Услуги в области бытовых отходов и отходов (Грузия - Тендер #71242609)

სოფლის ამბულატორიებისთვის სამედიცინო ნარჩენების გატანისა და შემდგომში მათი უტილიზაციის მომსახურების შესყიდვა

საქართველოს სხვადასხვა რეგიონში სოფლის ამბულატორიებისთვის დაგროვილი სამედიცინო ნარჩენების გატანისა და შემდგომში მათი უტილიზაციის მომსახურების შესყიდვა

ძირითადად არის ბასრი სამედიცინო ნარჩენები, შპრიცები, ვაქცინაციისას გამოყენებული ნარჩენები.

კერძოდ: 497 ლოკაციიდან საჭიროა ჯამში 2 902,5 კგ სამედიცინო ნარჩენის გატანა (მოცულობა არის სავარაუდო რაოდენობის).

შენიშვნა:
1. ნარჩენების გატანის წინ ყველა კატეგორიის ნარჩენის აწონვის პროცესს უნდა ესწრებოდეს შემსყიდველის უფლებამოსილი წარმომადგენელი, რომელიც ხელს მოაწერს შესაბამის აქტს.
2. ტრანსპორტირებასთან დაკავშირებული ხარჯები ეკისრება მიმწოდებელს.
3. მიმწოდებელი იღებს ვალდებულებას შემსყიდველის უფლებამოსილი წარმომადგენელი პირი მოთხოვნისთანავე დაასწროს სახიფათო ნარჩენების ტრანსპორტირების და/ან უტილიზაციის პროცესს.
4. სახიფათო ნარჩენების გადამზიდავ ავტოსატრანსპორტო საშუალებას უნდა ჰქონდეს ბიოლოგიური საფრთხის აღმნიშვნელი ნიშანი.

მომსახურება უნდა განხორციელდეს ხელშეკრულების გაფორმებიდან 2026 წლის 31 აგვისტოს ჩათვლით.

მომსახურება უნდა განხორციელდეს წინამდებარე ტენდერის სატენდერო დოკუმენტაციის 1.2. პუნქტით განსაზღვრულ დანართი N2-ში - ნარჩენების გატანის მისამართებზე.

1. მიმწოდებელს უნდა გააჩნდეს გარემოს დაცვის სამინისტროს მიერ მინიჭებული ლიცენზია აღნიშნული მომსახურების შესახებ. (წარმოადგინოს შესაბამისი დოკუმენტი).
2. მიმწოდებელმა უნდა წარმოადგინოს უფლებამოსილი ორგანოს მიერ სახიფათო ნარჩენების გადამზიდავი ავტომანქან(ებ)ის დაშვების მოწმობა და მძღოლ(ებ)ის სახელზე გაცემული ე.წ ADR-ის მოწმობა მძღოლ(ებ)ის მომზადების შესახებ.
3. სახიფათო ნარჩენების გადამზიდავ ავტოსატრანსპორტო საშუალებას უნდა ჰქონდეს ბიოლოგიური საფრთხის აღმნიშვნელი ნიშანი.
4. იმ შემთხვევაში თუ მიმწოდებელი ანხორციელებს ინსინერაციას, უნდა წარმოადგინოს დოკუმენტაცია ინსინერაციის შედეგად წარმოქმნილი ფერფლის განსათავსებლად საჭირო შესაბამისი ნაგავსაყრელის მის საკუთრებაში არსებობის შესახებ, ან აღნიშნული მომსახურების გაწევაზე შესაბამის ნაგავსაყრელთან გაფორმებული ხელშეკრულება ან/და განახორციელოს ავტოკლავირება ანუ სტერილიზაცია;
5. "მომსახურების" გაწევა უნდა განხორციელდეს საქართველოს მთავრობის 2017 წლის 16 ივნისის N294 დადგენილების, (ტექნიკური რეგლამენტი - ,,სამედიცინო ნარჩენების მართვა“), საქართველოს მთავრობის 2016 წლის 29 მარტის N145 დადგენილების (ტექნიკური რეგლამენტი - ,,სახიფათო ნარჩენების შეგროვებისა და დამუშავების სპეციალური მოთხოვნები“) და სხვა საქართველოს მოქმედი კანონმდებლობით განსაზღვრული მოთხოვნების სრული დაცვით;

1. პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია.
2. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს იურიდიული ფორმის, საბანკო და იურიდიული რეკვიზიტების შესახებ ინფორმაცია სისტემის მეშვეობით;
3. „შემსყიდველის“ მოთხოვნის შემთხვევაში, ფასწარმოქმნის ადეკვატურობის დასაბუთების ვალდებულება გავრცელდება ქვეკონტრაქტორზეც;
4. „შემსყიდველის“ მოთხოვნის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა, სატენდერო დოკუმენტაციით მოთხოვნილი ვალდებულების შესრულების შესახებ.
5. ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტრირებული.
6. იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამ შესახებ წერილობით უნდა აცნობოს „შემსყიდველს“.
7. პრეტენდენტმა უნდა წარმოადგინოს ქვეკონტრაქტორთან გაფორმებული ხელშეკრულება და აღნიშნულ სფეროში საქართველოს კანონმდებლობით ქვეკონტრაქტორზე გაცემული ლიცენზია/ნებართვა და 2.7. პუნქტში მითითებული ნებართვა/ები.

პრეტენდეტის მიერ ერთიან ელექტრონულ სისტემაში ასატვირთი მონაცემები:

1. სატენდერო დოკუმენტაციის 1.3 პუნქტით განსაზღვრული ფასების ცხრილი (დანართი N1),
2. სატენდერო დოკუმენტაციის 2.7.1 პუნქტით მოთხოვნილი დოკუმენტები.
3. სატენდერო დოკუმენტაციის 1.2 პუნქტით განსაზღვრული ინფორმაცია მომსახურების გაწევის კონკრეტული მისამართ(ებ)ის შესახებ დანართი N2 - ნარჩენების გატანის მისამართები.
4. ქვეკონტრაქტორის არსებობის შემთხვევაში პრეტენდენტსა და ქვეკონტრაქტორს შორის გაფორმებული სამართლებრივი ურთიერთობის დამადასტურებელი დოკუმენტ(ებ)ი და 2.8.1 პუნქტით განსაზღვრული დოკუმენტ(ებ)ი;

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

2. ფასწარმოქმნის ადეკვატურობის 20%-ით მეტი ფასის კლების შემთხვევაში, დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით

ანგარიშსწორება განხორციელდება ეტაპობრივად ან ერთიანად, ფაქტიურად გაწეული მომსახურების მიხედვით, უნაღდო ანგარიშსწორებით, ეროვნულ ვალუტაში - ლარში, მხარეებს შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა ან/და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

ანგარიშსწორება განხორციელდება გაწეული მომსახურების საფუძველზე გაფორმებული მიღება-ჩაბარების აქტების გაფორმებიდან არაუგვიანეს 10 (ათი) სამუშაო დღის განმავლობაში.

ეთერ ტეტუნაშვილი, 577039363, etetunashvili@moh.gov.ge .
ლევანი ტაბიძე, 595997377, ltabidze@moh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევებში) უნდა მიუთითოს დღგ-ს გათვალისწინებით.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.
10.1.9 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.