Архитектурные и сопутствующие услуги (Грузия - Тендер #71214158)

„სამელიორაციო სისტემების მართვა“ პროგრამის ფარგლებში სამელიორაციო არხების სარეკონსტრუქციო სამუშაოებზე ტექნიკური ზედამხედველობის მომსახურების შესყიდვა.

იხილეთ ტექნიკური დავალება - დანართი N2.

შენიშვნა:
- ტექნიკური დავალება - დანართი N2 შემდგომში განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი;

- მომსახურების გაწევის ვადაა ხელშეკრულების გაფორმებიდან 2026 წლის 30 დეკემბრის ჩათვლით, ამასთან თითოეულ ობიექტზე ტექნიკური ზედამხედველობის მომსახურების გაწევის ვადა დამოკიდებულია ა(ა)იპ „აგროსერვის ცენტრი“-ს მიერ ცალკეული სამელიორაციო არხების სარეკონსტრუქციო სამუშაოებზე გაფორმებული ხელშეკრულებით განსაზღვრული სამუშაოების დასრულებამდე.
- კონკრეტულ ობიექტებზე ტექნიკური ზედამხედველობის მომსახურების განხორციელება დაიწყება შემსყიდველის შესაბამისი წერილობითი შეტყობინების მიხედვით.

- მომსახურების გაწევა უნდა განხორციელდეს აჭარის ავტონომიური რესპუბლიკის ქედის, შუახევისა და ხულოს მუნიციპალიტეტების ტერიტორიაზე. დეტალური ინფორმაციისათვის გთხოვთ იხილოთ ტექნიკური დავალება - დანართი N2.

ა) ტენდერში მონაწილე პრეტენდენტს 2023 წლის 01 იანვრიდან სატენდერო წინადადების მიღების დასრულების თარიღამდე პერიოდში შესრულებული უნდა ჰქონდეს შენობა-ნაგებობების კაპიტალური მშენებლობის ან/და რეაბილიტაციის ან/და რეკონსტრუქციის სამუშაოების (შენობა-ნაგებობებში არ შედის შიდა სარემონტო სამუშაოები, გარე განათების მოწყობის, ელექტროგადამცემი ხაზების მოწყობის სამუშაოები) ჰიდროტექნიკური ნაგებობების, ნაპირდამცავი და სამელიორაციო ნაგებობების, ხიდების მშენებლობის ან/და რეაბილიტაციის ან/და რეკონსტრუქციის სამუშაოებზე ტექნიკური ზედამხევდელობის მომსახურება საერთო ღირებულებით არანაკლებ 130 000 (ასოცდაათიათასი) ლარის ოდენობით. ამასთან, გამოცდილებაში ჩაითვლება მხოლოდ დასრულებული სამუშაოები, რაზედაც გაფორმებულია შესაბამისი მიღება-ჩაბარების აქტ(ებ)ი;
ბ) ინფორმაცია წარმოდგენილი უნდა იქნას დანართი N3-ის სახით;
გ) პრეტენდენტმა უნდა წარმოადგინოს ტექნიკური ზედამხედველობის მომსახურების შესრულების დამადასტურებელი დოკუმენტების ასლები, კერძოდ ხელშეკრულების ასლ(ებ)ი, სამუშაოს შესრულების მიღება-ჩაბარების აქტ(ებ)ის ასლები, საგადასახადო ანგარიშ-ფაქტურები (არსებობის შემთხვევაში).
დ) იმ პრეტენდენტებს, რომლებსაც ზემოაღნიშნული სამუშაოები შესრულებული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის 2.2.1 პუნქტით, სამუშაოების შესრულების დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, DAP, NAT, DEP, MEP, TEP, GEO, CMR ან სხვა ასეთის არსებობის შემთხვევაში) მხოლოდ დანართი N3-ის სახით.

- პრეტენდენტმა უნდა წარმოადგინოს მის მიერ დასაქმებული ტექნიკური ზედამხედველობის განმახორციელებელი პირების შესახებ ინფორმაცია, კერძოდ ტენდერში მონაწილე პრეტენდენტს უნდა ჰყავდეს არანაკლებ 2 ტექნიკური ზედამხედველობის განმახორციელებელი პირი. პრეტენდენტმა თითოეულ სპეციალისტთან დაკავშირებით, უნდა წარმოადგინოს „წინარე შეთანხმება“ (დანართი N4);
- ხელშეკრულების გაფორმების შემდეგ, შემსყიდველი ორგანიზაციის მიერ მისაღებად მიჩნეული სპეციალისტ(ებ)ის შემადგენლობაში ცვლილების შემთხვევაში, მიმწოდებელმა შემსყიდველს დაუყოვნებლივ უნდა შეატყობინოს და შეუთანხმოს სხვა სპეციალისტ(ებ)ით ჩანაცვლების საკითხი, წინააღმდეგ შემთხვევაში, შემსყიდველი უფლებამოსილია შეწყვიტოს ხელშეკრულება და მიმწოდებლის წინააღმდეგ გამოიყენოს, ხელშეკრულებით გათვალისწინებული სანქცია.

