Игры и игрушки; ярмарочные аттракционы (Грузия - Тендер #71388746)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს დანართი N3-ით (მიწოდების ადგილები და რაოდენობები) განსაზღვრული რეგიონული საბავშვო ბაგა-ბაღებისათვის საჭირო სათამაშოები, შემდგომში - "საქონელი".

1.2.1. შესყიდვის ობიექტების დეტალური აღწერა მოცემულია თანდართულ ფაილში - დანართი N1 (ტექნიკური დავალება);

1.2.2. მიწოდებული საქონლის ხარისხი და პარამეტრები უნდა შეესაბამებოდეს სატენდერო დოკუმენტაციასა და ტექნიკურ დავალებაში მითითებულ მოთხოვნებს;

1.2.3. შესყიდვის ობიექტების რაოდენობების განაწილება ლოკაციების მიხედვით და მიწოდების ადგილები ზუსტი მისამართებით მოცემულია თანდართულ ფაილში - დანართი N3 (მიწოდების ადგილები და რაოდენობები).

1.2.4. მიმწოდებელმა უნდა გაითვალისწინოს, რომ დანართი N3-ით განსაზღვრული საქონლის რაოდენობები საორიენტაციო ხასიათისაა და შესაძლებელია შეიცვალოს შემდეგი პრინციპის დაცვით: ფაქტობრივად შესყიდული საქონლის ჯამური ღირებულება, გამარჯვებული პრეტენდენტის მიერ დაფიქსირებულ საბოლოო ჯამურ ღირებულებასთან შედარებით შესაძლოა გაიზარდოს ან შემცირდეს არაუმეტეს 20%-ის ოდენობით;

1.2.5. მიწოდებული საქონელი უნდა იყოს ახალი, ექსპლუატაციაში არმყოფი, უფლებრივად და ნივთობრივად უნაკლო.

1.2.6. სათამაშოები უნდა იყოს ეკოლოგიურად სუფთა, შეღებილი უნდა იყოს ნატურალური საღებავით. სათამაშოების მასალა ან/და საღებავი არ უნდა შეიცავდეს კადმიუმს, ტყვიასა და სხვა მავნე, ჯანმრთელობისთვის საშიშ ნივთიერებებს, სათამაშოებს არ უნდა ჰქონდეს მძაფრი არასასიამოვნო სუნი.

1.2.7. სათამაშოები იმგვარად უნდა იყოს დაპროექტებული და წარმოებული, რომ მათი გამოყენებისას ბავშვის სიცოცხლესა და ჯანმრთელობას არ ექმნებოდეს რისკი; ელემენტების განთავსების ადგილი უნდა იყოს დახურული და უსაფრთხო შესაბამისი ასაკის ბავშვისთვის.

1.2.8. შემოთავაზებული სათამაშოები უნდა აკმაყოფილებდნენ საქართველოს მთავრობის 2020 წლის 20 იანვარის №47 დადგენილებით დამტკიცებულ სათამაშოების უსაფრთხოების შესახებ ტექნიკურ რეგლამენტს, ასევე ევროკავშირის სათამაშოების უსაფრთხოების დირექტივის 2009/48/EC მოთხოვნებს და შესაბამის სტანდარტებს, მათ შორის მინიმუმ: EN 71-1 (მექანიკური და ფიზიკური უსაფრთხოება), EN 71-2 (წვასაწინააღმდეგო მოთხოვნები), EN 71-3 (ქიმიური უსაფრთხოება), ხოლო ელექტრონული სათამაშოების შემთხვევაში — EN 62115 (ელექტრონული სათამაშოების უსაფრთხოება).

1.2.9. პრეტენდენტმა უნდა გაითვალისწინოს, რომ სათამაშოს ასაკობრივი შესაბამისობა უნდა დასტურდებოდეს სათამაშოს ეტიკეტზე დატანილი ასაკობრივი ნიშნით (მაგ.: „0+“, „3+“ და ა.შ.).

