Различные коммерческие услуги и связанные с ними услуги (Грузия - Тендер #71622281)

„ღვინის ინკუბატორი კახეთის რეგიონისთვის“ - ღონისძიების ორგანიზების მომსახურება

მიბმული ფაილების სახის იხილეთ „ტექნიკური დავალება“ და „კვება/ბრენდირება/ვიდეოგადაღება“ , შესახებ დანართები.

მომსახურების გაწევის პერიოდია: ეტაპობრივად, 2026 წლის აპრილი-ოქტომბრის პერიოდი

შ ე ნ ი შ ვ ნ ა: დამატებთი ინფორმაცია რეკომენდებული თარიღების შესახებ ღონისძიების განხორციელებამდე დაზუსტდება შემსყიდველთან (შესაძლოა მომსახურების პერიოდმა გადაიწიოს, ტენდერის მიმდინარეობიდან გამომდინარე, მაგრამ არაუგვიანეს 2026 წლის 22 დეკემბრისა).

• პროექტის განხორციელების ადგილი: გურჯაანის/თელავის ტექნოპარკები
მისამართი:
- გურჯაანი, კოსტავას ქ . N63;
- თელავი, რუსთაველი გამზირი N11.

1. პრეტენდენტ კომპანიას ბოლო 3 წლის განმავლობაში განხორციელებული უნდა ჰქონდეს მინიმუმ 1 ინკუბატორი/აქსელერატორი;
2. პრეტენდენტ კომპანიას ბოლო 3 წლის განმავლობაში უნდა გააჩნდეს მინიმუმ 1 (ერთი) მსგავსი ტიპის ღონისძიების ჩატარების გამოცდილება, რომელიც დაკავშირებული იყო მონაწილეთა გადამზადებასთან, განთავსებასთან და ტრანსპორტირებასთან;
3. პრეტენდენტ კომპანიას ბოლო 3 წლის განმავლობაში უნდა გააჩნდეს ღონისძიებებისა და პროექტების განხორციელების ნაწილში გაფორმებული ხელშეკრულებები, რომელთა ჯამური ღირებულება უნდა შეადგენდეს არანაკლებ 300 000 ლარს.

- აღნიშნულის დამადასტურებლად, წარმოდგენილი (ატვირთული) უნდა იქნეს გაწეული მომსახურების დამადასტურებელი ხელშეკრულებები და აღნიშნული ხელშეკრულებ(ებ)ის მთლიანი ან ნაწილობრივი შესრულების დამადასტურებელი: მიღება-ჩაბარების აქტ(ებ)ი , საგადასახადო ანგარიშ-ფაქტურა, ან/და სხვა დამადასტურებელი დოკუმენტი, რომლითაც შესაძლებელი უნდა იყოს იდენტიფიცირება ხელშეკრულებით გათვალისწინებული შესყიდვის საგნის, თანხის და ხელშეკრულების სხვა სახის ძირითადი რეკვიზიტების, ხოლო, თუ პრეტენდენტს ხელშეკრულებები გაფორმებული აქვს სახელმწიფო შემსყიდველ ორგანიზაციებთან, საკმარისია ატვირთულ იქნას დოკუმენტი სადაც მითითებული იქნება შესაბამისი SPA, NAT, CMR ან სხვა ნომრები. აღნიშნულ დოკუმენტის ატვირთვის შემთხვევაში, სავალდებულოა დამოწმებული იყოს კვალიფიციური ელექტრონული შტამპით.

