Ремонт и техническое обслуживание строительных сооружений (Грузия - Тендер #71242537)

სსიპ „სოფლის მეურნეობის სამეცნიერო-კვლევითი ცენტრი“-ს ბალანსზე რიცხული შენობებისა და მიმდებარე ტერიტორიის მოწყობილობების შეკეთებისა და ტექნიკური მომსახურების შესყიდვა.

სიპ „სოფლის მეურნეობის სამეცნიერო-კვლევითი ცენტრი“-ს ბალანსზე რიცხული შენობებისა და მიმდებარე ტერიტორიის მოწყობილობების შეკეთება და ტექნიკური მომსახურება პრეისკურანტის საფუძველზე (იხ. პრეისკურანტი, ტენდერის პირობების 1.3 პუნქტი) უნდა განხორციელდეს შემდეგი პირობებით:
1. მიმწოდებელი ვალდებულია შემსყიდველის მიერ განსაზღვრულ ინსპექტირების ჯგუფთან ერთად, ყოველ კონკრეტულ შემთხვევაზე, უზრუნველყოს სატენდერო პირობების 1.4.2 ქვეპუნქტში მითითებული ვადის შესაბამისად დათვალიერების (დეფექტური) აქტის შედგენა, სადაც დეტალურად უნდა იყოს აღწერილი გასაწევი მომსახურება/საქონელი.
2. ტექნიკური დავალების ფარგლებში გასაწევი მომსახურების ანაზღაურება განხორციელდება პრეისკურანტში მითითებული ფასების შესაბამისად.
3. მიმწოდებელმა მომსახურების გაწევის პროცესში უნდა გამოიყენოს ახალი და არა მეორადი საქონელი.
4.კონკრეტული ხარვეზის, ან დაზიანების აღმოფხვრის ვადა აითვლება შემსყიდველის მიერ სატელეფონო შეტყობინებიდან, ელექტრონული ფოსტის გაგზავნის დროიდან.
5. მიმწოდებელსა და შემსყიდველის წარმომადგენლის მიერ დათვალიერების აქტის შედგენისას ფასების ცხრილში არ არსებული მომსახურების შესყიდვის საჭიროების შემთხვევაში მომსახურების ფასი დგინდება მხარეთა შორის შეთანხმებით, საბაზრო ფასის გათვალისწინებით, რაზეც გაფორმდება ხელშეკრულების შესაბამისი დანართი. ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
6. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაფიქსირდება მრავალნიშნა ათწილადად, პრეტენდენტი ვალდებულია აღნიშნული ფასები დაამრგვალოს მეასედამდე, შესაბამისად დააკორექტიროს პრეისკურანტის ჯამური ღირებულებაც.

1.4.1 მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით პერიოდში, წინამდებარე სატენდერო პირობების 1.5 პუნქტში მითითებულ ყველა ლოკაციაზე.

1.4.2 მიმწოდებელი ვალდებულია შემსყიდველის მიერ განსაზღვრულ ინსპექტირების ჯგუფთან ერთად, ყოველ კონკრეტულ შემთხვევაზე, უზრუნველყოს დათვალიერების (დეფექტური) აქტის შედგენა შემდეგ ვადებში:

• არაუგვიანეს 24 საათი - ქ. თბილისი, მარშალ გელოვანის გამზირი #6-ცენტრის ადმინისტრაციული შენობა; მცხეთის მუნიციპალიტეტის სოფ. ჯიღაურას ბაზა; მცხეთის მუნიციპალიტეტის სოფ. წილკანის ბაზა.
• არაუგვიანეს 48 საათი - სამტრედიის მუნიციპალიტეტის სოფ. დიდი ჯიხაის ბაზა; გარდაბნის მუნიციპალიტეტის სოფელ აღთაკლიის (კრწანისის ტყე-პარკის) ბაზა, ჩხოროწყუს მუნიციპალიტეტის სოფ. მუხურისა და დმანისის მუნიციპალიტეტის სოფ. განთიადის ბაზები.


1.4.3 მიმწოდებელი ვალდებულია მიაწოდოს შემსყიდველს საქონელი/მომსახურება დეფექტური აქტის შედგენიდან არაუგვიანეს 24 საათისა. თუ მომსახურება/საქონელი ეხება დეფიციტურ დეტალს და დაზიანებას რომლის აღმოფხვრაც შეუძლებელია24 საათის განმავლობაში ვადა შესაძლებელია გაგრძელდეს მხარეთა შეთანხმებით გონივრული ვადით.

