Фармацевтические продукты (Грузия - Тендер #71279289)

საქართველოში აღიარებითი რეჟიმით რეგისტრირებული მსხვილფეხა პირუტყვის ბრუცელოზის საწინააღმდეგო ვაქცინა RB51

1.2.1.ვაქცინა უნდა იყოს საქართველოში აღიარებითი რეჟიმით რეგისტრირებული და „სხვა ქვეყნების ან სახელმწიფოთაშორისი ვეტერინარული დანიშნულების პრეპარატების მარეგულირებელი სახელმწიფო ორგანოების სიის განსაზღვრის შესახებ“ საქართველოს მთავრობის 2009 წლის 11 ნოემბრის №205 დადგენილებით განსაზღვრულ რომელიმე ქვეყანაში წარმოებული და რეგისტრირებული.
1.2.2. ბრუცელოზის საწინააღმდეგო ვაქცინის შესასყიდი რაოდენობა 150,000 დოზა შესაბამისი გამხსნელით, მათ შორის: 130,000 დოზა არაუმეტეს 25 დოზიანი და 20,000 დოზა არაუმეტეს 5 დოზიანი;
1.2.3. 130,000 დოზა მშრალი ვაქცინის დაფასოება არ უნდა აღემატებოდეს 25 დოზას და თან ახლდეს შესაბამისი რაოდენობის გამხსნელი და 20,000 დოზა მშრალი ვაქცინის დაფასოება არ უნდა აღემატებოდეს 5 დოზას და თან ახლდეს შესაბამისი რაოდენობის გამხსნელი;
1.2.4. ვაქცინა შესაძლებლობას უნდა იძლეოდეს აიცრას მსხვილფეხა პირუტყვი 4 თვის ასაკიდან;
1.2.5. ვაქცინა უნდა იყოს მშრალი, დამზადებული ცოცხალი, ატენუირებული/ლიოფილიზირებული, brucella abortus ხორკლიანი მუტანტი შტამისაგან, რომელსაც მოცილებული ექნება O_ლიპოპოლისაქარიდის ჯაჭვი (პეროსამინი) ბაქტერიის ზედაპირზე და არ გამოიწვევს იმ ანტისხეულების გამომუშავებას, რომელიც აღმოჩენილი/დაფიქსირებული იქნება კლასიკური სეროლოგიური რეაქციების მიერ (ცრუ დადებითი);
1.2.6. თითოეული დოზა უნდა შეიცავდეს Brucella abortus შტამ RB51-ს (ხორკლიანი ფაზა) 10- 34x1000000000 კოლონიის მაფორმირებელ ერთეულს (CFU);
1.2.7. არ უნდა გააჩნდეს დაყოვნების პერიოდი;
1.2.8. ვაქცინის ფლაკონის ეტიკეტზე ქართულ ან/და ინგლისურ ენებზე მითითებული უნდა იყოს მინიმუმ შემდეგი სახის ინფორმაცია: ვაქცინის დასახელება, ფლაკონში ვაქცინის დოზის რაოდენობა ან/და ვაქცინის მოცულობა, (რომელიც შესაძლებელია იკითხებოდეს QR-კოდის გამოყენებით), ვაქცინის გამოშვების თარიღი და ვარგისიანობის ვადა ან/და ვაქცინის ვარგისიანობის ამოწურვის თარიღი, სერიის ნომერი, ხოლო ვაქცინის ყუთზე ქართულ ან/და ინგლისურ ან/და რუსულ ენებზე მითითებული უნდა იყოს მინიმუმ შემდეგი სახის ინფორმაცია: ვაქცინის დასახელება, ყუთში ფლაკონების რაოდენობა, ვაქცინის გამოშვების თარიღი და ვარგისობის ვადა ან/და ვაქცინის ვარგისობის ვადის ამოწურვის თარიღი, სერიის ნომერი, ვაქცინის შენახვის პირობები. ვაქცინები მოთავსებული უნდა იყოს თერმო კონტეინერში;
1.2.9. ვაქცინის ტრანსპორტირება უნდა განხორციელდეს თერმოყუთებით (თერმულად იზოლირებული გადასაზიდი კონტეინერი, დამზადებულია თერმული საიზოლაციო მასალისაგან, რომელსაც აქვს უნარი გარკვეული დროის განმავლობაში შეინარჩუნოს სათანადო ტემპერატურა),რომელიც პრეპარატის მიღების შემთხვევაში რჩება შემსყიდველთან.

