Страховые и пенсионные услуги (Грузия - Тендер #71242584)

საქართველოს სახელმწიფო უსაფრთხოების სამსახურის, სუს სსიპ - საქართველოს ოპერატიულ-ტექნიკური სააგენტოს და სუს სსიპ სახელმწიფო უსაფრთხოების აკადემიის თანამშრომელთა სამედიცინო დაზღვევის (საოჯახო დაზღვევის პაკეტი) მომსახურების შესყიდვა 2026-2027 წლისათვის.

მიმწოდებელი ვალდებულია უზრუნველყოს ქვემოთ მოცემული ყველა დანართით გათვალისწინებული მომსახურება (იხ. თანდართული ფაილები).

ვაჭრობა მიმდინარეობს მხოლოდ დანართი N 1 გათვალისწინებულ მომსახურებაზე, სხვა დანარჩენი სადაზღვევო მომსახურებები (დანართი N2) არ მონაწილეობს ვაჭრობის პროცესში და წარმოდგენილია უკვე განსაზღვრული ღირებულებით;

ელექტრონულ ტენდერში გამარჯვებულ პრეტენდენტთან საქართველოს სახელმწიფო უსაფრთხოების სამსახური, სუს სსიპ - საქართველოს ოპერატიულ-ტექნიკური სააგენტო და სუს სსიპ სახელმწიფო უსაფრთხოების აკადემია ინდივიდუალურად გააფორმებენ ხელშეკრულებებს.

მომსახურების გაწევის ვადაა 2026-2027 წლების განმავლობაში ხელშეკრულების გაფორმებიდან 1 წლის ვადით.

მიმწოდებლის მიერ მომსახურების (ჯანმრთელობის დაზღვევა) გაწევა უნდა განხორციელდეს, როგორც საქართველოს მთელ ტერიტორიაზე, ასევე საზღვარგარეთ ტექნიკური დოკუმენტაციაში განსაზღვრული პირობების შესაბამისად.

პრეტენდენტს უნდა გააჩნდეს 2024 და 2025 წლების განმავლობაში სამედიცინო (ჯანმრთელობის) დაზღვევის კუთხით გამომუშავებული სადაზღვევო პრემია და აგრეთვე, ამავე პერიოდში ანალოგიურ მომსახურებაზე (სამედიცინო (ჯანმრთელობის) დაზღვევის კუთხით), ანაზღაურებული ზარალი (ბრუტო) და გამომუშავებული პრემიის ოდენობა უნდა იყოს (ბრუტო) 20 000 000 ლარი.
აღნიშნული ინფორმაცია უნდა დასტურდებოდეს სახელმწიფო ზედამხედველობის სამსახურის ვებ. გვერდზე: https://insurance.gov.ge/;

პრეტენდენტმა უნდა წარმოადგინოს სსიპ „საქართველოს დაზღვევის სახელმწიფო ზედამხედველობის სამსახურის“ მიერ გაცემული სიცოცხლის დაზღვევის ლიცენზია და ასევე უნდა წარმოადგენდეს „მესამე კატეგორიის კრიტიკული ინფორმაციული სისტემის სუბიექტს“; (საქართველოს მთავრობის 2021 წლის 31 დეკემბრის დადგენილება N646). ინფორმაციული უსაფრთხოების შესახებ საქართველოს კანონის შესაბამისად ვალდებულია ჰქონდეს დანერგილი ინფორმაციული უსაფრთხოების მართვის სისტემა, რომელიც უნდა დაადასტუროს სახელმწიფო მარეგულირებელმა და ზედამხედველმა ორგანომ სსიპ ციფრული მმართველობის სააგენტომ შესაბამისი ცნობით. ასევე, პრეტენდენტის ინფრასტრუქტურაში ბოლო სამი წლის განმავლობაში ადგილი არ უნდა ჰქონოდა პერსონალური მონაცემის გაჟონვის ფაქტს.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს :

ა) დანართი N1 (სამედიცინო დაზღვევის სტანდარტული პაკეტი სახელმწიფო უსაფრთხოების სამსახურის მომსახურეთა და მათი ოჯახის წევრებისათვის) (შემოთავაზებული პაკეტის ფასის მითითებით).
ბ) დანართი N2 (სრულწლოვანი შვილების და მშობლების სადაზღვევო პაკეტები) განსაზღვრული ფასით.
გ) დანართი N3 (ინფორმაცია პროვაიდერი კლინიკების შესახებ).
დ) ტექნიკური დავალება და მასში გათვალისწინებული წარმოსადგენი დოკუმენტაცია;


