Машины, оборудование и канцелярские принадлежности, за исключением компьютеров, принтеров и мебели (Грузия - Тендер #71388685)

შესყიდვის ობიექტია შპს „საქართველოს გაზის ტრანსპორტირების კომპანიისათვის“ საჭირო სხვადასხვა ტიპის კარტრიჯები.

შემოთავაზებული კარტრიჯები უნდა აკმაყოფილებდეს დანართი N1-ში მითითებულ ტიპს და ტექნიკურ მახასიათებლებს.

შემოთავაზებული ორიგინალი კარტიჯები უნდა იყოს ახალი, ქარხნული შეფუთვით მწარმოებლის ბრენდ კოლოფში, რომელზეც დაბეჭდილი (არა დაკრულ სტიკერზე), უნდა იყოს მწარმოებელი, ბრენდი, კარტრიჯის მოდელი, გამოშვების თარიღი, მწარმოებლის მისამართი, ქარხნული წესით დატანილი უნდა იყოს შასაბამისი საქონლის შტრიხ-კოდი, რომლითაც შესაძლებელი იქნება საქონლის იდენტიფიცირება GS1 სისტემაში (რომელიც გულისხმობს - საქონლის მწარმოებელ კომპანიის წარმოშობის ქვეყანისა და საქონლის დასახელების დადგენას).

შემოთავაზებული ორიგინალი კარტრიჯები დამზადებული უნდა იყოს ქარხნული წესით (წინამდებარე შესყიდვის მიზნებისათვის „ორიგინალი“ გულისხმობს შემსყიდველის ამავე პუნქტით განსაზღვრული საბეჭდი მოწყობილობების მწარმოებლის მიერ დამზადებულ, ან ამავე მწარმოებლის მიერ ავტორიზირებული კომპანიის მიერ დამზადებულ პროდუქტს. ავტორიზებული კომპანიის მიერ დამზადებული საქონლის შემოთავაზების შემთხვევაში, შემდგომ უკვე ელექტრონულ ტენდერში წარმოდგენილი უნდა იქნას ავტორიზაციის დამადასტურებელი დოკუმენტი).

შემოთავაზებული თავსებადი კარტიჯები უნდა იყოს ახალი, ქარხნული შეფუთვით მწარმოებლის ბრენდ კოლოფში, რომელზეც დატანილი, უნდა იყოს მწარმოებელი, ბრენდი, კარტრიჯის თავსებადობის შესახებ ინფორმაცია, მწარმოებლის მისამართი, ასევე მათ შეფუთვას უნდა გააჩნდეს გაყალბებისგან დამცავი ლოგოტიპიანი 3D ჰოლოგრამა, რომელზეც ასახული იქნება უნიკალური შტრიხ-კოდი, რომელიც განანსხვავებს თითოეულ კარტრიჯს ერთმანეთისგან.

ხელშეკრულების გაფორმებიდან არაუმეტეს 15 (თხუთმეტი) კალენდარულ დღეში.

ქ.თბილისი, მ.ნოზაძის ქუჩა N27.

შემოთავაზებულ საქონელზე გარანტია უნდა ვრცელდებოდეს მიღება-ჩაბარების აქტ(ებ)ის გაფორმებიდან არანაკლებ 1 (ერთი) წელი.

ქარხნული წუნის ან/და დეფქტის აღმოჩენის შემთხვევაში მიმწოდებელი ვალდებულია საკუთარი ხარჯით შეცვალოს საქონელი ახლით, ქარხნული წუნის ან დეფექტის გამოვლენის თაობაზე შესაბამისი შეტყობინების მიღებიდან 10 (ათი) სამუშაო დღეში.

პრეტენდენტმა დანართი N2 - ფასების ცხრილის შესაბამის გრაფაში უნდა მიუთითოს საქონლის წარმოშობის ქვეყანა, მწარმოებელი კომპანია და მოდელი.

იმ შემთხვევაში, თუ პრეტენდენტის მიერ არ იქნება მითითებული ზემოაღნიშნული ინფორმაციები, პრეტენდენტი დაექვემდებარება ტენდერიდან დისკვალიფიკაციას სახელმწიფო შესყიდვების კანონმდებლობის შესაბამისად.

თუ საქონელს არ გააჩნია მოდელი, პრეტენდენტი ვალდებულია მიუთითოს ინფორმაცია არარსებობის შესახებ.

მოსაწოდებელი საქონელი უნდა იყოს ახალი, ექსპლუატაციაში არ მყოფი.

პრეტენდენტმა შემსყიდველ ორგანიზაციაში უნდა წარმოადგინოს ფასების ცხრილით გათვალისწინებული მოსაწოდებელი საქონლის თითო-თითო ნიმუში.

ქ.თბილისი, მ.ნოზაძის ქუჩა N27.

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობას.

ანგარიშსწორება მოხდება უნაღდო ანგარიშსწორებით, ფაქტიურად მიწოდებული საქონლის შესაბამისად.

მიღება-ჩაბარების აქტ(ებ)ის გაფორმებიდან და შესაბამისი საგადახდო ანგარიშ-ფაქტურ(ებ)ის დადასტურებიდან 10 (ათი) სამუშაო დღის ვადაში.

სანდრო ჩიკვილაძე, 577257525, S.Chikviladze@ggtc.ge

1. პრეტენდენტს არა აქვს უფლება წარმოადგინოს ალტერნატიული წინადადება;
2. სატენდერო წინადადების ღირებულება უნდა მოიცავდეს შესყიდვის ობიექტის მიწოდებასთან დაკავშირებულ ყველა ხარჯსა და კანონით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
3. სატენდერო წინადადების ერთეულის ფასის და საერთო ღირებულების წარმოდგენა დასაშვებია მხოლოდ საქართველოს ეროვნულ ვალუტაში (ლარი);
4. პრეტენდენტის მიერ ერთიან ელექტრონულ სისტემაში ატვირთული დოკუმენტაცია უნდა იყოს დადასტურებული ელექტრონული ხელმოწერით ან/და ელექტრონული შტამპით (გარდა სატენდერო დოკუმენტაციის 1.3 პუნქტით გათვალისწინებული ფასების ცხრილის Excel-ის ფორმატის დოკუმენტისა)
5. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში,მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
6. დაზუსტებას არ ექვემდებარება ტექნიკური დოკუმენტაცია, თუ არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.