1.2.10. პრეტენდენტმა უნდა გაითვალისწინოს, რომ დანართ N1-ში ტექნიკური დავალებით მითითებული ზომები წარმოადგენდეს პროდუქტის რეალურ გაბარიტულ ზომებს (გაზომილი ყველაზე განიერ წერტილებში), შეფუთვის გარეშე;

1.2.11. შეფუთვა და მარკირება – ყველა სათამაშო უნდა იყოს სათანადოდ შეფუთული და თითოეულ ერთეულზე (სათამაშოზე ან მის პირველადი შეფუთვაზე) უნდა იყოს დატანილი მწარმოებლის ეტიკეტირება, უსაფრთხოების ნიშნები, ასევე CE მარკირება და ასაკობრივი ნიშანი. სათამაშოზე ან მის პირველადი შეფუთვაზე აუცილებლად უნდა იყოს დატანილი პროდუქტის უნიკალური იდენტიფიკატორი (Model / Item No. / Item Code / Article Code / SKU ...), რომელიც უნდა დაემთხვეს შესაბამისობის დეკლარაციაში მითითებულ იდენტიფიკატორს, რათა უზრუნველყოფილი იყოს პროდუქტის იდენტიფიკაცია მიღება-ჩაბარების ეტაპზე.

1.4.1. მიმწოდებელი ვალდებულია, საქონლის მიწოდება განახორციელოს ეტაპობრივად, ხელშეკრულების გაფორმებიდან არაუგვიანეს 2026 წლის 15 დეკემბრის ჩათვლით, შემსყიდველი ორგანიზაციების მოთხოვნების შესაბამისად, წინამდებარე სატენდერო დოკუმენტციის 1.4.4. პუნქტის მოთხოვნათა გათვალისწინებით.

1.4.2. მიმწოდებელი არ არის ვალდებული, საქონლის მიწოდება დაიწყოს გამარჯვებულად გამოვლენიდან 100 (ასი) კალენდარული დღის განმავლობაში.

1.4.3. დანართი N3-ით განსაზღვრულ თითოეულ ბაღში მისაწოდებელი საქონლის რაოდენობა საორიენტაციო ხასიათისაა და მხარეებს უფლება აქვთ ურთიერთშეთანხმებით დააზუსტონ იგი (მათ შორის, ხელშეკრულების გაფორმების ეტაპზეც), წინამდებარე სატენდერო დოკუმენტაციის 1.2.4. პუნქტის მოთხოვნის დაცვით.

1.4.4. ბაღების გახსნის საორიენტაციო თარიღები (შესაბამისად, საქონლის მიწოდების საორიენტაციო ვადები) მიმწოდებელს გადაეცემა ხელშეკრულების გაფორმების ეტაპზე, რომელიც ასევე შესაძლებელია დაკორექტირდეს შემსყიდველის საჭიროებიდან გამომდინარე, წინამდებარე სატენდერო დოკუმენტაციის 1.4.5. პუნქტის მოთხოვნათა დაცვით;

1.4.5. შემსყიდველი ორგანიზაცია ვალდებულია (მიუხედავად იმისა ხელშეკრულებით დადგენილი მიწოდების საორიენტაციო გეგმა-გრაფიკი განიცდის თუ არა ცვლილებას) არანაკლებ 45 (ორმოცდახუთი) კალენდარული დღით ადრე წერილობით აცნობოს მიმწოდებელს, კონკრეტულ საბავშვო ბაღში მისაწოდებელი საქონლის შესახებ (საქონლის ზუსტი დასახელება/აღწერილობა, რაოდენობა და მიწოდების თარიღი).

აღნიშნული პირობის დაცვა სავალდებულოდ გასათვალისწინებელია ორივე მხარისათვის, რათა თავიდან იქნეს აცილებული საქონლის დაგვიანებული ან ნაადრევი მიწოდება (რაც თავის მხრივ გამოიწვევს საქონლის დასაწყობების პრობლემას).

1.5.1. საქონლის მიწოდების ადგილია სატენდერო დოკუმენტაციის დანართი N3-ით (მიწოდების ადგილები და რაოდენობები) განსაზღვრული თითოეული საბავშვო ბაგა-ბაღი;

1.5.2. მიმწოდებელი ვალდებულია, დანართი N3-ით განსაზღვრულ თითოეულ დანიშნულების ობიექტზე საკუთარი ხარჯებით უზრუნველყოს საქონლის ტრანსპორტირება და ადგილზე მიწოდება;

მიმწოდებელმა, დანართი N2-ით (ფასების ცხრილი) განსაზღვრულ თითოეულ შემოთავაზებულ საქონელზე, მიღება-ჩაბარების აქტის გაფორმების დღიდან უნდა გაავრცელოს არანაკლებ 1 (ერთი) თვიანი გარანტია, რომლის მიხედვითაც მიმწოდებელი იღებს ვალდებულებას, რომ წუნის ან ხარვეზის აღმოჩენის შემთხვევაში, შემსყიდველი ორგანიზაციის შესაბამისი მიმართვის წარმოდგენიდან არაუგვიანეს 10 (ათი) კალენდარული დღის ვადაში, საკუთარი ხარჯებით ჩაანაცვლებს წუნდებულ/ხარვეზიან საქონელს ახლით.

