდეს შესაბამისი კვალიფიკაციის მქონე სპეციალისტების მიერ, რომლებიც აღჭურვილი უნდა იყვნენ ყველა საჭირო ხელსაწყოთი;
1.2.10 სამუშაოების მსვლელობის დროს გათვალისწინებული უნდა იყოს უსაფრთხოების ნორმების დაცვა;
1.2.11 მომწოდებელმა სამუშაოების წარმოებისას მიყენებული ზიანი უნდა აღმოფხვრას საკუთარი ხარჯებით;
1.2.12 შესყიდვის ღირებულება უნდა მოიცავდეს ტრანსპორტირების ხარჯს და საქართველოს კანონმდებლობით გათვალისწინებულ ყველა გადასახადს.
1.2.13 მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
1.2.14 მიწოდებული და დამონტაჟებული საქონელი არ უნდა იყოს ექსპლუატაციაში ნამყოფი, დაზიანებული, არ უნდა გამოავლინოს ხარვეზები და უნდა იყოს მოხმარებისთვის ვარგისი, ამასთან, სრულ შესაბამისობაში უნდა იყოს სატენდერო დოკუმენტაციით განსაზღვრულ პირობებთან.
1.2.15 მიღება-ჩაბარების აქტის გაფორმებამდე მიმწოდებელმა უნდა წარმოადგინოს დიზელ-გენერატორის ქარხნული ტესტირების ფორმა და ადგილზე, ქსელის ანალიზატორის საშუალებით, დატვირთვაზე განხორციელებული ტესტირების შედეგის ბეჭდიანი ანგარიში (რეპორტი), სადაც უნდა ფიქსირდებოდეს შემსყიდველის მოთხოვნებთან შესაბამისი მახასიათებლები: დინამიკაში ჩაწერილი უნდა იყოს ძაბვის დიაპაზონი 0 დან 100 % დასაშვებ ძაბვამდე, გაიზომოს ჯამური ჰარმონიკული დამახინჯება, რაც არ უნდა აღემატებოდეს 5% -ს; შემოწმდეს დენისა და ძაბვის სინუსი.

ხელშეკრულების გაფორმებიდან არაუმეტეს 90 (ოთხმოცდაათი) კალენდარული დღის განმავლობაში

ქ. თბილისი, ნავთლუღის ქ. 8-1, ისნის რაიონის გამგეობის ტერიტორია

• საბოლოო მიღება-ჩაბარების აქტის გაფორმებიდან - 3 (სამი) წელი.
• მიმწოდებელმა, საგარანტიო ვადის პერიოდში გამოვლენილი წუნდებული საქონლის შეკეთება უნდა უზრუნველყოს საკუთარი ხარჯებით, მოთხოვნიდან არაუგვიანეს 15 (თხუთმეტი) კალენდარული დღის ვადაში, ხოლო საქონლის შეცვლის საჭიროების შემთხვევაში, მისი შეცვლა უნდა უზრუნველყოს 45 (ორმოცდახუთი) კალენდარული დღის განმავლობაში.
• საგარანტიო პერიოდში, მომწოდებელი კომპანია ვალდებულია მოახდინოს სრული სერვისული მომსახურება, კერძოდ: ძრავის ზეთის, ძრავის ფილტრისა და ძრავის გამაგრილებელი სითხის გეგმიური შეცვლა. (ძრავის ზეთისა და ძრავის ფილტრის შემთხვევაში: პირველი შეცვლის (დამუშავების პერიოდი) შემდეგ, არანაკლებ ყოველი 150 საათის შემდეგ, ან მინიმუმ 1 (ერთი) წელიწადში ერთხელ. გამაგრილებელი სითხის შემთხვევაში არანაკლებ 2 (ორი) წელიწადში ერთხელ.)
• მიმწოდებელი იძლევა გარანტიას, რომ მიწოდებული საქონლის მონტაჟის მომსახურება მის მიერ გაწეული იქნება მაღალხარისხოვნად, წინააღმდეგ შემთხვევაში, იგი ვალდებულია საკუთარი სახსრებით თავად უზრუნველყოს საგარანტიო პერიოდში აღმოჩენილი ნებისმიერი ხარვეზის აღმოფხვრა, ასევე აღნიშნული მონტაჟის მომსახურების გაწევის პროცესში და საგარანტიო პერიოდში არახარისხოვნად გაწეული მონტაჟის მომსახურების შედეგად გამოვლენილი ნებისმიერი სახის ზიანის აღმოფხვრა შემსყიდველის მხრიდან შეტყობინების მიღებიდან 5 სამუშაო დღის ვადაში.
• იმ შემთხვევაში, თუ გათვალისწინებული საგარანტიო მომსახურების გაწევისას აღმოჩნდა, რომ დაზიანებულია პროდუქტის აქსესუარი, მისი შემადგენელი ან/და სათადარიგო ისეთი ნაწილი, რომელიც არ არის ხელმისაწვდომი მიმწოდებლის ან/და თავად მწარმოებლის მარაგში, მიმწოდებელს უფლება აქვს გამოასწოროს ქარხნული წუნი/ნაკლი აღნიშნულის შესახებ შემსყიდველის მხრიდან შეტყობინების მიღებიდან 30 კალენდარული დღის ვადაში.
• მიმწოდებელი ვალდებულია ხელშეკრულების მოქმედების პერიოდში, ნაწილის საქართველოს ფარგლებს გარეთ შეკვეთისას, შემსყიდველის მოთხოვნიდან 3 (სამი) კალენდარული დღის ვადაში წარუდგინოს შემსყიდველს შეკვეთის დამადასტურებელი დოკუმენტი (ბეჭდვითი ფორმით (არ უნდა იყოს ხელნაწერი); დოკუმენტი უნდა შეიცავდეს ინფორმაციას შეკვეთილი დეტალის/სათადარიგო ნაწილის, შეკვეთის განხორციელების თარიღის და შეკვეთით განსაზღვრული დეტალის ჩამოსვლის თარიღის შესახებ).
• შეტყობინება შესაძლებელია განხროციელდეს როგორც წერილობით, ისე სატელეფონო ზარის ან ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე.

პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი, წარმოშობის ქვეყანა და მოდელი/დასახელება.

პრეტენდენტს 2023 წლის 1 იანვრიდან ან/და მიმდინარე წელს (ტენდერის გამოცხადებამდე) განხორციელებული უნდა ჰქონდეს დიზელ გენერატორის მიწოდება და თანმდევი მომსახურება (მონტაჟი), ჯამური ღირებულებით მინიმუმ შესყიდვის ობიექტის ღირებულების 100%-ის ოდენობის. საკმარისია 1 წელიც. წარმოდგენილ იქნას დამადასტურებელი დოკუმენტაცია-ხელშეკრულებ(ები)ა და ამ ხელშეკრულების საფუძველზე გაფორმებული: 1. მიღება-ჩაბარების აქტები; 2. ფორმა N2 (შესრულებული სამუშაოების აქტი) და 3. გადახდის დამადასტურებელი დოკუმენტი, რომლითაც გარკვევით დადასტურდება პრეტენდენტის მიერ შესრულებული სამუშაო.
2. იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, SPA/NAT/CMR... ნომრ(ებ)ი-ს მითითების შემთხვევაში შესრულების დამადასტურებელი დოკუმენტ(ებ)ი-ს წარმოდგენა სავალდებულო არ არის.

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი N2–ის შესაბამისად.

• პრეტენდენტის მიერ წარმოდგენილი უნდა იქნას მწარმოებლის მართვის სისტემების საერთაშორისო სერტიფიკატები (ISO 9001, 14001, 45001, 10002) და მის მიერ წარმოებული პროდუქცია უნდა აკმაყოფილებდეს ტექნიკური უსაფრთხოებისა და ხარისხის საერთაშორისო სტანდარტებს (ISO 8528-4, EN 12601, IP-23/H).
• პრეტენდენტის მიერ წარმოდგენილი უნდა იქნას შემოთავაზებული საქონლის მწარმოებილის მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან რომელიც დაადასტურებს შემოთავაზებული საქონლის სიმძლავრის, ძრავის კუმშვის ხარისხის და უსაფრთოების დონის შესაბამისობას სატენდერო დოკუმენტაციით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).
უცხოენოვანი დოკუმენტ(ებ)ის ატვირთვის შემთხვევაში ატვირთულ უნდა იქნეს ნოტარიულად დამოწმებული ქართულენოვანი თარგმანი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან/და აუდიტის ან/და სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა.
წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

ანგარიშსწორება მოხდება უნაღდო ანგარიშსწორებით ლარში, 2026 წ. ქ. თბილისის მუნიციპალიტეტის ადგილობრივი ბიუჯეტის სახსრებით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 (ათი) სამუშაო დღის განმავლობაში.

გია ბულაშვილი, 577158615, g.bulashvili@tbilisi.gov.ge ტექნიკურ საკითხებზე - თამარ ნავროზაშვილი 599 54 28 87
სატენდერო პროცედურების საკითხებზე - მაია წერეთელი 577 46 60 70

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა;
10.1.4 სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის ან სხვა პრეტენდენტის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.5 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

პრეტენდენტის მიერ სისტემაში ასატვირთი ინფორმაცია და მონაცემები:
1. სატენდერო წინადადების ფასი, დანართი N1-ის მიხედვით
2. დანართი N2-ის მიხედვით გამოცდილება
3. მწარმოებლის მართვის სისტემების საერთაშორისო სერტიფიკატებს (ISO 9001, 14001, 45001, 10002) და მის მიერ წარმოებული პროდუქცია უნდა აკმაყოფილებდეს ტექნიკური უსაფრთხოებისა და ხარისხის საერთაშორისო სტანდარტებს (ISO 8528-4, EN 12601, IP-23/H).
4. შემოთავაზებული საქონლის მწარმოებლის მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან რომელიც დაადასტურებს შემოთავაზებული საქონლის სიმძლავრის, ძრავის კუმშვის ხარისხის და უსაფრთოების დონის შესაბამისობას სატენდერო დოკუმენტაციით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).