Инженерные услуги (Грузия - Тендер #71267498)

ქალაქ თბილისში, დავით აღმაშენებლის გამზირზე №150-ში მდებარე შენობაში, სსიპ გარემოს ეროვნული სააგენტოს სარგებლობაში არსებულ ფართებში: სარდაფის, მე-9, მე-10, მე-11 და მე-12 სართულებზე არსებული ძალოვანი ელექტრო მომარაგების სრული რეაბილიტაციისთვის საპროექტო-სახარჯთაღრიცხვო დოკუმენტაციის მომზადება.

ტექნიკური დავალება:

ტექნიკური დავალება მიზნად ისახავს შემსყიდველი ორგანიზაციის მოთხოვნების შესაბამისი საპროექტო–სახარჯთაღრიცხვო დოკუმენტაციის მომზადებას, რომლის საფუძველზეც შესაძლებელი იქნება:
-სამშენებლო-ელ. სამონტაჟო სამუშაოების სახელმწიფო შესყიდვაზე ტენდერის გამოცხადება;
-ტენდერში გამარჯვებული ორგანიზაციებისათვის სამშენებლო-ელ. სამონტაჟო სამუშაოების წარმოება;
-სამშენებლო-ელ. სამონტაჟო სამუშაოების მიმდინარეობის მონიტორინგის განხორციელება. მომსახურების ხარისხი უნდა შეესაბამებოდეს საქართველოში დადგენილ სტანდარტებს და ნორმებს.

შესყიდვის ობიექტის მიწოდების პირობები

ქალაქ თბილისში, დავით აღმაშენებლის გამზირზე №150-ში მდებარე შენობაში, სსიპ გარემოს ეროვნული სააგენტოს სარგებლობაში არსებულ ფართებში: სარდაფის, მე-9, მე-10, მე-11 და მე-12 სართულების ელექტრო მომარაგება ხორციელდება მოძველებული და შეუსაბამო კვეთის ძალოვანი კაბელებით, რის გამოც ხშირია საავარიო გამორთვები და ა.შ.
მიმწოდებლის მიერ უნდა დამუშავდეს სარდაფის სართულზე არსებული ძალოვანი ელექტრო ფარების სადემონტაჟო და შესაბამისი სიმძლავრის თანამედროვ სისტემების ელ. აპარატურის მოწყობის საპროექტო-სახარჯთაღრიცხვო დოკუმენტაცია. ამავდროულად, აღნიშნული საპროექტო დოკუმენტაცია უნდა მოიცავდეს სარდაფის სართულიდან მე-9, მე-10, მე-11 და მე-12 სართულებზე ელ. შახტებით ამომავალი არსებული ძალოვანი ელ. კაბელის სარეაბილიტაციო სამუშაოებს; აღნიშნული კაბელის ტიპის და განივკვეთის დასადგენად პროექტანტმა უნდა მოახდინოს შესაბამის სართულზე არსებული ელ. აპარატურის (კონდენციონერი, კომპ. ტექნიკის და ა.შ.) ჯამურად მოხმარებული ენერგიის სიმძლავრის დადგენა. ყველა სართულზე არსებულ ელექტრო შახტის ოთახში (სივრცეში) უნდა მოეწყოს სართულის ინდივიდუალური ელექტრო ფარი, სადაც მოხდება სართულების არსებული ელ.გაყვანილობის დაერთება. საპროექტო ფართებში არაა მოწყობილი დამიწების სისტემა, შესაბამისად საპროექტო დოკუმენტაცია უნდა ითვალისწინებდეს აღნიშნულის მოწყობას. საავარიო გათიშვის დროს შენობა მარაგდება ალტერნატიული დენის წყაროთი (დიზელგენერატორის აგრეგატით), რომელიც განთავსებულია შენობის მიმდებარედ, ეზოში (იხ. დანართი - ორთოფოტო).
სართულზე არსებული ელ. აპარატურის ჩამონათვალს, ასევე სართულების არქიტექტურულ ანაზომს (DWG, PLA ფაილში) შემსყიდველი მიმწოდოებელს გადაცემს ხელშეკრულების გაფორმების ეტაპზე.

დანართის სახით მოცემულია სსიპ გარემოს ეროვნული სააგენტოს არსებული სიტუაციის ამსახველი ფოტომოსალა.

