Строительные материалы и связанные с ними изделия (Грузия - Тендер #71388767)

მილსადენის სისტემებისათვის საჭირო მოწყობილობების (შემდგომში - საქონელი) სახელმწიფო შესყიდვა.

1.2.1 კათოდური დაცვის სადგური ავტომატური რეგულირების ფუნქციით და GSM გადამცემი მოდემით - 1 ცალი;
სტაციონალური კათოდური სადგური ავტომატური რეგულირების ფუნქციით (დამცავი პოტენციალის ავტომატური უზრუნველყოფის ფუნქცია), ინვერტორული. 220ვ. 50 ჰერცი ცვლადი დენი. ნომინალური გამომავალი ძაბვა ვოლტი არანაკლებ 24/48-ორმოდულიანი; არანაკლებ 48(50) ერთმოდულიანი; ნომინალური გამომავალი აქტიური სიმძლავრე არანაკლებ 1 კვტ; გარემოს ტემპერატურა: მინიმუმ -40С° ÷ +45С°.
მუშაობის რეჟიმები: ხელით რეგულირების რეჟიმი და ავტომატური რეგულირების შესაძლებლობა; მართვა: ადგილობრივი-მართვის პანელიდან უშუალოდ კათოდურ სადგურზე/დისტანციური GSM-მოდემის საშუალებით; გაზომვის ფუნქცია: გამომავალი ძაბვა (0........96) V; გამომავალი დენი (0......96) A; დამცავი პოტენციალი (0.....5) V; დამცავი პოტენციალის და სხვა პარამეტრების გაზომვის სიზუსტის ცდომილება არაუმეტეს 2,5%.

1.2.2 სპილენძ-სულფატის არაპოლარიზებული შედარების ელექტროდი, სტაციონალური - კათოდურ სადგურთან მუშაობისთვის განკუთვნილი - 5 ცალი;
გარდამავალი ელექტროწინაღობა არაუმეტეს - 0,1÷15,0 კომ; პოტენციალი ქლორ-ვერცხლის ელექტროდის მიმართ - 120±30 მვ; დიამეტრი: 80 - 120 მმ (დასაშვები ცდომილება ± 10 მმ); ელექტროლიტის რაოდენობა: 700-800 სმ3 (დასაშვები ცდომილება ± 50 სმ3); სადენების სიგრძე - არანაკლებ 5 მ; ექსპლუატაციის პირობები: -15С° ÷ +45 С°.

1.2.3 ანოდური ჩამამიწებლები - 2 კომპლექტი;
ელექტროდის ტიპი - „ТДМ“; ელექტროდის ფირფიტის სიგანე - 10 სმ; ელექტროდის ფირფიტის მასალა - ტიტანი; ელექტროდების რაოდენობა ანოდურ ჩამამიწებელში - კომპლექტში არანაკლებ 20 ცალი; ელექტროდების ტრანშეაში განლაგება - ჰორიზონტალური.

1.2.4 ფოლადის საკონტროლო-საზომი პუნქტი - 7 ცალი;
ინტეგრირებული ბლოკით ბზკ. განკუთვნილია ელექტროქიმიური დაცვის (ЭХЗ/CP) სისტემებში მოსაზომი წერტილების მოწყობისთვის (მილსადენის პოტენციალები, დრენაჟის ძაბვები/დინებები და სხვ.) და ქსელშორისი/ჯვარედინი ზემოქმედებების შესამცირებლად ინტეგრირებული ბლოკი კოროზიისგან დაცვის – БЗК საშუალებით. (მაგ: БЗК 10/20-ВУ).
მინიმალური მოთხოვნები:
კონსტრუქცია (ტიპი): სვეტის/კოლონის ტიპი (Тст/column type), ფოლადის მილზე ბაზირებული კორპუსით და დაბლოკვადი თავსაფრით.
ინტეგრირებული ბლოკი: БЗК 10/1 ВУ ან ეკვივალენტი ნომინალით ≥ 10 A, ფუნქციით - კომუნიკაციებს შორის დენების/პოტენციალების რეგულირება.
ტერმინალები: ძალის კლემები - არანაკლებ 6 ც.; საზომი კლემები - არანაკლებ 6 ც.; ძალის სანომინალო კვეთი (მდე) 35 მმ², საზომი (მდე) 6 მმ².
ზომები: სიმაღლე ≥ 2000 მმ; დიამეტრი ≥ 102 მმ; ფუძე ≥ 200×200 მმ.
კოროზიული დაცვა: ეპოქსიდური ან ორფენიანი ფხვნილის საფარი; სხეული – ყვითელი, თავსაფარი – წითელი (ან თანაბარი კლასის მდგრადობა RAL შესაბამისობით).

1.2.5 სპილენძის თერმიტული ნარევი - 1კგ;
დამზადებული ТУ 1793-001-36235411-96 ან/და ТУ 1793 001 43750384 2006 ან სხვა ანალოგიური ტექნიკური პირობით ან/და სტანდარტით.

