Строительно-монтажные работы (Грузия - Тендер #71567330)

საქართველოს საკონსტიტუციო სასამართლოს ძირითად შენობაში, მდებარე ქ. ბათუმი კ. გამსახურდიას ქ. №8/10-ში ცენტრალური გათბობის სისტემის დემონტაჟი-მონტაჟის სამუშაოების სახელმწიფო შესყიდვა.

1.2.1. წინამდებარე ტექნიკური დავალება ითვალისწინებს 2026 წლის სახელმწიფო ბიუჯეტის დაფინანსების ფარგლებში საქართველოს საკონსტიტუციო სასამართლოს შენობაში, მდებარე ქ. ბათუმი, კ. გამსახურდიას ქ. №8/10-ში ცენტრალური გათბობის სისტემის დემონტაჟი-მონტაჟის სამუშაოების სახელმწიფო შესყიდვას.
1.2.2. სამუშაოები სრულდება წარმოდგენილი პროექტისა და ხარჯთაღრიცხვის (დანართი №1 და დანართი №2) შესაბამისად.
1.2.3. პრეტენდენტს აქვს უფლება წინასწარ ადგილზე გაეცნოს სამუშაო გარემოს, პირობებს.
1.2.4. მიმწოდებელმა უნდა უზრუნველყოს სამუშაო ადგილზე, საჭიროების შემთხვევაში, დამცავი გამაფრთხილებელი ნიშნების დაყენება. სამუშაო ადგილზე დაცული უნდა იყოს უსაფრთხოების წესები.
1.2.5. მიმწოდებელი ვალდებულია შემსყიდველთან შეთანხმებით, სამუშაოები შეასრულოს იმგვარად, რომ არ შეფერხდეს საქართველოს საკონსტიტუციო სასამართლოს ფუნქციონირება. მიმწოდებელმა უნდა განახორციელოს სამუშაოს შესრულება ტექნიკური დავალებით დადგენილი პირობებისა და წესების, ასევე მოქმედი სამშენებლო სტანდარტების დაცვით.
1.2.6. მიმწოდებელი ვალდებულია, სამუშაოს მასშტაბის შესაბამისად სამუშაოს შესრულება უზრუნველყოს შესაბამისი რაოდენობის სანდო, სათანადო უნარ-ჩვევების მქონე პერსონალით.
1.2.7. მიმწოდებელი ვალდებულია, სამუშაოს შესრულების პროცესში უზრუნველყოს შემსყიდველის, სამუშაოების ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი, ასევე წერილობითი რეკომენდაციების და მითითებების შესრულება.
1.2.8. ტექნიკური დავალებით გათვალისწინებული რომელიმე ვალდებულების დარღვევის შემთხვევაში, აღნიშნულის შედეგად წარმოშობილ ზიანზე სრული პასუხისმგებლობა დაეკისრება მიმწოდებელს. მიმწოდებელმა, სამუშაოს შესრულების პროცესში უნდა უზრუნველყოს მისი მიზეზით (მ/შ გაუფრთხილებლობით) შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით.
1.2.9. მიმწოდებელმა საკუთარი ხარჯებით უნდა უზრუნველყოს სამშენებლო და სამუშაო ფართის დასუფთავება, სამშენებლო ნარჩენების შეგროვება და ტერიტორიიდან გატანა.
1.2.10. აუცილებლობის/საჭიროების შემთხვევაში, დაზიანებების თავიდან აცილების მიზნით, უზრუნველყოს სარემონტო ტერიტორიაზე არსებული ინვენტარის გადაადგილება ან/და შეფუთვა, ხოლო რემონტის დასრულების შემდგომ საწყის მდებარეობის ადგილზე დაბრუნება. მიმწოდებელი სრულად აგებს პასუხს მათი დაზიანების შემთხვევაში.
1.2.11. ჩასატარებელი ცენტრალური გათბობის სისტემის დემონტაჟი-მონტაჟის სამუშაოები, სამუშაოებზე გამოსაყენებელი ძირითადი მასალები და მოთხოვნები:
მიმწოდებლის მიერ შემოთავაზებული სარემონტო მასალა უნდა იყოს სერთიფიცირებული. ტექნიკური და უსაფრთხოების მონაცემთა ფურცელი შედგენილი საქართველოს კანონმდებლობით დადგენილი რეგულაციის მიხედვით უნდა იძებნებოდეს მწარმოებლის ვებ გვერდზე ან წარმოდგენილი იყოს მწარმოებლის მიერ დამოწმებული ფორმით.
სამუშაო სივრცის აღწერილობა: შენობის პერიმეტრისა და საყრდენი, დამაკავშირებელი კედლების მაქსიმალური სისქე შეადგენს 1.3 მეტრს, სართულებს შორის პლიტის მაქსიმალური სიმაღლეა 0.55 მეტრი. სარდაფის სამუშაო სიმაღლე 0.6-0.8 მეტრამდე, მოსაზღვრე ოთახებს შორის არსებული კედლის მაქსიმალური სისქეა 0.8 მეტრი, მოსაზღვრე შენობებს შორის დაშორება არის 0.80-1.30 მეტრამდე, სადაც უნდა გავიდეს გათბობის მაგისტრალი. შენობის შიგნით გათბობის მილგაყვანილობა უნდა ჩაისვას კედელში, კედლის მილგაყვანილობის გასწვრივ აგური უნდა იქნეს ამოღებული სპეციალური ტექნიკით (ჭრის და მის გარშემო კედლების დაზიანების გარეშე, სამტვრევ- სახვრეტი, საბურღი, აგურის ამოსაღები ინსტრუმენტით), რათა შენობის არსებული ინტერიერი მინიმალურად იქნეს დაზიანებული. ასევე საკონსტიტუციო სასამართლოს უწყვეტი, პარალერული საქმიანობისათვის მნიშვნელოვანია მაქსიმალურად შენარჩუნდეს ინტერიერის არსებული სამუშაო გარემო-პირობები. გათბობის ხის პანელების დემონტაჟის შემდგომ უნდა მოხდეს მისი დამუშავება (დეკორატიული ჭრილების დამატება, შეღებვა).
შესასრულებული სამუშაოს მოცულობის ზუსტი აღწერა ასახულია დანართი №1-სა და დანართი №2-ში.

