Инженерные услуги (Грузия - Тендер #71544126)

ქალაქ ფოთის მუნიციპალიტეტში, მდინარე კაპარჭინაზე (იხ. კოორდინატები - 42.131819, 41.693169; https://maps.app.goo.gl/Lszyps4JUBTyj7YJA) ნარჩენების, კერძოდ პლასტიკის შემაკავებელი კონსტრუქციის/ბარიერის მოწყობის მიზნით, საპროექტო -სახარჯთაღრიცხვო დოკუმენტაციის შესყიდვა, შესაბამისი ექსპერტიზებით.

დაფინანსების წყარო - გრანტი.

ობიექტის მოკლე დახასიათება:

მდინარე კაპარჭინა მდებარეობს დასავლეთ საქართველოში, შავი ზღვის აუზში, ფოთის მუნიციპალიტეტში. მდინარე კალაპოტით გადის დაბლობის ტიპის ეკოსისტემაში, რომელიც ძირითადად სოფლის მეურნეობის მიწებით და მცირე დასახლებებით არის დასახლებული. მდინარე პერიოდულად ექვემდებარება ნარჩენების დაგროვებას, მათ შორის პლასტიკის, რაც ქმნის ეკოლოგიურ გამოწვევებს წყლის ხარისხის, ბიომრავალფეროვნებისა და ადგილობრივი გარემოს შენარჩუნების კუთხით. მდინარე კაპარჭინაზე ჩატარებული მონიტორინგი უზრუნველყოფს მონაცემების შეგროვებას ნარჩენების რაოდენობისა და წყლის ხარისხის შესახებ. მიღებული ინფორმაცია გამოყენებული იქნება მდინარის მდგრადი მართვის, ეკოლოგიური შეფასების და პროექტის ფარგლებში შემუშავებული შემდგომი ღონისძიებების დაგეგმვისთვის. მდინარე კაპარჭა — სიგანე დაახლოებით 55–60 მ. პროექტის ფარგლებში დაგეგმილია ბარიერის მოწყობა მდინარის დინების მიმართულებით, დაახლ. 45°- იანი დახრილობით. აღნიშნული დახრილობა უზრუნველყოფს მდინარის ნარჩენების შეკავებას ისე, რომ ნარჩენების ნაწილი გადაადგილდეს მდინარის მარჯვენა მხარეს, ხოლო ბარიერში აკუმულირებული ნარჩენების აღება მოხდეს მარტივად. ბარიერის პროექტირება ითვალისწინებს: • • • • მდინარის სიგანისა და დინების სიჩქარის სპეციფიკას; ნარჩენების ტიპებისა (პლასტიკა, მცირეოდენი ნაგავი) კონტროლს; მდგრადობისა და უსაფრთხოების ნორმებს, რათა ბარიერმა მდინარის ეკოსისტემას არ შეუშალოს ხელი; მარტივ გამოყენებას და მოვლა-შენახვის შესაძლებლობას, რაც უზრუნველყოფს სისტემის ეფექტურობას და ტექნიკური სერვისის შესრულებას. ამ განლაგების შედეგად შესაძლებელი ხდება მდინარის მონიტორინგი რეალურ დროში, ეკოლოგიური მდგომარეობის შესწავლა და მდგრადი მართვისათვის საჭირო მონაცემების დაგროვება, რაც მნიშვნელოვანია საპროექტო გადაწყვეტილებების დასაბუთებისთვის. ბარიერის კონსტრუქცია დამზადებული უნდა იყოს დასაშლელ-ასაწყობი უჟანგავი (გალვანიზირებული) მეტალისაგან. ბარიერი უნდა უზრუნველყოფდეს უსაფრთხო ექსპლუატაციას და აკმაყოფილებდეს ქვეყანაში არსებულ ნორმებს და წესებს. საპროექტო გადაწყვეტილებებმა და სამშენებლო მასალათა შერჩევამ უნდა უზრუნველყოს ობიექტების მინიმალური საექსპლოატაციო მოვლა-პატრონობის ხარჯები, მიმდინარე და კაპიტალური შეკეთებების ინტენსივობა.

