Ремонт и техническое обслуживание строительных сооружений (Грузия - Тендер #71388722)

ქ. თბილისის ბაგა-ბაღებში არსებული სახანძრო-საგანგაშო (სამისამართო) სისტემის შეკეთებისა და ტექნიკური მომსახურების სახელმწიფო შესყიდვა;

1.2.1. მიმწოდებელმა უნდა უზრუნველყოს ქ. თბილისის ბაგა-ბაღებში არსებული სახანძრო-საგანგაშო (სამისამართო) სისტემის შეკეთება და ტექნიკური მომსახურება;
1.2.2. ქ. თბილისში არსებული 190 საბავშვო ბაგა-ბაღიდან, 140 საბავშვო ბაგა-ბაღში დამონტაჟებულია INIM Electronics-ის აპარატურა. დარჩენილ 50 საბავშვო ბაგა-ბაღში დამონტაჟებულია Teletek, Unipos-ის და სხვა ბრენდის აპარატურა, რომელიც, საჭიროების შემთხვევაში შესაძლოა დაექვემდებაროს ამოცვლას პრეისკურანტით გათვალისწინებული მახასიათებლების შესაბამისი აპარატურით;
1.2.3. მიმწოდებელი ვალდებულია უზრუნველყოს სახანძრო-საგანგაშო (სამისამართო) სისტემის ინსპექტირება/შემოწმება მის სწორ/გამართულ ფუნქციონირებაზე, რაც მოიცავს შემდეგს:
ა) მართვის პანელის და დეტექტორების პროგრამულ კონფიგურირებას და სცენარების გაწერას; შემოწმებისას ჩატარებული პროგრამული მომსახურების ღირებულება დათვლილი იქნება პრეისკურანტის მიხედვით;
ბ) სახანძრო სიგნალიზაციის შეერთებების შემოწმებას;
გ) ხელოვნურად სახანძრო სიგნალიზაციის განგაშის რეჟიმში მოყვანას;
დ) სისტემის დეტექტორების შემთხვევითი შერჩევით გააქტიურებას 30-ზე ერთის ჯერადობით;
ე) საგანგაშო მოწყობილობების რეაგირების შემოწმებას განგაშის დროს;
ვ) სახანძრო სიგნალიზაციის სისტემის განგაშის რეჟიმში მოყვანას ცენტრალური კვებიდან გათიშულ მდგომარეობაში ყოფნის დროს);
ზ) ხანძრის სამართავი პანელის, კვების, დეტექტორისა და საკაბელო ქსელების შემოწმებას;
1.2.4. გამოძახებაზე რეაგირება - სატელეფონო, მათ შორის ვიდეო ზარი 24/7; სატელეფონო ზარით მოუგვარებლობის შემთხვევაში ტექნიკოსის ადგილზე მისვლა არაუმეტეს მომდევნო 24 სამუშაო საათის განმავლობაში; ადგილზე მისვლის შემთხვევაში, უნდა შემოწმდეს სისტემა და დაიწეროს დეფექტური აქტი. არასამუშაო საათებში სატელეფონო, მათ შორის ვიდეო ზარი განხორციელდება მხოლოდ გადაუდებელ შემთხვევაში (თუ შემსყიდველი საკუთარი ძალებით ვერ უზრუნველყოფს ვითარების აღმოფხვრას), სხვა შემთხვევაში ზარის განხორციელება მოხდება სამუშაო საათებში, მხოლოდ ხელშეკრულებაში მითითებული არაუმეტეს დამკვეთის ორი კომპეტენტური თანამშრომლის მიერ.
1.2.5. სიგნალიზაციის გააქტიურების შემთხვევაში სისტემამ უნდა უზრუნველყოს შესაბამისი გამაფრთხილებელი შეტყობინების გაგზავნა (თუ აპარატურა შემსყიდველის მიერ აღჭურვილია სიმ ბარათით);
1.2.6. მიმწოდებელმა ინსპექტირების/შემოწმების შედეგად უნდა გასცეს წერილობითი დასკვნა, რომელიც უნდა მოიცავდეს კონკრეტული გამოვლენილი ხარვეზის/შეფერხების აღწერას (ასეთის არსებობის შემთხვევაში). მიმწოდებლის მიერ ინსპექტირების/შემოწმების პროცესს შესაძლოა სწრებოდეს შემსყიდველის წარმომადგენელი. შემსრულებლის მიერ წარმოდგენილი უნდა იყოს დაზიანებული მოწყობილობებისა და აღმოსაფხვრელი სამუშაოების ჩამონათვალი, რომელსაც წარდგენიდან არაუგვიანეს ხუთი კალენდარული დღის ვადაში ხელმოწერით ადასტურებს შემსყიდველის წარმომადგენელი ან უბრუნებს მიმწოდებელს მოტივირებული შენიშვნებით;
