Ремонт и техническое обслуживание строительных сооружений (Грузия - Тендер #71190270)

ქ. თბილისში, სსიპ გარემოს ეროვნული სააგენტოს ადმინისტრაციულ შენობებზე არსებული ალუმინის, მეტალო-პლასტმასის და შუშის კარ-ფანჯრების დაზიანების შემთხვევაში შეკეთება-რეგულირების მომსახურების შესყიდვა.

ტექნიკური დავალება:

შესყიდვის ობიექტი:
ადმინისტრაციული კორპუსის პირველ, მე-7, მე-8, მე-9, მე-10, მე-11, მე-12 სართულების, ლაბორატორიის და საკალიბრაციო შენობის (მის: მარშალ გელოვანის 32ა) პირველი და მე-2 სართულებზე არსებული კარ-ფანჯრების რემონტი.

მიმწოდებლის მიერ განსახორციელებელი მომსახურების ეტაპები:
1. დეფექტური აქტის წარმოდგენა (კონკრეტულ კარ-ფანჯრის).
2. ინვოისი (მომსახურების განფასებით).
3. შესრულება არაუმეტეს 25 დღისა.

- ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს ყველა დასახელების საქონელსა და მომსახურებაზე. ამასთან, პროპორციული პროცენტული ფასდაკლების შემდგომ, თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც.
- პრეისკურანტში საქონლის და მომსახურების რომელიმე ერთეულის არ არსებობის შემთხვევაში, აღნიშნული ერთეულის ფასი დგინდება მიმწოდებელსა და შემსყიდველს შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობისას დაფიქსირებული პრეისკურანტის საბოლოო ჯამური ღირებულების 10%-ს.
- შეკეთებისთვის საჭირო ნაწილისა და მომსახურების ღირებულება პოზიციების შესაბამისად პრეტენდენტის მიერ მითითებული უნდა იქნას პრეისკურანტში და არ უნდა აღემატებოდეს შესაბამის პოზიციებზე დაფიქსირებულ ზღვრულ ერთეულის ფასებს.

შესასრულებელი სამუშაო ობიექტის აღწერა:
- ქ. თბილისში, დ. აღმაშენებლის გამზ. N150-ში სსიპ „გარემოს ეროვნული სააგენტოს“ ადმინისტრაციული შენობაში სარეაბილიტაციო კარ-ფანჯრები განთავსებულია პირველ, მე-7, მე-8, მე-9, მე-10, მე-11 და მე-12 სართულებზე.
- ქ. თბილისში, მარშალ გელოვანის 32ა-ში სსიპ „გარემოს ეროვნული სააგენტოს“ ვაშლიჯვრის ლაბორატორიის და საკალიბრაციო ორსართულიანი შენობების კარ-ფანჯრები.

შენიშვნა:
შესაძლებელია დადგეს ამწეს (კალათა) გამოყენებით მომსახურების განხორციელების აუცილებლობა.

მომსახურების ობიექტი - სსიპ გარემოს ეროვნული სააგენტოს ადმინისტრაციული შენობებში დამონტაჟებული მეტალო-პლასტმასის და ალუმინის კარ-ფანჯრები საჭიროებს არსებული მდგომარეობის შესწავლას და საჭიროების შემთხვევაში პრეისკურანტში მოცემულ მომსახურებას.
მომსახურების პირველ ეტაპს წარმოადგენს მოსამზადებელი სამუშაოების ჩატარება: მიმწოდებელმა უნდა დაათვალიეროს არსებული მეტალო პლასტმასის ფანჯრების მდგომარეობა, მიმწოდებლის მიერ დეფექტური აქტის მომზადება და შემსყიდველისთვის ინვოისის წარმოდგენა.
შემსყიდველის მხრიდან, მიმწოდებლის მიერ წარდგენილი ინვოისის დადასტურების შემდგომ ეტაპზე უნდა მოხდეს დეფექტური აქტით გათვალისწინებული მომსახურების გაწევა.
მომსახურების გაწევის შედეგად ობიექტზე წარმოქმნილი სარემონტო და სამეურნეო ნარჩენების შეგროვება და გატანა.
მიმწოდებელი ვალდებულია შემსყიდველის წარმომადგენლის მხრიდან მოთხოვნილი გამოძახება (უშუალოდ დაზიანების/ხარვეზის ადგილზე) განახორციელოს შემსყიდველის შეტყობინებიდან (სმს შეტყობინება ან ელ. ფოსტით) არაუმეტეს 24 საათის განმავლობაში. გამოძახება მოიცავს მიმწოდებლის წარმომომადგენლის დაზიანების/ხარვეზის ადგილზე მისვლას და პირველადი სახის დეფექტური აქტის შედგენას-შემსყიდველისთვის წარდგენას გონივრულ ვადებში (არაუმეტეს 3 დღე).