სამშენებლო სამუშაოების განხორციელებისას, საპროექტო დოკუმენტაციაში გამოვლენილი უზუსტობების ან/და შეუსაბამობების შემთხვევაში მიმწოდებელი ვალდებულია, მუნიციპალიტეტის მიერ წერილობითი მიმართვის საფუძველზე, საკუთარი ხარჯებით უზრუნველყოს საპროექტო სახარჯთაღრიცხვო დოკუმენტაციის კორექტირება და კორექტირებული დოკუმენტაციის მუნიციპალიტეტისთვის მიწოდება.

მიმწოდებელი ვალდებულია 5 სამუშაო დღის ვადაში გამოასწოროს საპროექტო-სახარჯთაღრიცხვო დოკუმენტაციის მომზადების პროცესში ან/და მისი დასრულების შემდგომ, ინსპექტირების შედეგად გამოთქმული შენიშვნები (საპროექტო-სახარჯთაღრიცხვო დოკუმენტაციაში გამოვლენილი შეუსაბამობები ნორმატიულ-ტექნიკური დეკუმენტებთან და ტექნიკური დავალების მოთხოვნებთან) ან წარმოადგინოს მათზე არგუმენტირებული პასუხები.

პროექტის შედგენისას მიმწოდებელმა უნდა იხელმძღვანელოს საქართველოში მიღებული მოქმედი სამშენებლო პროექტების ძირითადი სახელმძღვანელო ნორმატივების, წესების და სტანდარტების დაცვით: ასევე გათვალისწინებული უნდა იყოს საქართველოს მთავრობის 2025 წლის 1 დეკემბრის N2006 განკარგულება.

დეტალური ტექნიკური დავალება იხილეთ მიმაგრებულ ფაილ(ებ)ში;

ხელშეკრულების გაფორმებიდან არაუმეტეს 60 (სამოცი) კალენდარული დღის ვადაში (ექსპერტიზის მომსახურების ჩათვლით).

მიმწოდებლი ვალდებულია შემსყიდველს წარუდგინოს სრული საპროექტო- სახარჯთაღრიცხვო დოკუმენტაცია დადებითი ექსპერტიზებით; რომლებიც მომზადებული უნდა იყოს სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებულ ორგანოს მიერ, რის შემდეგ გაფორმდება შემსყიდველს და მიმწოდებელს შორის საბოლოო მიღება- ჩაბარების აქტი. - მასალები წარმოდგენილ უნდა იქნას როგორც ნაბეჭდი, ასევე ელექტრონული ფორმით, მათ შორის: საპროექტო დოკუმენტაცია ნაბეჭდი ფორმით - 4 (ოთხი) ეგზემპლარი; სახარჯთაღრიცხვო დოკუმენტაცია ნაბეჭდი ფორმით - 4 (ოთხი) ეგზემპლარი; საპროექტო დოკუმენტაცია PDF ფორმატში და სახარჯთაღრიცხვო დოკუმენტაცია Excel-ის ფორმატში, ელექტრონული სახით CD დისკზე - 4 (ოთხი) ეგზემპლარი; საპროექტო-სახარჯთაღრიცხვო დოკუმენტაციის 4 (ოთხი) ეგზემპლარი (ელექტრონული ვერსიით PDF; Excel; PLN ან/და DWG);

საბოლოო (სრული) საპროექტო-სახარჯთაღრიცხვო დოკუმენტაცია წარდგენილ უნდა იყოს შემდეგ მისამართზე: ქალაქ ფოთი, დავით აღმაშენებლის ქუჩა N 12.

1. 2023 წლის პირველი იანვრიდან მოცემული ტენდერის გამოცხადების დღემდე, პრეტენდენტს უნდა გააჩნდეს საპროექტო მომსახურების გამოცდილება, რომლის ჯამური ღირებულება უნდა შეადგენდეს არანაკლებ 110 00 ლარს.

2. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;

4.1 პრეტენდენტი ვალდებულია წარმოადგინოს, საანგარიშო პერიოდში საპროექტო მომსახურების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

4.2 საპროექტო მომსახურება, რომლებიც გაწეულია კერძო კომპანიის (არა შემსყიდველი ორგანიზაცია) დაკვეთით ან/და არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით ან სისტემაში არ არის ან/და არასრულყოფილად არის გაწეული მომსახურების შესახებ ინფორმაცია წარდგენილი, პრეტენდენტმა უნდა წარმოადგინოს გამოცდილების დამადასტურებელი დოკუმენტები ხელმოწერილი ხელშეკრულებები, შესაბამისი მიღება-ჩაბარების აქტები (მათ შორის საბოლოო), შესაბამისი საგადასახადო ანგარიშ-ფაქტურები (ასეთის არსებობის შემთხვევაში), რომელიც უნდა ედრებოდეს საბოლოო მიღება-ჩაბარების აქტში დაფიქსირებულ ფაქტობრივად გაწეული მომსახურების ჯამურ ღირებულებას ან/და საბოლოო ანგარიშსწორების დამადასტურებელი საგადახდო დავალებები. დოკუმენტაცია უნდა აიტვირთოს სატენდერო წინადადებასთან ერთად.

4.3 იმ შემთხვევაში, თუ ხელშეკრულების ფარგლებში საპროექტო მომსახურება გაწეულია ერთობლივად, ამხანაგობის მიერ, პრეტენდენტმა ასევე უნდა წარმოადგინოს ამხანაგობის წევრების უფლებამოსილი პირების მიერ დამოწმებული დოკუმენტი, სადაც მითითებული იქნება, თუ რა ღირებულების მომსახურება გასწია ამხანაგობის მონაწილეებმა ცალ-ცალკე, აღნიშნული ხელშეკრულების ფარგლებში.

სატენდერო წინადადების ფასი უნდა მოიცავდეს ტენდერით გათვალისწინებული მომსახურების მიწოდებასთან დაკავშირებულ ყველა ხარჯს. ხარჯი, რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.

იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N 4 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.

ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავისია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

შემსყიდველი ორგანიზაცია უფლებამოსილია მოსაწოდებელი ან/და მოწოდებული საპროექტო მომსახურების ხარისხის, მოცულობისა და მოწოდების ვადების ხელშეკრულების მოთხოვნებთან შესაბამისობის დადგენის მიზნით, ხელშეკრულების პირობების შესრულების კონტროლი განახორციელოს ხელშეკრულების შესრულების ნებისმიერ ეტაპზე.

შესყიდვის თავისებურებიდან (მომსახურების სპეციფიკიდან) გამომდინარე, აღნიშნული სახელმწიფო შესყიდვა წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო. ამდენად, მიმწოდებელს აქვს შესაძლებლობა აღნიშნული მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, წინამდებარე ელექტრონულ ტენდერში პრეტენდენტის მიერ შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში მას არ წარმოეშვება ფასწარმოქმნის ადეკვატურობის დასაბუთების ვალდებულება.

ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, საპროექტო-სახარჯთაღრიცხვო დოკუმენტაციაზე სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი დასკვნის შესაბამისად, საგადასახადო ანგარიშ–ფაქტურის (კანონმდებლობით გათვალისწინებულ შემთხვევაში) გამოწერისა და გაწეული მომსახურების შესაბამისად მხარეებს შორის გაფორმებული მიღება-ჩაბარების აქტის საფუძველზე.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

მაია სულავა, 591417556, potitenderi2011@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.

2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

3) სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.

4) პრეტენდენტს უფლება არ აქვს წარმოადგინოს ალტერნატიული სატენდერო წინადადება.

5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებს.

6) პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.