Кино услуги и видео услуги (Грузия - Тендер #71496808)

საიმიჯო ვიდეორგოლის დამზადების მომსახურება

ზოგადი განათლების სისტემის საიმიჯო ვიდეო რგოლი
მიმწოდებელმა უნდა უზრუნველყოს:
• შესყიდვის პროცედურებით გამოვლენილმა კომპანიამ, ვიდეორგოლის საბოლოო კონცეფციისა და სცენარის დამუშავება უნდა უზრუნველყოს განათლების, მეცნიერებისა და ახალგაზრდობის სამინისტროს სტრატეგიული კომუნიკაციის დეპარტამენტთან ერთად;
• მომწოდებელმა წინასწარ უნდა შეათანხმოს დეპარტამენტთან გადასაღები ტიპაჟები/მსახიობები, სცენარი, მუსიკა, ვოისოვერის ხმა, გადასაღები ადგილი და ვიდეორგოლის სხვა დამატებითი დეტალები;
• ვიდეომასალის პროფესიული ხარისხით გადაღება;
• ვიდეომასალის მონტაჟი, ფერის კორექცია, ხმოვანი გაფორმება და გრაფიკული ელემენტების დამატება;
• ვიდეორგოლი უნდა მომზადდეს ქართულ ენაზე, ვოისოვერიც და ხმაც (თუ ეს იქნება მუსიკა) უნდა იყოს ორგანული;
• ვიდეორგოლის მომზადება სატელევიზიო ფორმატებისა და რეზოლუციების შესაბამისად, მაღალი ხარისხის გამოსახულება (არანაკლებ Full HD ან 4K), შესაბამისი ქრონომეტრაჟებით;
• საბოლოო პროდუქტი უნდა იყოს გამოყენებადი, როგორც სატელევიზიო, ასევე ციფრულ და სოციალურ მედია პლატფორმებზე;
• გამოყენებული ვიდეომასალა, მუსიკა, გრაფიკული ელემენტები და სხვა შემადგენელი კომპონენტები არ უნდა არღვევდეს მესამე პირის საავტორო ან მომიჯნავე უფლებებს და მათი გამოყენება იყოს კანონმდებლობის მოთხოვნებთან შესაბამისობაში;
• ვიდეორგოლის სამუშაო მასალის მიწოდება უნდა მოხდეს დეპარტამენტისთვის; იგულისხმება მზა ვიდეოების ისეთი ფორმატი ხმის, მუსიკის, ლოგოების გარეშე, ფორმატი რომელიც სტრატეგიული კომუნიკაციის დეპარტამენტს საჭიროების შემთხვევაში მისცემს მასალაში ცვლილებების შეტანის საშუალებას.
• ვიდეორგოლის გადაღებების პროცესში ჩართული პირების უსაფრთხოებაზე, მათ შორის ტექნიკურ მხარდაჭერაზე და ლოკაციების შეთანხმებაზე პასუხისმგებელია კონტრაქტორი კომპანია;
• სტრატეგიული კომუნიკაციის დეპარტამენტი უფლებამოსილია ჩაერთოს კამპანიის შექმნისთვის მომსახურების განხორციელების პროცესში, მომსახურების მიმდინარეობის მთელ პერიოდზე;
• ვიზუალური მასალა უნდა იყოს მაღალი ესთეტიკური ხარისხის და ემოციურად მიმზიდველი;
• ტიპაჟები/მსახიობები (არა ცნობადი სახეები) სპეციალურად შერჩეული უნდა იყოს სცენარის შესაბამისად.

შინაარსობრივი ნაწილი
ვიდეორგოლში მკაფიოდ უნდა აისახოს ზოგადი განათლების სისტემის რეფორმის ფარგლებში განხორციელებული მნიშვნელოვანი ცვლილებები და უზრუნველყოფილი იყოს მათი ვიზუალური აღქმა.

ვიდეოში განსაკუთრებული აქცენტი უნდა გაკეთდეს შემდეგ საკითხებზე:

 მოსწავლეების ახალი ფორმები (სამინისტროს მხრიდან მთავარი პერსონაჟებისთვის უზრუნველყოფილი იქნება ოფიციალურად დამტკიცებული სასკოლო ფორმა, ხოლო მოსწავლეების მასობრივი კადრებისთვის კომპანიამ უნდა უზრუნველყოს შესაბამისი ფერის და სტილის (ოფიციალური ფორმის მსგავსი) პიჯაკები, შარვლები, კაბები).
 მობილური ტელეფონის გამოყენების ახალ წესი სასკოლო გარემოში.

ამასთანავე, ვიდეოში აუცილებელია წარმოდგენილი იყოს:

 მოსწავლეების მიერ საქართველოს სახელმწიფო დროშის აღმართვის კადრი, ფონად უნდა ისმოდეს საქართველოს სახელმწიფო ჰიმნი;
 ზოგადი განათლების ეროვნული მიზნების (ზგემის) დოკუმენტის ვიზუალური კადრი;
 სასკოლო ინფრასტრუქტურა (სკოლის შენობა, საკლასო ოთახები, გარემო);
 სკოლის ყოველდღიური პროცესის ამსახველი კადრები, სადაც ჩანს: მანდატური, მასწავლებელი და სკოლის დირექტორი.