მიმწოდებელმა საპროექტო-სახარჯთაღრიცხვო დოკუმენტაცია უნდა წარმოადგინოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამისი აკრედიტაციის მქონე ორგანოს (ასეთის შემთხვევაში მიმწოდებელი ვალდებულია წარმოადგინოს ორგანოს აკრედიტაციის მოწმობა) მიერ გაცემული დადებითი ექსპერტიზის დასკვნით. აღნიშნული ექსპერტიზის ხარჯებს აანაზღაურებს მიმწოდებელი;
საპროექტო-სახარჯთაღრიცხვო დოკუმენტაცია მომზადებული უნდა იყოს საქართველოში მოქმედი სამშენებლო ნორმებით და სტანდარტებით. აქვე ტენდერში გამარჯვებულმა პრედენდეტმა საპროექტო დოკუმენტაციის მომზადების დროს უნდა გაითვალისწინოს ყველა ტექნიკური დოკუმენტაციის მომზადების შესაბამისობა შემდგომში რეაბილიტირებული ქსელის უსაფრთხო ექსპლუატაციისთვის. ხარვეზისა და წუნის გამოვლენის შემთხვევაში მიმწოდებული ვალდებული იქნება გაითვალისწინოს აღნიშნული და წარმოუდგინოს შემსყიდველს უსასყიდლოდ სრულყოფილი დოკუმენტაცია.
ა) მიღება-ჩაბარების აქტის გაფორმებამდე მიმწოდებელი ვალდებულია წარმოადგინოს შემდეგი სახის დოკუმენტაცია:
ალბომის სახით ნაბეჭდი ვერსია A3 ფორმატზე 3-ეგზემპლარად.
ბ) CD - ვერსია (ელექტრონული) PDF, PLA (ARCHICAD), DWG (AUTOCAD) - ფაილის სახით 3- ეგზემპლარად.

გასაწევი მომსახურეობის აღწერა-ჩამონათვალი:
1. საპროექტო-სახარჯთაღრიცხვო დოკუმენტაციის მომზადება.
2. საავტორო ზედამხედველობის გაწევა მშენებლობის პერიოდში.

მიმწოდებელი ვალდებული იქნება ადგილზე მოახდინოს შემსყიდველისგან მიღებული მონაცემების: არსებული გეგმა–აზომვითი ნახაზის დაზუსტება.
საპროექტო დოკუმენტაციაში გათვალისწინებული სამუშაოები საშუალებას უნდა იძლეოდნენ მინიმუმამდე იქნას დაყვანილი მათი მიმდინარე და კაპიტალური შეკეთების (რემონტის) ხარჯები;
სამუშაოების, მასალების და ნაკეთობების შერჩევა უნდა განხორციელდეს დამკვეთთან შეთანხმების საფუძველზე; პროექტირების დროს ყველა დეტალი შეთანხმებული უნდა იყოს დამკვეთთან;

მიმწოდებლის მიერ მომზადებული რეაბილიტაციის სრული საპროექტო-სახარჯთაღრიცხვო დოკუმენტაცია უნდა მოიცავდეს:

1) ელექტრობის პროექტს, რომელშიც დამუშავდება მინიმუმ შემდეგი დოკუმენტაცია:
- საერთო განმარტებით ბარათი; რომელშიც დეტალურად იქნება აღწერილი არსებული ელ. მომარაგების ქსელის და სარეაბილიტაციო ფართში განთავსებული ცენტრალური აგრეგატების/დანადგარების ქსელის მუშაობის პრინციპი და საპროექტო მოთხოვნებით მათი რეაბილიტაციის არგუმენტაცია/დასაბუთება/პირობები.
- სართულის საპროექტო ძალოვანი ქსელების ნახაზები, წარმოდგენილი უნდა იყოს ცენტრალური ძალოვანი კაბელის მონტაჟის სქემები შენობაში ან შენობის გარეთ მდებარე სატრანსფორმატორო სადგურიდან ყველა ზემოაღნიშნულ საპროექტო სართულზე;
- სართულის საპროექტო ელ-ფარ(ებ)ის სქემები.
- სართულის საპროექტო ფართის ელმომარაგების ქსელის სქემა (არა სართულის შიდა ქსელი).
- ალტერნატიული ენერგიის (დიზელ-გენერატორის) მიმღების ქსელის სქემა.
- შემსყიდველის მიერ მიმწოდებლისთვის მიწოდებული ხელსაწყოების/დანადგარების ტექნოლოგიურ მოწყობის/დაერთების სქემები და ა.შ.
წარმოდგენილ უნდა იქნეს აკრედიტირებული ორგანიზაციის მიერ გაცემული შესაბამისი დადებითი საექსპერტო დასკვნა (შეფასება);