1.2.6 თერმიტული ასანთი - 20 ცალი;
დამზადებული ТУ 1793-011-43750384-2003 ან ანალოგიური ტექნიკური პირობით ან/და სტანდარტით. „НГК" ან ანალოგი.

1.2.7 თერმიტული ვაზნა - 30 ცალი;
დამზადებული ТУ 1793-015-43750384-2005 ან ანალოგიური ტექნიკური პირობით ან/და სტანდარტით. „ПМ-6" ან ანალოგი.

1.2.8 რკინის თერმიტული ნარევი - 1 კგ;
დამზადებული ТУ 1793-002-43750384-2006 ან ანალოგიური ტექნიკური პირობით ან/და სტანდარტით. „НГК" ან ანალოგი.


შენიშვნა:
- მიწოდებული საქონელი უნდა იყოს ახალი, ექსპლუატაციაში არ მყოფი, დამზადებული ქარხნული წესით და უნდა აკმაყოფილებდეს სატენდერო დოკუმენტაციით განსაზღვრულ მახასიათებლებს.

მიმწოდებელმა უნდა უზრუნველყოს საქონლის მიწოდება ხელშეკრულების გაფორმებიდან არაუგვიანეს 90 (ოთხმოცდაათი) კალენდარული დღის ვადაში.
პრეტენდენტმა, მის მიერ წარმოდგენილ დანართ #1-ში (ფასების ცხრილი) უნდა მიუთითოს ინფორმაცია შემოთავაზებული საქონლის მიწოდების ვადის შესახებ.

საქონლის მიწოდება მიმწოდებელმა უნდა უზრუნველყოს შემდეგ მისამართზე: ქ. თბილისი, ჭირნახულის #9, სს „საქართველოს ნავთობისა და გაზის კორპორაციის“ საწყობი.
საქონლის მიწოდებას მიმწოდებელი უზრუნველყოფს საკუთარი ხარჯით.

პრეტენდენტმა, მის მიერ წარმოდგენილ დანართ #1-ში (ფასების ცხრილი) უნდა მიუთითოს ინფორმაცია შემოთავაზებული საქონლის წარმოშობის ქვეყნის, მწარმოებლის (ან/და სასაქონლო ნიშნის) და ფასების ცხრილის 1 - 4 პოზიციებით განსაზღვრულ საქონელზე მოდელის შესახებ.

შენიშვნა:
პრეტენდენტის მიერ, „წინადადების მიღება დასრულებულია“ ეტაპზე, შემოთავაზებული საქონლის წარმოშობის ქვეყნის ან/და მწარმოებლის (ან/და სასაქონლო ნიშნის) ან/და ფასების ცხრილის 1 - 4 პოზიციებით განსაზღვრულ საქონელზე მოდელის შესახებ ინფორმაციის სატენდერო წინადადების ფარგლებში წარმოუდგენლობა ან დანართ #1-ის (ფასების ცხრილი) წარმოუდგენლობა ან/და დანართ #1-ის (ფასების ცხრილი) განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე.
ამასთან, თუ შემოთავაზებული საქონლის წარმოშობის ქვეყნის ან/და მწარმოებლის (ან/და სასაქონლო ნიშნის) ან/და ფასების ცხრილის 1 - 4 პოზიციებით განსაზღვრულ საქონელზე მოდელის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე, შესაძლებელია შემოთავაზებული საქონლის წარმოშობის ქვეყნისა, მწარმოებლის (ან/და სასაქონლო ნიშნის) და ფასების ცხრილის 1 - 4 პოზიციებით განსაზღვრულ საქონელზე მოდელის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.
ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული საქონლის მწარმოებლის (ან/და სასაქონლო ნიშნის) ან/და წარმოშობის ქვეყნის ან/და ფასების ცხრილის 1 - 4 პოზიციებით განსაზღვრულ საქონელზე მოდელის ცვლილება გამოიწვევს პრეტენდენტის დისკვალიფიკაციას დაზუსტების მექანიზმის გამოყენების გარეშე.

2.7.1. პრეტენდენტმა, სატენდერო დოკუმენტაციის 1.2 პუნქტის პირველიდან მე-4 პოზიციის ჩათვლით განსაზღვრულ, შემოთავაზებული საქონელზე უნდა წარმოადგინოს შესაბამისი მწარმოებლის მიერ გაცემული/შედგენილი დოკუმენტ(ებ)ი, რომელშიც განსაზღვრული იქნება შემოთავაზებული საქონლის მახასიათებლები;
აღნიშნული პუნქტის დაკმაყოფილების მიზნით, პრეტენდენტს შეუძლია წარმოადგინოს:
- მწარმოებლის მიერ გაცემული/შედგენილი (ხელმოწერილი მწარმოებლის მიერ) დოკუმენტი;
ან/და
- ამონარიდი შემოთავაზებული საქონლის მწარმოებლის ოფიციალური ვებ-გვერდიდან.
ამ შემთხვევაში, პრეტენდენტი ვალდებულია წარმოადგინოს მწარმოებლის ოფიციალური ვებ-გვერდის ბმული, რომლის საშუალებითაც შემსყიდველისათვის შესაძელებელი იქნება პრეტენდენტის მიერ წარმოდგენილ დოკუმენტში არსებული ინფორმაციის სრულად გადამოწმება. თუ შემოთავაზებული საქონლის მწარმოებლის ოფიციალურ ვებ-გვერდზე არ ფიქსირდება სატენდერო დოკუმენტაციით მოთხოვნილი შესაბამისი საქონლის პარამეტრები ან/და აღმოჩნდება განსხვავება პრეტენდენტის მიერ სატენდერო წინადადებაში დაფიქსირებულ საქონლის პარამეტრებსა და მწარმოებლის ოფიციალურ ვებ-გვერდზე არსებულ საქონლის პარამეტრებს შორის, პრეტენდენტმა დამატებით უნდა წარმოადგინოს მწარმოებლის მიერ გაცემული (ხელმოწერილი მწარმოებლის მიერ) დოკუმენტი, სატენდერო წინადადებაში მითითებული განსხვავებული პარამეტრ(ებ)ის დადასტურების შესახებ, რომელშიც ასევე მითითებული იქნება წინამდებარე ტენდერის ნომერი და პრეტენდენტის დასახელება.