1.2.7. ბაგა-ბაღების აზომვითი ნახაზების ელექტრონული ვერსიის გადაცემის შემდეგ, პრეტენდენტი ვალდებულია განახორციელოს ბაგა-ბაღებში არსებული სახანძრო-საგნგაშო სისტემის სიტუაციური ნახაზის შექმნა, სადაც დატანილი იქნება ბაღებში არსებული სახანძრო სიგნალიზაციის კომპონენტების (დეტექტორების, ხელის ღილაკების, სირენების და. ა.შ) განლაგება, კომპონენტების მისამართების მითითებით. ასევე, შემსყიდველს უნდა გადასცეს სახანძრო-საგანგაშო სისტემის სცენარები და პაროლები მას შემდეგ რაც ამოიწურება მხარეთა შორის გაფორმებული ხელშეკრულებით განსაზღვრული მომსახურების გაწევის ვადა;
1.2.8. პრეტენდენტმა, საჭირობის შემთხვევაში, უნდა უზრუნველყოს ბაგა-ბაღებში არსებული ცეცხლმაქრების გადამუხტვა, ხოლო თუ გადამუხტვა ვერ ხორციელდება ბალონის ვადის ამოწურვის ან/და სხვა გარემოებების გამო, უნდა უზრუნველყოს მისი ახლით ჩანაცვლება, რაზედაც ყოველ ჯერზე წარმოდგენილი უნდა იქნას შესაბამისი შესრულების დოკუმენტაცია (ინვოისი) და ფაქტურა;
1.2.9. მიმწოდებელმა, ბაგა-ბაღის შემოწმების დროს უნდა უზრუნველყოს ბაგა-ბაღის მიერ გამოყოფილი ერთი პირის ინსტრუქტაჟი სახანძრო სიგნალიზაციის აპარატურის გამოყენების წესებთან დაკავშირებით, რომელიც პასუხისმგებელი იქნება მართვის პანელის მოხმარებაზე;
1.2.10. დემონტირებული სახანძრო სიგნალიზაციის კომპონენტები უნდა გადაეცეს იმავე საბავშვო ბაგა-ბაღს, ხოლო საჭიროების შემთხვევაში გამოყენებული იქნას სხვა ბაგა-ბაღებში, ანალოგური მწარმოებლის დაზიანებული კომპონენტების შესაცვლელად.
1.2.11. პრეტენდენტს უფლება აქვს ადგილზე გაეცნოს შესყიდვის ობიექტს.
1.2.12. მიმწოდებელთან ხელშეკრულების გაფორმების შემდეგ, პრეისკურანტში მომსახურების რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.13. პრეტენდენტის მიერ შემოთავაზებული ერთეულის ღირებულებები არ უნდა აღემატებოდეს პრეისკურანტით განსაზღვრულ ზღვრულ ერთეულის ღირებულებებს, ხოლო პრეტენდენტის მიერ შემოთავაზებული ღირებულებების საერთო ჯამი არ უნდა აღემატებოდეს პრეისკურანტის სავარაუდო ჯამურ ღირებულებას. დაზუსტების ეტაპზე პრეისკურანტის რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას;
1.2.14. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ჯამურ ღირებულებასა და პრეტენდენტის მიერ სისტემაში დაფიქსირებულ, პრეისკურანტის საბოლოო ჯამურ ღირებულებას შორის არსებული პროცენტული სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ფასებთან მიმართებაში. პრეტენდენტი ვალდებულია, პრეისკურანტში მითითებული ერთეულის ღირებულებები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
1.2.15. საქონლისა და მომსახურების პრეისკურანტში მითითებული საქონლის ღირებულება, საჭიროების/მოთხოვნის შემთხვევაში, მოიცავს თანმდევი მომსახურების ღირებულებასაც და საქონლის მონტაჟისთვის საჭირო ყველა სახარჯი მასალის ღირებულებასაც.