პარალელურად მიდის ხმა

ზოგადი განათლების სისტემის რეფორმის ფარგლებში:

 სკოლებში სასწავლო პროცესი იწყება დროშის აღმართვით და საქართველოს ჰიმნის გაჟღერებით;
 დაწყებით საფეხურზე სავალდებულო ხდება სასკოლო ფორმის ტარება და მუშავდება საგაკვეთილო პროცესში ტელეფონის გამოყენების წესი;
 მიმდინარეობს სასკოლო სახელმძღვანელოებისა და სასწავლო პროგრამის შინაარსის განახლება;
 სასკოლო გარემო ხდება მეტად მრავალფეროვანი და ინკლუზიური;
 აქცენტი კეთდება პედაგოგთა პროფესიულ განვითარებასა და მათ მხარდაჭერაზე;
 მუშავდება სკოლის მართვისა და დაფინანსების ახალი მოდელი;
 გრძელდება სკოლების მშენებლობა-რეაბილიტაციის პროცესი.

ვიდეო უნდა ასახავდეს თანამედროვე, მოწესრიგებულ და უსაფრთხო სასკოლო გარემოს, სადაც ნათლად ჩანს რეფორმის შედეგად განხორციელებული ცვლილებები და მათი გავლენა სასკოლო ცხოვრებაზე.

ხელშეკრულების გაფორმებიდან 21 კალენდარული დღის ვადაში.

ვიდეორგოლი მოწოდებულ უნდა იქნას საქართველოს განათლების, მეცნიერებისა და ახალგაზრდობის სამინისტროში (მისამართი: ქ. თბილისი, დ. უზნაძის ქ. N52).

პრეტენდენტს 2022-2025 წლების განმავლობაში, თითოეულ წელში ცალ-ცალკე, უნდა გააჩნდეს ფილმების ან/და ვიდეორგოლების გადაღებასთან დაკავშირებული მომსახურებების და სატელევიზიო ეთერში განთავსების სფეროებში მინიმუმ ხუთი კონტრაქტის განხორციელების გამოცდილება (აღნიშნულ სფეროებში შესაძლებელია კონტრაქტების ერთმანეთისგან დამოუკიდებლად არსებობაც).აღნიშნული მომსახურება გაწეული უნდა იყოს როგორც საჯარო, ასევე კერძო სექტორის პირებისთვის.



გამოცდილების დასადასტურებლად წარმოდგენილი უნდა იყოს შემდეგი დოკუმენტაცია: იმ შემთხვევაში თუ მომსახურების კონტრაქტი გაფორმებულია სახელმწიფო შესყიდვების შესახებ კანონის საფუძველზე წარმოდგენილი უნდა იყოს შესყიდვის ერთიანი ელექტრონული სისტემის NAT,CON,SPA და სხვა ნომრები. ხოლო თუ არ არსებობს აღნიშნული, პრეტენდენტმა უნდა წარმოადგინოს აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი ან წარმოდგენილი უნდა იყოს "ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ბრძანება აუდიტორების სახელმწიფო რეესტრში რეგისტრაციის თაობაზე". ამასთან, დასკვნის გამცემი პირი უნდა იძებნებოდეს https://www.saras.gov.ge ვებგვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში (წლების მიხედვით ცალ-ცალკე) გააჩნია ფილმების ან/და ვიდეორგოლების გადაღებასთან დაკავშირებული მომსახურებების და სატელევიზიო ეთერში განთავსების (აღნიშნულ სფეროებში შესაძლებელია კონტრაქტების ერთმანეთისგან დამოუკიდებლად არსებობაც) გამოცდილება.



პრეტენდენტმა ასევე უნდა წარმოადგინოს გამოცდილების დამადასტურებელი დოკუმენტაციის შესაბამისად დამკვეთის მიერ გაცემული რეკომენდაციები.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ექსპერტიზის ან აუდიტორის დასკვნის წარმოდგენის შემთხვევაში, აუდიტორული კომპანია/აუდიტორი უნდა ირიცხებოდეს ბუღალტრული აღრიცხვის, ანგარიშგების და აუდიტის ზედამხედველობის სამსახურის შესაბამის რეესტრში. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.

ანგარიშსწორება განხორციელდება შემსყიდველის მიერ შედგენილი კონტროლის აქტის და მხარეთა შორის გაფორმებული მიღება-ჩაბარების აქტების საფუძველზე.

მიღება-ჩაბარების აქტის გაფორმებიდან 10 სამუშაო დღეში.

მარიამ ფალიაშვილი, 577203388, mpaliashvili@mes.gov.ge