2.1.1.1. პრეტენდენტმა დანართ N2-ში (ფასების ცხრილი) უნდა მიუთითოს ინფორმაცია შემოთავაზებული საქონლის წარმოების ქვეყნის, მწარმოებლის, ბრენდისა და მოდელის (დანართი N4 - მოდელის იდენტიფიკაცია, გათვალისწინებით) შესახებ. იმ შემთხვევაში, თუ შესყიდვის ობიექტს არ გააჩნია ბრენდი, პრეტენდენტი ვალდებულია ფასების ცხრილის შესაბამის გრაფაში მიუთითოს "არ გააჩნია";

2.1.1.2. შესყიდვის ობიექტის წარმოების ქვეყნის, მწარმოებლის, ბრენდისა და მოდელის დასახელების შესახებ ინფორმაციის წარმოუდგენლობა (მიუთითებლობა), ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

პრეტენდენტს 2022 წლის პირველი იანვრიდან წინამდებარე კონსოლიდირებული ტენდერის გამოცხადების თარიღამდე უნდა ჰქონდეს საბავშვო სათამაშოების მიწოდების (გაყიდვის) გამოცდილება ტენდერის სავარაუდო ღირებულების არანაკლებ 50%-ისა.

აღნიშნულის დასტურად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს საბავშვო სათამაშოების მიწოდების (გაყიდვის) დამადასტურებელი დოკუმენტები:

ა) ხელშეკრულება/ხელშეკრულებები და ამ ხელშეკრულებ(ებ)ით გათვალისწინებული ვალდებულებების შესრულების საფუძველზე გაფორმებული მიღება-ჩაბარების აქტ(ებ)ი და დადასტურებული საგადასახადო ანგარიშ-ფაქტურები

ან/და

სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები

ან

ბ) აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების საქონლის მიწოდების (გაყიდვის) გამოცდილება.

2.7.1.1. ყველა სათამაშო უნდა აკმაყოფილებდეს შემდეგ მოთხოვნებს:

ა) შემოთავაზებული საქონელი უნდა აკმაყოფილებდეს საქართველოს მთავრობის 2014 წლის 26 თებერვლის №47 დადგენილებით დამტკიცებული „სათამაშოების უსაფრთხოების ტექნიკური რეგლამენტის“ მოთხოვნებს;

ბ) შემოთავაზებული საქონელი უნდა აკმაყოფილებდეს ევროკავშირის სათამაშოების უსაფრთხოების დირექტივის 2009/48/EC (Toy Safety Directive) მოთხოვნებს (რაც ფარავს CE მარკირების მოთხოვნებს), მათ შორის შემდეგ სტანდარტებს:

EN 71-1 (მექანიკური და ფიზიკური უსაფრთხოება)
EN 71-2 (წვასაწინააღმდეგო მოთხოვნები)
EN 71-3 (ქიმიური უსაფრთხოება),
ხოლო ელექტრონული სათამაშოების შემთხვევაში — EN 62115 (ელექტრონული სათამაშოების უსაფრთხოება);

გ) პრეტენდენტმა შემოთავაზებულ სათამაშოებზე უნდა წარმოადგინოს მწარმოებლის ან უფლებამოსილი წარმომადგენლის მიერ გაცემული შესაბამისობის დეკლარაცია (EU Declaration of Conformity), რომელშიც აუცილებლად უნდა იყოს მითითებული:

- მწარმოებლის ან უფლებამოსილი წარმომადგენლის დასახელება და მისამართი;

- დეკლარაციის საგნის, კონკრეტული სათამაშოს უნიკალური იდენტიფიკატორი (Model / Item No. / Item Code / Article Code / SKU ...);