1.4.1. მიმწოდებელი იღებს ვალდებულებას მხარეებს შორის გაფორმებული ხელშეკრულებით განსაზღვრული სააგენტოს თანამშრომლ(ებ)ის მიერ მობილური აპლიკაციების (viber, whatsapp) ან ელექტრონული ფოსტის საშუალებით დადასტურებიდან 120 კალენდარული დღის ვადაში უზრუნველყოს ერთდროულად არაუმეტეს 50 საბავშვო ბაგა-ბაღის სახანძრო-საგანგაშო სისტემის შემოწმება-შეკეთება-აღდგენა, ეტაპობრივად, 2026 წლის 31 დეკემბრის ჩათვლით.

1.5.1. შესყიდვის ობიექტის მიწოდების ადგილია ქ. თბილისის საბავშვო ბაგა-ბაღები (იხ. დანართი N2 - ,,ბაგა-ბაღების მისამართები);

1.7.1.1. შესყიდვის ობიექტის სწორი ექსპლოატაციის პირობებში, მასზე უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ იმ ვადით, რაც მითითებულია პრეისკურანტში;
1.7.1.2. იმ შემთხვევაში, თუ საგარანტიო ვადის გასვლამდე, სწორი ექსპლუატაციის პირობებში, შეცვლილ აპარატურას აღმოაჩნდება დეფექტი, ნაკლის აღმოფხვრის მიზნით შემსყიდველი მიმართავს მიმწოდებელს, რომელიც აღმოჩენილ ნაკლოვანებას აღმოფხვრის უსასყიდლოდ, შემსყიდველის მოთხოვნიდან არაუგვიანეს 10 კალენდარული დღის ვადაში.

2.1.1.1. პრეტენდენტმა პრეისკურანტის პირველ (1-ლ), მე-2, მე-3, მე-4, მე-5, მე-6, მე-7, მე-8, მე-9, მე-11, მე-17 და მე-19 პოზიციებზე უნდა მიუთითოს შემოთავაზებული საქონლის წარმოშობის ქვეყნის, მწარმოებლის ან/და ბრენდის და მოდელის დასახელება, ხოლო მე-10, მე-12, მე-13, მე-14, მე-15 და მე-16 პოზიციებზე უნდა მიუთითოს საქონლის წარმოშობის ქვეყნის, მწარმოებლის ან/და ბრენდის დასახელება;
2.1.1.2. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის წარმოშობის ქვეყნის, მწარმოებლის ან/და ბრენდის და მოდელის შესახებ, ასევე არ არის ან განუფასებლადაა წარდგენილი ფასების ცხრილი. ამასთან, პრეტენდენტის მიერ სატენდერო წინადადების წარმოდგენის შემდგომ, შემოთავაზებული საქონლის მწარმოებლის ან/და ბრენდის, წარმოშობის ქვეყნის და მოდელის დასახელების ცვლილება გამოიწვევს პრეტენდენტის დისკვალიფიკაციას.

2.2.1.1. პრეტენდენტს, 2023 წლის 01 იანვრიდან, წინამდებარე ტენდერში „წინადადებების მიღება დასრულებულია“ სტატუსის მინიჭების თარიღამდე პერიოდში, უნდა გააჩნდეს ხანძარსაწინააღმდეგო მოწყობილობების (სისტემის) ტექნიკური მომსახურების გაწევის ან/და სახანძრო სიგნალიზაციის სისტემების მიწოდების და მონტაჟის გამოცდილება არანაკლებ 300 000 ლარის ღირებულებით;
2.2.1.2. გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
ა) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით, საკმარისია სატენდერო განცხადების ან CMR ნომრების შესახებ ინფორმაციის წარმოდგენა.
ბ) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს შესაბამისი ხელშეკრულებ(ები)ა და ამავე ხელშეკრულებ(ებ)ის ფარგლებში გაფორმებული მიღება-ჩაბარების აქტ(ებ)ი, რაც დაადასტურებს პრეტენდენტის გამოცდილების შესაბამისობას სატენდერო დოკუმენტაციის 2.2.1.1. პუნქტით განსაზღვრულ მოთხოვნებთან.

