Различные коммерческие услуги и связанные с ними услуги (Грузия - Тендер #71242631)

ახალგაზრდული ღონისძიების ორგანიზების მომსახურება.

ახალგაზრდებისთვის საჯაროდ გამოსვლების კონკურსი

პროექტის მიზანი: სიღნაღის მუნიციპალიტეტის ახალგაზრდებმა შეიძინონ სათანადო ცოდნა საჯაროდ გამოსვლის ტექნიკაში და განუვითარდეთ პრეზენტაციის, დებატებისთვის საჭირო, ორატორული, ლოგიკური და სწორი მეტყველების უნარები.

ჩატარების ადგილი: სიღნაღის მუნიციპალიტეტის ტერიტორია.

ახალგაზრდების რაოდენობა: 100

ტრენერთა რაოდენობა: 4
პროექტი მოიცავს აპრილი - დეკემბრის თვეებს, რომლის ფარგლებშიც უნდა განხორციელდეს პროექტის მონაწილეთა შერჩევა. სიღნაღის მუნიციპალიტეტის მასშტაბით არსებულ ადმინისტრაციულ ერთეულებში ჩატარდეს აქტუალურ თემებზე სიტყვით გამოსვლის ინდივიდუალური კონკურსი, სადაც უნდა მოხდეს მონაწილეების შეფასება მაღალკვალიფიკაციური მსაჯების მიერ საერთაშორისო სტანდარტების მიხედვით შექმნილი შეფასების კრიტერიუმებით, რომლის საფუძველზეც გამოვლინდებიან საუკეთესო მომხსენებლები, რომლებიც გაივლიან გადამზადებას ჩემპიონატისთვის. დასკვნით ღონისძიებაზე გაიმართება 1/2 ფინალი და ფინალი, სადაც შეფასება მოხდება მაღალკვალიფიციური მსაჯების მიერ საერთაშორისო სტანდარტების მიხედვით შექმნილი შეფასების კრიტერიუმებით და გამოვლინდება 5 საუკეთესო მომხსენებელი.

შენიშვნა: ქვეყანაში შექმნილი მდგომარეობიდან გამომდინარე ან პროექტში ჩართულ ჯგუფებთან შეთანხმებით შესაძლებელია, პროექტის განხორციელების პერიოდები შეიცვალოს ან მოხდეს ფორმატის შეცვლა (გადავიდეს ნაწილობრივ ან სრულ დისტანციურ რეჟიმზე). პროექტის ონლაინ რეჟიმში განხორციელების შემთხვევაში წარმოებულ იქნეს ყველა განხორციელებული აქტივობების ვიდეო ჩანაწერი თითოეული მონაწილის იდენტიფიცირების ჩვენებით და დამსწრეთა სია შესაბამისი საკონტაქტო ინფორმაციის მითითებით.


ღონისძიების ჩატარების ფარგლებში გვესაჭიროება:

