Медицинские услуги (Грузия - Тендер #71388753)

1.1.1. შესყიდვის ობიექტის დასახელება: ზუგდიდის მუნიციპალიტეტის ტერიტორიაზე რეგისტრირებული (ადგილობრივი და დევნილი), 25-დან 70 წლის ჩათვლით, მაღალი რისკის მქონე ქალებისთვის ფარისებრი ჯირკვლის კიბოს ადრეულ სტადიაზე გამოვლენის დაფინანსების ქვეპროგრამის ფარგლებში სკრინინგული გამოკვლევის მომსახურება.

ტექნიკური დავალება

გასაწევი მომსახურება გულისხმობს ზუგდიდის მუნიციპალიტეტში რეგისტრირებული 25-დან 70 წლის ჩათვლით მაღალი რისკის მქონე ქალებისთვის ფარისებრი ჯირკვლის კიბოს ადრეულ სტადიაზე გამოვლენის მიზნით სპეციფიკური გამოკვლევების ჩატარებას.

ფარისებრი ჯირკვლის გამოკვლევა უნდა მოიცავდეს შემდეგი სახის სამედიცინო მომსახურებას: ა) ფარისებრი ჯირკვლის ულტრაბგერით გამოკვლევას; ბ) ფარისებრი ჯირკვლის კვანძის აღმოჩენის შემთხვევაში ენდოკრინოლოგის კონსულტაციას; გ) ექოსკოპიურად ავთვისებიანობაზე საეჭვო კვანძის არსებობის შემთხვევაში თირეოტროპული ჰორმონის (TSH) განსაზღვრას სისხლში; დ) ბიოფსიური მასალის აღებას და ციტოლოგიურ კვლევას.

სკრინინგული გამოკვლევის მომსახურება უნდა განხორციელდეს სამიზნე ჯგუფის მომართვის საფუძველზე, ერთჯერადად.

მომსახურების სახე უნდა განისაზღვროს ინდივიდუალურად, ჩვენების მიხედვით. ამასთან, ტენდერში გამარჯვებულმა პრეტენდენტმა ხელშეკრულების დასრულების შემდგომ, საბოლოო მიღება-ჩაბარების აქტის გაფორმებამდე, უნდა უზრუნველყოს მოქალაქეთა მიმართვიანობის საბოლოო რეესტრისა და გაწეული მომსახურების ანგარიშის მიწოდება.

სხვა მოთხოვნები:

კვლევები უნდა ტარდებოდეს შესაბამისი სამედიცინო აპარატურით (ექოსკოპიის აპარატი) აღჭურვილ და პერსონალით დაკომპლექტებულ, ადაპტირებულ სამედიცინო დაწესებულებაში, რომელიც უნდა მდებარეობდეს ზუგდიდის მუნიციპალიტეტის ტერიტორიაზე. ამასთან, სამედიცინო დაწესებულებას უნდა გააჩნდეს ლაბორატორია, კლინიკური, იმუნოფერმენტული და ბიოქიმიური დანადგარები.

შენიშვნა: შემსყიდველი იტოვებს უფლებას სრულად არ აითვისოს სატენდერო დოკუმენტაციაში მოცემული შესყიდვის მოცულობა და შესაბამისად სახელშეკრულებო ღირებულების სრული ანაზღაურება (შესყიდვის ობიექტის ღირებულება შემცირდება ფაქტობრივად გაწეული მომსახურების მიხედვით).

1.4.1. ტენდერში გამარჯვებულმა მომსახურება გაწევა უნდა უზრუნველყოს ეტაპობრივად, ხელშეკრულების დადებიდან 2026 წლის 31 დეკემბრამდე, შემსყიდველის მოთხოვნის შესაბამისად.
1.4.2. მომსახურების გაწევა უნდა განხორციელდეს მოქალაქეთა მიმართვიანობის საფუძველზე. გასაწევი მომსახურების მოცულობის დადგენა მოხდება ინდივიდუალურად, ეტაპობრივად, კვლევების შედეგების მიხედვით.

