Техническое обслуживание и ремонт (Грузия - Тендер #71476418)

ასლგადამღები აპარატებისა და პრინტერების შეკეთების და ტექნიკური მომსახურების სახელმწიფო შესყიდვა

გასაწევი მომსახურების სპეციფიკა და მოცულობა განსაზღვრულია ტექნიკური დავალებითა და პრეისკურანტით.

თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტი) არ არის გათვალისწინებული იმ მომენტისათვის საჭირო საქონელი/მომსახურება, აღნიშნული შესყიდვის ერთეულის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში საქონლის და/ან მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ დაფიქსირებული სატენდერო წინადადების საბოლოო ფასის 10%-ს.

ტექნიკური დავალება და პრეტენდენტის (შემდგომში მიმწოდებელი) მიერ განფასებული, საბოლოო პრეისკურანტი შემდგომში განისაზღვრება სახელმწიფო შესყიდვის შესახებ ხელშეკრულების განუყოფელ ნაწილად.

სატენდერო დოკუმენტაციის დანართი N1 (ტექნიკური დავალება) ატვირთულია წინამდებარე პუნქტში 1.2.

მომსახურების გაწევის საერთო ვადაა სახელმწიფო შესყიდვის შესახებ შესაბამისი ხელშეკრულების გაფორმებიდან 2026 წლის 31 დეკემბრის ჩათვლით, პერიოდულად, ტექნიკური დავალებისა და შემსყიდველის მოთხოვნის შესაბამისად.

მომსახურების გაწევა უნდა განხორციელდეს ტექნიკური დავალებით განსაზღვრული მოთხოვნებისა და პრეისკურანტის გათვალისწინებით.
მომსახურების გაწევის ადგილი: ქ.თბილისი, დ.აღმაშენებლის გამზ.N150

მიმწოდებლის მიერ შეკეთებულ ან შეცვლილ ნაწილ(ებ)ზე უნდა ვრცელდებოდეს გარანტია არანაკლებ 6 (ექვსი) კალენდარული თვის განმავლობაში, შესაბამისი მიღება-ჩაბარების აქტის გაფორმების თარიღიდან.
საგარანტიო პერიოდის განმავლობაში, დეფექტის ან ხარვეზის აღმოჩენის შემთხვევაში, მიმწოდებელი ვალდებულია, გამოვლენილი დეფექტი/ხარვეზი გამოასწოროს შემსყიდველთან შეთანხმებულ გონივრულ ვადაში, საკუთარი ხარჯებით, შემსყიდველის მხრიდან რაიმე დანახარჯის გაწევის გარეშე, გარდა იმ შემთხვევისა, როდესაც დაზიანება გამოწვეულია ბუნებრივი ცვეთით, ექსპლუატაციის წესების დარღვევით ან/და მექანიკური ზემოქმედებით.

პრეტენდენტის გამოცდილების შესახებ მოთხოვნები განისაზღვრა გასაწევი მომსახურების სპეციფიკის, მოცულობისა და სირთულის გათვალისწინებით:

პრეტენდენტს, 2022 წლის 01 იანვრიდან ელექტრონული ტენდერისათვის „წინადადებების მიღება დასრულებულია“ სტატუსის მინიჭების თარიღამდე პერიოდში, დასრულებული ხელშეკრულებ(ებ)ის ფარგლებში, გაწეული უნდა ჰქონდეს ჯამურად არანაკლებ 15,000.00 ლარის ღირებულების, წინამდებარე ელექტრონული ტენდერით შესასყიდი ობიექტის ანალოგიური მომსახურება (არ განიხილება იმ ქვეყნების რეზიდენტი მიმწოდებლების (იგულისხმება წინამდებარე ელ. ტენდერში მონაწილე პრეტენდენტები) გამოცდილება, რომელთანაც შემსყიდველის ქვეყანას (საქართველო) არ გააჩნია, შეჩერებული, ან შეწყვეტილი აქვს დიპლომატიური ურთიერთობები).

პრეტენდენტის მიერ სისტემის მეშვეობით წარმოსადგენი, გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
1. იმ შემთხვევაში, თუ მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და მომსახურების შესყიდვისა და მიწოდების დამადასტურებელი დოკუმენტები ატვირთულია სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, CMR და ა.შ.) შესახებ.
2. იმ შემთხვევაში, თუ მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს დასრულებული ხელშეკრულებ(ებ)ი და ამავე ხელშეკრულებ(ებ)ის ფარგლებში გაფორმებული მიღება-ჩაბარების აქტ(ებ)ი, რაც დაადასტურებს პრეტენდენტის გამოცდილების შესაბამისობას სატენდერო დოკუმენტაციის 2.2.1 პუნქტით განსაზღვრულ მოთხოვნებთან.