150,000 დოზა ვაქცინა, შემსყიდველს უნდა მიეწოდოს არაუადრეს 2026 წლის 20 მაისისა და არაუგვიანეს 2026 წლის 10 ივნისისა;

1.5.1. „მომწოდებელმა“ უნდა უზრუნველყოს „საქონლის“ მოწოდება შესაბამისი ტემპერატურული რეჟიმის დაცვით, მწარმოებლის მიერ 2.7.1.1. ან/და 2.7.1.4 პუნქტების შესაბამისად წარმოდგენილი ვაქცინის ტრანსპორტირების დროს დასაშვები ტემპერატურული რეჟიმის შესახებ გაცემული დოკუმენტის შესაბამისად, რომლის დადასტურება უნდა მოხდეს შემდეგი საშუალებებით:
1.5.1.1. თითოეულ პარტიას (რომელიც ტრანსპორტირდება ერთი სატრანსპორტო საშუალებით) უნდა ახლდეს არანაკლებ 3 ცალი ტემპერატურის ამსახველი ელექტრო მოწყობილობა, რომელთა 50%- ზე მეტი უნდა ადასტურებდეს ტრანსპორტირების მთელი პერიოდის განმავლობაში (მწარმოებლიდან პროდუქტის მიწოდების საბოლოო დანიშნულების ადგილამდე) ტემპერატურული რეჟიმის დაცვას,
ან და
1.5.1.2. წარმოდგენილი უნდა იყოს იმ სატრანსპორტო საშუალების, რომლითაც მოხდა საქონლის ტრანსპორტირება, ტემპერატურის ამსახველი ელექტრო მოწყობილობის ჩანაწერი, რომლითაც დასტურდება ტემპერატურული რეჟიმის დაცვა ტრანსპორტირების მთელი პერიოდის განმავლობაში (მწარმოებელი კომპანიიდან - პროდუქტის მიწოდების საბოლოო დანიშნულების ადგილამდე);
1.5.1.3. იმ შემთხვევაში, თუ, სატრანსპორტო საშუალების ტემპერატურის ამსახველი ელექტრო მოწყობილობის ჩანაწერებით დასტურდება ტემპერატურული რეჟიმის დარღვევა, შემსყიდველის მიერ დამატებით განხილული იქნება მომწოდებლის მიერ წარმოდგენილი თერმოყუთების მახასიათებლები, რომლითაც უნდა დადასტურდეს ვაქცინის ტემპერატურული რეჟიმის დაცვა.
1.5.2. „მომწოდებელის“ მიერ ზემოაღნიშნული პუნქტების შესაბამისად (1.5.1.1 ან/და 1.5.1.2; 1.5.1.3) ტემპერატურული რეჟიმის დაცვის არ/ვერ დადასტურების შემთხვევაში - საქონელი არ მიიღება;
1.5.1. მომწოდებლემა უნდა უზრუნველყოს ვაქცინების შესმსყიდველისათვის მიწოდება და დაცლა დასაწყობება შემდეგ მისამართზე: ქ. თბილისი, მარშალ გელოვანის №36ა, სსიპ სურსათის ეროვნული სააგენტო;
1.5.2. მოწოდებული ვაქცინების ზემოაღიშნულ მისამრთზე დაცლა-დასაწყობება (შემსყიდველის მიერ მითითებულ საწყობში), წარმოადგენს მომწოდებლის ვალდებულებას;
1.5.3. მოწოდებისას ვაქცინას უნდა ახლდეს:
1.5.3.1. თითოეულ სერიაზე ხარისხის დამადასტურებელი შესაბამისი დოკუმენტი, რომლითაც დასტურდება რომ, ის შესაბამისობაშია ცხოველთა ჯანდაცვის მსოფლიო ორგანიზაციის მიწისზედა ცხოველების სახელმძღვანელოს (WOAH Terrastrial Manual) მოთხოვნებთან;
1.5.3.2. წარმოშობის სერტიფიკატი ან ამ სერტიფიკატის ეკვივალენტური დოკუმენტი;
1.5.3.3. საქართველოში აღიარებითი რეჟიმით რეგისტრაციის დამადასტურებელი დოკუმენტი;
1.5.3.4. ვაქცინის მოწოდების მომენტისთვის 2.7.1.3 პუნქტის თანახმად წარმოდგენილი დოკუმენტ(ებ)ი, ვადიდან გამომდინარე თუ საჭიროებს განახლებას, ასეთ შემთხვევაში მოწოდებული უნდა იქნეს ზემოთხსენებული პუნქტით გათვალისწინებული განახლებული დოკუმენტ(ებ)ი;