ხელშეკრულების დადების დღიდან - 60 (სამოცი) კალენდარული დღის განმავლობაში.

საქართველოს საკონსტიტუციო სასამართლო, ქ. ბათუმი, კ. გამსახურდიას ქ. №8/10.

1.6.1. მიმწოდებლის მიერ შესრულებულ ყველა სახის სამუშაოზე და გამოყენებულ მასალებზე საგარანტიო ვადა უნდა შეადგენდეს მიღება - ჩაბარების აქტის გაფორმებიდან არანაკლებ 2 (ორი) წელს.
1.6.2. საგარანტიო პერიოდის განმავლობაში, ექსპლუატაციის პერიოდის დაცვისას, დეფექტის ან ხარვეზის აღმოჩენის შემთხვევაში მიმწოდებელი ვალდებულია, გამოვლენილი დეფექტი გამოასწოროს გონივრულ ვადაში, საკუთარი ხარჯებით.

2.2.1.1. პრეტენდენტის გამოცდილების დადგენის მიზნით, 2021-2026 წლებში შესრულებული უნდა ჰქონდეს მსგავსი სირთულისა და შინაარსის არანაკლებ 2000000.00 (ორი მილიონი) ლარის, ხოლო ბოლო ერთი წლის განმავლობაში არანაკლებ 900000.00 (ცხრაასი ათასი) ლარის ღირებულების გათბობა-გაგრილების სისტემის დემონტაჟი-მონტაჟის სამუშაოები.
2.2.1.2. პრეტენდენტი ვალდებულია ტექნიკური დოკუმენტაციის სახით წარმოადგინოს საანგარიშო პერიოდში შესრულებული ანალოგიური სამუშაოების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები, მიღება-ჩაბარების აქტი, ფორმა №2, ან/და დამკვეთის მიერ გაცემული შესრულებული სამუშაოების დამადასტურებელი ცნობა, ან/და დადასტურებული საგადასახადო ანგარიშ-ფაქტურა. იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, პრეტენდენტმა უნდა მიუთითოს სისტემის მიერ მინიჭებული SPA/NAT/CMR ნომერი. შესაბამის სატენდერო განცხადებას ან CMR ნომრებს მინიჭებული უნდა ჰქონდეს სტატუსი "შესრულებული ხელშეკრულება" ან "მიმდინარე ხელშეკრულება - საგარანტიო პერიოდი".
2.2.1.3. იმ შემთხვევაში, თუ პრეტენდენტს შესრულებული აქვს სამუშაოები, როგორც ქვეკონტრაქტორს სახელმწიფო შესყიდვების ფარგლებში, მაშინ ეს სამუშაოები გამოცდილებად ჩაითვლება მხოლოდ იმ შემთხვევაში, თუ ქვეკონტრაქტორის მიერ სამუშაოების შესრულება წინასწარ იყო შეთანხმებული ძირითად შემსყიდველთან (თუ საჭირო იყო შეთანხმება) და ქვეკონტრაქტორისთვის გადაცემული სამუშაოები სრულად არის დასრულებული და მიღებული ძირითადი შემსყიდველის მიერ.