2) სახარჯთაღრიცხვო ნაწილი, რომელშიც დამუშავდება მინიმუმ შემდეგი დოკუმენტაცია:
- სახარჯთაღრიცხვო ნაწილის საერთო განმარტებითი ბარათი, რომელიც უნდა მოიცავდეს სატიტულო სიას და ინფორმაციას დანარიცხების აანგარიშების წესის შესახებ (გაუთვალისწინებელი ხარჯები, ზედნადები ხარჯები, გეგმიური დაგროვება და სხვა).
- ლოკალური ხარჯთაღრიცხვები შესრულებული რესურსული მეთოდით.
- როგორც ლოკალურ, ასევე კრებსით და საობიექტო ხარჯთაღრიცხვებში ცალ-ცალკე გამოყოფილი უნდა იყოს სამშენებლო მასალების ღირებულება, მუშათა ხელფასი, მანქანა მექანიზმების ხარჯები, ზედნადები ხარჯები და გეგმიური დაგროვება.
- ხარჯთაღრიცხვა შედგენილი უნდა იყოს საქართველოს ეკონომიკისა და მდგრადი განვითარების მინისტრის 2012 წლის 12 ივლისის #1-1/1463 ბრძანებისა და საქართველოს მთავრობის 2014 წლის 14 იანვრის #55 დადგენილების გათვალისწინებით.
სამუშაოთა ხარჯთაღრიცხვები და სატენდერო სამუშაოთა მოცულობების ცხრილები შედგენილი უნდა იყოს დამკვეთთან შეთანხმებული ფორმით (რესურსული მეთოდით). წარმოდგენილ უნდა იქნეს აკრედიტირებული ორგანიზაციის მიერ გაცემული შესაბამისი დადებითი საექსპერტო დასკვნა (შეფასება); ხარჯთაღიცხვა უნდა შეესაბამებოდეს ექსპერტიზა გავლილ დადებითად შეფასებულ პროექტს. ამის დასადასტურებლად უნდა განხორციელდეს, პროექტისა და ხარჯთაღრიცხვის ერთმანეთთან შესაბამისობის ექსპერტიზა.

საავტორო ზედამხედველობის გაწევა მშენებლობის პერიოდში მოიცავს:

- სამშენებლო პროცესების გეგმიურ და არაგეგმიურ ინსპექტირებას. გეგმიური ინსპექტირების ჩატარების პერიოდულობა უნდა განისაზღვროს პროექტის ავტორის მიერ, ხოლო არაგეგმიური ინსპექტირება ტარდება შემსყიდველის მოთხოვნით.
- საავტორო ზედამხედველობის განხორციელებისას, საავტორო ზედამხედველი ვალდებულია სამშენებლო პროცესების საპროექტო დოკუმენტაციასთან ყველა შეუსაბამობა დაუყოვნებლივ აცნობოს დამკვეთს.
- სარეაბილიტაციო პროცესის დროს წარმოშობილი პრობლემების, რეკომენდაციების და სპეციალური ტექნიკური დახმარების გაწევა, ასევე ანალოგიურად სამშენებლო სამუშაოების მიღება-ჩაბარების პროცესში.
- წარმოდგენილი საპროექტო დოკუმენტაციის საფუძველზე ჩასატარებელი სამუშაოების შესრულების პროცესში აღმოჩენილი საპროექტო-სახარჯთაღრიცხვო ხარვეზების გამოსწორებას, დამატებითი ანაზღაურების გარეშე უზრუნველყოფს მიმწოდებელი.

ხელშეკრულების გაფორმებიდან არაუგვიანეს 45 (ორმოცდახუთი) კალენდარული დღის ვადაში (ექსპერტიზის მომსახურების ჩათვლით).

1. გასაწევი მომსახურების შესახებ დეტალური ინფორმაცია მოცემულია ტექნიკურ დავალებაში (დანართი N1) და თანდართულ დოკუმენტაციაში.