პრეტენდენტი აკრედიტებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ შემდეგ სფეროებში:
• ობიექტის სამშენებლო სამუშაოებზე ტექნიკური ზედამხედველობის - ინსპექტირების სფეროში;
• ობიექტზე შესრულებული სამუშაოების ინსპექტირების (მათ შორის ფორმა N2-ის მიხედვით) სფეროში.

აღნიშნულის დამადასტურებლად პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად, რომლის მოქმედების ვადა უნდა აღემატებოდეს წინამდებარე ტენდერით გათვალისწინებული მომსახურების გაწევის ვადას (2026 წლის 30 დეკემბერი).

მოცემული ტენდერის ფარგლებში ქვეკონტრაქტორი არ დაიშვება.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

- ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში - ლარში, მიმწოდებლის საბანკო ანგარიშზე.
- ანგარიშსწორება განხორციელდება ეტაპობრივად, ფაქტობრივად გაწეულ მომსახურებაზე მიღება-ჩაბარების აქტების გაფორმებისა და ანგარიშ-ფაქტურა/ინვოისის წარმოდგენის შემდეგ.
- შემსყიდველი აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას ფასების ცხრილით განსაზღვრული პროცენტის შესაბამისად;
- იმ შემთხვევაში, თუ მიმწოდებლის მიერ გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა სრულად, შემსყიდველი აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას ხელშეკრულებით განსაზღვრული ფასების (პროცენტების) შესაბამისად. აღნიშნულიდან გამომდინარე მიმწოდებელს პრეტენზია არ უნდა გააჩნდეს გაუწეველი მომსახურების ანაზღაურებაზე.
- საქართველოს კანონმდებლობით გათვალისწინებული ყველა გადასახადის გადახდაზე პასუხისმგებელია მიმწოდებელი.

მომსახურების გაწევის დამადასტურებელი დოკუმენტ(ებ)ის გაფორმებიდან არაუგვიანეს 10 (ათი) სამუშაო დღე.

გურანდა ვარშალომიძე, 557125165, guranda.v92@gmail.com სატენდერო დოკუმენტაციასთან დაკავშირებით განმარტებების მიღება პრეტენდენტს შეუძლია სისტემაში არსებული „კითხვა-პასუხის“ მოდულის მეშვეობით, ან/და ელექტრონული ფოსტის მეშვეობით: agrosrvcntr@procurement.gov.ge, ან/და სატენდერო კომისიის აპარატში, მის. ქ. ბათუმი, ბაქოს ქ. N18.

10.1.1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესი"-ს დამტკიცების შესახებ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2. სატენდერო წინადადებაში საერთო და ერთეულის ფასი გამოსახული უნდა იყოს ყველა ხარჯის გათვალისწინებით, მათ შორის საქართველოს კანონმდებლობით დადგენილი გადასახადები, თუ მოსაკრებლები (მათ შორის დღგ).
10.1.3. პრეტენდენტი ვალდებულია ფასების ცხრილში მითითებული ერთეული და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
10.1.4. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.7. პრეტენდენტის მიერ ერთიან ელექტრონულ სისტემაში ატვირთული დოკუმენტები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.
10.1.8. სახელმწიფო შესყიდვების შესახებ ხელშეკრულების ფორმა და პირობები მოცემულია ელექტრონულ სისტემაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.9. პრეტენდენტს არ აქვს უფლება წარმოადგინოს ალტერნატიული სატენდერო წინადადება.


პრეტენდენტის მიერ ერთიან ელექტრონულ სისტემაში ატვირთული სატენდერო წინადადება უნდა შეიცავდეს შემდეგი სახის ინფორმაციას/დოკუმენტაციას:

1. სატენდერო დოკუმენტაციის 1.3 პუნქტის თანახმად, ფასების ცხრილი - დანართი N1-ის სახით;
2. სატენდერო დოკუმენტაციის 1.2 პუნქტის თანახმად, ტექნიკური დავალება - დანართი N2-ის სახით;
3. სატენდერო დოკუმენტაციის 2.2.1 პუნქტის თანახმად, ინფორმაცია პრეტენდენტის გამოცდილების შესახებ დანართი N3-ის შესაბამისად;
4. სატენდერო დოკუმენტაციის 2.4.1 პუნქტის თანახმად, ინფორმაცია/დოკუმენტაცია პრეტენდენტის პერსონალის შესახებ დანართი N4-ის შესაბამისად;
5. სატენდერო დოკუმენტაციის 2.7.1 პუნქტის თანახმად, ინფორმაცია/დოკუმენტაცია პრეტენდენტის აკრედიტაციის შესახებ.