Ресторан и подача блюд (Грузия - Тендер #71342191)

კვებითი მომსახურების შესყიდვა.

1.მიმწოდებელი ვალდებულია უზრუნველყოს ქალაქ თრჯოლის მუნიციპალიტეტის მერიის სტუმრებისათვის, რესტორნის ტიპის დაწესებულებაში კვებითი მომსახურება ფასების ცხრილში მოცემული მენიუს შესაბამისად, ეტაპობრივად, 50 (ორმოცდაათი) პირისთვის, ხელშეკრულების დადებიდან 2026 წლის 31 დეკემბრის ჩათვლით.
2.ფასების ცხრილში მოცემული მომსახურება შესაძლებელია სრულად არ შეისყიდოს შემსყიდველმა და ანგარიშსწორება განხორციელდება ფაქტიურად გაწეული მომსახურების შესაბამისად, ერთეულის ღირებულების შეუცვლელად.
3. ღონისძიებებში მონაწილეთა რაოდენობა, ადგილი, დრო და შესაბამისად მისაწოდებელი საკვების სახეობა და რაოდენობა თანმდევი მომსახურებით განხორციელდება შემსყიდველის მოთხოვნის საფუძველზე ყოველ კონკრეტულ შემთხვევის დროს.
4. კონკრეტულ დღეს პერსონათა რაოდენობა, შესაბამისად საკვების მენიუს დაზუსტებული რაოდენობა ეცნობება მიმწოდებელს არაუგვიანეს 2 (ორი) დღით ადრე.
5.ყველა კერძი უნდა იყოს ახლად მომზადებული, ფასების ცხრილით განსაზღვრული მენიუს შესაბამისად. საკვების მომზადების და სუფრაზე მიტანის დროს მიმწოდებელი ვალდებულია მკაცრად დაიცვას სანიტარულ-ჰიგიენური ნორმები. დაცული უნდა იყოს საკვების როგორც ვიზუალური, ასევე გემოვნებითი მხარე.თანდართულ მენიუში მითითებული კერძები უნდა იყოს ცხელი, ხოლო სასმელები - შესაბამის ტემპერატურაზე გაგრილებული. ასევე არანაკლები მითითებული მოცულობისა, ახლად მომზადებული და ლამაზად პრეზენტირებული;
6. მომსახურების გაწევა, ასევე, მოიცავს შესაბამისი რაოდენობის დამხმარე პროდუქტებს, როგორებიცაა: შაქარი, მარილი, ლიმონი და სხვა.
7. მისაწოდებელი კერძები და კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი და ჯანმრთელობისთვის უვნებელი, რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით. საკვების საგემოვნო თვისებები კვებითი ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს.
8. თითოეული პროდუქტის, ულუფის ზომა უნდა შეესაბამებოდეს ამ სფეროში არსებულ საშუალო მონაცემებს.
9. დაუშვებელია ვადაგასული და საკვებად უვარგისი პროდუქტების გამოყენება.
მაგიდის სერვირება უნდა მოხდეს მიღებული სტანდარტების შესაბამისად.
მიმწოდებელი ვალდებულია შემსყიდველი უზრუნველყოს შესაბამისი ინვენტარით: ჭურჭლით, ხელსახოცებით, მაგიდებით, მაგიდის გადასაფარებლებით და სხვ. ჭურჭელი უნდა იყოს თეთრი, ერთნაირი, დაუზიანებელი, გაპრიალებული და საუკეთესო სანიტარულ მდგომარეობაში. დაუშვებელია გატეხილი, გაბზარული ჭურჭლის ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება.

1. მიმწოდებელი ვალდებულია უზრუნველყოს მომსახურების გაწევა ეტაპობრივად, შემსყიდველის მოთხოვნის შესაბამისად, ხელშეკრულების დადებიდან 2026 წლის 31 დეკემბრის ჩათვლით, შემსყიდველის მოთხოვნიდან არაუგვიანეს ორი დღის ვადაში.

შესყიდვის ობიექტი (რესტორნის ტიპის დაწესებულება) უნდა მდებარეობდეს ქ. თერჯოლის ცენტრიდან არაუმეტეს 10 კილომეტრისა (პრეტენდენტმა ფასების ცხრილში უნდა მიუთითოს მისამართი).

შესყიდვის ობიექტი უნდა მდებარეობდეს ქალაქ თრჯოლის ცენტრიდან არაუმეტეს 10 კმ. რადიუსის ფარგლებში. უნდა იყოს რესტორნის ტიპის (პრეტენდენტმა ფასების ცხრილში უნდა მიუთითოს რესტორნის დასახელება და მისამართი).პრეტენდენტმა სისტემაში უნდა ატვირთოს მომსახურების გასაწევად საჭირო მატერიალურ-ტექნიკური ბაზის (რესტორნის) საკუთრებაში ან სარგებლობის სახით ფლობის დამადასტურებელი დოკუმენტაცია (დროებით სარგებლობის ან იჯარის ხელშეკრულება. დროებითი სარგებლობის ხელშეკრულების დასრულების ვადა არ უნდა იყოს მომსახურების დასრულების ვადაზე ნაკლები) ან საგარანტიო წერილი.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის დასკვნა. ექსპერტიზის დასკვნას თან უნდა ერთვოდეს სატენდერო ფასების ცხრილი (ხარჯთაღრიცხვა).

2. ფასწარმოქმნის ადეკვატურობა შესაძლებელია დასაბუთდეს ექსპერტიზის/აუდიტორული/საშემფასებლო დასკვნით.

3. ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილში მითითებულ ერთეულებთან მიმართებაში.

ანგარიშსწორება განხორციელდება ეტაპობრივად, ფაქტიურად გაწეული მომსახურების შესაბამისად, მომსახურების შესრულების დამადასტურებელი დოკუმენტაციის წარმოდგენის შემდეგ.

ხელშეკრულების შესრულების დამადასტურებელი დოკუმენტაციის წარმოდგენიდან არაუგვიანეს 10 (ათი) სამუშაო დღის განმავლობაში.

ზურაბი გოგნაძე, 577792779, sheskidvebi.terjola@gmail.com

1.სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ შესაბამისად.

2.სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნეს უფლებამოსილი პირის მიერ (საჭიროების შემთხვევაში, ატვირთული უნდა იქნეს მინდობილობა ან რწმუნებულება).

3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

4. პრედენდენტს არა აქვს უფლება წარმოადგინოს ალტერნატიული სატენდერო წინადადება.

5.შესყიდვაში მონაწილე პირებმა (პრეტენდენტებმა) უნდა წარმოადგინონ

• ფასების ცხრილი დანართი N1-ის შესაბამისად.

6. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

7. სატენდერო წინადადება წარმოდგენული უნდა იყოს ეროვნულ ვალუტაში.

8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ. ფასების ცხრილი და ა.შ.), დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.