Услуги в области бухгалтерского учета, аудита и налогообложения (Грузия - Тендер #71544137)

შესყიდვის ობიექტს წარმოადგენს შპს „სთარინგ ჯორჯიას“ ბალანსზე რიცხული ძირითადი საშუალებების და სასაქონლო მატერიალური ფასეულობების ერთჯერადი ინვენტარიზაციის მომსახურების შესყიდვა. (CPV 79200000)

ძირითად საშუალებების ინვენტარიზაცია შემსყიდველის რეესტრის შესაბამისად; (დღეის მდგომარეობით შემსყიდველი ორგანიზაციის ბალანსზე ირიცხება დაახლოვებით 9139 დასახელების ძირითადი საშუალება);
სასაქონლო-მატერიალური მარაგების ინვენტარიზაცია შემსყიდველის რეესტრის შესაბამისად; (დღეის მდგომარეობით შემსყიდველი ორგანიზაციის ბალანსზე ირიცხება დაახლოვებით 5924 დასახელების სასაქონლო-მატერილური მარაგი);

1) ძირითადი საშუალებები:
- უნიკალური კოდის მინიჭება რეესტრში; (კოდის შემუშავება უნდა მოხდეს შემსყიდველთან შეთანხმებით);
- ძირითადი საშუალებების დაჯგუფება კატეგორიების და ქვეკატეგორიების მიხედვით, ექსელის ფაილში სწორი დასახელებების შეყვანა, ძირითადი საშუალებების და სასაქონლო მატერიალური მარაგების ერთმანეთში გადაჯგუფება ბასს-16-ის და ბასს 2-ის მოთხოვნების შესაბამისად. (საჭიროების შემთხვევაში);
- ინვენტარიზაციის პროცესში პასუხისმგებელი პირის გამოკითხვის შედეგად ექსელის ფაილში უნდა დაფიქსირდეს აქტივის მდგომარეობა შემდეგი კატეგორიების მიხედვით: 1) მუშა მდგომარეობაში, 2) შესაკეთებელი, 3) დროებით გამოუყენებელი, 4) ჩამოსაწერი;
- იმ აქტივების დაფოტოსურათება რომელიც არ არის ბაზაში.
- ექსელის ფაილში (სხვადასხვა გვერდზე) აისახოს ზედმეტობაში და დანაკლისში მოხვედრილი აქტივები;
- დათვლა და დადარება ფაქტიურ ნაშთებთან უნდა განხორციელდეს ექსელის ფაილის შესაბამისად;
- თვითოეულ ლოკაციაზე კომპანიის მიერ გამოყოფილმა პასუხისმგებელმა პირებმა ხელი უნდა მოაწერონ შესაბამის ინვენტარიზაციის მასალებს;

2) სასაქონლო მატერიალური ფასეულობები:
- პროგრამულად აღრიცხული ნომენკლატურის შესაბამისად რაოდენობების დადარება ფაქტიურ ნაშთებთან ლოკაციების/საწყობების მიხედვით;
- საწყობების მიხედვით ნომონკლატურაზე ზედმეტობის/დანაკლისის ურთიერთგადაფარვა;
- ფაქტიური დათვლის ფაილში მითითებული უნდა იყოს ნომენკლატურის დღის საწყისი ნაშთი და უზრუნველყოფილი უნდა იყოს ის რომ დათვლის პერიოდში არ დაფიქსირდეს მოძრაობები ან ცალკე გრაფაში აღინიშნოს დათვლისას შემოსვლები და გასვლები ისე რომ შესაძლებელი იყოს დღის ბოლო ნაშთზე დადარება;
- თვითოეულ ლოკაციაზე კომპანიის მიერ გამოყოფილმა პასუხისმგებელმა პირებმა ხელი უნდა მოაწერონ შესაბამის ინვენტარიზაციის მასალებს;
- ექსელის ფაილში (სხვადასხვა გვერდზე) აისახოს ზედმეტობაში და დანაკლისში მოხვედრილი აქტივები.
- ძირითადი საშუალებების დაჯგუფება კატეგორიების და ქვეკატეგორიების მიხედვით, ექსელის ფაილში სწორი დასახელებების შეყვანა, ძირითადი საშუალებების და სასაქონლო მატერიალური მარაგების ერთმანეთში გადაჯგუფება ბასს-16-ის და ბასს 2-ის მოთხოვნების შესაბამისად. (საჭიროების შემთხვევაში);

- ინვენტარიზაცია უნდა განხორციელდეს შემსყიდველის მიერ მიმწოდებლისთვის გადაცემული სასაქონლო- მატერიალური მარაგებისა და ძირითადი საშუალებების ბუღალტრული ანარიცხის შესაბამისად.
შემსყიდველი ორგანიზაციის თანამშრომლები, ინვენტარიზაციის პროცესში ჩართულები იქნებიან, მხოლოდ ინვენტარიზაციასთან დაკავშირებული აღსაწერი მასალების ადგილმდებარეობის, მათი იდენტიფიცირებისა და კონსულტაციის გაწევის მიზნით.