• მუნიციპალიტეტის ახალგაზრდებისთვის მინიმუმ 2 საათიანი მეცადინეობების ჩატარება საჯაროდ სიტყვით გამოსვლის ტექნიკაში, სადაც მონაწილეები გარდა ორატორული ტექნიკებისა იმუშავებენ კამერის წინ გამოსვლაზე. ჯამში სულ უნდა ჩატარდეს მინიმუმ 24 საათი, ხოლო მეცადინეობისა და მასში მონაწილეების შესახებ ანგარიშის წარდგენა უნდა მოხდეს შემსყიდველთან, მეცადინეობებში მონაწილე პირების მიერ ხელმოწერებით დადასტურებული;
• მუნიციპალიტეტის ფარგლებში მინიმუმ 6 დებატების კლუბს ჩაუტარდეს სისტემატიური მეცადინეობები, რომლის ხანგრძლივობაც უნდა მოიცავდეს მინიმუმ 1 საათს, ხოლო ჯგუფის წევრების რაოდენობა მინიმუმ 5 წევრისგან უნდა შედგებოდეს. მეცადინეობისა და მასში მონაწილეების შესახებ ანგარიშის წარდგენა უნდა მოხდეს შემსყიდველთან, შესაბამისი მხარეების მიერ ხელმოწერებით დადასტურებული;
• განხორციელდეს სიტყვით გამოსვლის ინდივიდუალური კონკურსი, რომელშიც მონაწილეობას მიიღებენ, როგორც 24 საათის განმავლობაში გადამზადებული ახალგაზრდები, ასევე დებატების კლუბის წევრები. შემდეგ ტრენერების მიერ საგანგებო კრიტერიუმებით, რომელიც შეთანხმებული იქნება შემსყიდველთან, შეირჩევა მინიმუმ 25 ახალგაზრდა, რომელიც წარადგენს ჩანაწერის სახით საკუთარ გამოსვლას, რომელის შეფასება უნდა განხორციელდეს საგანგებოდ შერჩეული მაღალკვალიფიციური მსაჯების კორპუსის მიერ, საერთაშორისო სტანდარტების მიხედვით შექმნილი შეფასების კრიტერიუმებით, რომლის საფუძველზეც გამოვლინდება 15 საუკეთესო მომხსენებელი, რომლებიც გაივლიან საგანგებო მომზადებას ჩემპიონატისთვის. სიტყვით გამოსვლის ჩანაწერები მიეწოდება ანგარიშების წარდგენის დროს შემსყიდველს.
• სიტყვით გამოსვლის კონკურსის შედეგად შერჩეულ 15 ახალგაზრდას ჩაუტარდეს საგანგებო მეცადინეობები ჩემპიონატისთვის მოსამზადებლად. სულ 12 საათის განმავლობაში.
• დასკვნითი ღონისძიების სახით გაიმართოს საჯაროდ გამოსვლების ჩემპიონატი (1/2 ფინალი და ფინალი), სადაც შეფასება უნდა განხორციელდეს საგანგებოდ შერჩეული მაღალკვალიფიციური მსაჯების კორპუსის მიერ, საერთაშორისო სტანდარტების მიხედვით შექმნილი შეფასების კრიტერიუმებით, რომლის საფუძველზეც გამოვლინდებიან საუკეთესო მომხსენებლები, რომლებიც გადავლენ შემდეგ ეტაპზე და საბოლოოდ გამოვლინდება 5 საუკეთესო მომხსენებელი. ღონისძიებაზე დასწრება შესაძლებელი იქნება ყველა დაინტერესებული პირისთვის;
• მუნიციპალიტეტის ფარგლებში მინიმუმ 6 დებატების კლუბს ჩაუტარდეს სისტემატიური მეცადინეობები, რომლის ხანგრძლივობაც უნდა მოიცავდეს მინიმუმ 1 საათს, ხოლო ჯგუფის წევრების რაოდენობა მინიმუმ 5 წევრისგან უნდა შედგებოდეს. მეცადინეობისა და მასში მონაწილეების შესახებ ანგარიშის წარდგენა უნდა მოხდეს შემსყიდველთან, შესაბამისი მხარეების მიერ ხელმოწერებით დადასტურებული;
• როლაპი (შტენდერი) - 1ცალი ზომა: 180სმ/60სმ (დიზაინი შემსყიდველთან შეთანხმებით);
• პროექტში ჩართული მონაწილეების სერტიფიცირება;
რაოდენობა: 100 ცალი, მასალა: ცარცი, A4 ფორმატი, (დიზაინი შემსყიდველთან შეთანხმებით);
• ჩემპიონატის ფარგლებში 5 საუკეთესო მომხსენებლისთვის სერთიფიკატების გადაცემა. რაოდენობა: 5 ცალი, მასალა: ცარცი, A4 ფორმატი, (დიზაინი შემსყიდველთან შეთანხმებით).


ხელშეკრულების გაფორმებიდან 5 სამუშაო დღის ვადაში უნდა წარმოადგინოს:

• პროექტის განხორციელების კალენდარი და მეცადინეობის განრიგი;
• პროექტის სასწავლო და ჩასატარებელი მეცადინეობის პროგრამა;

მომსახურების მიწოდება განხორციელდება 2026 წლის აპრილი-დეკემბერის თვეებში.

სიღნაღის მუნიციპალიტეტის ტერიტორია.

პრეტენდენტს, 2023 წლის 1 იანვრიდან ტენდერის გამოცხადების დღემდე, უნდა გააჩნდეს საჯარო გამოსვლებისა და დებატების, საგანმანათლებო სფეროში დებატების კლუბების საქმიანობის ხელშეწყობისა და საჯარო დებატების გამართვის არანაკლებ 5 პროექტის, ჯამურად 150 000 ლარის ღირებულების გამოცდილება, დამოწმებული შესაბამისი ხელშეკრულებებითა და მიღება-ჩაბარებით.

