Ремонт и техническое обслуживание строительных сооружений (Грузия - Тендер #71544192)

შპს "საქართველოს აეროპორტების გაერთიანების" მიერ, თბილისის საკონტროლო გამშვებ პუნქტთან არსებული გასაგორებელი კარების ტექნიკური მომსახურების შესყიდვა.

ტექნიკური მომსახურება გულისხმობს დროულ და სრულყოფილ შეკეთებას, დიაგნოსტიკური სამუშაოების ჩატარებას, ნაწილების შეკეთებას და/ან გამოცვლას. კერძოდ;

1)მიმმართველი (რელსი), გალვანიზირებული, მრგვალი, დიამეტრი-20 მმ;
2)გორგოლაჭი, რკინის, 20 მმ-იანი მიმმართველისთვის (რელსი). თითო გორგოლაჭზე დატვირთვა არანაკლებ 900 კგ;
3)კარის დამჭერი, კარის ზედა გორგოლაჭი, რკინის. დიამეტრი - 30 მმ;
4)გასაგორებელი კარის ელ.ძრავი, ტურბო, 24 V-1200 კგ, დენის მოხმარება არანაკლებ - 3 A, მოტორის ძალა არანაკლებ - 390 N, სიჩქარე არანაკლებ-24 მ/წთ, ინტენსიურობა - 80 პროცენტი;
5) სამართავი ღილაკი.

არსებული გასაგორებელი კარების რაოდენობა შეადგენს 2 (ორ) ერთეულს, რომელზეც დამონტაჟებულია BENINCA, turbo-ს ფირმის ძრავი (რაოდ. 2ც).

შენიშვნა 1:
*მომსახურების განხორციელებისას გამოყენებული ნაწილები უნდა იყოს ახალი, ქარხნული წარმოების და ექსპლუატაციაში არნამყოფი. გამოყენებული ნაწილები უნდა იყოს არსებულ სისტემასთან თავსებადი.
*მიმწოდებელმა სატელეფონო კავშირი უნდა განახორციელოს 24/7 საათიან სამუშაო რეჟიმში.

შენიშვნა 2:
* მომსახურების გაწევა უნდა განხორცილდეს პრეტენდენტის მიერ წარმოდგენილ ფასების ცხრილში (დანართი N1, პრეისკურანტი) მითითებულ შესაბამისი მომსახურების დასახელების და ფასის შესაბამისად.

* თუ ხელშეკრულების მოქმედების პერიოდში აღმოჩნდება, რომ ფასების ცხრილში (პრეისკურანტში) არ არის გათვალისწინებული იმ მომენტისათვის საჭირო მომსახურება, აღნიშნული ერთეულ(ებ)ის ფასი მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული სისტემაში დაფიქსირებული პრეისკურანტის საბოლოო ჯამური ღირებულების 10%-ს.

* პრეტენდენტი ვალდებულია სატენდერო წინადადების წარდგენისას პრეისკურანტით განსაზღვრულ პოზიციებზე ფასების კლება განახორციელოს პროპორციულად (უცვლელი პროცენტული მნიშვნელობით) საბოლოო ფასები უნდა დაფიქსირდეს (დამრგვალდეს) მეასედის სიზუსტით.

* პრეტედენტის მიერ, სისტემაში ატვირთული პრეისკურანტის ღირებულებასა და მის მიერ დაფიქსირებულ ფასს შორის სხვაობა დაანგარიშდება პროცენტულად, პრეტენდენტმა აღნიშნული პროცენტული მაჩვენებლის მიხედვით, პროპორციულად უნდა შეამციროს თითოეული პოზიციის ღირებულება, რომლის მიხედვითაც უნდა წარმოადგინოს კორექტირებული ფასების ცხრილი (პრეისკურანტი).

* პრეტენდენტის მიერ, „წინადადების მიღება დასრულებულია“ ეტაპზე, ფასების ცხრილის (პრეისკურანტი) წარმოუდგენლობა გამოიწვევს პრეტენდენტის დისკვალიფიკაციას.

* პრეისკურანტში ნულით განფასებული პოზიცია არ ანაზღაურდება. ცარიელი სიმბოლოს ან სხვა აღნიშვნის („-“, „* “ ან მსგავსი) მითითება დაუშვებელია, ასეთ შემთხვევაში იგულისხმება რომ აღნიშნულ პოზიციაზე პრეტენდენტის მიერ სამუშაო განუფასებლადაა წარმოდგენილი. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

მომსახურების განხორციელების ვადა: ხელშეკრულების გაფორმებიდან 1 (ერთი) წლის ვადით, ეტაპობრივად, შემსყიდველის მოთხოვნიდან არაუგვიანეს 7 (შვიდი) სამუშაო დღისა.

მომსახურების გაწევის ადგილი: ქ. თბილისი, ჭალვა ჭანკოტაძის ხეივანი, თბილისის საკონტროლო გამშვები პუნქტი.

1.7.1.1 სატენდერო დოკუმენტაციის 1.2 პუნქტით გათვალისწინებულ, შესყიდვის ობიექტის ტექნიკური დავალების პირველ, მე-2, მე-3 და მე-5 პუნქტებით განსაზღვრულ ობიექტებზე (გაწეულ მომსახურებაზე და შეცვლილ ნაწილებზე), საგარანტიო ვადა შეადგენს არანაკლებ 1(ერთი) წელს, ხოლო, მე-4 პოზიციით გათვალისწინებულ ობიექტზე - 2 (ორი) წელს. საგარანტიო მომსახურების ვადის ათვლა დაიწყება შესაბამისი მიღება-ჩაბარების აქტის გაფორმებიდან.