საკვალიფიკაციო მოთხოვნები:
1. მინიმუმ 2 ქართველი და 2 უცხოელი კანდიდატი ღვინის ექსპერტის პოზიციაზე, რომელთაგან თითოეულს აქვს ღვინის ინდუსტრიაში მაღალი რგოლის მენეჯმენტში მუშაობის არანაკლებ 3 წლიანი პროფესიული გამოცდილება - შეირჩევა ორი;
2. მინიმუმ 2 კანდიდატი მენტორის პოზიციაზე ღვინის ტექნოლოგიების მიმართულებით, რომელთაგან თითოეულს აქვს ღვინის წარმოების პროცესში ტექნოლოგიის დანერგვის მიმართულებით საქმიანობის არანაკლებ 2 წლიანი გამოცდილება - შეირჩევა ერთი;
3. მინიმუმ 4 კანდიდატი მენტორი/სპიკერის პოზიციაზე ინოვაციური მეწარმეობის მიმართულებით, რომელთაგან თითოეულს აქვს მაღალი რგოლის მენეჯერულ პოზიციაზე მუშაობის მინიმუმ 2 წლიანი გამოცდილება, ინოვაციურ/ტექნოლოგიურ სტარტაპში, რომელსაც აღებული აქვს მინიმუმ 100 000 ლარის ოდენობის გრანტი ან ინვესტიცია (რის დამადასტურებლად პრეტენდენტმა უნდა წარმოადგინოს გრანტის გამცემ ორგანოსთან გაფორმებული ხელშეკრულება ან/და შესაბამისი ცნობა/წერილი) - შეირჩევა ორი;
4. მინიმუმ 2 კანდიდატი პროექტის მენეჯერის პოზციაზე, რომელთაგან თითოეულს აქვს პროექტების მართვის/კოორდინირების არანაკლებ 3-წლიანი გამოცდილება; არანაკლებ 3 მსგავსი ტიპის ღონისძიებაში (ინოვაციური მეწარმეობის მიმართულებით ტრენინგ/ვორქშოფების ტიპის კურსის ან/და პრეაქსელერაცია/ინკუბაციის) ანალოგიურ პოზიციაზე მუშაობის გამოცდილება; არ იმყოფება ინტერესთა კომფლიქტში პროვაიდერ კომპანიასთან (დამფუძნებელი, დირექტორი, ხელმძღვანელი, საბჭოს წევრი) - შეირჩევა ერთი;
5. მინიმუმ 2 კანდიდატი ექსპერტის პოზიციაზე ტექნოლოგიების მიმართულებით/CTO, რომელთაგან თითოეულს აქვს კერძო სექტორში, ტექ ლიდის პოზიციაზე მუშაობის არანაკლებ 2 წლიანი გამოცდილება - შეირჩევა ერთი;
6. მინიმუმ 2 კანდიდატი მენტორის პოზიციაზე პროტოტიპირების მიმართულებებით, რომელთაგან თითოეულს აქვს ელექტრონიკაში და პროგრამირებად დანადგარებთან (ლაზერული მჭრელი, CNC პროგრამირებადი ჩარხი, 3D პრინტერი) მუშაობის მინიმუმ 2-წლიანი გამოცდილება; 2D/3D მოდელირების პროგრამებში ვექტორულ ფაილებზე მუშაობის მინიმუმ 2 წლიანი გამოცდილება - შეირჩევა ერთი;
7. მინიმუმ 2 კანდიდატი კომუნიკაციების სპეციალისტის პოზიციაზე, რომელთაგან თითოეულს აქვს ინოვაციური პროგრამების / საერთაშორისო პროექტების ფარგლებში მარკეტინგული და საკომუნიკაციო საქმიანობის მინიმუმ 3 წლიანი გამოცდილება - შეირჩევა ერთი.

სავალდებულოა რომ ყველა მათგანი სრულყოფილად ფლობდეს ინგლისურ ენას.

შ ე ნ ი შ ვ ნ ა: ზემოთჩამოთვლილი მოთხოვნების დასადასტურებლად პრეტენდენტმა უნდა წარმოადგინოს შემოთავაზებული ტრენერების/მენტორების რეზიუმე - ე. წ. СV, ტენდერზე თანდართული ფორმის შესაბამისად, სადაც სრულყოფილად იქნება მოცემული ინფორმაცია მათ გამოცდილებაზე. პრეტენდენტის მიერ არ არის სავალდებულო CV-ის ფორმაში მოცემული ყველა ველის შევსება, იმ შემთხვევაში თუ მის მიერ CV-ში მითითებული ინფორმაციით დასტურდება შესაბამისობა სატენდერო დოკუმენტაციით განსაზღვრულ საკვალიფიკაციო მოთხოვნებთან. შემსყიდველი იტოვებს უფლებას რეზიუმეში წარმოდგენილი ინფორმაციისა და გამოცდილების დადასტურების მიზნით მოითხოვოს დამატებითი დოკუმენტაცია.