სავალდებულოდ გასათვალისწინებელი შენიშვნები:
1. დასრულებული ხელშეკრულების განმარტება: ხელშეკრულება ჩაითვლება დასრულებულად, თუ კი შემსრულებლის მიერ, ხელშეკრულებით ნაკისრი ვალდებულებები სრულად შესრულებულია; სახელმწიფო შესყიდვის შესახებ ხელშეკრულების ფარგლებში ნაკისრი ვალდებულებების შემთხვევაში, ხელშეკრულება ჩაითვლება დასრულებულად, თუ კი სახელმწიფო შესყიდვების ერთიან ელექტრონულ სისტემაში ფიქსირდება შემსრულებლის მიერ ნაკისრი ვალდებულებების სრულად შესრულების დამადასტურებელი ინფორმაცია, მიუხედავად იმისა ხელშეკრულებას მინიჭებული აქვს სტატუსი: „შესრულებული ხელშეკრულება“, თუ არა.
2. პრეტენდენტის მიერ გამოცდილების დასადასტურებლად წარმოდგენილი დოკუმენტაციით შესაძლებელი უნდა იყოს პრეტენდენტის გამოცდილების, სატენდერო დოკუმენტაციის 2.2.1 პუნქტის მოთხოვნებთან თანხვედრის დადგენა. იმ შემთხვევაში, თუ პრეტენდენტის მიერ წარმოდგენილი ინფორმაცია/დოკუმენტები ფორმალურად შეესაბამება შემსყიდველის მიერ მოთხოვნილს, მაგრამ მათი შინაარსიდან, ან წარმოდგენის ფორმიდან გამომდინარე, მათი მეშვეობით მკაფიოდ ვერ დგინდება ის მონაცემები, რომელთა დადგენის მიზნითაც იყო ისინი მოთხოვნილი, სატენდერო კომისია უფლებამოსილია, მოსთხოვოს პრეტენდენტს დამატებითი ინფორმაციის, ან/და დოკუმენტების წარმოდგენა.

2.3.1.1 პრეტენდენტს უნდა გააჩნდეს მინიმუმ 1(ერთი) სერვის-ცენტრი ქ. თბილისში.

2.3.1.2 პრეტენდენტმა უნდა წარმოადგინოს სერვის-ცენტრ(ებ)ის საკუთარების/ სარგებლობის ან უფლებამოსილების დამადასტურებელი დოკუმენტაცია, მისამართის მითითებით.

უფლებამოსილების დამადასტურებელ დოკუმენტად მიიჩნევა სერვის-ცენტრსა და პრეტენდენტს შორის გაფორმებული ხელშეკრულება, რომელიც ძალაში უნდა იყოს არანაკლებ წინამდებარე ტენდერის ფარგლებში გასაფორმებელი ხელშეკრულების მოქმედების ვადისა.

პრეტენდენტის მიერ, სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:

1) სატენდერო დოკუმენტაციის დანართი N2 (პრეისკურანტი).

სავალდებულოდ გასათვალისწინებელი შენიშვნები:
1. სავალდებულოა, წინამდებარე პრეისკურანტით განსაზღვრული ზღვრული ღირებულების შემდეგი, მარჯვენა სვეტის - "შემოთავაზებული ღირებულება (ლარი, დღგ-ს ჩათვლით)" განფასებულად წარმოდგენა. პრეტენდენტის მიერ განსაფასებელი სვეტის განუფასებლად წარმოდგენის შემთხვევაში, ან თუ კი პრეისკურანტში განუფასებელი პოზიციების რაოდენობა აღემატება განსაფასებელი პოზიციების 5%-ს, ან თუ კი პრეტენდენტის მიერ საერთოდ არ არის წარმოდგენილი პრეისკურანტი, მოხდება პრეტენდენტის დისკვალიფიკაცია შესყიდვის პროცედურიდან.
2. პრეტენდენტის მიერ შემოთავაზებული ღირებულებები (ერთეულის ღირებულებები) არ უნდა აღემატებოდეს პრეისკურანტით განსაზღვრულ ზღვრულ ღირებულებებს (ერთეულის ღირებულებებს), ხოლო პრეტენდენტის მიერ შემოთავაზებული ღირებულებების საერთო ჯამი არ უნდა აღემატებოდეს პრეისკურანტის სავარაუდო ღირებულებას. იმ შემთხვევაში თუ პრეტენდენტი, პრეისკურანტის სავარაუდო ღირებულებასთან მიმართებით, არანაკლებ ერთი ბიჯის ოდენობით შეამცირებს სატენდერო წინადადების ფასს, აღნიშნული სხვაობა უნდა გადანაწილდეს პრეისკურანტით მოცემულ პოზიციებზე თანაბრად და ყველა პოზიციას დააკლდეს თანაბარი პროპორციით. პრეტენდენტი ვალდებულია, პრეისკურანტში მითითებული ერთეულის ღირებულებები და საერთო ფასი გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი)..
3. განფასებული დანართი N2-ის (პრეისკურანტი) წარმოდგენილი უნდა იყოს როგორც Excel-ის, ასევე PDF დოკუმენტის სახით. PDF დოკუმენტი სავალდებულოდ დამოწმებული უნდა იყოს პრეტენდენტის უფლებამოსილი პირის კვალიფიციური ელექტრონული ხელმოწერით, ან ორგანიზაციის კვალიფიციური ელექტრონული შტამპით.

