Обувные изделия (Грузия - Тендер #71267434)

სსიპ „აღსრულების ეროვნული ბიუროს“ სტრუქტურული ერთეულის, აღსრულების პოლიციის სამმართველოს თანამშრომლებისთვის ფეხსაცმლის სახელმწიფო შესყიდვა.

 ბათინკი - 80 წყვილი.

• ტიპი: საშუალოყელიანი ბათინკი (საგაზაფხულო/საშემოდგომო).
• ფერი: შავი, ფერადი ჩანართების გარეშე, მათ შორის ძირი.
• ყელის სიმაღლე: ქუსლის ძირიდან არანაკლებ 13 სმ და არაუმეტეს 17 სმ.
• ზედა ნაწილი: დამზადებული უნდა იყოს გამძლე მასალისგან (ტყავი, სინთეტიკური ან მათი კომბინაცია), რომელსაც გააჩნია წყალგამძლე და სუნთქვადი თვისებები; დასაშვებია დამცავი ან გამაძლიერებელი ჩანართები.
• ჰაერგამტარობა: ფეხსაცმლის კონსტრუქციისთვის გამოყენებული მასალები (საზედაპირე ქსოვილი და სარჩული) უზრუნველყოფს სუნთქვადობას.
• შიდა სარჩული: უნდა იყოს მემბრანული მასალის ან ანალოგიური ტექნოლოგიის, რომელიც უზრუნველყოფს სუნთქვადობას და წყალგაუმტარობას.
• დამცავი ელემენტები: ცხვირისა და ქუსლის ზონებში უნდა გააჩნდეს დამცავი ჩანართები (არამეტალური), რომლებიც ამცირებს დარტყმის ძალას.
• შიდა ძირი: უნდა იყოს ანატომიური ფორმის, ამორტიზაციის, სტაბილიზაციისა და დარტყმის შთანთქმის თვისებებით; დასაშვებია სუპინატორის ან ანალოგიური ელემენტის არსებობა.
• გარე ძირი: უნდა იყოს მოცურების საწინააღმდეგო, ანტისტატიკური, ცვეთამედეგი; უნდა უზრუნველყოფდეს მყარ მოჭიდებას სხვადასხვა სამუშაო ზედაპირზე, მათ შორის ნავთობპროდუქტებთან კონტაქტისას.
• ძირის კონსტრუქცია: უნდა იყოს მრავალშრიანი, ამორტიზაციისა და სტაბილურობის უზრუნველსაყოფად, წინა და უკანა ნაწილებში უნდა ჰქონდეს დამატებითი გამაგრება, სიმყარისთვის.
• ჩასაფენი: უნდა იყოს ამოსაღები, სუნთქვადი და მარტივად გასარეცხი.
• ფიქსაცია: უნდა იყოს თასმით ან ფუნქციურად ანალოგიური მექანიზმით; უნდა უზრუნველყოფდეს ფეხზე მყარ მორგებას კოჭის დონეზე.
• დამხმარე ელემენტები: უკანა ნაწილში უნდა გააჩნდეს დამხმარე სალტე ან ანალოგიური ელემენტი ფეხსაცმლის ადვილად ჩასაცმელად.
• ენა: უნდა იყოს კომფორტული კონსტრუქციის, რომელიც არ უნდა ზღუდავდეს ფეხს ჩაცმისას და უნდა უზრუნველყოფდეს თასმის ფიქსაციას.
• ნაკერები უნდა იყოს თანაბარი და გამძლე ძაფით შესრულებული.
• ფეხსაცმელი დამზადებული უნდა იყოს ქარხნულად და უნდა გააჩნდეს ზომის, მწარმოებელი ფირმის/მოდელის და სხვა საჭირო ინფორმაციის აღმნიშვნელი ეტიკეტ(ებ)ი.

 სპორტული ფეხსაცმელი - 80 წყვილი.

