Инженерные услуги (Грузия - Тендер #71567301)

ქ. ქუთაისში ევაკუატორით მომსახურების სერვისის ავტოსადგომის ტერიტორიის შემოღობვის, კეთილმოწყობისა და ადმინისტრაციული შენობის მშენებლობისთვის საჭირო დეტალური საპროექტო-სახარჯთაღრიცხვო დოკუმენტაცია (მიწის ნაკვეთის საკ/კოდი 03.01.21.1010).

იხ. ტექნიკური დავალება

(მოთხოვნილ ინფორმაციას/დოკუმენტს უნდა შეიცავდეს პრეტენდენტის სატენდერო წინადადება)

სრული საინჟინრო-საპროექტო-სახარჯთაღრიცხვო დოკუმენტაცია წარმოდგენილი უნდა იყოს ხელშეკრულების გაფორმებიდან 90 (აღნიშნული ვადა არ ეხება საპროექტო ზედამხედველობას) კალენდარულ დღეში. აღნიშნული ვადა მოიცავს ექსპერტიზის ჩასატარებლად მიმწოდებლისთვის საჭირო პერიოდს. აღნიშნული ვადა არ მოიცავს ცვლილების შეთანხმებისთვის შემსყიდველის მიერ პასუხის გასაცემად საჭირო პერიოდს (ასეთის არსებობის შემთხვევაში).
მხარეთა შორის მიღება-ჩაბარების აქტი დგება ამ პუნქტით გათვალისწინებულ ყველა ეტაპის დასრულების შემდგომ.

შენიშვნა: ტენდერში გამარჯვებულმა კომპანიამ, საინჟინრო-საპროექტო–სახარჯთაღრიცხვო დოკუმენტაციის შედგენისას უნდა იხელმძღვანელოს დანართი N1-ს (ტექნიკური დავალება) მოცემული დავალების საფუძველზე, ხოლო საჭიროებისას, შესაბამისი დასაბუთების შემთხვევაში, შემსყიდველთან შეთანხმებით განახორციელოს ყველა საჭირო ცვლილება, შესრულების ვადის (90 (ოთხმოცდაათი) კალენდალური დღის) განმავლობაში. ასეთ შემთხვევაში ცვლილების შეთანხმების ვადა არ აღემატება მომწოდებლის მიერ შემსყიდვლთან წერილობით მოთხოვნის წარდგენიდან 15 კალენდარულ დღეს, აღნიშნული პერიოდი აჩერებს დოკუმენტაციის მოწოდების (90 (ოთხმოცდაათი)) საერთო ვადას, რომლის მიმდინარეობა განახლდება შემსყიდველის მიერ პასუხის გაცემის მომდევნო დღეს.

მიწოდების ადგილი: შემსყიდველის ადგილსამყოფელი; ქ. თბილისი, ლისის N1ა

ტენდერში მონაწილე პრეტენდენტს 2023 წლის 01 იანვრიდან უნდა გააჩნდეს არანაკლებ 120 000 (ას ოცი ათასი) ლარის ღირებულების შენობის მშენებლობის საპროექტო-სახარჯთაღრიცხვო დოკუმენტაციის შედგენის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს დამადასტურებელი დოკუმენტაცია – ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი).

სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, დღგ-ს ჩათვლით.
პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შსს სსიპ საზოგადოებრივი უსაფრთხოების მართვის ცენტრი „112“-ის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორების ფორმა - უნაღდო.
ანგარიშსწორება განხორციელდება ეროვნულ ვალუტაში, ლარში.
დაფინანსების წყარო - შსს სსიპ საზოგადოებრივი უსაფრთხოების მართვის ცენტრი „112“-ის 2026-2027 წლების საკუთარი შემოსავლები.
საპროექტო დოკუმენტაციის ჩაბარების შემდგომ, ანაზღაურებას ექვემდებარება სახელშეკრულებო ღირებულების 95%, ხოლო დარჩენილი 5% ანაზღაურდება მშენებლობის საპროექტო ზედამხედველობის განხორციელების დასრულების შემდგომ.

შემსყიდველი იღებს ვალდებულებას, აუნაზღაუროს მიმწოდებელს მომსახურების ღირებულება კანონმდებლობის შესაბამისად, მიღება-ჩაბარების აქტის გაფორმებისა და ანაზღაურებისათვის საჭირო დოკუმენტაციის წარმოდგენიდან 10 (ათი) სამუშაო დღეში.

ნინო ფერაძე, 598993990, n.pheradze@112.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ - სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ამასთან, ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.

10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია უნდა იყოს კვალიფიციური ხელმოწერით ან კვალიფიციური ბეჭედით დამოწმებული უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

10.1.5 პრეტენდენტის მიერ მექანიკური შეცდომის დაშვების შემთხვევაში, როგორიცაა არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა, შესაძლებელია შესწორდეს დაზუსტების გარეშე, ერთეულის ფასის უპირატესობის პრინციპის გათვალისწინებით, მხოლოდ იმ პირობით თუ აღნიშნული არ აღემატება სისტემის შესაბამის ველში დაფიქსირებულ საბოლოო ფასს.

10.1.6 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

10.1.7 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.

10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.9 ვინაიდან პრეტენდენტებისათვის სატენდერო წინადადების წარმოდგენა დასაშვებია მხოლოდ ეროვნულ ვალუტაში - ლარში, ხელშეკრულება გაფორმდება ლარში.

10.1.10 იმ შემთხვევაში, თუ ტენდერში გამარჯვებული პრეტენდენტი ხელშეკრულების დადების მომენტისთვის არ იქნება დღგ-ს გადამხდელი, ხელშეკრულება გაფორმდება დღგ-ს გარეშე.

10.1.11 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – ,,კითხვა/პასუხის“ მეშვეობით, ამასთანავე, სატენდერო კომისიის აპარატში: ქ. თბილისი, ლისის ქ. N1ა საკონტაქტო პირი - ნინო ფერაძე, 598 993 990.