პრეტენდენტს აუცილებლად უნდა ჰყავდეს შესაბამის სფეროში როგორც საინჟინრო განათლების მქონე სპეციალისტ(ებ)ი, ერთიან ელექტრონულ სისტემაში ატვირთული უნდა იყოს ამ სპეციალისტების პირადობის დამადასტურებელი მოწმობები და საინჟინრო განათლების დამადასტურებელი დიპლომის ასლები.
პრეტენდენტი ვალდებულია ხელშეკრულების დადებამდე წარმოადგინოს კვალიფიციური პერსონალის იმ ძირითადი შემადგენლობის შესახებ ინფორმაცია (სავალდებულოა არანაკლებ ხუთი პერსონის მონაცემების წარმოდგენა), რომელიც შეასრულებს სამუშაოებს საქართველოს საკონსტიტუციო სასამართლოში.
პრეტენდენტის მიერ პერსონალი უნდა იყოს წარმოდგენილი ბრენდირებული უნიფორმით (უნიფორმის ფოტო ნიმუშის წარმოდგენა სავალდებულოა).

4.1.1.1. იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, მიმწოდებელი, სატენდერო კომისიის მოთხოვნის საფუძველზე, ვალდებულია დაასაბუთოს ფასწარმოქმნის ადეკვატურობა.
4.1.1.2. ფასწარმოქმნის ადეკვატურობა შესაძლებელია დასაბუთებული იქნას სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის (აკრედიტებული პირის მიერ გაცემულ დასკვნასთან ერთად წარმოდგენილი უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული საექსპერტო დასკვნით, რომელიც შედგენილი იქნება საქართველოს მთავრობის 2017 წლის 26 სექტემბრის №439 დადგენილებით დამტკიცებული ,,ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

მიმწოდებელთან ანგარიშსწორება განხორციელდება ლარში, უნაღდო ანგარიშსწორებით, ეტაპობრივად, მიმწოდებლის მიერ ფაქტიურად შესრულებული სამუშაოების შესაბამისად;
პირველ ეტაპზე - მიმწოდებლის მიერ ფაქტიურად შესრულებული სამუშაოების შესაბამისად, შესრულებულ სამუშაოებზე წარმოდგენილი ფორმა №2-ის, შუალედური საინჟინრო-ტექნიკური ექსპერტიზის (ექსპერტიზის ჩატარებას უზრუნველყოფს შემსყიდველი) დადებითი დასკვნისა და მხარეთა შორის გაფორმებული შეალედური მიღება-ჩაბარების აქტის საფუძველზე;
მეორე ეტაპზე - მიმწოდებლის მიერ ხელშეკრულებით ნაკისრი ვალდებულებების სრულად შესრულების, ფაქტიურად შესრულებულ სამუშაოზე ფორმა №2-ის, საინჟინრო-ტექნიკური ექსპერტიზის (ექსპერტიზის ჩატარებას უზრუნველყოფს შემსყიდველი) და საბოლოო მიღება-ჩაბარების აქტის შედგენის საფუძველზე.
ასევე შემსყიდველის მიერ მოთხოვნისა და საჭიროების შემთხვევაში დგება ფარული სამუშაოების მიღება-ჩაბარების აქტები (მილების ჩასმა კედელში, კედლის ამოვსება და სხვა) ფარულ სამუშაოებზე.

ანგარიშსწორება განხორციელდება ფაქტობრივად შესრულებული სამუშაოების მიხედვით, მიღება-ჩაბარების აქტის გაფორმებისა და ანგარიშსწორებისთვის აუცილებელი დოკუმენტაციის წარმოდგენიდან 10 (ათი) სამუშაო დღის განმავლობაში.

თამარ პაპუნაიშვილი, 595220225, t.papunaishvili@yahoo.com t.papunaishvili@constcourt.ge

10.1.1. სატენდერო წინადადების ღირებულება მოიცავს ტენდერის პირობებით გათვალისწინებული მომსახურების გაწევასთან დაკავშირებულ ნებისმიერ ხარჯსა და კანონმდებლობით გათვალისწინებულ ყველა გადასახადს.
10.1.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.3. დეფექტურ აქტში გაუთვალიწინებელი ხარჯებისათვის განსაზღვრული პროცენტული მაჩვენებლის შეცვლა დაუშვებელია. შესასრულებელი სამუშაოების ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაქვემდებარება და გამოიწვევს პრეტენდენტის დისკვალიფიკაციას; ხარჯთაღრიცხვა განუფასებლად ჩაითვლება თუ წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.4. პრეტენდენტის მიერ წარმოდგენილ ხარჯთაღრიცხვაში დაუშვებელია დეფექტური აქტით განსაზღვრული სამუშაოების დასახელების, განზომილებისა და რაოდენობების ცვლილება.
10.1.5. ელექტრონული დოკუმენტისა და ელექტრონული სანდო მომსახურების შესახებ “საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით.
10.1.6. სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.7. ხელშეკრულების ფორმა და პირობები მოცემულია 8.1 პუნქტში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
10.1.8. სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.