• ფერი: შავი, ფერადი ჩანართების გარეშე (მათ შორის ძირი).
• ყელის სიმაღლე: ქუსლის ძირიდან არანაკლებ 7 სმ და არაუმეტეს 14 სმ.
• ზედა ნაწილი: დამზადებული უნდა იყოს გამძლე მასალების კომბინაციით (მაგ. ქსოვილი, სინთეტიკური ან სხვა თანამედროვე მასალა), რომელიც უნდა უზრუნველყოფდეს ჰაერის გამტარობასა და ცვეთამედეგობას.
• ჰაერგამტარობა: ფეხსაცმლის კონსტრუქციისთვის გამოყენებული მასალები (საზედაპირე ქსოვილი და სარჩული) უზრუნველყოფს სუნთქვადობას.
• დამცავი ელემენტები: წინა (ცხვირის) და უკანა (ქუსლის) ნაწილებში უნდა გააჩნდეს ზედნადები ან ინტეგრირებული დამცავი დეტალები (არამეტალური).
• შიდა სარჩული: უნდა იყოს სუნთქვადი მასალისგან დამზადებული, დასაშვებია წყალგაუმტარი ან წყალგამძლე მემბრანის გამოყენება.
• ძირი: უნდა იყოს მრავალშრიანი კონსტრუქციის, რომელიც უნდა უზრუნველყოფდეს - ამორტიზაციას და დარტყმის შთანთქმას, სტაბილურობასა და მოჭიდებას, უნდა იყოს მოცურების საწინააღმდეგო (სველი, ზეთოვანი ან ყინულიანი ზედაპირი).
• გარე ძირი: დამზადებული უნდა იყოს რეზინის ან ფუნქციურად ანალოგიური მასალისგან, უნდა იყოს პროტექტორიანი და სამუშაო გარემოში გამოყენებისთვის შესაფერისი.
• ჩასაფენი: უნდა იყოს ამოსაღები, სუნთქვადი ქაფის ან ანალოგიური მასალისგან დამზადებული, რომელიც უზრუნველყოფს კომფორტსა და ტენგამძლეობას.
• ენა: უნდა იყოს კომფორტული კონსტრუქციის, რომელიც არ უნდა ზღუდავდეს ფეხს ჩაცმისას; უნდა უზრუნველყოფდეს თასმის ფიქსაციას.
• თასმა და ფიქსაცია: უნდა იყოს გამძლე მასალისგან დამზადებული და უზრუნველყოფდეს ფეხსაცმლის მყარ მორგებას.
• ფეხსაცმელი დამზადებული უნდა იყოს ქარხნულად და უნდა გააჩნდეს ზომის, მწარმოებელი ფირმის/მოდელის და სხვა საჭირო ინფორმაციის აღმნიშვნელი ეტიკეტ(ებ)ი.

შენიშვნა:
• პრეტენდენტის მიერ წარმოდგენილ დანართ N2-ში (ტექნიკური დავალება) (სატენდერო წინადადებაში) მითითებულ უნდა იქნეს მტკიცებითი ფორმით, შესყიდვის ობიექტის ზუსტი მახასიათებლები.

იხილეთ თანდართული ტექნიკური დავალება - დანართი N2.

შესასყიდი საქონლის მიწოდება უნდა განხორციელდეს ორ ეტაპად, კერძოდ:

• სპორტული ფეხსაცმლის მიწოდება უნდა განხორციელდეს, ხელშეკრულების გაფორმებიდან - არაუგვიანეს 40 (ორმოცი) კალენდარული დღის განმავლობაში.
• ბათინკების მიწოდება უნდა განხორციელდეს, ხელშეკრულების გაფორმებიდან - არაუგვიანეს - 80 (ოთხმოცი) კალენდარული დღის განმავლობაში.

1.5.1 საქონლის მიწოდება უნდა განხორციელდეს მიმწოდებლის მიერ, მისივე ხარჯებით.
1.5.2 შესასყიდი საქონლის მიწოდების ადგილია: ქ. თბილისი. აღმაშენებლის ხეივანი N99, სსიპ „აღსრულების ეროვნული ბიურო“-ს საწყობი.

1.7.1.1 საქონლის საგარანტიო ვადა (დანართი N1-ის ორივე პოზიციაზე) უნდა შეადგენდეს, საქონლის ექსპლუატაციაში გაცემის თარიღიდან - არანაკლებ 1 (ერთი) წელი.
1.7.1.2 მიმწოდებელი ვალდებულია შემსყიდველის მიერ წერილობითი მოთხოვნიდან არაუმეტეს 10 (ათი) სამუშაო დღის ვადაში განახორციელოს წუნდებული საქონლის შეცვლა შემსყიდველის მხრიდან რაიმე დამატებითი დანახარჯის გაწევის გარეშე.
1.7.1.3 შემოთავაზებული საქონელი დამზადებული უნდა იყოს ქარხნულად და საქონელზე დატანილი უნდა იყოს ზომის, მწარმოებელი ფირმის/მოდელის და სხვა საჭირო ინფორმაციის აღმნიშვნელი ეტიკეტ(ებ)ი.

2.1.1.1 პრეტენდენტმა დანართ N1-ში (ფასების ცხრილი) უნდა წარმოადგინოს ინფორმაცია შემოთავაზებული საქონლის მწარმოებელი კომპანიისა და მოდელის შესახებ (ასეთის არსებობის შემთხვევაში).
2.1.1.2 დაზუსტებას არ დაექვემდებარება ტექნიკური დოკუმენტაცია, თუ დანართ N1-ში (ფასების ცხრილი) არ იქნება მითითებული ინფორმაცია შემოთავაზებული საქონლის მწარმოებელი კომპანიისა და მოდელის შესახებ (ასეთის არსებობის შემთხვევაში).
2.1.1.3 პრეტენდენტმა შემოთავაზებული საქონლის მწარმოებელი კომპანიისა და მოდელის შესახებ არ არსებობის შემთხვევაში უნდა გააკეთოს შესაბამისი მითითება დანართი N1-ის (ფასების ცხრილი) მე-8 გრაფაში.