2. მომსახურების მიწოდების ადგილი: ქ. თბილისი, დავით აღმაშენებლის გამზ. N150, სსიპ გარემოს ეროვნული სააგენტოს ადმინისტრაციული შენობა, მე-10 სართ. (გასაწევი მომსახურების ადგილში იგულისხმება საპროექტო-სახარჯთაღრიცხვო დოკუმენტაციის წარმოდგენის ადგილი).

1. შემსყიდველის მიერ საბოლოო მიღება-ჩაბარების აქტით გათვალისწინებული მომსახურების დასრულების თარიღიდან შესაბამისი სამუშაოების დასრულებამდე დაკავებული იქნება მიწოდებული მომსახურების ღირებულების 5%-ის ოდენობა.
2. თუ საგარანტიო პერიოდში სამუშაოების განხორციელების პროცესში საპროექტო-სახარჯთაღრიცხვო დოკუმენტაციაში აღმოჩნდება რაიმე სახის დეფექტ(ებ)ი, მიმწოდებელი ვალდებულია საკუთარი ხარჯებით აღმოფხვრას ისინი. თუ მიმწოდებელი არ აღმოფხვრის აღნიშნულ დეფექტ(ებ)ს, შემსყიდველი უფლებამოსილია გამოიყენოს დაკავებული თანხა გამოვლენილი ხარვეზის აღმოსაფხვრელად. ამასთან, თუ აღმოჩნდება რომ ხარისხის დაცვის მიზნით დაკავებული თანხა არ არის საკმარისი, შემსყიდველი უფლებამოსილია მიმართოს ხელშეკრულებითა და საქართველოს კანონმდებლობით გათვალისწინებულ ღონისძიებებს.
3. თუ მიმწოდებლის ბრალეულობით, შედგენილი საპროექტო-სახარჯთაღრიცხვო დოკუმენტაციით გათვალისწინებული სამუშაოების განხორციელების პროცესში გამოვლენილი საპროექტო დეფექტ(ებ)ის არსებობამ გადააჭარბა სამუშაოების სახელშეკრულებო ღირებულებაში განსაზღვრული გაუთვალისწინებელი სამუშაოების ღირებულებას იგი საჭიროების შემთხვევაში შესაძლებელია ანაზღაურდეს ხარისხის უზრუნველსაყოფად ხელშეკრულების ფარგლებში დაკავებული თანხიდან.

პრეტენდენტს 2022 წლის 01 იანვრიდან წინამდებარე ელექტრონული ტენდერის გამოცხადებამდე პერიოდში უნდა გააჩნდეს სამშენებლო ან/და რეაბილიტაციის ან/და რეკონსტრუქციის ან/და გამაგრებითი სამუშაოების კატეგორიაში ელექტრო სამონტაჟო სამუშაოების პროექტირების გამოცდილება (არანაკლებ 2 შესრულებული პროექტი, თითოეული პროექტის ელ. სამონტაჟო ნაწილის ღირებულება არ უნდა იყოს 10,000.00 ლარზე ნაკლები) აღნიშნულის დასადასტურებლად პრეტენდენტმა შესყიდვების ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები, მიღება-ჩაბარების აქტები/ანგარიშ-ფაქტურები, აგრეთვე, საჭიროების შემთხვევაში, პრეტენდენტმა უნდა წარმოადგინოს შესაბამისი საპროექტო-სახარჯთაღრიცხვო დოკუმენტაცია რითიც დადასტურდება პრეტენდენტის მიერ ზემოაღნიშნული შესრულების გამოცდილება. ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, DAP, CMR ან სხვა ნომრები.

1. პრეტენდენტს, ტენდერით გათვალისწინებული მომსახურების ხარისხიანად გაწევის უზრუნველსაყოფად უნდა ჰყავდეს შესაბამისი სპეციალისტი - ელექტროინჟინერი, რომლის შესაბამისი პროფესიული გამოცდილების სტაჟი უნდა შეადგენდეს არანაკლებ 3 წელს.

2. პრეტენდენტმა, უნდა წარმოადგინოს მის მიერ შემოთავაზებული ელექტროინჟინრის საანკეტო მონაცემები სატენდერო დოკუმენტაციის დანართი N3-ის შესაბამისად.