1.7.1.1. ვაქცინის ვარგისიანობის ვადა მოწოდების მომენტისთვის უნდა იყოს არანაკლებ 10 თვე;
1.7.1.2. ფლაკონის გახსნიდან ვაქცინის გამოყენების ვადა უნდა შეადგენდეს არანაკლებ 3 საათს;

ინფორმაცია შესყიდვის ობიექტის მწარმოებელ ქვეყანასთან და მწარმოებელ კომპანიასთან დაკავშირებით ასახული უნდა იყოს ფასების ცხრილში.

2.7.1.1. ვაქცინის გამოყენების ინსტრუქცია;
2.7.1.2. ვაქცინაციის სქემა, ფლაკონის გახსნიდან ვაქცინის გამოყენების ვადისა და ვაქცინის შენახვის ტემპერატურული რეჟიმის შესახებ დოკუმენტი, იმ შემთხვევაში, თუ აღნიშნული არ იქნება მითითებული ვაქცინის გამოყენების ინსტრუქციაში;
2.7.1.3. კარგი საწარმოო პრაქტიკის (GMP) სტანდარტით წარმოების დამადასტურებელი დოკუმენტის ასლი.
2.7.1.4. მწარმოებლის მიერ გაცემული დოკუმენტი ვაქცინის ტრანსპორტირების დროს დასაშვები ტემპერატურული რეჟიმის შესახებ. (იმ შემთხვევაში როდესაც აღნიშნული ინფორმაცია არ არის მითითებული ვაქცინის ინსტრუქციაში). ვაქცინის ტრანსპორტირების დროს მისი შენახვის ტემპერატურული რეჟიმის ცვლილებების შემთხვევაში ვაქცინის ვარგისიანობის ვადაზე მოსალოდნელი ზეგავლენის შესახებ მომწოდებლის მიერ მწარმოებლისაგან წარმოდგენილი უნდა იყოს წერილობითი ინფორმაცია;
2.7.1.5. საქართველოში ვაქცინის აღიარებითი რეჟიმით რეგისტრაციის დამადასტურებელი დოკუმენტი.
2.7.1.6. წარმოდგენილი იქნას მწარმოებლისგან წერილობითი ინფორმაცია შესაძლებელი არის თუ არა დამზადებული იქნას ვაქცინა, რომლის თითოეული დოზა შეიცავს Brucella abortus შტამ RB51-ს (ხორკლიანი ფაზა)10-34x1,000,000,000 კოლონიის მაფორმირებელ ერთეულს (CFU), რაც შემდგომში ასახული უნდა იქნას მოსაწოდებელი ვაქცინის თითოეულ სერიაზე ჩატარებული ლაბორატორიული კვლევების შედეგად მიღებულ ანალიზის სერთიფიკატში. (იმ შემთხვევაში როდესაც აღნიშნული ინფორმაცია არ არის მითითებული ვაქცინის ინსტრუქციაში).

4.1.1.1 შესყიდვის სავარაუდო ღირებულებასთან მიმართებაში, საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობის დადასტურების მიზნით, პრეტენდენტმა უნდა წარმოადგინოს შესაბამისი უფლებამოსილების მქონე დამოუკიდებელი აუდიტორისა ან აუდიტორული კომპანიის მიერ გაცემული დასკვნა, რომელიც დაადასტურებს, რომ შემოთავაზებულ ფასად, პრეტენდენტს სრულად და შეუფერხებლად შეუძლია ტენდერით გათვალისწინებული ვალდებულებებისა და მოთხოვნების შესრულება;

4.1.1.2. ტენდერის მიზნებისთვის, შესაბამისი კვალიფიკაციის და უფლებამოსილების მქონე პირად შემსყიდველი განიხილავს - დამოუკიდებელ აუდიტორს ან აუდიტორულ კომპანიას, რომელიც რეგისტრირებულია ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალურ რეესტრში, ვებ გვერდზე: https://www.saras.gov.ge.