ე) მომსახურების გაწევის ვადა 1.4 პუნქტის შესაბამისად;

ვ) 2.2.1 და 2.7.1 პუნქტებით გათვალისწინებული დოკუმენტაცია;

ზ)პრეტენდენტმა პროვაიდერებად უნდა შემოგვთავაზოს ყველა ის კლინიკა უკლებლივ, რომელთანაც გააჩნია შესაბამისი მომსახურების ხელშეკრულება, პრეტენდენტმა პროვაიდერი კლინიკებთან ურთიერთთანამშრომლობა უნდა დაადასტუროს კლინიკიდან წარმოდგენილი ცნობით (სადაც ასევე მითითებული იქნება დამატებითი ინფორმაცია (პრიორიტეტული კლინიკა, მიმართვის გარეშე მომსახურე კლინიკები, მაღალტექნოლოგიური კვლევების შესაძლებლობები, ოჯახის ექიმების განლაგების და მუშაობის გრაფიკი და ა.შ.) ტექნიკური დოკუმენტაციის მოთხოვნის შესაბამისად).

- სატენდერო დოკუმენტაციაში ასევე მოთხოვნილია შემდეგი ინფორმაციის წარმოდგენა:

თ) სტომატოლოგიური კლინიკების შემთხვევაში, უშუალოდ კლინიკის მიერ გაცემული ცნობა - დამატებით კომპიუტერული ტომოგრაფიის, სამედიცინო მიკროსკოპის, ზოგადი ანესთეზიის და ყბა-სახის ქირურგიული მანიპულაციების ჩატარების შესაძლებლობის შესახებ ინფორმაციის მითითებით;
ი) პროვაიდერი სააფთიაქო ქსელიდან გაცემული ცნობა;
კ) ცნობა გამონაკლისებში არსებული დაავადებების მკურნალობის შესახებ მინიმუმ 50 % ფასდაკლებით. (კლინიკის მიერ გაცემული)
ლ) ცნობა საზღვარგარეთ კონტრაქტორი სამედიცინო დაწესებულებიდან (ნათარგმნი და ნოტარიულად დამოწმებული)
მ) თბილისში უნდა გააჩნდეს 2 სერვისცენტრი, სერვისცენტრების შესახებ ინფორმაცია უნდა იყოს წარმოდგენილი დაზღვევის ზედამხედველობის სამსახურის და სადაზღვევო კომპანიის ოფიციალურ ვერბგვერდზე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება (პრეტენდენტის მიერ წარმოდგენილ უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერტიფიცირებული აუდიტორის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის აკრედიტაციის/სერთიფიცირების დამადასტურებელი დოკუმენტის ასლი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

2 Процентов

5 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას.

პრეტენდენტმა უნდა წარმოადგინოს საბანკო ან სადაზღვევო დაწესებულების მიერ გაცემული ხელშეკრულების უზრუნველყოფის უპირობო გამოუთხოვადი საბანკო გარანტია, გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ) ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

გარანტია წარმოდგენილ უნდა იქნეს თითოეულ ხელშეკრულებაზე ცალ-ცალკე.

ანგარიშსწორება მოხდება უნაღდო ანგარიშსწორებით ლარში, ყოველთვიურად, ფაქტობრივად გაწეული მომსახურების შესაბამისად, მიღება–ჩაბარების აქტის გაფორმებისა და ინვოისის შემსყიდველ ორგანიზაციაში წარმოდგენის შემდეგ (ანგარიშწორება განხორციელდება - 2026-2027 წლის სახელმწიფო ბიუჯეტის სახსრებით).

7.2 პუნქტში აღნიშნული დოკუმენტაციის გაფორმებიდან/წარმოდგენიდან არაუგვიანეს 10 სამუშაო დღე.

მაია ასათიანი, 599966337, m.asatiani@ssg.gov.ge

10.1.1. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
10.1.2. პრეტენდენტის მიერ ერთიან ელექტრონულ სისტემაში ატვირთულ ყველა დოკუმენტზე (რომლებიც საჭიროებენ პრეტენდენტის ხელმოწერას) უნდა იყოს შესრულებული კვალიფიციური ელექტრონული ხელმოწერა ან/და წარმოდგენილი დოკუმენტები უნდა იყოს დამოწმებული კვალიფიციური ელექტრონული შტამპით (იხ. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტი);
10.1.3. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში;
10.1.4. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით (დღგ-ს გარეშე);
10.1.5. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.6. ხელშეკრულების პროექტი დაკორექტირდება ტენდერის პირობების შესაბამისად.