მომსახურების გაწევა უნდა განხორციელდეს შემდეგ მისამართებზე: ქ. თბილისი, მარშალ გელოვანის გამზირი #36ბ -ცენტრის ადმინისტრაციული შენობა; მცხეთის მუნიციპალიტეტის სოფ. ჯიღაურას ბაზა; მცხეთის მუნიციპალიტეტის სოფ. წილკნის ბაზა; სამტრედიის მუნიციპალიტეტის სოფ. დიდი ჯიხაიშის ბაზა; კრწანისის ტყე-პარკის ბაზა, ჩხოროწყუს მუნიციპალიტეტის სოფ. მუხურის ბაზა და დმანისის მუნიციპალიტეტის სოფ. განთიადის ბაზა.

1.7.1.1 პრეტენდენტის მიერ გაწეულმა მომსახურებამ არ უნდა გამოავლენს ხარვეზი და იყოს ხარისხიანი, წინააღმდეგ შემთხვევაში იგი ვალდებულია საკუთარი სახსრებით თავად უზრუნველყოს არასწორი/უხარისხო მომსახურების შედეგად მიყენებული ზიანის გამოსწორება;

1.7.1.2.ელექტრო მომარაგების სისტემის, გაზმომარაგების სისტემების, გათბობის, გაგრილებისა და სამაცივრე სისტემებზე მომსახურების გაწევისას, შეცვლილ სათადარიგო ნაწილებზე და მომსახურებაზე საგარანტიო ვადა უნდა შეადგენდეს მიღება ჩაბარების აქტის გაფორმების დღიდან არანაკლებ 6 (ექვს) თვეს.

1.7.1.3. საგარანტიო პერიოდში შეცვილილი ნაწილის მწყობრიდან გამოსვლის შემთხვევაში, პრეტენდენტი ვალდებულია საკუთარი სახსრებით შეცვალოს ახლით.

2.2.1.1. მომსახურების მსგავს/ანალოგიურ სფეროში (50700000), რომელიც წარმოადგენს მოცემული ტენდერის შესყიდვის ობიექტს, ბოლო 3 წლის მანძილზე (2023-2024-2025წ) პრეტენდენტს უნდა ჰქონდეს საბიუჯეტო ორგანიზაციებთან ჯამურად მინიმუმ 2 წლიანი გამოცდილება, რაც უნდა დასტურდებოდეს სახელმწიფო შესყიდვების ერთიან ელექტრონულ სისტემაში ატვირთული ხელშეკრულებებითა და ხელშეკრულების შესრულების დამადასტურებელი დოკუმენტებით.

2.2.1.2. იმ შემთხვევაში თუ პრეტენდენტი ბოლო 3 წლის მანძილზე (2023-2024-2025წ), არ იმყოფებოდა სსიპ სოფლის მეურნეობის სამეცნიერო-კვლევით ცენტრთან მსგავს/ანალოგიურ სფეროში სახელშეკრულებო ურთიერთობაში,პრეტენდენტმა უნდა წარმოადგინოს მინიმუმ 1 სახელმწიფო შემსყიდველი ორგანიზაციის მიერ გაცემული სარეკომნდაციო წერილი, რომელიც დაადასტურებს პრეტენდენტის კომპეტენტურობას მომსახურების იმ სფეროში, რომელიც წარმოადგენს მოცემული ტენდერის შეყიდვის ობიექტს.

2.2.1.3. იმ შემთხვევაში თუ პრეტენდენტი, ბოლო სამი წლის მანძილზე (2023-2024-2025წ), ერთხელ მაინც იყო ტენდერის საშუალებით გაფორმებულ მსგავს/ანალოგიურ სფეროში სახელშეკრულებო ურთიერთობაში შემსყიდველთან (სსიპ "სოფლის მეურნეობის სამეცნიერო-კვლევით ცენტრთან"), მისთვის არ არის სავალდებულო სატენდერო დოკუმენტაციის 2.2.1.2. ქვეპუნქტით მოთხოვნილი დოკუმენტების წარმოდგენა ასევე მისთვის არ არის სავალდებულო 2.2.1.1 მუხლით გათვალისწინებული დოკუმენტაციის წარმოდგენა.

გამარჯვებული მიმწოდებლის მიერ მოწოდებული ელექტრომექანიკური მოწყობილობები, კერძოდ-წყლის ტუმბოები შესაბამისობაში უნდა იყოს CE ან/და EN ევროპულ სტანდარტებთან.

