Отделочные строительные работы (Грузия - Тендер #71365891)

შპს ჯიარ ქონების მართვას საკუთრებაში არსებული ფოთის რკინიგზის სადგურის ბაქნის გადახურვის, ფასადების და მოსაცდელი დარბაზის სამღებრო სამუშაოები.

1.2.1.შესასრულებელი სამუშაოების ჩამონათვალი და ოდენობა განსაზღვრულია დანართი 1-ით. (ხარჯთაღრიცხვა)
1.2.2.პრეტენდენტი უფლებამოსილია (მიზანშეწონილია), წინასწარ (ტენდერში წინადადების წარდგენამდე), ადგილზე დაათვალიეროს ობიექტი და სატენდერო წინადადების წარდგენამდე გაითვალისწინოს ყველა გარემოება: ადგილმდებარეობა, საჭირო აღჭურვილობა, ტექნიკა, საჭირო მუშახელი და სხვა.
1.2.3.მიმწოდებელმა სამუშაოს შესასრულებლად უნდა გამოიყენოს საქართველოს ბაზარზე არსებული ბრენდირებული (ასეთის არსებობის შემთხვევაში და არ უნდა იყოს გაურკვეველი წარმომავლობის), სამშენებლო, სარემონტო, სამონტაჟო და მოსაპირკეთებელი მასალები. (აღნიშნულს ინსპექტირებას გაუწევს შემსყიდველი).
შენიშვნა: გამოსაყენებელი სამშენებლო, სარემონტო, სამონტაჟო და მოსაპირკეთებელი მასალების ხარისხი და დეტალები (ფერი, დიზაინი, ფაქტურა, რაც არ არის განსაზვრული დანართი #1-ით) უნდა შეთანხმდეს შემსყიდველთან
1.2.4. სარემონტო სამუშაოები მიმწოდებელმა უნდა განახორციელოს ხარისხიანად, მოქმედი სამშენებლო ნორმების შესაბამისად.
1.2.5.სარემონტო სამუშაოების შესასრულებლად საჭირო მასალების შესყიდვას, ტრანსპორტირებას, საჭირო მუშა ხელისა და ტექნიკის დაქირავებას და სხვა რაიმე სახის დამატებითი თანმდევი სამუშაოების განხორციელებას უზრუნველყოფს მიმწოდებელი საკუთარი სახსრებით.
1.2.6.მიმწოდებელმა უნდა უზრუნველყოს სამშენებლო ნარჩენების დაგროვება/გატანა კანონით დადგენილი წესების შესაბამისად.(აღნიშნულის დარღვევით დამდგარ შედეგებზე პასუხისმგებელია მიმწოდებელი).
1.2.7.სარემონტო სამუშაოების მიმდინარეობის პერიოდში საჭირო საგადასახადო ან/და სამართლებრივი დოკუმენტაციის შედგენაზე ან/და მათ სისწორეზე პასუხისმგებელია მიმწოდებელი.
1.2.8. სამშენებლო სამუშაოების მიმდინარეობის პერიოდში ფარული სამუშაოების განხორციელების დროს მიმწოდებელმა უნდა დაისწროს შემსყიდველის უფლებამოსილი წარმომადგენელი, რომელიც დაადასტურებს შესრულებულ ფარულ სამუშაოებს და ხელს მოაწერს შესაბამის ფარული სამუშაოების შესრულების შესახებ აქტებს.
1.2.9 მიმწოდებელი ვალდებულია დაიცვას შრომის უსაფრთხოების სფეროში საქართველოს კანონმდებლობით დადგენილი სამართლებრივი მარეგულირებელი ნორმები და წესები.

ხელშეკრულების გაფორმებიდან 2026 წლის 30 ივნისის ჩათვლით.

ქ.ფოთი. რკინიგზის სადგური.

1.6.1. საგარანტიო ვადა: შესრულებული სარემონტო სამუშაოების შესახებ მიღება-ჩაბარების აქტის გაფორმებიდან არანაკლებ 2 (ორი) წელი.
1.6.2. საგარანტიო პერიოდში (მიუხედავად შესყიდვის ობიექტის მიწოდების ვადისა და ხელშეკრულების მოქმედების ვადის გასვლისა) რაიმე სახის დაზიანების ან/და დეფექტის აღმოჩენის შემთხვევაში მიმწოდებელი ვალდებულია შემსყიდველის მოთხოვნიდან გონივრულ ვადაში, მაგრამ არაუმეტეს 10 (ათი) სამუშაო დღის განმავლობაში გამოასწოროს დაზიანება და მოიყვანოს სატენდერო და ხელშეკრულების პირობებთან შესაბამისობაში.

პრეტენდენტის მიერ 2024,2025 წლებში თითოეულ წელს ერთი ხელშეკრულების ფარგლებში, არანაკლებ 200000 (ორასი ათასი) ლარის ღირებულების ანალოგიური სამუშაოების შესრულების გამოცდილების დამადასტურებელი დასრულებული ხელშეკრულება და შესაბამისი მიღება-ჩაბარების აქტ(ებ)ი ან/და დადასტურებული ანგარიშფაქტურები.
ასეთის არსებობის შემთხვევაში შესაძლებელია აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: NAT/CMR/SPA და ა.შ).

