Аренда машин и оборудования для строительства и общественных работ с оператором (Грузия - Тендер #71496824)

ერთი ერთეული არანაკლებ 12 მ-იანი და არაუმეტეს 16 მ-იანი სიმაღლეზე წვდომის მქონე ამწე-კალათას დაქირავება მძღოლ-ოპერატორთან ერთად.

შესყიდვის ობიექტს წარმოადგენს ამწე-კალათის დაქირავება მძღოლ-ოპერატორით.
ამწე-კალათის ისრის სიმაღლე უნდა იყოს არანაკლებ 12 მ და არაუმეტეს 16მ სიმაღლეზე წვდომით.
ამწე-კალათა გამოყენებულ იქნება ქალაქ ფოთში ხეების გადაბელვა-მოჭრის და ფორმირების სამუშაოებისთვის, ასევე ორგანიზაციის სხვა აუცილებლობის შესაბამისად.
მომწოდებელი უზრუნველყოფს ყველა ხარჯს სპეცტექნიკის ექსპლუატაციისათვის, საწვავის ხარჯის ჩათვლით.
მომსახურება უნდა განხორციელდეს ყველა სატრანსპორტო წესების დაცვითა და გათვალისწინებით. მომსახურების პერიოდში მიმწოდებელმა უნდა უზრუნველყოს ტექნიკის სრული ტექნიკური გამართულობა, სპეცტექნიკის მწყობრიდან გამოსვლის შემთხვევაში მომწოდებელი ვალდებულია ჩაანაცვლოს სხვა ანალოგიური (ტექნიკა უნდა აკმაყოფილებდეს სატენდერო დოკუმენტაციით გათვალისწინებულ მოთხოვნებს) ტექნიკით.
შემსყიდველი არ იღებს ვალდებულებას სრულად გამოიყენოს და აითვისოს ფასების ცხრილში გათვალისწინებული დღეების რაოდენობა.
ამასთან შემსყიდველი იტოვებს უფლებას ხელშეკრულების მიმდინარეობის ნებისმიერ ეტაპზე წერილობითი შეტყობინების საფუძველზე შეწყვიტოს ხელშეკრულება.

მომსახურების ვადა განისაზღვრება ხელშეკრულების გაფორმებიდან 2026 წლის 31 მაისის ჩათვლით (15 სამუშაო დღე), შემსყიდველის მოთხოვნის შესაბამისად.
არასრული სამუშაო დღის შემთხვევაში დაანგარიშება განხორციელდება საათობრივად, დღიური ღირებულების პროპორციულად.
სამუშაო დღე განისაზღვრება 8 სამუშაო საათით.

დღიური მომსახურება განხორციელდება ერთი დღით ადრე წინასწარი შეტყობინების საფუძველზე.
მიმწოდებელმა შემსყიდველი ორგანიზაციის მოთხოვნის შესაბამისად უნდა განახორციელოს წინამდებარე ტენდერის 1.2 პუნქტით გათვალისწინებული მომსახურება.
მომსახურების გაწევის ადგილია ქალაქი ფოთი.