3. პრეტენდენტმა უნდა წარმოადგინოს მის მიერ შემოთავაზებული ელექტროინჟინრის პირადობის დამადასტურებელი დოკუმენტის ან/და პასპორტის და შესაბამისი განათლების დამადასტურებელი დოკუმენტაციის ასლები.

4. პრეტენდენტმა უნდა წარმოადგინოს შესაბამის ელექტროინჟინერთან გაფორმებული წინარე შეთანხმება, სატენდერო დოკუმენტაციის დანართი N4-ის შესაბამისად, რომლის მიხედვითაც, პრეტენდენტის გამარჯვების შემთხვევაში, სპეციალისტი იღებს ვალდებულებას, რომ კომპეტენციის შესაბამისად, პირადად განახორციელებს წინამდებარე ტენდერით გათვალისწინებული მომსახურების გაწევას.

5. ხელშეკრულების გაფორმების შემდეგ, მიმწოდებლის მიერ სპეციალისტ(ებ)ის შეცვლის, ან დამატების შესახებ საკითხი, წინასწარ უნდა შეთანხმდეს შემსყიდველთან (მიმწოდებელი ვალდებულია, წერილობით წარმოადგინოს შესაბამისი დასაბუთებული ინფორმაცია აღნიშნულ ცვლილებასთან დაკავშირებით). აღნიშნულ შემთხვევაში, ახალი სპეციალისტ(ებ)ის კვალიფიკაცია, განათლება და სამუშაო გამოცდილება უნდა აკმაყოფილებდეს სატენდერო დოკუმენტაციით დადგენილ მოთხოვნებს.

მიღება-ჩაბარების აქტი გაფორმდება სრული საპროექტო-სახარჯთაღრიცხვო დოკუმენტაციის ექსპერტიზ(ებ)ის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან საქართველოს კანონმდებლობით განსაზღვრული სხვა აკრედიტირებული ორგანოს მიერ (ასეთის შემთხვევაში მიმწოდებელი ვალდებულია წარმოადგინოს ორგანოს აკრედიტაციის მოწმობა).

საავტორო ზედამხედველობის თანხის ანაზღაურება განხორციელდება შესაბამისი საავტორო ზედამხედველობის სრულად გაწევის შემდეგ.

შესყიდვის ობიექტის სპეციფიკიდან გამომდინარე, ვინაიდან აღნიშნული წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი ფასის დაფიქსირების შემთხვევაში არ მოითხოვება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება, მხარეებს შორის გაფორმებული მიღება–ჩაბარების აქტისა და შესაბამისი საგადასახადო დოკუმენტაციის საფუძველზე.

ანგარიშსწორება განხორციელდება, მხარეებს შორის გაფორმებული მიღება-ჩაბარების აქტისა და შესაბამისი საგადასახადო დოკუმენტაციის წარმოდგენიდან არაუგვიანეს 10 (ათი) სამუშაო დღის ვადაში.

პავლე ანთელავა, 555333415, Pavle.Antelava@nea.gov.ge ტექნიკურ საკითხებზე ინფორმაციის მისაღებად შეგიძლიათ დარეკოთ ნომერზე 591088177 - გელა ბოხაშვილი.

1. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე, ვალდებულია სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
3. პრეტენდენტს არა აქვს უფლება წარმოადგინოს ალტერნატიული წინადადება;
4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით;
5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარებში;
6. ანგარიშსწორება მოხდება უნაღდო ანგარიშსწორებით ლარებში.
7. სახელმწიფო შესყიდვის დაფინანსების წყარო: 2026 წლის - სახელმწიფო მიზნობრივი ქვეპროგრამა "სააგენტოს მართვა და ადმინისტრირება".

8. პრეტენდენტის მიერ შესყიდვების ერთიან ელექტრონულ სისტემაში ასატვირთი ინფორმაცია/დოკუმენტაცია:

ა) ფასების ცხრილი - დანართი N2 (PDF ფორმატის ფაილი დამოწმებული კანონმდებლობით დადგენილი წესით);

ბ) სატენდერო დოკუმენტაციის 2.2.1 მუხლით გათვალისწინებული ინფორმაცია/დოკუმენტაცია;

გ) სატენდერო დოკუმენტაციის 2.4.1 მუხლით გათვალისწინებული ინფორმაცია/დოკუმენტაცია.