იმ შემთხვევაში, თუ წინამდებარე ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება შემოთავაზებული საქონლის მწარმოებელითა (ან/და სასაქონლო ნიშნით), წარმოშობის ქვეყნით და ფასების ცხრილის 1 - 4 პოზიციებით განსაზღვრულ საქონელზე მოდელით).

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (დანართი №1-ის (ფასების ცხრილი) ჯამურ ღირებულებასთან), ასევე დანართი №1-ის (ფასების ცხრილი) ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, საქონლის სრული რაოდენობით მიწოდების და ხელშეკრულებით განსაზღვრული დოკუმენტების საფუძველზე.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, მიმწოდებლის მიერ საქონლის სრული რაოდენობით მიწოდებიდან და ხელშეკრულებით გათვალისწინებული დოკუმენტების წარმოდგენიდან არაუგვიანეს 10 სამუშაო დღის ვადაში.

ჯაბა გურასპიშვილი, 599297303, j.guraspishvili@gogc.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში, ქ. თბილისი, კახეთის გზატკეცილი №21, მე-2 სართული, ოთახი 205; საკონტაქტო პირი: ჯაბა გურასპიშვილი +995 (32) 224-40-40, (შიდა - 219).

10.1 დამატებითი ინფორმაცია/დოკუმენტები
10.1.1 შესყიდვის ობიექტის სავარაუდო ღირებულებაა 83 585,00 ლარი, დღგ-ს გარეშე.
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს საქონლის შემსყიდველისათვის მიწოდებასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს, დღგ-ს გარდა.
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი.
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება).
10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილი დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 10.3.1 პუნქტით მოთხოვნილი დანართი №1 (ფასების ცხრილი) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.

შენიშვნა:
„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე.

10.2.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი; დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.5 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.6 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №2), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.2.8. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას.

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 დანართი №1 (ფასების ცხრილი) (პუნქტი 1.3);
შენიშვნა:
- პრეტენდენტის მიერ, „წინადადების მიღება დასრულებულია“ ეტაპზე, შემოთავაზებული საქონლის წარმოშობის ქვეყნის ან/და მწარმოებლის (ან/და სასაქონლო ნიშნის) ან/და ფასების ცხრილის 1 - 4 პოზიციებით განსაზღვრულ საქონელზე მოდელის შესახებ ინფორმაციის სატენდერო წინადადების ფარგლებში წარმოუდგენლობა ან დანართ #1-ის (ფასების ცხრილი) წარმოუდგენლობა ან/და დანართ #1-ის (ფასების ცხრილი) განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე.
ამასთან, თუ შემოთავაზებული საქონლის წარმოშობის ქვეყნის ან/და მწარმოებლის (ან/და სასაქონლო ნიშნის) ან/და ფასების ცხრილის 1 - 4 პოზიციებით განსაზღვრულ საქონელზე მოდელის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე, შესაძლებელია შემოთავაზებული საქონლის წარმოშობის ქვეყნისა, მწარმოებლის (ან/და სასაქონლო ნიშნის) და ფასების ცხრილის 1 - 4 პოზიციებით განსაზღვრულ საქონელზე მოდელის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.
ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული საქონლის მწარმოებლის (ან/და სასაქონლო ნიშნის) ან/და წარმოშობის ქვეყნის ან/და ფასების ცხრილის 1 - 4 პოზიციებით განსაზღვრულ საქონელზე მოდელის ცვლილება გამოიწვევს პრეტენდენტის დისკვალიფიკაციას დაზუსტების მექანიზმის გამოყენების გარეშე.
10.3.2 სატენდერო დოკუმენტაციის 1.2 პუნქტის პირველიდან მე-4 პოზიციის ჩათვლით შემოთავაზებული საქონელის მწარმოებლის მიერ გაცემული/შედგენილი დოკუმენტ(ებ)ი, რომელშიც განსაზღვრული იქნება შემოთავაზებული საქონლის მახასიათებლები (პუნქტი 2.7.1).