პრეტენდენტმა წინამდებარე ელექტრონული ტენდერის ფარგლებში, სახელმწიფო შესყიდვების ერთიან ელექტრონულ სისტემაში უნდა ატვირთოს შემდეგი დოკუმენტები:
1. შევსებული პრეისკურანტი Excel ფორმატში. - (წინამდებარე სატენდერო პირობების 1.3 პუნქტი);
2.ინფორმაცია პრეტენდენტის გამოცდილების შესახებ. დანართი #2 ის შესაბამისად
3.ინფორმაცია საგარანტიო ვადის შესახებ სატენდერო პირობების 1.7.1 მუხლის შესაბამისად.


შევსებული დანართი N1 პრეტენდენტმა უნდა წარმოადგინოს (ატვირთოს სისტემაში) Excel ფორმატში.

სატენდერო კომისია ახდენს პრეტენდენტის დისკვალიფიკაციას, თუ მის მიერ სისტემაში ატვირთულ ტექნიკურ დოკუმენტაციაში, სატენდერო დოკუმენტაციის მოთხოვნის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

ტენდერში მონაწილე პრეტენდენტმა უნდა გაითვალისწინოს, რომ:
1. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
2. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ. ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა:
o ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
o გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.

რაც შეეხება სატენდერო/საკონკურსო პირობებით მოთხოვნილ სხვა დამატებით ინფორმაციას, მაგალითად: გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.

მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ ფასწარმოქმნის ადეკვატურობა შესაძლებელია დასაბუთდეს შესაბამისი უფლებამოსილების/აკრედიტაციის მქონე აუდიტის ან/და ექსპერტიზის დასკვნით. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტის ასლ(ებ)ი.
შენიშვნა: „ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით“.

1. ანგარიშსწორება მიმწოდებელთან განხორციელდება ლარებში.
2. ანგარიშსწორება განხორციელდება ეტაპობრივად, ფაქტიურად გაწეული მომსახურების/საქონლის ფარგლებში შესაბამისი «მიღება-ჩაბარების» აქტ(ებ)ის გაფორმების შემდგომ;
3. ანგარიშსწორების ფორმა იქნება უნაღდო. გადარიცხვა მოხდება მიმწოდებლის საბანკო ანგარიშზე.
4. გასაწევი მომსახურების ანაზღაურება განხორციელდება პრეისკურანტში მითითებული ფასების შესაბამისად.

ანგარიშსწორება განხორციელდება გაწეულ მომსახურებაზე შესაბამისი მიღება-ჩაბარების აქტ(ებ)ის გაფორმებისა და საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენის შემდეგ არაუგვიანეს 10 სამუშაო დღის ვადაში.

სალომე დურული, 598332102, salomeduruli@gmail.com

ყველგან, თუკი სადმე მითითებულია სასაქონლო ნიშანი, მოდელი ან მწარმოებელი იგულისხმება ,,მსგავსი“ ან ,,ექვივალენტური“. ასევე, თუ მოთხოვნილია სტანდარტთან შესაბამისობა, იგულისხმება მითითებული ან მისი ექვივალენტური სტანდარტი.

- 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ უფლებამოსილი პირის კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).

- მიმწოდებელი ვალდებულია, შემსყიდველის მიერ სამუშაოების დაწყების თარიღის წერილობითი შეტყობინებიდან 10 სამუშაო დღის განმავლობაში უზრუნველყოს სამუშაოების შესრულების გეგმა-გრაფიკის შემსყიდველთან წარდგენა, იმ შემთხვევაში თუ შემსყიდველი ორგანიზაცია არ შეითანხმებს წარმოდგენილ გეგმა-გრაფიკს და მოითხოვს მის კორექტირებას, მიმწოდებელი ვალდებულია შემსყიდველთან შეთანხმებული კორექტირებული გეგმა-გრაფიკი წარმოადგინოს შემსყიდველი მიერ კორექტირების მოთხოვნის წერილობითი მიმართვიდან არაუგვიანეს 5 სამუშაო დღის ვადაში. გეგმა-გრაფიკი უნდა იყოს, როგორც ხაზოვანი, ასევე, თანხობრივი, თვეების ჭრილში. აღნიშნული გეგმა-გრაფიკი დაერთვება ხელშეკრულებას დანართად. შემსყიდველისათვის წარდგენილი გეგმა-გრაფიკით განსაზღვრული ვადები უნდა შეესაბამებოდეს ხელშეკრულებით განსაზღვრულ სამუშაოების დასრულების ვადას.

- სატენდერო წინადადება და მასთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

- სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერა უნდა იყოს ლეგალიზებული ან აპოსტილით დამოწმებული.