მომსახურების გაწევის ვადა განისაზღვრება სახელმწიფო შესყიდვის შესახებ ხელშეკრულების ძალაში შესვლიდან არაუგვიანეს 31 აგვისტოს ჩათვლით.

ძირითადი საშუალებებისა და სასაქონლო-მატერიალური მარაგების ინვენტარიზაციის ჩატარების ადგილია:
1)ქ. თბილისი, მ. ალექსიძის ქ. N1;
2)ქ. თბილისი, მელიქიშვილის გამზ. N1 თბილისის სახელმწიფო საკონცერტო დარბაზი (ფილარმონია);
3) ოზურგეთის რაიონი სოფ. ნატანები (შეკვეთილი) საკონცერტო დარბაზი ,,ბლექ სი არენა“;
4) ოზურგეთის რაიონი სოფ. ნატანები (შეკვეთილი) ატრაქციონების პარკი „ციცინათელა“.

პრეტენდენტს, 2023, 2024 და 2025 წლების განმავლობაში, უნდა გააჩნდეს ანალოგიური (ძირითადი საშუალებების და სასაქონლო მატერიალური ფასეულობების ინვენტარიზაციის მომსახურების გაწევის) გამოცდილება. აღნიშნულის დადასტურების მიზნით, პრეტენდენტი ვალდებულია თითოეულ წელზე წარმოადგინოს შესაბამისი ხელშეკრულება და ამავე ხელშეკრულების საფუძველზე მომსახურების შესრულების დამადასტურებელი დოკუმენტ(ებ)ი (გაფორმებული ხელშეკრულებების ჯამური ღირებულება, უნდა იყოს არანაკლებ 100 000 ლარისა). სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.
პრეტენდენტმა ასევე უნდა წარმოადგინოს ერთი დადებითი რეკომენდაცია უკანასკნელი 3 წლის განმავლობაში ანალოგიური მომსახურების გაწევის შესახებ

პრეტენდენტის პერსონალი დაკომპლექტირებული უნდა იყოს მაღალკვალიფიციური თანამშრომლებით, რომლებსაც უნდა გააჩნდეთ ანალოგიური (ძირითადი საშუალებების და სასაქონლო მატერიალური ფასეულობების ინვენტარიზაციის) მომსახურების გაწევის არანაკლებ 1 წლიანი გამოცდილება. აღნიშნული უნდა დასტურდებიდეს შესაბამის დოკუმენტაციით. (მარაგების მასშტაბიდან გამომდინარე სასურველია საინვენტარიზაციო ჯგუფი იყოს არანაკლებ 10 კაცის შემადგენლობით).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი) რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარისწორება განხორციელდება ერთჯერადად მხარეთა შორის გაფორმებული მიღება-ჩაბარების აქტისა და საგადასახადო ანგარიშ-ფაქტურის საფუძველზე.

მხარეთა შორის მიღება-ჩაბარების აქტისა და საგადასახადო ანგარიშფქტურის გაფორმებიდან 10 (ათი) სამუშაო დღის ვადაში.

ავთანდილ ტყეშელაშვილი, 599233053, avto.tkeshelashvili@gmail.com

პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემდეგი სახის დოკუმენტები:
1) ფასების ცხრილი, ტექნიკური დოკუმენტაციის 1.3 პუნქტის შესაბამისად;
2) ინფორმაცია მომსახურების გაწევის ვადების თაობაზე, ტექნიკური დოკუმენტაციის 1.4 პუნქტის შესაბამისად;
3) ინფორმაცია პრეტენდენტის გამოცდილების თაობაზე, ტექნიკური დოკუმენტაციის 2.2.1 პუნქტის მოთხოვნათა გათვალისწინებით;
4) ინფორმაცია ანგარიშსწორების პირობების თაობაზე;
5) ინფორმაცია პრეტენდენტის პერსონალის გამოცდილების თაობაზე, ტექნიკური დოკუმენტაციის 2.4 პუნქტის მოთხოვნათა გათვალისწინებით.
იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით;
წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს;
სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა დოკუმენტი ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით;
ტექნიკური დოკუმენტაცია შეიძლება წარმოდგენილი იყოს, როგორც ქართულ, ისე უცხოურ ენაზე. დოკუმენტების უცხოურ ენაზე წარმოდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე;
სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.