- დეკლარაციის საგანი (სათამაშოს იდენტიფიცირებისთვის აუცილებელი ინფორმაცია რომელიც უზრუნველყოფს მიკვლევადობას). დეკლარაცია სათამაშოს იდენტიფიცირების მიზნით უნდა შეიცავდეს ფერად სურათს;

- მითითება, რომ დეკლარაციის საგანი (სათამაშო) შესაბამისობაშია სათამაშოების უსაფრთხოების დირექტივის 2009/48/EC (Toy Safety Directive) მოთხოვნებთან, კერძოდ: მითითება EN 71-1, EN 71-2, EN 71-3 სტანდარტებთან შესაბამისობაზე და ელექტრონული სათამაშოების შემთხვევაში - EN 62115-თან შესაბამისობაზე;

- მითითება, რომ დეკლარაცია შედგენილია მწარმოებლის პასუხისმგებლობის ქვეშ;

- იმ ტესტ-რეპორტების ნომრები და ტესტირების განმახორციელებელი ორგანოს (ლაბორატორიის) დასახელება, რომელთა საფუძველზეც გაიცა აღნიშნული შესაბამისობის დეკლარაცია;

- დეკლარაციის შედგენის თარიღი, ხელმომწერი პირის ვინაობა (სახელი, გვარი, თანამდებობა) და ხელმოწერა.


დ) პრეტენდენტმა უნდა გაითვალისწინოს, რომ სათამაშოს ასაკობრივი შესაბამისობა უნდა დასტურდებოდეს სათამაშოს ეტიკეტზე დატანილი ასაკობრივი ნიშნით (მაგ.: „0+“, „3+“ და ა.შ.).

ე) პრეტენდენტმა უნდა გაითვალისწინოს, რომ დანართ N1-ში ტექნიკური დავალებით მითითებული ზომები წარმოადგენდეს პროდუქტის რეალურ გაბარიტულ ზომებს (გაზომილი ყველაზე განიერ წერტილებში), შეფუთვის გარეშე;

ვ) შეფუთვა და მარკირება – ყველა სათამაშო უნდა იყოს სათანადოდ შეფუთული და თითოეულ ერთეულზე (სათამაშოზე ან მის პირველადი შეფუთვაზე) უნდა იყოს დატანილი მწარმოებლის ეტიკეტირება, უსაფრთხოების ნიშნები, ასევე CE მარკირება და ასაკობრივი ნიშანი. სათამაშოზე ან მის პირველადი შეფუთვაზე აუცილებლად უნდა იყოს დატანილი პროდუქტის უნიკალური იდენტიფიკატორი (Model / Item No. / Item Code / Article Code / SKU ...), რომელიც უნდა დაემთხვეს შესაბამისობის დეკლარაციაში მითითებულ იდენტიფიკატორს, რათა უზრუნველყოფილი იყოს პროდუქტის იდენტიფიკაცია მიღება-ჩაბარების ეტაპზე.

2.7.1.2. იმ შემთხვევაში, თუ სათამაშოები არის ადგილობრივი წარმოების, წარმოდგენილი უნდა იქნას მწარმოებლის წერილობითი დადასტურება, რომ სათამაშოების დამზადებისას გამოყენებული მასალები შესაბამისობაშია სატენდერო დოკუმენტაციის 1.2.1. 1.2.2. 1.2.5. 1.2.6 და 1.2.7. ქვეპუნქტებით დადგენილ მოთხოვნებთან.

2.7.1.3. პრეტენდენტმა ასევე უნდა გაითვალისწინოს, რომ წინამდებარე კონსოლიდირებული ტენდერის ფარგლებში შემოთავაზებული საქონელი დამზადებული უნდა იყოს ისეთი მწარმოებლ(ებ)ის მიერ, რომლებიც იძებნება/მიკვლევადია ინტერნეტ სივრცეში და სათამაშოების ბაზარზე ოპერირებს არანაკლებ 10 (ათი) წლის განმავლობაში.

კერძოდ, მწარმოებლ(ებ)ს აუცილებლად უნდა გააჩნდეთ ოფიციალური ვებ-გვერდი/საიტი, რომელზეც მითითებული იქნება მოქმედი და მიკვლევადი ელექტრონული ფოსტის მისამართი და საკონტაქტო ნომერი, რომელზედაც საჭიროების შემთხვევაში, სატენდერო კომისია შეძლებს საჭირო ინფორმაციის გამოთხოვას.

