Техническое обслуживание и ремонт (Грузия - Тендер #71267564)

ა(ა)იპ თბილისის საბავშვო ბაგა-ბაღების მართვის სააგენტოს მიერ დაფუძნებულ ქ. თბილისის საბავშვო ბაგა-ბაღებში და სააგენტოში არსებული კომპიუტერული და საოფისე ტექნიკის პერიოდული შეკეთების მომსახურების შესყიდვა დანართი N1-ის (მომსახურების პრეისკურანტი) შესაბამისად.

1.2.1. პრეტენდენტი ვალდებულია წარმოადგინოს განფასებული მომსახურების პრეისკურანტი (დანართი N1); მომსახურების პრეისკურანტის (დანართი N1) წარმოუდგენლობა ან განუფასებლად წარმოდგენა გამოიწვევს პრეტენდენტის დისკვალიფიკაციას. პრეისკურანტი ჩაითვლება განუფასებლად, თუ განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
1.2.2. პრეტენდენტის მიერ შემოთავაზებული ერთეულის ღირებულებები არ უნდა აღემატებოდეს პრეისკურანტით განსაზღვრულ ზღვრულ ერთეულის ღირებულებებს, ხოლო პრეტენდენტის მიერ შემოთავაზებული ღირებულებების საერთო ჯამი არ უნდა აღემატებოდეს პრეისკურანტის სავარაუდო ჯამურ ღირებულებას. დაზუსტების ეტაპზე პრეისკურანტის რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას;
1.2.3. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ჯამურ ღირებულებასა და პრეტენდენტის მიერ სისტემაში დაფიქსირებულ, პრეისკურანტის საბოლოო ჯამურ ღირებულებას შორის არსებული პროცენტული სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ფასებთან მიმართებაში. პრეტენდენტი ვალდებულია, პრეისკურანტში მითითებული ერთეულის ღირებულებები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
1.2.4. სახელმწიფო შესყიდვის შესახებ ხელშეკრულების დადების შემდეგ, პრეისკურანტში რომელიმე ერთეულის არარსებობისას, აღნიშნული ერთეულის ფასი, მისი შესყიდვის აუცილებლობისას, დადგინდება მხარეთა შეთანხმებით, საბაზრო ფასის გათვალისწინებით;
1.2.5. მიმწოდებლის მიერ მომსახურების გაწევისას გამოყენებული საშუალებები უნდა შეესაბამებოდეს საქართველოში მოქმედი კანონმდებლობით განსაზღვრულ მოთხოვნებს, აკმაყოფილებდეს საერთაშორისო სტანდარტებს და არ უნდა წარმოადგენდეს საფრთხეს ადამიანის ორგანიზმისთვის. დაუშვებელია მწვავე სუნის ან სხვა უარყოფითი რეაქციის გამომწვევი საშუალებების გამოყენება.
1.2.6. პრეტენდენტის მიერ მომსახურების გაწევის დროს გამოყენებული უნდა იქნას ახალი (არამეორადი) სათადარიგო ნაწილები. მეორადი სათადარიგო ნაწილების გამოყენება დასაშვებია მხოლოდ შემსყიდველთან შეთანხმებით და მათი ღირებულება განსაზღვრული იქნება ურთიერთშეთანხმების საფუძველზე 1.2.4 პუნქტით დადგენილი პირობის შესაბამისად.
1.2.7. მომსახურების გაწევის დროს დაცული უნდა იყოს უსაფრთხოების ნორმები, მიმწოდებელი ვალდებულია მომსახურების გაწევის დროს მიმწოდებლის ბრალეულობით შემსყიდველის ქონებაზე მიყენებული ნებისმიერი ზიანი აღმოფხვრას საკუთარი სახსრებით.
1.2.8. მომსახურე პერსონალი უნდა იყოს კვალიფიცირებული სპეციალისტ(ებ)ი და აღჭურვილი ყველა საჭირო ხელსაწყოებით.