1.7.1.2. ,,მიმწოდებლის“ მიერ მომსახურება გაწეულ უნდა იქნას იმ გარანტიით, რომ შესყიდვის ობიექტი საგარანტიო ვადის პერიოდში, სწორი მოხმარების პირობებში არ გახდება უვარგისი ექსპლუატაციისათვის და შეინარჩუნებს კარგ საექსპლუატაციო თვისებებს. შესყიდვის ობიექტს არ უნდა გააჩნდეს ნივთობრივი ნაკლი. წუნის აღმოჩენის შემთხვევაში, წუნდებულის ჩანაცვლება უნდა მოხდეს დამატებითი ხარჯების გარეშე.

1.7.1.3 მიწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს ესაძლებელია) ან მომსახურების ახლიდან განხორციელება. აღნიშნულის შესახებ ,,შემსყიდველი“ ატყობინებს ,,მიმწოდებელს” წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში მითითებულ რეკვიზიტებში მითითებულ ელ.ფოსტის მისამართზე.

1.7.1.4. შემსყიდველის მიერ შეტყობინების გაგზავნის მომდევნო დღიდან აითვლება ხარვეზის გამოსწორების შემსყიდველთან შეთანხმებული გონივრული ვადა, მაგრამ არაუმეტეს 2 (ორი) კალენდარული დღე.

1.7.1.5 ინფორმაცია საგარანტიო ვადის თაობაზე პრეტენდენტმა უნდა წარმოადგინოს ფასების ცხრილის შესაბამის ველში მითითებით.

2.2.1.1 ტენდერში მონაწილე პრეტენდენტს, 2024 წლის პირველი იანვრიდან წინამდებარე ტენდერის გამოცხადებამდე პერიოდში, უნდა გააჩნდეს მსგავსი მომსახურების გაწევის (გასაგორებელი კარების ტექნიკური მომსახურების) გამოცდილება.

2.2.1.12 გამოცდილების დასადასტურებლად პრეტენდენტმა ტენდერის მიმდინარეობის ეტაპზე უნდა წარმოადგინოს:მომსახურების განხორციელების დამადასტურებელი ხელშეკრულებები და ამ ხელშეკრულებების ფარგლებში შესრულების დამადასტურებელი დოკუმენტ(ებ)ი და/ან დამკვეთის მიერ გაცემული გაწეული მომსახურების დამადასტურებელი წერილი/ცნობა თუ სხვა დოკუმენტაცია, დამკვეთის საკონტაქტო ინფორმაციის მითითებით.

შენიშვნა:
პრეტენდენტის მხრიდან დამკვეთის მიერ გაცემული გაწეული მომსახურების დამადასტურებელი წერილი/ცნობა თუ სხვა დოკუმენტაციის წარმოდგენის შემთხვევაში, შემსყიდველი ორგანიზაცია უფლებამოსილია წარმოდგენილი ინფორმაცია გადაამოწმოს დამკვეთთან.
იმ შემთხვევაში, თუ აღნიშნულის დამადასტურებელი დოკუმენტები სრულად ატვირთულია ერთიან ელექტრონულ სისტემაში (https://tenders.procurement.gov.ge/), საკმარისია მხოლოდ მითითება შესაბამის რეგისტრაციის ნომრებზე (მაგ: NAT/CMR/SPA და ა.შ).

2.7.1.1 შრომის უსაფრთხოების პირობების უზრუნველყოფის დადასტურების მიზნით, პრეტენდენტმა ელექტრონული სისტემის მეშვეობით უნდა წარმოადგინოს შემდეგი დოკუმენტები:

• კომპანიის ხელმძღვანელის/პასუხისმგებელი პირის მიერ შრომის უსაფრთხოების სპეციალისტის დანიშვნის/მოწვევის ბრძანება;

• შრომის ინსპექციაში საქართველოს მოქმედი კანონმდებლობის შესაბამისად აკრედიტირებული პირის მიერ გაცემული კომპანიის შრომის უსაფრთხოების სპეციალისტის კვალიფიკაციის დამადასტურებელი მოქმედი სერტიფიკატის ასლი.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

4.1.1.2 ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მოწოდებისა და მომსახურების გაწევის შესაძლებლობა.

4.1.1.3 სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.4 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ანგარიშსწორება განხორციელდება უნაღდო ანგარისწორებით ლარში, ფაქტობრივად გაწეული მომსახურების შესაბამისად, შემსყიდველსა და მიმწოდებელს შორის გაფორმებული მიღება-ჩაბარების აქტისა და წარმოდგენილი საგადასახადო დოკუმენტაციის (არსებობის შემთხვევაში) საფუძველზე.

ხელშეკრულების შესრულების დამადასტურებელი დოკუმენტის გაფორმებისა და შესაბამისი საგადასახადო დოკუმენტაციის სრულყოფილად წარმოდგენიდან (არსებობის შემთხვევაში) არაუგვიანეს 10 სამუშაო დღე.

ანნა გენელიძე, 577343332, a.genelidze@airports.ge

დამატებითი ინფორმაცია ელექტრონულ ტენდერში მონაწილეთათვის:
• ელექტრონულ ტენდერთან დაკავშირებული ყველა დოკუმენტი და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად, ელექტრონული ხელმოწერით.
• პრეტენდენტს არა აქვს უფლება წარმოადგინოს ალტერნატიული სატენდერო წინადადება.
• სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით (დღგ-ს გარეშე).
• სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.
• პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
•სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.