2) სატენდერო დოკუმენტაციის 2.2.1 პუნქტით (პრეტენდენტის გამოცდილებასთან დაკავშირებული მოთხოვნები) განსაზღვრული წარმოსადგენი დოკუმენტაცია.

3) სატენდერო დოკუმენტაციის 2.3.1 პუნქტით (პრეტენდენტის მატერიალურ-ტექნიკური ბაზა) განსაზღვრული წარმოსადგენი დოკუმენტაცია.

შენიშვნა:
1. სატენდერო წინადადების ფასი გამოსახული უნდა იყოს ლარში, დამატებული ღირებულების გადასახადის (დ.ღ.გ.) ჩათვლით. სატენდერო წინადადების საბოლოო ფასი უნდა მოიცავდეს შესყიდვის ობიექტის სრულყოფილად მიწოდებისათვის საჭირო ყველა ხარჯს.
2. წინამდებარე ელექტრონულ ტენდერთან დაკავშირებული ყველა დოკუმენტი, ან/და ინფორმაცია წარმოდგენილი უნდა იყოს ქართულ ენაზე. დოკუმენტების, ან/და ინფორმაციის უცხო ენაზე წარდგენის შემთხვევაში, მათ უნდა დაერთოთ საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

ა) იმ შემთხვევაში, როდესაც ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტი ვალდებულია წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, აღნიშნული დასაბუთების წარმოუდგენლობა გამოიწვევს წინამდებარე ტენდერში მონაწილე პრეტენდენტის დისკვალიფიკაციას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის საქმიანობის კანონმდებლობით გათვალისწინებული ფორმით გაცემული შესაბამისი უფლებამოსილების/აკრედიტაციის დამადასტურებელი დოკუმენტი);
ბ) ფასწარმოქმნის ადეკვატურობის დასადასტურებლად წარმოდგენილი დოკუმენტით, ელექტრონული ტენდერით გათვალისწინებული მომსახურების გაწევის შესაძლებლობა უნდა დასტურდებოდეს როგორც პრეტენდენტის მიერ დაფიქსირებული სატენდერო წინადადების საბოლოო ფასთან (პრეისკურანტის ჯამურ ღირებულებასთან), ასევე პრეისკურანტის ერთეულ ფასებთან მიმართებით..
გ) პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

შემსყიდველი ანგარიშსწორებას ახორციელებს მხარეთა შორის გაფორმებული მიღება-ჩაბარების აქტის გაფორმებიდან არაუგვიანეს 15 (თხუთმეტი) სამუშაო დღის განმავლობაში.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს15 (თხუთმეტი) სამუშაო დღის განმავლობაში.

ნინო გოგია, 599133412, ngogia@mdf.org.ge

1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს შესაბამისად.
2. სახელმწიფო შესყიდვის შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც სახელმწიფო შესყიდვის შესახებ ხელშეკრულების დადების მომენტისათვის დაზუსტდება სატენდერო წინადადების შესაბამისად.
3. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
4. პრეტენდენტმა სატენდერო წინადადების ფასი უნდა დააფიქსიროს სახელმწიფო შესყიდვების ერთიანი ელექტრონული სისტემის მეშვეობით და წარმოადგინოს სატენდერო დოკუმენტაციის დანართი N2-ის (პრეისკურანტი) მიხედვით.
5. იმ შემთხვევაში, თუ პრეტენდენტი მიიღებს მონაწილეობას ელექტრონულ ვაჭრობაში, დაზუსტებული პრეისკურანტის წარმოდგენისას, დაუშვებელია რომელიმე პოზიციაზე პრეტენდენტის მიერ თავდაპირველად მითითებული ერთეულის ფასის მომატება.
6. სატენდერო პირობების კონკრეტული ჩანაწერის და სატენდერო კომისიის გადაწყვეტილების/ქმედების თაობაზე განმარტების მიღების საკითხი რეგულირდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს მე-8 მუხლის შესაბამისად.