ხარვეზების აღმოფხვრა და პირველად მდგომარეობაში მოყვანა გულისხმობს:
საჭიროების მიხედვით ძველი, დაზიანებული ნაწილების ახლით შეცვლას, ამორტიზირებული მდგომარეობის ახლით ჩანაცვლებას და მიწოდებულ მომსახურებაზე განსაზღვრული საგარანტიო პირობების გავრცელებას.
მომსახურეობა უნდა განხორციელდეს შესაბამისი კვალიფიკაციის მქონე სპეციალისტების მიერ; სპეციალისტი აღჭურვილი უნდა იყოს ყველა საჭირო ხელსაწყოთი; მომწოდებელი უნდა იღებდეს პასუხისმგებლობას, რომ მომსახურების მიწოდების დროს გათვალისწინებული იქნება უსაფრთხოების ნორმების დაცვა.

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით.

გასაწევი მომსახურების ადგილმდებარეობა:
- ქ. თბილისი, სსიპ „გარემოს ეროვნული სააგენტოს“ ადმინისტრაციული შენობა, მის: ქ. თბილისი, დ. აღმაშენებლის გამზ. N150 (პირველ, მე-7, მე-8, მე-9, მე-10, მე-11 და მე-12 სართულები).
- ქ. თბილისი, სსიპ „გარემოს ეროვნული სააგენტოს“ ვაშლიჯვრის ლაბორატორია, ქ.თბილისი, მარშალ გელოვანის 32ა (ორი სართული).
- ქ. თბილისი, სსიპ „გარემოს ეროვნული სააგენტოს“ საკალიბრაციო შენობა, ქ.თბილისი, მარშალ გელოვანის 32ა (ორი სართული).

სწორი ექსპლუატაციის პირობებში, შესყიდვის ობიექტზე უნდა ვრცელდებოდეს გარანტია არანაკლებ 1 წელი. საგარანტიო პერიოდის განმავლობაში აღმოჩენილი ხარვეზის შემთხვევაში, მიმწოდებელი ვალდებულია უზრუნველყოს ხარვეზის აღმოფხვრა საკუთარი ხარჯებით ან შეცვლა ახლით, შემსყიდველის წერილობითი დავალების მიღებიდან არაუმეტეს 15 (თხუთმეტი) კალენდარული დღის ვადაში (სირთულის მიხედვით).

პრეტენდენტის 2023 წლის 01 იანვრიდან წინამდებარე ტენდერის გამოცხადებამდე უნდა გააჩნდეს არანაკლებ 5,000.00 ლარის ღირებულების ანალოგიური ან მსგავსი მომსახურების/სამუშაოს მიწოდების გამოცდილება (მსგავსში იგულისხმება კარფანჯრების, კარებების, ფანჯრების მონტაჟი/რემონტი/შეკეთება/შეცვლა/რეგულირება). აღნიშნულის დასადასტურებლად პრეტენდენტმა შესყიდვების ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებ(ები)ა და მიღება-ჩაბარების აქტ(ებ)ი ან/და ანგარიშ-ფაქტურ(ები)ა. ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან მითითებულ უნდა იქნას შესაბამისი SPA, NAT, DAP, CMR ან სხვა ნომრები.

მომსახურება უნდა განხორციელდეს კეთილსინდისიერად, არ უნდა დაზიანდეს შენობის ფასადი და შიდა ინტერიერი - ასევე ტექნიკური მხარე შენაჩუნებული უნდა იყოს უნაკლოდ. მომსახურების მიწოდება უნდა დამთავრდეს ხელშეკრულებით ან წერილობით განსაზღვრულ დროში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერტიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

მიმწოდებელთან ანგარიშსწორება განხორციელდება ეტაპობრივად, ფაქტობრივად გაწეული მომსახურების შესაბამისად, მხარეებს შორის გაფორმებული მიღება–ჩაბარების აქტისა და შესაბამისი საგადასახადო დოკუმენტაციის წარმოდგენის საფუძველზე.

სატენდერო დოკუმენტაციის 7.2 ქვეპუნქტში მითითებული დოკუმენტაციის წარმოდგენიდან 10 სამუშაო დღის ვადაში.

პავლე ანთელავა, 555333415, Pavle.Antelava@nea.gov.ge

1. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
3. პრეტენდენტს არა აქვს უფლება წარმოადგინოს ალტერნატიული წინადადება.
4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში.
6. ანგარიშსწორება მოხდება უნაღდო ანგარიშსწორებით ლარში.
7. სატენდერო დოკუმენტაციაში შესყიდვის ობიექტის აღწერილობაში, სადაც მითითებული არის სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“, „ეკვივალენტური“. ამასთან, სატენდერო დოკუმენტაციით განსაზღვრული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული სატენდერო წინადადება.
8. სახელმწიფო შესყიდვის დაფინანსების წყარო: 2026 წლის სახელწიფო მიზნობრივი ქვეპროგრამა "სააგენტოს მართვა და ადმინისტრირება"

9. პრეტენდენტის მიერ შესყიდვების ერთიან ელექტრონულ სისტემაში ასატვირთი ინფორმაცია/დოკუმენტაცია:

ა) პრეისკურანტი დანართი N1 (PDF ფორმატის ფაილი დამოწმებული კანონმდებლობის შესაბამისად);

ბ) სატენდერო დოკუმენტაციის 2.2.1 მუხლით გათვალისწინებული ინფორმაცია/დოკუმენტაცია.