1.2.9. მიმწოდებელი ვალდებულია მომსახურების გაწევის შემდგომ გაფუჭებული შეცვლილი დეტალი წარუდგინოს შესაბამის საბავშვო ბაგა-ბაღს/სააგენტოს;
1.2.10. მიმწოდებელმა უნდა განახორციელოს:
ა) რეპროგრაფიული მანქანების (ასლგადამღებების), კომპიუტერის პერიფერიული მოწყობილობების (პრინტერების), დროული და ხარისხიანი შეკეთება;
ბ) პერიფერიული მოწყობილობების (პრინტერების) შეკეთება მაღალხარისხიანი ბეჭდვის მიღების მიზნით (ფურცელს არ უნდა ეტყობოდეს ლაქები, ხაზები, ტექსტის გაორება);
გ) რეპროგრაფიული მანქანების (ასლგადამღებების) შემადგენელი ნაწილების-თერმოფირის, დოლურის, რაკელის შეცვლა, გაწმენდა თანმდევი შეკეთებით, შეცვლილი დეტალების შესაბამისობა მწარმოებლის ტექნიკურ მახასიათებლებთან, სამუშაო რესურსის შესაბამისობა მწარმოებლის მიერ დადგენილ ნორმებთან და ლიმიტებთან (შეკეთების შემდეგ მოწყობილობები უნდა იყოს გამართულ მდგომარეობაში, ნაბეჭდ მასალაზე არ უნდა ჩანდეს ხარვეზი);
დ) კომპიუტერებისა და პროექტორის ნაწილების შეცვლა.
ე) საკუთარი ხარჯებით უზრუნველყოს საოფისე აპარატურის, ტექნიკის, რეპროგრაფიული მანქანების (ასლგადამღებები), კომპიუტერის პერიფერიული მოწყობილობების (პრინტერები), კომპიუტერებისა და პროექტორების წაღება და უკან დაბრუნება შესაბამის ბაგა-ბაღში/სააგენტოში;
ვ) LAN ქსელის გაყვანა უნდა განხორციელდეს დამკვეთის მიერ მოთხოვნილ ადგილას, ქსელის კაბელები უნდა იყოს განლაგებული არსებულ ან ახალ კაბელ კანალში, კაბელი უნდა გადიოდეს ისეთ გზას რომელიც უზრუნველყოფს მის უსაფრთხო ექსპლუატაციას და დაზიანებისგან პრევენციას. საჭიროებისას კედლის, ფანჯრის ან კარის ჩარჩოს გახვრეტა მისი ფუნქციის დაუზიანებლად.
ზ) პრეისკურანტში მითითებული სრულყოფილი პროგრამული უზრუნველყოფა.
1.2.11.კატრიჯების დამუხტვა, დაზიანებული მოწყობილობ(ებ)ის დათვალიერება და შეკეთება უნდა მოხდეს შემსყიდველის მოთხოვნიდან არაუგვიანეს 7 სამუშაო დღეში, ხოლო გამონაკლის შემთხვევაში, თუ ტექნიკის შეკეთების პროცესში აღმოჩნდება, რომ საჭიროა დეფიციტური სათადარიგო ნაწილი (რომლის ყიდვა მოცემული მომენტისათვის შეუძლებელია საქართველოს ტერიტორიაზე) შესაძლებელია მომსახურების გაწევის ვადა გაიზარდოს შემსყიდველთან შეთანხმებით, მაგრამ არაუმეტეს 30 (ოცდაათი) სამუშაო დღემდე.
1.2.12. მიმწოდებელმა საკუთარი ხარჯით უნდა უზრუნველყოს შესაკეთებელი ტექნიკის ტრანსპორტირება შემსყიდველის მისამართებიდან მიმწოდებლის მისამართზე და მომსახურების გაწევის შედეგად შეკეთებული ტექნიკის მიწოდება ისევ შემსყიდველის მისამართზე.
1.2.13. მოთხოვნის დაფიქსირების თარიღად ითვლება მიმწოდებლის მიერ ხელშეკრულებაში მითითებულ ელ.ფოსტაზე შემსყიდველისგან წერილის მიღების დღე (შემსყიდველის ელ.ფოსტის მისამართი bagebis.info@gmail.com).
1.2.14. მოთხოვნა დასრულებულად ჩაითვლება მიმწოდებლის მიერ შემსყიდველთან ინსპექტირების აქტის გადმოგზავნისთანავე. ინსპექტირების აქტი უნდა იყოს საბავშვო ბაღის დირექტორის და მიმწოდებელი კომპანიის დირექტორის ელექტრონული ხელმოწერით დამოწმებული.