2.7.1.1 „პრეტენდენტმა ერთიან ელექტრონულ სისტემაში უნდა წარმოადგინოს მოქმედი სერტიფიკატი, რომელიც დაადასტურებს, რომ შემოთავაზებული ფეხსაცმლის მოდელი (ორივე პოზიციაზე) აკმაყოფილებს EN ISO 20347 სტანდარტის მოთხოვნებს.“

2.7.1.2 პრეტენდენტი ვალდებულია წარმოადგინოს შემოთავაზებული საქონლის (ორივე პოზიციაზე) მახასიათებლების ტექნიკურ დავალებასთან (დანართი N2 – ტექნიკური დავალება) შესაბამისობის დამადასტურებელი დოკუმენტი (მწარმოებლის ოფიციალური წერილი ან/და ბმული მწარმოებლის ოფიციალურ ვებგვერდზე განთავსებულ ინფორმაციაზე ან/და ლაბორატორიული კვლევის შედეგები ან/და ექსპერტიზის დასკვნა ან/და სხვა შესაბამისი დამადასტურებელი დოკუმენტი), გაცემული და ხელმოწერით/ბეჭდით დამოწმებული უფლებამოსილი ორგანოს ან/და შემოთავაზებული საქონლის მწარმოებელი კომპანიის მიერ.

3.1.1.1. პრეტენდენტმა, შემსყიდველ ორგანიზაციაში, შემსყიდველი ორგანიზაციის მოთხოვნით, უნდა წარმოადგინოს შემოთავაზებული საქონლის ნიმუში, დანართი №1 (ფასების ცხრილი) შესაბამისად.
3.1.1.2. პრეტენდენტის მიერ ორგანიზაციაში წარმოდგენილი ნიმუში სრულად უნდა აკმაყოფილებდეს ტექნიკურ მოთხოვნებს.
3.1.1.3. პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.

ნიმუშების წარმოდგენის ადგილია, ქ. თბილისი, დავით აღმაშენებლის ხეივანი N99.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1 ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად მიწოდებული საქონლის შესაბამისად.
7.2.2. ანგარიშსწორება განხორციელდება მიმწოდებლის საბანკო რეკვიზიტებზე.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და საგადასახადო დოკუმენტაციის წარდგენის საფუძველზე.

თეონა ცაბუტაშვილი, 577180818, ttsabutashvili@nbe.gov.ge მის: ქ. თბილისი, დ. აღმაშენებლის ხეივანი N99

10.1.1 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
10.1.2 დისკვალიფიკაციას დაექვემდებარება პრეტენდენტი, თუ სატენდერო დოკუმენტაციის დაზუსტებისას, ასევე, ელექტრონული ვაჭრობის შედეგად დაფიქსირებული, საბოლოო ფასის შესაბამისად დაზუსტებული ფასების ცხრილში, განახორციელებს თავდაპირველად შემოთავაზებული საქონლის მწარმოებელი კომპანიისა და მოდელის შეცვლას.
10.1.3 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.4 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.1.5 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 27-ე მუხლის მე-3 პუნქტის შესაბამისად, ,,დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ, ასევე არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს”.
10.1.6 საქონლის ტექნიკურ მახასიათებლებში მითითებულია მინიმალური მოთხოვნები, რომელსაც უნდა აკმაყოფილებდეს შემოთავაზებული საქონელი, პრეტენდენტს შეუძლია შემოგვთავაზოს გაუმჯობესებული მახასიათებლების მქონე საქონელი.
10.1.7 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტაციასთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს შემსყიდველი ორგანიზაცია.
10.1.8 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 1.3 პუნქტით მოთხოვნილი დანართი N1 (ფასების ცხრილი) და სატენდერო დოკუმენტაციის 1.2 პუნქტით მოთხოვნილი დანართი N3 (ფეხსაცმლის ზომები) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
10.1.9 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.10 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.11 პრეტენდენტის მიერ სისტემაში სავალდებულოდ ასატვირთი დოკუმენტებია:
 დანართი N1 (ფასების ცხრილი);
 დანართი N2 (ტექნიკური დავალება);
 დანართი N3 (ფეხსაცმლის ზომები);
 დანართი N4 (პრეტენდენტის რეკვიზიტები), იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ;
 EN ISO 20347 სერტიფიკატი (ნათარგმნი ქართულ ენაზე და დამოწმებული ნოტარიულად), სატენდერო დოკუმენტაციის 2.7.1.1 პუნქტის მოთხოვნათა შესაბამისად;
 შემოთავაზებული საქონლის, დანართი N1-ის (ფასების ცხრილი) ორივე პოზიციაზე, მახასიათებლების ტექნიკურ დავალებასთან (დანართი N2 - ტექნიკური დავალება) შესაბამისობის დამადასტურებელი დოკუმენტ(ებ)ი, სატენდერო დოკუმენტაციის 2.7.1.2 პუნქტის მოთხოვნათა გათვალისწინებით.