ასევე, მითითებულ ვებ-გვერდზე/საიტზე უნდა იქნეს ინფორმაცია მათ მიერ წარმოებული საქონლის, მათ შორის აუცილებლად - ტენდერში შემოთავაზებული საქონლის შესახებ, კატალოგის ან/და data-sheet ან/და სხვა სახით. აღნიშნული ინფორმაციით უნდა იდენტიფიცირდებოდეს წინამდებარე ტენდერის ფარგლებში პრეტენდენტის მიერ შემოთავაზებული კონკრეტული სათამაშოს უნიკალური იდენტიფიკატორი, ტექნიკური აღწერილობა და ფერადი, გარჩევადი/მკაფიო ფოტო მასალა.

აღნიშნულიდან გამომდინარე, დანართი N1-ით განსაზღვრული საქონლისა და მათი მწარმოებლ(ებ)ის შესახებ მაიდენტიფიცირებელი ინფორმაციის მიკვლევადობის მიზნით, პრეტენდენტმა დანართი N1-ში (ტექნიკური დავალება) აუცილებლად უნდა მიუთითოს შესაბამისი ვებ-ბმულ(ებ)ი მწარმოებლ(ებ)ის ოფიციალური ვებ-გვერდიდან (data-sheet ან/და კატალოგი ან/და სხვა... სახით).

2.9.1. სახელმწიფო შესყიდვების ერთიან ელექტრონულ სისტემაში პრეტენდენტის მიერ ასატვირთი დოკუმენტებია:

ა) დანართი N1 - ტექნიკური დავალება;
ბ) დანართი N2 - ფასების ცხრილი;
გ) ინფორმაცია/დოკუმენტაცია პრეტენდენტის გამოცდილების შესახებ, სატენდერო დოკუმენტაციის 2.2.1. ქვეპუნქტის შესაბამისად;
დ) 2.7.1. პუნქტის შესაბამისად განსაზღვრული დოკუმეტაცია

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

23155

5

10

ხელშეკრულების შესრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს საქონლის მიწოდების საბოლოო ვადას.

6.2.4.1. ტენდერში გამოყენებული იქნება საბანკო ან სადაზღვევო კომპანიის მიერ გაცემული ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო გარანტია, ხელშეკრულების საერთო ღირებულების 5%–ის ოდენობით, ხოლო იმ შემთხვევაში, თუ პრეტენდენტის მიერ სისტემაში დაფიქსირებული სატენდერო წინადადების საბოლოო ფასი 20%-ით ან მეტით ნაკლები იქნება შესყიდვის სავარაუდო ღირებულებაზე, ხელშეკრულების საერთო ღირებულების 10%-ის ოდენობით;

6.2.4.2. ხელშეკრულების შესრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმების მომენტში;

6.2.4.3. უპირობო, გამოუთხოვადი ხელშეკრულების შესრულების უზრუნველყოფის საბანკო გარანტია წარმოდგენილ უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;

6.2.4.4. გამარჯვებული პრეტენდენტის მიერ წარმოდგენილ ხელშეკრულების შესრულების უზრუნველყოფის საბანკო გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.2.4.5. უპირობო, გამოუთხოვადი ხელშეკრულების შესრულების გარანტია შემსყიდველ ორგანიზაციას წარედგინება მატერიალური დოკუმენტის ფორმით ან ელექტრონული დოკუმენტის ფორმით. (არარეზიდენტი პირის მიერ გაცემული ხელშეკრულების შესრულების გარანტია შემსყიდველ ორგანიზაციას წარედგინება მხოლოდ მატერიალური დოკუმენტის ფორმით).

