Техническое обслуживание и ремонт (Грузия - Тендер #71413691)

ქალაქ ფოთის მუნიციპალიტეტის საკუთრებაში არსებული სხვადასხვა პრინტერის კარტრიჯის დამუხტვის მომსახურების შესყიდვა.

სახელმწიფო შესყიდვა ხორციელდება ქალაქ ფოთის მუნიციპალიტეტის 2026 წლის ადგილობრივი ბიუჯეტის სახსრებით.

მომსახურების აღწერა:
კარტრიჯების დამუხტვა/აღდგენა უნდა ითვალისწინებდეს დაცლილი კარტრიჯის ფხვნილით შევსებას და საჭიროების შემთხვევაში, დაზიანებული ნებისმიერი სახის დეტალის (დანები, დრამი, ჩიპი, მაგნიტური / დამმუხტავი ლილვი, ფოტოდოლი, რეზინის ღერძი და კორპუსის გარდა ყველა სხვა აუცილებელი დეტალი) შეცვლას, რათა უზრუნველყოფილი იქნას კარტრიჯის მუშაობა ქარხნული ხარისხით გათვალისწინებული პირობების შესაბამისად, იმ შემთხვევაში თუ მომსახურების გაწევისას დაზიანდა კორპუსი მიმწოდებელი ვალდებულია გამოცვალოს საკუთარი სახსრებით.

აღდგენილი კარტრიჯები აღჭურვილი უნდა იყოს დამცავი ლენტით (ტრანსპორტირებისას ფხვნილის კარტრიჯიდან გადმოყრის თავიდან ასაცილებლად), შეფუთული უნდა იყოს უსაფრთხო ტრანსპორტირების უზრუნველყოფისათვის აუცილებელი შეფუთვით (სპეციალური ჰაერით გასაბერი პარკით), ასევე უნდა იყოს გასუფთავებული და არ იწვევდეს მომხმარებლის დასვრას ნარჩენი ტონერით.
აღდგენილი კარტრიჯის ბეჭდვის რესურსი - არანაკლებ თანდართული ცხრილით განსაზღვრულის (აღდგენილი კარტრიჯის მიერ დასაბეჭდი ფურცლების რაოდენობა) 90%-სა;

ყოველ აღდგენილ/დამუხტულ კარტრიჯს უნდა მოყვეს აღდგენის შემდგომი კარტრიჯის ტესტირების ფურცელი. იმ შემთხვევაში თუ მიმწოდებლის მიერ აღდგენილი/დამუხტული კარტრიჯი გამოყენებით ან/და სხვა ჩატარებული სამუშაოს შედეგად დაზიანდება შემსყიდველის ტექნიკა და დამატებით საჭირო გახდება დაზიანებული ტექნიკის გაწმენდა, დეტალების გამოცვლა და სხვა, მომწოდებელი ვალდებულია აღნიშნული ხარვეზი აღმოფხვრას საკუთარი ხარჯებით.

ხელშეკრულების გაფორმებიდან 2026 წლის 31 დეკემბრის ჩათვლით, ეტაპობრივად შემსყიდველის მოთხოვნის შესაბამისად;

მომსახურების გაწევა უნდა განხორციელდეს შემსყიდველის მოთხოვნიდან არაუმეტეს 5 (ხუთი) სამუშაო დღის ვადაში.

მომსახურების გაწევის ფორმა: ეტაპობრივად, ტექნიკური დავალების შესაბამისად.

მომსახურების გაწევის ადგილი: მიმწოდებლის სერვის ცენტრი.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას.

ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

ანგარიშსწორება მოხდება უნაღდო ანგარიშსწორებით ლარში. მხარეებს შორის, ფაქტიურად გაწეული მომსახურების შესაბამისად გაფორმებული მიღება-ჩაბარების აქტის შესაბამისად.
იმ შემთხვევაში, თუ განსაზღვრული გარემოებების გამო გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, მუნიციპალიტეტი აანაზღაურებს ფაქტობრივად გაწეული მომსახურების თანხას, ხელშეკრულებით განსაზღვრული ფასების შესაბამისად.

შემსყიდველის მიერ მიღება-ჩაბარების აქტზე ხელმოწერიდან 10 (ათი) სამუშაო დღის განმავლობაში.

მაია სულავა, 591417556, potitenderi2011@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

3. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით. იმ შემთხვევაში, თუ ხელის მომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელის მომწერი პირის ხელმოწერისათვის გაცემული მინდობილობა.

4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.

7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.