1.4.1. მომსახურების გაწევა უნდა განხორციელდეს ხელშეკრულების გაფორმებიდან 2026 წლის 25 დეკემბრის ჩათვლით, წერილობითი მოთხოვნიდან 7 (შვიდი) სამუშაო დღის ვადაში, გარდა წინამდებარე კითხვარის (ტექნიკური დავალების) 1.2.11 პუნქტით განსაზღვრული გამონაკლისისა;
1.4.2. მიმწოდებელმა შესყიდვის ობიექტით განსაზღვრული მომსახურება უნდა განახორციელოს საჭიროების დადგომისას.

1.5.1. მომსახურების გაწევა უნდა განხორციელდეს ქ. თბილისის საბავშვო ბაგა-ბაღებში/სააგენტოში (იხ. დანართი N2);

1.7.1.1. მომწოდებლის მიერ შეცვლილ ნაწილებზე და გაწეულ მომსახურებაზე, სწორი ექსპლუატაციის პირობებში, უნდა ვრცელდებოდეს გარანტია მიღება-ჩაბარების აქტის გაფორმებიდან - არანაკლებ 6 (ექვსი) თვე;
1.7.1.2. საბავშვო ბაგა-ბაღის/სააგენტოს უფლებამოსილი პირი 30 დღის განმავლობაში ვალდებულია შეამოწმოს გაწეული მომსახურების ხარისხი და ხარვეზის აღმოჩენის შემთხვევაში მიმართოს მიმწოდებელს ელ.ფოსტის ან მითითებულ ტელ. ნომერზე.
1.7.1.3. მიმწოდებელი ვალდებულია აღმოფხვრას აღმოჩენილი ხარვეზები დაფიქსირებიდან არაუგვიანეს 3 (სამი) სამუშაო დღეში. ყველა ხარჯს, მათ შორის ტრანსპორტირების ღირებულებას, ანაზღაურებს მიმწოდებელი.
1.7.1.4. იმ შემთხვევაში, თუ საგარანტიო ვადის გასვლამდე, სწორი ექსპლუატაციის პირობებში, შეცვლილ სათადარიგო დეტალებს და გაწეულ მომსახურებას აღმოაჩნდება დეფექტი, ნაკლის აღმოფხვრის მიზნით შემსყიდველი მიმართავს მიმწოდებელს, რომელიც აღმოჩენილ ნაკლოვანებას აღმოფხვრის უსასყიდლოდ, შემსყიდველის მოთხოვნიდან არაუგვიანეს 3 (სამი) სამუშაო დღის ვადაში.

2.2.1.1. პრეტენდენტს, 2023, 2024 და 2025 წლის განმავლობაში უნდა გააჩნდეს კომპიუტერული ტექნიკის შეკეთების ან/და ტექნიკური მომსახურების გამოცდილება, თითოეულ წელს არანაკლებ 30 000 ლარის ღირებულებით;

2.2.1.2. გამოცდილების დადასტურების მიზნით, პრეტენდენტმა უნდა წარმოადგინოს ხელშეკრულებ(ები)ა და ამ ხელშეკრულებ(ებ)ის შესრულების დამადასტურებელი მიღება-ჩაბარების აქტ(ებ)ი;

2.2.1.3. იმ შემთხვევაში, თუ სატენდერო 2.2.1.2 პუნქტით მოთხოვნილი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია წარმოადგინოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

2.3.1. პრეტენდენტს უნდა გააჩნდეს მოქმედი სერვისცენტრი, რომელიც უნდა იყოს პრეტენდენტის საკუთრებაში ან სარგებლობაში. სარგებლობის შემთხვევაში შესაბამისი ხელშეკრულება ძალაში უნდა იყოს არანაკლებ 2026 წლის 31 დეკემბრის ჩათვლით.

2.3.2. სერვის-ცენტრის საკუთრებაში ფლობის შემთხვევაში, პრეტენდენტის მიერ ერთიან ელექტრონულ სისტემაში ატვირთული უნდა იქნეს საკუთრების დამადასტურებელი დოკუმენტ(ებ)ი, ხოლო, სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი. ასევე, სარგებლობის უფლებით ფლობის შემთხვევაში ატვირთული უნდა იქნას ზემოაღნიშნული სერვის-ცენტრის მესაკუთრის საკუთრების დამადასტურებელი დოკუმენტაცია, სერვის ცენტრის მისამართის მითითებით.

2.9.1. შემოთავაზებული ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2.9.2. შემოთავაზებული საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარში.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები განისაზღვრება მრავალნიშნა ათწილადის სახით, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე (თეთრების სიზუსტით), შესაბამისად შეამციროს საერთო ღირებულებაც.