დ ა მ ა ტ ე ბ ი თ ი მოთხოვნები რეზიუმეში მოცემული გამოცდილების დასადასტურებლად:

- რეზიუმეს ფორმაში პოზიციასთან ერთად მითითებულ უნდა იქნას იმ ტენდერის ნომერი რომელშიც შემოთავაზებულია ესა თუ ის კანდიდატი;
- რეზიუმე დათარიღებული უნდა იყოს მინიმუმ ტენდერის გამოცხადების შემდგომი თარიღით, მას ხელს უნდა აწერდეს წარდგენილი კანდიდატი და უნდა ქონდეს წარმდგენი ორგანიზაციის კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით;
- თუ ერთი კანდიდატი წარდგენილია რამდენიმე პოზიციაზე ან რამდენიმე რეგიონში ერთდროულად (თუ ამის შესახებ დაშვება არსებობს ტენდერში), ატვრითულ უნდა იქნას ცალ-ცალკე რეზიუმეები, შესაბამისი კვალიფიკაციის და გამოცდილების მითითებით.

პრეტენდენტმა ერთიანი ელექტორნული სისტემის მეშვეობით უნდა წარმოადგინოს:

ა) ფასების ცხრილი დანართის N1-ის შესაბამისად;
ბ) 2.2 პუნქტით გათვალისწინებული ინფორმაცია პრეტენდენტის გამოცდილების შესახებ;
ბ) რეზიუმეები ე.წ CV ფორმა 2.4.1 პუნქტთან დაკავშირებული მოთხოვნების შესაბამისად;

- ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე;
- დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია;
- სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის ჩათვლით.
- თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.
- გასაწევი მომსახურების საერთო და ერთეულის ფასების წარმოდგენა დასაშვებია მხოლოდ ლარში.

შენიშვნა 1:

„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.

• იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტის შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

• ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

- ანგარიშსწორების ვალუტა - ლარი.

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

- სატენდერო წინადადებაში საერთო ფასი უნდა შეიცავდეს როგორც მომსახურების ღირებულების, ისე აღნიშნული მომსახურების გაწევასთან დაკავშირებულ ყველა ხარჯსა და საქართველოს კანონმდებლობით დადგენილ გადასახადებს;

- ანგარიშსწორება მოხდება ფაქტიურად გაწეული მომსახაურების შესახებ გაფორმებული მიღება–ჩაბარების აქტისა და კანონმდებლობით გათვალისწინებული შესაბამისი საანგარიშსწორებო დოკუმენტაციის (არსებობის შემთხვევაში) წარმოდგენის შემდეგ;

- ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა რჩება"შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.

- ანგარიშსწორება განხორციელდება მიმწოდებლის საბანკო ანგარიშზე, ფაქტიურად გაწეული მომსახურების შესაბამისად, მიმწოდებლის მირ საგადასახადო დოკუმენტის (ასეთის არსებობის შემთხვევაში) და მიღება-ჩაბარების აქტზე ორმხრივი ხელმოწერიდან არაუგვიანეს 10 (ათი) საბანკო დღის ვადაში.

მარი აბაშიძე, 577779050, mabashidze@gita.gov.ge /Gita@procurement.gov.ge; ტექნიკური საკითხებთან დაკავშირებით: ელენე გოგოლაშვილი - 577 67 84 94

1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
2. სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).
3 პრეტენდენტის მიერ შექმნილი ყველა დოკუმენტი ან/და ინფორმაცია წარმოდგენილ უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და მის საფუძველზე გამოცემული ნორმატიული აქტ(ებ)ის (ასეთის არსებობის შემთხვევაში) შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.
6. შესყიდვის ღირებულება უნდა შეიცავდეს მიმწოდებლის ყველა ხარჯს დაკავშირებულ მომსახურების გაწევასთან და საქართცელოს კანონდმებლობით ყველა გადასახადის გათვალისწინებით.
7. ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში;
8. შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;
9. ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს;
10. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს ინოვაციების და ტექნოლოგიების სააგენტო მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.