1.5.1. მომსახურების განხორციელების ადგილია: ზუგდიდის მუნციპალიტეტის ტერიტორია, ტენდერში გამარჯვებული პრეტენდენტის საკუთრებაში ან სარგებლობის ნებისმიერი ფორმით (იჯარა, თხოვება, ქირა და ა.შ.) არსებულ შენობაში, რომელშიც განთავსებულია მოქმედი სამედიცინო დაწესებულება. შესაბამისი კლინიკური ლაბორატორიით, სამედიცინო აპარატურით აღჭურვილი და პერსონალით დაკომპლექტებული.

პრეტენდენტს, ტენდერით გათვალისწინებული მომსახურების გაწევისათვის, ზუგდიდის მუნიციპალიტეტის ტერიტორიაზე, კანონიერ მფლობელობაში ან სარგებლობის ნებისმიერი ფორმით (იჯარა, თხოვება, ქირა და ა.შ.) უნდა გააჩნდეს მოქმედი (ფუნქციონირებადი) სამედიცინო დაწესებულება, შესაბამისი კლინიკური ლაბორატორიით, სამედიცინო აპარატურით აღჭურვილი და პერსონალით დაკომპლექტებული. აღნიშნულის შესახებ პრეტენდენტმა უნდა წარმოადგინოს ინფორმაცია შემოთავაზებული სამედიცინო დაწესებულების შესახებ, რომელშიც იქნება დადასტურებული სატენდერო დოკუმენტაციით მოთხოვნილი პირობები. ამასთან, ინფორმაცია უნდა მოიცავდეს ადგილმდებარეობას, მისამართს, ტელეფონის ნომერს, აღწერილობას და სხვ.

შენიშვნა: შემსყიდველი უფლებამოსილია სატენდერო წინადადებების მიღების ვადის დასრულების შემდგომ, შერჩევა/შეფასების ეტაპზე, ადგილზე დათვალიერებით, შეამოწმოს პრეტენდენტის მიერ შემოთავაზებული სამედიცინო დაწესებულების შესახებ მითითებული მონაცემები.

1) შესყიდვაში მონაწილეობის მსურველმა პირმა უნდა წარმოადგინოს ინფორმაცია არანაკლებ 2 (ორი) წლის გამოცდილების მქონე სამედიცინო პერსონალის (ენდოკრინოლოგი, რადიოლოგი, ენდოკრინული ქირურგი) ხელმისაწვდომობისა და მათი კვალიფიკაციის შესახებ, რომელიც აუცილებელია ტენდერით გათვალისწინებული მომსახურების განსახორციელებლად.
2) ინფორმაცია პრეტენდენტის პერსონალის გამოცდილებისა და კვალიფიკაციის შესახებ წარმოდგენილი უნდა იქნეს ქვემოთ მოცემული ცხრილის (დანართი №2) და საინფორმაციო ანკეტის (დანართი №3) სახით. ამასთან, წარმოდგენილ უნდა იქნეს წინარე შეთანხმება (იხ. მიბმული ფაილი), როგორც თანმხლები დოკუმენტი, ხელმოწერილი ტენდერში მონაწილე პრეტენდეტისა და სპეციალისტის მიერ.

2.9.1. სატენდერო წინადადების ღირებულება, მომსახურების ღირებულების გარდა წარმოდგენილი უნდა იყოს საქართველოს კანონმდებლობით დადგენილი ყველა გადასახადის და სხვა ხარჯის გათვალისწინებით.

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (თუ ექსპერტიზის დასკვნის გამცემი არ იქნება სსიპ ლევან სამხარაულის სახელობის სასამართლო ექსპერტიზის ეროვნული ბიურო დასკვნასთან ერთად დამატებით წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს ყოველთვიურად, შესაბამისი მიღება-ჩაბარების აქტის საფუძველზე.
7.2.3. იმ შემთხვევაში, თუ განსაზღვრული გარემოებების გამო გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, მუნიციპალიტეტი აანაზღაურებს ფაქტობრივად გაწეული მომსახურების თანხას, ხელშეკრულებით განსაზღვრული ფასების შესაბამისად. გამომდინარე აქედან, ელექტრონულ ტენდერში გამარჯვებულ პრეტენდენტს პრეტენზია არ უნდა გააჩნდეს აუთვისებელი მომსახურების მოცულობათა შესრულებაზე და მის გადახდაზე.

7.3.1. ანგარიშსწორება განხორციელდება ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.