Машины, оборудование и канцелярские принадлежности, за исключением компьютеров, принтеров и мебели (Грузия - Тендер #71496848)

შპს ,,საქართველოს გაზის ტრანსპორტირების კომპანიის” საჭიროებისთვის სხვადასხვა სახის საკანცელარიო ნივთები.

შესასყიდი საქონლის ჩამონათვალი, ტექნიკური მახასიათებლები და რაოდენობები იხილეთ დანართი N1 - ში.
შემოთავაზებული საქონელი უნდა იყო ახალი, არ უნდა იყოს ნამყოფი ექსპლუატაციაში.

ხელშეკრულების გაფორმებიდან არაუმეტეს 10 (ათი) კალენდარული დღე.

ქ.თბილისი, მ.ნოზაძის ქუჩა #27

პრეტენდენტმა ფასების ცხრილში უნდა მიუთითოს შესყიდვის ობიექტ(ებ)ის წარმოშობის ქვეყანა, მწარმოებელი კომპანია და მოდელი (არსებობის შემთხვევაში). იმ შემთხვევაში თუ შემოთავაზებულ შესყიდვის ობიექტს არ გააჩნია მოდელი პრეტენდენტი ვალდებულია აღნიშნული ინფორმაცია წარმოადგინოს ფასების ცხრილის მეშვეობით.

წარმოშობის ქვეყნის, მწარმოებელი კომპანიის და მოდელის (არსებობის შემთხვევაში) წარმოუდგენლობა არ ექვემდებარება დაზუსტებას და პრეტენდენტი დისკვალიფიცირებულ იქნება ყოველგვარი დაზუსტების გარეშე.

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობას.

მიმწოდებელთან ანგარიშსწორება განხორციელდება უნაღდო ანგარიშსწორებით ეროვნულ ვალუტაში - ლარში, მიღება-ჩაბარების აქტის და მიმწოდებლის მიერ წარმოდგენილი, საგადასახადო ანგარიშ–ფაქტურის საფუძველზე.

ანგარიშსწორება განხორციელდება მიღება-ჩაბარების აქტ(ებ)ის გაფორმებიდან და საქართველოს კანონმდებლობით განსაზღვრული შესაბამისი საგადახდო დოკუმენტაციის დადასტურებიდან 10 (ათი) სამუშაო დღის ვადაში.

იპოლიტე გოგატიშვილი, 593759188, i.gogatishvili@ggtc.ge

1. პრეტენდენტს არა აქვს უფლება წარმოადგინოს ალტერნატიული წინადადება;
2. სატენდერო წინადადების ღირებულება უნდა მოიცავდეს შესყიდვის ობიექტის მიწოდებასთან დაკავშირებულ ყველა ხარჯსა და კანონით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
3. სატენდერო წინადადების ერთეულის ფასის და საერთო ღირებულების წარმოდგენა დასაშვებია მხოლოდ საქართველოს ეროვნულ ვალუტაში (ლარი);
4. პრეტენდენტმა მის მიერ შექმნილი, წინადადების სახით წარსადგენი დოკუმენტები უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით (გარდა სატენდერო დოკუმენტაციის 1.3 პუნქტით გათვალისწინებული ფასების ცხრილის Excel-ის ფორმატის დოკუმენტისა);
5. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში,მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
6. სადაც მითითებულია მწარმოებელი კომპანია, სასაქონლო ნიშანი, პატენტი და მოდელი იგულისხმება „ექვივალენტური".