1. 2023 წლის 1 იანვრიდან ტენდერის გამოცხადების დღემდე, პრეტენდენტის პერსონალსაც (ოთხივე ტრენერს), თითოეულ მათგანს უნდა გააჩნდეს საჯარო გამოსვლების, საგანმანათლებლო სფეროში დებატების კლუბების საქმიანობის ხელშეწყობისა და საჯარო დებატებში დებატების ტრენერად მონაწილეობის გამოცდილება მინიმუმ 5 პროექტში, დამოწმებული შესაბამისი ხელშეკრულებებითა და მიღება-ჩაბარებით.
2. 2023 წლის 1 იანვრიდან ტენდერის გამოცხადების დღემდე, წარმოდგენილი 4 ტრენერიდან მინიმუმ 2 ტრენერს, თითოეულ მათგანს, უნდა ჰქონდეს ორი მიმართულებით შემდეგი ტიპის გამოცდილება დამოწმებული შესაბამისი ხელშეკრულებებით, რომელსაც თან უნდა ახლდეს მიღება-ჩაბარების აქტები ან/და დამკვეთი ორგანიზაციის მიერ გაცემული შესაბამისი ხელშეკრულებ(ებ)ით გათვალისწინებული შესრულების დამადასტურებელი დოკუმენტი:
ა)არანაკლებ ერთი სასწავლო წლის განმავლობაში დებატების სწავლების გამოცდილება ზოგადსაგანმანათლებლო სკოლებში;
ბ)დებატების ტექნიკის სწავლების გამოცდილება უმაღლეს სასწავლებელში ერთი სასწავლო წლის განმავლობაში.
3. მინიმუმ 2 ტრენერს მაინც უნდა ჰქონდეს წარმოდგენილი საქართველოს საზღვრებს გარეთ საერთაშორისო დებატების აქტივობებში ტრენერის გამოცდილების დამადასტურებელი შესაბამისი ორი სერტიფიკატი, რომელიც გაცემული უნდა იყოს მიმდინარე ტენდერის გამოცხადებამდე არანაკლებ ერთი თვით ადრე.

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესაბამისი ტენდერის შესყიდვის ობიექტის სავარაუდო ღირებულებაზე (სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-5 და მე-7 პუნქტის გათვალისწინებით), პრეტენდენტი ვალდებულია ფასწარმოქმნის ადეკვატურობა დაასაბუთოს აკრედიტირებული, ან ლიცენზირებული პირის მიერ გაცემული დასკვნით. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ ფასების ცხრილში დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით გასაწევი მომსახურების შესრულების შესაძლებლობა (საექსპერტო მომსახურების ხარჯებს დაფარავს პრეტენდენტი).
2. პრეტენდენტის მიერ წარმოდგენილი დასკვნა დაზუსტებას არ ექვემდებარება.
3. აკრედიტებული, ან ლიცენზირებული პირის მიერ გაცემული დასკვნის წარმოდგენის შემთხვევაში პრეტენდენტს დაუდგება ვალდებულება დასკვნასთან ერთად დამატებით წარმოადგინოს დასკვნის გამცემი აკრედიტირებული პირის შესაბამისი აკრედიტაციის მოწმობა, ან ლიცენზია.
4. დასკვნის წარმოუდგენლობა ან/და უარყოფითი დასკვნის (შეუსაბამობა სატენდერ ოგანცხადებასთან, სატენდერო დოკუმენტაციასთან ან/და სისტემის მეშვეობით პრეტენდენტის მიერ წარმოდგენი ლტექნიკურ/დაზუსტებულ ტექნიკურ დოკუმენტაციასთან) წარმოდგენა გამოიწვვევს პრეტენდენტის დისკვალიფიკაციას.

ანგარიშსწორება მიმწოდებელთან განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით, დადასტურებული მიღება-ჩაბარების აქტის, შესაბამისი ფინანსური დოკუმენტაციის საფუძველზე.

ანგარიშსწორება განხორციელდება მომსახურების შესახებ მიღება-ჩაბარების აქტის გაფორმებიდან 10 სამუშაო დღის ვადაში.

ლაურა ღვინიაშვილი, 577936714, SignagiArts@procurement.gov.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით, გარდა დღგ-სა.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ფასების ცხრილის განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.