2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.5. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

2.9.6. პრეტენდენტს არ აქვს უფლება წარმოადგინოს ალტერნატიული წინადადება.

2.9.7. შემსყიდველი უფლებამოსილია ხელშეკრულების გაფორმებიდან, მომსახურების გაწევის სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან დაკავშირებული ინფორმაცია.

2.9.8. ხელშეკრულების მიმდინარეობის პერიოდში, კვარტალში ერთხელ (II და III კვარტალში არაუგვიანეს მომდევნო კვარტლის პირველი თვის 10 რიცხვისა, ხოლო IV კვარტალში არაუგვიანეს 25 დეკემბრისა), მიმწოდებელი ვალდებულია, თითოეული ლოკაციის მიხედვით, შემსყიდველს წარუდგინოს სრულყოფილი ინფორმაცია ფაქტიურად გაწეული მომსახურების (პრეისკურანტით გათვალისწინებული თითოეული პოზიციის მიხედვით გაწეული მომსახურების ფასისა და რაოდენობის მითითებით) შესახებ, როგორც Excel-ის, ასევე ელექტრონული ხელმოწერით PDF ფორმატში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლები იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას.

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.2.1 ანგარიშსწორება განხორციელდება მიმწოდებლის საბანკო ანგარიშზე, მიმწოდებლის მიერ საგადასახადო დოკუმენტის გამოწერისა და მიღება-ჩაბარების აქტზე ხელმოწერის შემდგომ.
7.2.2 მიღება-ჩაბარების აქტი ხელმოწერილი უნდა იყოს მიმწოდებლის და შემსყიდველის უფლებამოსილი წარმომადგენლების მიერ.
7.2.3 შემსყიდველსა და მიმწოდებელს შორის მიღება-ჩაბარების აქტის გაფორმების საფუძველია მიმწოდებელსა და საბავშვო ბაგა-ბაღის უფლებამოსილ წარმომადგენელს შორის ან ააიპ თბილისის საბავშვო ბაგა-ბაღების სააგენტოს უფლებამოსილ წარმომადგენელს შორის გაფორმებული ინსპექტირების აქტი ან მასთან გათანაბრებული დოკუმენტი.
7.2.4 ინსპექტირების აქტში სრულად უნდა იყოს წარმოდგენილი შემდეგი ინფორმაცია:
• გაწეული მომსახურების დასახელება და რაოდენობა;
• თითოეული გაწეული მომსახურების საცალო და ჯამური ღირებულება;
• ინსპექტირების აქტში მითითებული მომსახურებების საერთო ჯამური ღირებულება;
• საბავშვო ბაგა-ბაღის ნომერი;
• დირექტორის ან უფლებამოსილი პირის სახელი და გვარი;
• დირექტორის ან უფლებამოსილი პირის ხელმოწერა;
• ელექტრონული ხელმოწერა;
• თარიღი: წელი და თვე (რიცხვის გარეშე).

ანგარიშსწორება განხორციელდება მიმწოდებლის საბანკო ანგარიშზე, მიმწოდებლის მიერ საგადასახადო დოკუმენტის გამოწერის დღიდან და მიღება-ჩაბარების აქტის ხელმოწერიდან არაუგვიანეს 10 (ათი) სამუშაო დღის ვადაში.

ეკატერინე დავლაძე, 577960044, e.davladze@kids.org.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.2. შესყიდვაში მონაწილე პირებმა (პრეტენდენტებმა) ერთიან ელექტრონულ სისტემაში უნდა ატვირთონ შემდეგი ტექნიკური ინფორმაცია/დოკუმენტები:

ა) ფასების ცხრილი (პრეისკურანტი);

ბ) ინფორმაცია საგარანტიო პირობების შესახებ სატენდერო დოკუმენტაციის 1.7.1 პუნქტის მოთხოვნათა გათვალისწინებით;

გ) პრეტენდენტის გამოცდილების დამადასტურებელი დოკუმენტაცია სატენდერო პირობების 2.2.1 პუნქტის მოთხოვნათა გათვალისწინებით;

დ) ინფორმაცია მატერიალურ-ტექნიკურ ბაზასთან დაკავშირებით სატენდერო დოკუმენტაციის 2.3.1. პუნქტის მოთხოვნათა გათვალისწინებით;