იურიდიული პირისათვის – ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

ინდივიდუალურ მეწარმისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

ფიზიკური პირისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

ამხანაგობისთვის– ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

არარეზიდენტმა პირმა უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

წარმომადგენლობამ /ფილიალმა, უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

3 Процентов

5 Процентов

წარმოდგენილი გარანტიის მოქმედების ვადა, სულ მცირე 30 დღით უნდა აღემატებოდეს გამარჯვებულ პრეტენდენტთან გაფორმებული ხელშეკრულების მოქმედების ვადას;

6.4.1. შემსყიდველს უნდა წარედგინოს საქართველოში რეგისტრირებული და შესაბამისი უფლებამოსილების მქონე საფინანსო დაწესებულების საბანკო გარანტია.

6.4.2. უცხოური ბანკიდან ან/და სადაზღვევო კომპანიიდან გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნეს ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი)

7.1.1.1. შესყიდვა ითვალისწინებს წინასწარ საავანსო ანგარიშსწორებას სახელშეკრულებო ღირებულების 50% ფარგლებში.

7.1.1.2.საავანსო ანგარიშწორების მოთხოვნის შემთხვევაში, მიმწოდებელმა უნდა წარმოადგინოს წინასწარ მოთხოვნილი საავანსო თანხის ოდენობის საბანკო დაწესებულების საბანკო გარანტია, რომლის მოქმედების ვადა ერთი თვით უნდა აღემატებოდეს ხელშეკრულების მოქმედების ვადას.;

7.1.1.3. საავანსო საბანკო გარანტია გაცემული უნდა იყოს საქართველოში სათანადოდ რეგისტრირებული და შესაბამისი უფლებამოსილების მქონე საბანკო დაწესებულების მიერ;

7.1.1.4. უცხოური ბანკიდან საავანსო საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნეს ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი)

7.2.1. მიწოდებულ საქონელზე, მხარეეებს შორის ფორმდება შესაბამისი მიღება-ჩაბარების აქტი ფაქტიურად მიწოდებული საქონლის ღირებულების ასახვით;
7.2.2. ანგარიშსწორება მიმწოდებელთან განხორციელდება მხარეთა მიერ, შესაბამისი მიღება-ჩაბარების აქტის გაფორმებიდან 10 სამუშაო დღის განმავლობაში
7.2.3. ანგარიშწორება განხორციელდება ეროვნულ ვალუტაში - ლარში
7.2.4. თანხის ავანსად მიღების შემთვევაში, ანგაროშწორება მიმწოდებელთან მოხდება სრული გამოქვითვის პრინციპით (ავანსად მიღებული თანხა გამოიქვითება პირველივე მიღება-ჩაბარების აქტის მიხედვით, შესმყიდველის მიერ გადასახდელი თანხიდან).
7.2.5. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მიმწოდებლის მიერ ხელშეკრულებაში მითითებულ საბანკო რეკვიზიტებზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე

სალომებანძელაძე, 577080719, salome.bandzeladze@nfa.gov.ge

10.1.1. საქართველოს საგადასახადო კანონმდებლობის შესაბამისად, შესყიდვის ობიექტი არ იბეგრება დამატებული ღირებულების გადასახადით, ამიტომ შესყიდვის სავარაუდო ღირებულება განსაზღვრულია აღნიშნული გადასახადის გათვალისწინების გარეშე.

10.1.2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;

10.1.3. სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად.

10.1.4.სარეგისტრაციო/უფლებრივი მონაცემების ამსახველი დოკუმენტ(ებ)ი უნდა აკმაყოფილებდეს „ელექტრონული ტენდერის ჩატარების წესის დამტკიცების შესახებ” სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 30-ე მუხლის მე-2 პუნქტის მოთხოვნებს.