Техническое обслуживание и ремонт (Грузия - Тендер #71291577)

1.1.1. შესყიდვის ობიექტს წარმოადგენს: ზუგდიდის მუნიციპალიტეტის საკრებულოსა და ზუგდიდის მუნიციპალიტეტის მერიის ადმინისტრაციული სამსახურების საჭიროებისათვის პრინტერებისა და ასლგადამღები მოწყობილობების კარტრიჯების დატუმბვა-აღდგენის მომსახურება.

1.2.1. შესყიდვის ობიექტის ჩამონათვალი, ტექნიკური აღწერილობა და რაოდენობა/მოცულობა ასახულია თანდართულ დოკუმენტში (იხ. მიბმული ფაილი).
1.2.2. ტექნიკური დავალება

მომსახურების გაწევის აუცილებელი პირობები

ა) ტენდერში გამარჯვებულმა უნდა განახორციელოს კარტრიჯის დატენვა/აღდგენა და საჭიროების შემთხვევაში, დაზიანებული ნებისმიერი სახის დეტალების (დრამი, ჩიპი, დანა, მაგნიტური თუ დამმუხტავი ლილვი და ა.შ.) შეცვლა.
ბ) დატენილ კარტრიჯში ფხვნილის რაოდენობა მაქსიმალურად უნდა შეესაბამებოდეს ორიგინალურ კარტრიჯებში ტონერის რაოდენობის სტანდარტებს.
გ) კარტრიჯი უნდა დაიტენოს სრულად და დატენვა უნდა განხორციელდეს თითოეული კარტრიჯისათვის შესაბამისი მარკის ფხვნილით.
დ) აღდგენილი (დამუხტული) კარტრიჯის ბეჭდვის რესურსი უნდა შეადგენდეს სრული მოცულობის არანაკლებ 85-90%-ს, ფურცლის 5%-იანი დატვირთვისას.
ე) დატენვის შემდეგ კარტრიჯმა, მისი ნორმალური ექპსლუატაციის პირობებში, ტესტურ ფურცელზე არ უნდა დატოვოს ზედმეტი წერტილები, ხაზები და არ უნდა იყოს ფერმკრთალი (დამუხტულ კარტრიჯთან ერთად წარმოდგენილი უნდა იყოს ტესტური ფურცელი).
ვ) დატენილ და აღდგენილ კარტრიჯებს უნდა გააჩნდეთ დამცავი ლენტი (ტრანსპორტირებისას ტონერის კარტრიჯიდან გადმოყრის თავიდან ასაცილებლად), შეფუთული უნდა იყოს უსაფრთხო ტრანსპორტირების უზრუნველყოფისათვის აუცილებელი შეფუთვით.
ზ) აღდგენილ კარტრიჯებზე, კარტრიჯის სრულ დაცლამდე, თუ გამოვლინდა, რომ სრულყოფილად არ არის შესრულებული მომსახურება ან/და დამუხტული ან/და აღდგენილი კარტრიჯები აღმოჩნდება წუნდებული, ტენდერში გამარჯვებული ვალდებულია განახორციელოს აღმოჩენილი ხარვეზის ან/და წუნდებული დეტალების შეცვლა ან შეკეთება, შემსყიდველის მხრიდან რაიმე დამატებითი დანახარჯის გაწევის გარეშე.
თ) დატუმბული კარტრიჯები უნდა იყოს გასუფთავებული და არ იწვევდეს მომხმარებლის და საბეჭდი მოწყობილობის დასვრას ნარჩენი ტონერით.
ი) მომსახურების პერიოდში, მოთხოვნის შესაბამისად, ტენდერში გამარჯვებულმა უნდა უზრუნველყოს პრინტერებისა და ასლგადამღები მოწყობილობების ტექმომსახურება (დიაგნოსტიკა, გასუფთავება, შესაბამისი დახმარების აღმოჩენა და მცირე სახის შეკეთება დეტალების შეცვლის გარეშე (გარდა პრინტერებისა და ასლგადამღები მოწყობილობების დოლებისა და თერმოფირების შეცვლისა).

1.4.1. ტენდერში გამარჯვებულმა მომსახურება გაწევა უნდა უზრუნველყოს ეტაპობრივად, ხელშეკრულების დადებიდან 2026 წლის 31 დეკემბრამდე.

1.5.1. მომსახურება გაწეული უნდა იქნეს მოთხოვნის შესაბამისად, მოთხოვნიდან არაუგვიანეს 2 (ორი) კალენდარული დღის განმავლობაში. ყოველ ეტაპზე გასაწევი მომსახურების სახეობისა და მოცულობის დადგენა მოხდება წინასწარ, მომსახურების მიწოდებამდე 1 (ერთი) კალენდარული დღით ადრე.
1.5.2. მომსახურების _ დასატენი/აღსადგენი კარტრიჯის გატანისა და დამუხტული/აღდგენილი კარტრიჯის მიწოდების ადგილია: ზუგდიდის მუნიციპალიტეტის მერიის ადმინისტრაციული შენობა, მისამართი: ქ. ზუგდიდი, რუსთაველის ქ. №90 და ზვ. გამსახურდიას გამზ. №45.

2.9.1. პრეისკურანტის სავარაუდო ღირებულება შეადგენს 91,50 ლარს, ხოლო გასაწევი მომსახურების სახელშეკრულებო ღირებულება განისაზღვრება 11000 ლარით.
2.9.2. პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას (განფასების ცხრილების თითოეულ პოზიციაზე მითითებულ სავარაუდო ერთეულის ფასს) და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2.9.3. სატენდერო წინადადების ღირებულება, მომსახურების სრულყოფილად გაწევასთან დაკავშირებული ყველა ხარჯის, მიწოდების ადგილამდე ტრანსპორტირებისა და საქართველოს კანონმდებლობით დადგენილი გადასახადების გათვალისწინებით.
2.9.4. ტენდერში მონაწილე პრეტენდენტის მიერ სისტემის მეშვეობით წარმოდგენილ პრეისკურანტის ჯამურ ღირებულებას და ვაჭრობის შედაგად დაფიქსირებულ საბოლოო თანხას შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული პოზციის ღირებულება.
2.9.5. პრეისკურანტით განსაზღვრული დასატენი კარტრიჯების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება ურთიერთშეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის საბოლოო ჯამური ღირებულების 10%-ს.

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (თუ ექსპერტიზის დასკვნის გამცემი არ იქნება სსიპ ლევან სამხარაულის სახელობის სასამართლო ექსპერტიზის ეროვნული ბიურო დასკვნასთან ერთად დამატებით წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტის საფუძველზე.
7.2.3. იმ შემთხვევაში, თუ განსაზღვრული გარემოებების გამო გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, მუნიციპალიტეტი აანაზღაურებს ფაქტობრივად გაწეული მომსახურების თანხას, ხელშეკრულებით განსაზღვრული ფასების შესაბამისად. გამომდინარე აქედან, ელექტრონულ ტენდერში გამარჯვებულ პრეტენდენტს პრეტენზია არ უნდა გააჩნდეს აუთვისებელი მომსახურების მოცულობათა შესრულებაზე და მის გადახდაზე.

7.3.1. ანგარიშსწორება განხორციელდება ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.