ტენდერში მონაწილე პრეტენდენტმა უნდა წარმოადგინოს სამუშაოების შესრულების კალენდარული გეგმა-გრაფიკი (ყოველკვირეული) , რომელიც იქნება ხელშეკრულების განუყოფელი ნაწილი;

2.9.1 ტენდერთან დაკავშირებულ ყველა დოკუმენტს ან/და ინფორმაციას უცხოურ ენაზე წარმოდგენის შემთხვევაში, უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
2.9.2 სახელწიფო შესყიდვების ერთიან ელექტრონულ სისტემაში ატვირთულ დოკუმენტზე ან/და ინფორმაციაზე შესრულებული უნდა იყოს ელექტრონული ხელმოწერა ან/და დამოწმებული უნდა იყოს ელექტრონული შტამპით, "სახელმწიფო შესყიდვების განხორციელებისას დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე" სახელმძღვანელო ინსტრუქციის შესაბამისად.
2.9.3 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
2.9.4 სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში.
2.9.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე პრეტენდენტმა უნდა წარმოადგინოს ფასწარმოქმნის ადეკვატურობის დამადასტურებელი დოკუმენტაცია. ფასწარმოქმნის ადეკვატურობის ერთ-ერთ დამადასტურებელ დოკუმენტად ჩაითვლება საქართველოში შესაბამისი აკრეტიდაციის მქონე საექსპერტო ორგანიზაციის/პირის მიერ გაცემული დასკვნა, რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას და დაკვნის გამცემი ორგანიზაციის (გარდა სსიპ ლევან სამხარაულის სახელობის სასამართლო ექსპერტიზის ბიურო) აკრედიტაციის დამადასტურებელი დოკუმენტი.
სამშენებლო სამუშაოების ხარჯთაღრიცხვის ფასწარმოქმნის ადეკვატურობის დასკვნას უნდა ერთოდეს:
პრეტენდენტის მიერ ექსპერტისათვის წარდგენილი, რესურსული მეთოდით შედგენილი ხარჯთაღრიცხვის სახემდე დაკორექტირებული ხარჯთაღრიცხვა.

7.2.1 მიმწოდებლის მიერ სამუშაოების დასრულების შესახებ შემსყიდველისათვის ოფიციალური მიმართვის შემდეგ, შესრულებული სამუშაოების მოცულობების, ხარისხისა და ვადების ხელშეკრულების პირობებთან შესაბამისობას შემსყიდველის მხრიდან (შემსყიდველის ხარჯებით), გააკონტროლებს შემსყიდველის უფლებამოსილი ტექზედამხედველი.
7.2.2 მიღება-ჩაბარება განხორციელდება ტექზედამხედველის მიერ შესრულებული სამუშაოების შესახებ გაცემული დადებითი დასკვნის შემთხვევაში და ანაზღაურება მოხდება დასკვნაში მითითებული ფაქტიურად შესრულებული სამუშაოების ღირებულების მიხედვით.
7.2.3. ხარჯთაღრიცხვაში გათვალისწინებულია 5%-ანი რეზერვი გაუთვალისწინებელი სამუშაოებისათვის, საიდანაც შესაბამისი ოდენობით, ანაზღაურდება მხოლოდ შემსყიდველთან შეთანხმებით, მიმწოდებლის მიერ შესრულებული რაიმე სახის დამატებითი, წინასწარ გაუთვალისწინებელი სამუშაო.

7.3.1.ანგარიშსწორება განხორციელდება ობიექტზე სარემონტო სამუშაოების დასრულების შესახებ მხარეებს შორის მიღება-ჩაბარების აქტის გაფორმების შემდეგ, ხოლო დღგ-ს გადამხდელის შემთხვევაში საგადასახადო ანგარიშფაქტურის წარმოდგენიდან 10 (ათი) სამუშაო დღის განმავლობაში.

გიორგი ფიცხელაური, 595030010, gog1461@gmail.com ტექნიკურ საკითხებთად დაკავშირებით ავთანდილ თელია ტელ. 591400318

10.1.1 ხარჯები რომლებიც სატენდერო წინადადებაში არ იქნება გათვალისწინებული ანაზღაურებას არ ექვემდებარება.
10.1.2 ყველაზე დაბალი ფასის მქონე პრეტენდენტის მიერ წარმოდგენილი ტექნიკური დოკუმენტაციის, მათ შორის დაზუსტებული ტექნიკური დოკუმენტაციის (არსებობის შემთხვევაში) სატენდერო განცხადებასთან და სატენდერო დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას.
10.1.3 ხელშეკრულებით ნაკისრი ვალდებულებების შეუსრულებლობის შემთხვევაში შემსყიდველის მიერ გამოყენებული იქნება საჯარიმო სანქციები, რომლის გამოყენების წესი დაზუსტდება ხელშეკრულების პირობებში.
10.1.4 თუ პრეტენდენტის მიერ წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, პრეტენდენტი ექვემდებარება
დისკვალიფიკაციას.