2.7.1.1. პრეტენდენტმა პრეისკურანტის პრეისკურანტის პირველ (1-ლ), მე-2, მე-3, მე-4, მე-5, მე-6, მე-7, მე-11 და მე-16 პოზიციებზე უნდა წარმოადგინოს EN სტანდარტებთან შესაბამისობის დამადასტურებელი სერტიფიკატები;
2.7.1.2. პრეტენდენტის მიერ შემოთავაზებული საქონლის ტექნიკური პარამეტრების სატენდერო პირობებთან და პრეტენდენტის მიერ წარმოდგენილ ტექნიკურ პარამეტრებთან შესაბამისობის დადგენის მიზნით, პრეისკურანტის პირველ (1-ლ), მე-2, მე-3, მე-4, მე-5, მე-6, მე-7, მე-8, მე-9, მე-11, მე-17 და მე-19 პოზიციებზე, პრეტენდენტმა უნდა წარმოადგინოს შემოთავაზებული პროდუქტის მწარმოებლის მიერ გაცემული წერილი ან/და data sheet ან/და სხვა დოკუმენტი, რომელშიც სრულად უნდა იყოს დაფიქსირებული შესყიდვის ობიექტის ყველა ტექნიკური პარამეტრი. მათ შორის, არსებობის შემთხვევაში, მითითებული უნდა იყოს მოდელიც.

2.9.1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2.9.2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარში.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები განისაზღვრება მრავალნიშნა ათწილადის სახით, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე (თეთრების სიზუსტით), შესაბამისად შეამციროს საერთო ღირებულებაც.

2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.5. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

2.9.6. პრეტენდენტს არ აქვს უფლება წარმოადგინოს ალტერნატიული წინადადება.

2.9.7. შემსყიდველი უფლებამოსილია ხელშეკრულების გაფორმებიდან, საქონლის მიწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან დაკავშირებული ინფორმაცია.

2.9.8. მიმწოდებელი ვალდებულია არაუგვიანეს 2026 წლის 28 დეკემბრისა, თითოეული ლოკაციის მიხედვით, შემსყიდველს წარუდგინოს სრულყოფილი ინფორმაცია კონკრეტულ ჯერზე მიწოდებული საქონლის რაოდენობის და გაწეული მომსახურების შესახებ, როგორც Excel-ის, ასევე ელექტრონული ხელმოწერით PDF ფორმატში.

2.9.9. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.

4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება შემოთავაზებული საქონლის მწარმოებელი ქვეყნით, მწარმოებლით ან/და ბრენდით და მოდელით (არსებობის შემთხვევაში)).

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

3 Процентов

5 Процентов

6.3.1. ხელშეკრულების შესრულების უზრუნველყოფის საბანკო/სადაზღვევო გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის საბოლოო მიწოდების ვადას.

6.4.1. გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან; გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა. გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.4.2. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს;

6.4.3. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს ხელშეკრულების შესრულების უზრუნველყოფის საბანკო/სადაზღვევო გარანტიის სრული ოდენობით გამოყენება.

7.2.1. ანგარიშსწორება შემსყიდველის მიერ ხორციელდება ეტაპობრივად, გაწეული მომსახურების მიხედვით, მიღება-ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10(ათი) სამუშაო დღის განმავლობაში.

7.3.1. ანგარიშსწორება განხორციელდება თვეში ერთხელ, მიმწოდებლის საბანკო ანგარიშზე, მიმწოდებლის მიერ საგადასახადო დოკუმენტის გამოწერის დღიდან და მიღება-ჩაბარების აქტზე ხელმოწერიდან არაუგვიანეს 10 (ათი) სამუშაო დღის ვადაში.

გიორგი გოგისვანიძე, 597777676, g.gogisvanidze@kids.org.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.2. შესყიდვაში მონაწილე პირებმა (პრეტენდენტებმა) ერთიან ელექტრონულ სისტემაში უნდა ატვირთონ შემდეგი ტექნიკური ინფორმაცია/დოკუმენტები:
ა) პრეისკურანტი სატენდერო დოკუმენტაციის 1.3 და 2.1.1 პუნქტების მოთხოვნათა გათვალისწინებით;
ბ) ინფორმაცია საგარანტიო პირობების შესახებ სატენდერო დოკუმენტაციის 1.7.1 პუნქტის მოთხოვნათა გათვალისწინებით;
გ) პრეტენდენტის გამოცდილების დამადასტურებელი დოკუმენტაცია სატენდერო პირობების 2.2.1 პუნქტის მოთხოვნათა გათვალისწინებით;
დ) ლიცენზიასთან, სტანდარტებთან, აკრედიტაციასთან, ხარისხის შესაბამისობასთან და სხვ. დოკუმენტებთან დაკავშირებული დოკუმენტაცია სატენდერო პირობების 2.7.1 პუნქტის მოთხოვნათა გათვალისწინებით;