7.1.1.1. შემსყიდველი ორგანიზაცია განახორციელებს წინასწარ ანგარიშსწორებას (ავანსს), გამარჯვებული პრეტენდენტის მიერ იდენტური ოდენობის საბანკო გარანტიის წარდგენის შემთხვევაში, ურთიერთშეთანხმებული ოდენობით, მაგრამ არაუმეტეს ხელშეკრულების ჯამური ღირებულების 50 %-ისა. გამარჯვებული პრეტენდენტი ვალდებულია შემსყიდველს წარუდგინოს საავანსო თანხის იდენტური ოდენობის, უპირობო, გამოუთხოვადი საბანკო გარანტია.
7.1.1.2. წინასწარი ანგარიშსწორების მოთხოვნის შემთხვევაში, ანგარიშსწორება უნდა განხორციელდეს მიმწოდებლის მიერ წარმოდგენილი წინასწარ გადასახდელი თანხის იდენტური ოდენობის საქართველოს ეროვნული ბანკის მიერ ლიცენზირებული საბანკო დაწესებულების მიერ გაცემული უპირობო და გამოუთხოვადი საბანკო გარანტიის საფუძველზე (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე). გარანტია წარმოდგენილი უნდა იქნას ეროვნულ ვალუტაში-ლარში;
7.1.1.3. წინასწარი ანგარიშსწორების გარანტიის მოქმედების ვადა არანაკლებ 90 (ოთხმოცდაათი) კალენდარული დღით უნდა აღემატებოდეს საქონლის მიწოდების საბოლოო ვადას.
7.1.1.4. მიმწოდებლის მიერ წარმოდგენილ საავანსო გარანტიაში არ უნდა იყოს მითითებული, რომ გარანტია მცირდება შესრულების პროპორციულად.
7.1.1.5. ანგარიშსწორება განხორციელდება საავანსოდ გადახდილი თანხის სრულად გამოქვითვის შემდეგ.

კონსოლიდირებული ტენდერის ფარგლებში, ანგარიშსწორება ხორციელდება ეტაპობრივად, შესყიდვის ობიექტის მიწოდების შემდეგ, უნაღდო ფორმით, ეროვნულ ვალუტაში და მოიცავს საქართველოს კანონმდებლობით დადგენილ ყველა გადასახადს.

ანგარიშსწორება განხორციელდება 2026 წლის სახსრებით, ფაქტობრივად მოწოდებული საქონლის მიხედვით, შესაბამისი მიღება–ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

ალექსანდრე ჩაგანავა, 597030303, achaganava@spa.ge

10.1.1. წინამდებარე სატენდერო დოკუმენტაცია შემუშავებულია „სახელმწიფო შესყიდვების შესახებ“ საქართველოს კანონის (შემდგომში - კანონი) 20 მუხლის 2 პრიმა მუხლის, სახელმწიფო შესყიდვების სააგენტოს თავმჯდომარის 2018 წლის 14 დეკემბრის №14 ბრძანებით დამტკიცებული კონსოლიდირებული ტენდერის ჩატარების წესისა და პირობების, აგრეთვე, „2025-2026 წლ(ებ)ის განმავლობაში, საბავშვო ბაგა-ბაღებისათვის საჭირო ინვენტარის სახელმწიფო შესყიდვის კონსოლიდირებული ტენდერ(ებ)ის საშუალებით განხორციელების თაობაზე“ საქართველოს მთავრობის 2025 წლის 5 დეკემბრის N2042 განკარგულების საფუძველზე;

10.1.2. წინამდებარე კონსოლიდირებული ტენდერის ფარგლებში შემსყიდველი ორგანიზაციები არიან - სატენდერო დოკუმენტაციის დანართი N3-ით განსაზღვრული სახელმწიფო შესყიდვების ერთიან ელექტრონულ სისტემაში (შემდგომში - სისტემა) „შემსყიდველად“ რეგისტრირებული მომხმარებლები;

10.1.3. ის შემსყიდველი ორგანიზაციები, რომლებიც არ არიან მოხსენიებული სატენდერო დოკუმენტაციასა და შესაბამის დანართებში, მაგრამ კონსოლიდირებული ტენდერის მიმდინარეობისას გაუჩნდებათ წინამდებარე სატენდერო დოკუმენტაციით განსაზღვრული საქონლის შესყიდვის საჭიროება, უფლებამოსილნი არიან წინამდებარე კონსოლიდირებულ ტენდერში გამარჯვებული პრეტენდენტის თანხმობის საფუძველზე და სატენდერო კომისიასთან შეთანხმების შემდეგ, გააფორმონ სახელმწიფო შესყიდვის შესახებ ხელშეკრულება გამარჯვებულ პრეტენდენტთან. ასეთ შემთხვევაში, მათზე სრულად გავრცელდება წინამდებარე კონსოლიდირებული ტენ