1) პრეტენდენტს, ტენდერით გათვალისწინებული მომსახურებისთვის, უნდა გააჩნდეს შესაბამისი ტექნიკა საკუთრებაში ან სარგებლობის ნებისმიერი ფორმით (იჯარა, ქირავნობა, ლიზინგი და ა.შ.) .
2) საკუთრების შემთხვევაში წარმოდგენილი უნდა იქნეს ტექნიკის საკუთრების დამადასტურებელი დოკუმენტის (სარეგისტრაციო მოწმობა) ასლი. სარგებლობის უფლებით(იჯარა, ქირავნობა, ლიზინგი და ა.შ.) ფლობის შემთხვევაში დამატებით წარმოდგენილი უნდა იქნეს შესაბამისი სარგებლობის უფლების დამადასტურებელი ხელშეკრულება (იმ შემთხვევაში თუ ხელშეკრულების პირობებით არ არის განსაზღვრული ქვექირავნობით გაცემის უფლებამოსილება და წარმოდგენილი ხელშეკრულება არ იძლევა შემსყიდველისთვის ტექნიკის მიზნობრივად გამოყენების დასაშვებობის ცალსახა დასტურს, ამ შემთხვევაში საჭიროა წარმოდგენილი იქნეს მესაკუთრის თანხმობა ზემოთაღნიშნულზე), რომელთა ვადა უნდა განისაზღვროს არანაკლებ 2026 წლის 31 მაისისა.
3) ტექნიკას უნდა ქონდეს გავლილი ტექნიკური ინსპექტირება დადებითად და გააჩნდეს მოქმედი ტექნიკური ინსპექტირების გავლის შესაბამისი დოკუმენტი, რომელიც წარმოდგენილი უნდა იქნას სისტემაში.

სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი თანხმობას გამოხატავს ტექნიკური დავალებით განსაზღვრულ მოთხოვნებზე და ასევე ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა სახელმწიფო შესყიდვების ერთიან ელექტრონულ სისტემაში არ არის სავალდებულო.

შემსყიდველი ორგანიზაცია უფლებამოსილია მოსაწოდებელი ან/და მოწოდებული მომსახურების მოცულობის, ხარისხისა და მოწოდების ვადების ხელშეკრულების მოთხოვნებთან შესაბამისობის დადგენის მიზნით, ხელშეკრულების პირობების შესრულების კონტროლი განახორციელოს ხელშეკრულების შესრულების ნებისმიერ ეტაპზე.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული ან/და საშემფასებლო დასკვნით, რომლითაც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

(პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

საექსპერტო ან/და აუდიტორული ან/და საშემფასებლო დასკვნის ჩამტარებელი პირი (ფიზიკური, იურიდიული) არ უნდა იყოს პრეტენდენტთან, საქართველოს საგადასახადო კოდექსის მე–19 მუხლის პირველი და მე–2 პუნქტებით, გათვალისწინებული ურთიერთდამოკიდებული პირი.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ანგარიშსწორება განხორციელდება უნაღდო ანგარიშსწორებით ლარში, ფაქტიური მოწოდების მიხედვით, მიმწოდებლის მიერ შესაბამისი საგადასახადო ანგარიშ–ფაქტურის (კანონმდებლობით გათვალისწინებულ შემთხვევაში) გამოწერისა და გაწეული მომსახურების შესაბამისად გაფორმებული მიღება-ჩაბარების აქტის საფუძველზე.

ანგარიშსწორება განხორციელდება მიღება-ჩაბარების აქტის გაფორმებიდან 10 სამუშაო დღის ვადაში.

ბადრი ბუსქანძე, 591677760, b.busqandze@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო
შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული
"ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და
ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით
შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში
რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი
სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით
დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული
თარგმანი.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც
ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის
ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი
ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში
განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
7. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია, საჭიროებს კვალიფიციურ ელექტრონულ ხელმოწერას ან/და კვალიფიციური ელექტრონული შტამპის დასმას, მათ შორის ფასების ცხრილი PDF ფაილი(გარდა excel-ის ფორმატში წარმოდგენილი დოკუმენტ(ებ)ისა).
(საჭიროების შემთხვევაში ატვირთული უნდა იქნას მინდობილობა ან რწმუნებულება).
8. პრეტენდენტის მიერ სისტემაში სატენდერო წინადადებასთან ერთად წარმოსადგენი დოკუმენტები:
ა) ფასების ცხრილი,
ბ) სატრანსპორტო საშუალების საკუთრების ან ფლობის დოკუმენტი,
გ) სატრანსპორტო საშუალების ტექნიკური ინსპექტირების დადებითად გავლის დამადასტურებელი მოქმედი დოკუმენტი.