Ремонт и техническое обслуживание транспортных средств и оборудования и сопутствующие услуги (Грузия - Тендер #71190248)

ა(ა)იპ ბათუმის მუნიციპალური ინსპექციის ბალანსზე არსებული ევაკუატორების ტექნიკური მომსახურების შესყიდვა

1.2.1 ა(ა)იპ ბათუმის მუნიციპალური ინსპექციის ბალანსზე არსებული 3 (სამი) ერთეული ავტოსატრანსპორტო საშუალებისათვის სათადარიგო ნაწილებისა და ტექნიკური მომსახურების შესყიდვა:

ა) გასაწევი მომსახურების ჩამონათვალი:
2 (ორი) ერთეული ივეკო ML 100 E 18 მოდელის ევაკუატორები;
სახელმწიფო ნომერი: OT-914-TT; OT-915-TT;
გამოშვების წელი 2010წ.

1 (ერთი) ერთეული Hino/FD 1024 მოდელის ევაკუატორი;
სახელმწიფო ნომერი: GT-916-GG;
გამოშვების წელი: 2022წ.

1.2.2 მომსახურება მიმწოდებელმა უნდა გაწიოს ეტაპობრივად, ყოველ კონკრეტულ შემთხვევაში (საჭიროებიდან გამომდინარე) ავტოსატრანსპორტო საშუალებ(ებ)ის დათვალიერების შემდეგ შედგენილი დეფექტური აქტის საფუძველზე, აღნიშნული აქტი გაფორმდება შემსყიდველისა და მიმწოდებლის უფლებამოსილ წარმომადგენლებს შორის, სადაც დეტალურად იქნება გაწერილი როგორც მომსახურების, ასევე მასთან დაკავშირებული საქონლის დასახელება, მომსახურებისა თუ საქონლის ფასები (პრეისკურანტში წარმოდგენილი ერთეულის ფასების მიხედვით), მიწოდების ადგილი და ვადა. დეფექტური აქტის შედგენის დროს შემსყიდველს უფლება აქვს მოითხოვოს და მიმწოდებელი ვალდებულია შემსყიდველი ორგანიზაციის მოთხოვნისთანავე, წინამდებარე ტენდერით გათვალისწინებული ავტოსატრანსპორტო საშუალებების ელექტრო (კომპიუტერული) სისტემის დიაგნოსტიკა და სავალი ნაწილების შემოწმების მომსახურება გაუწიოს შემსყიდველს უსასყიდლოდ - როგორც ხელშეკრულების მოქმედების ნებისმიერ ეტაპზე, ასევე საგარანტიო პერიოდის განმავლობაში. აღნიშნული პროცედურების გავლის შემდგომ გაფორმდება დეფექტური აქტი.

1.2.3 ავტომანქანის დაზიანებული ნაწილები უნდა შეიცვალოს ახლით (ახალი ქარხნული ან/და ორიგინალი სათადარიგო ავტონაწილების მიწოდება/მონტაჟი (გარდა პრეისკურანტით განსაზღვრული და შემსყიდველის მიერ მოთხოვნილი/შეთანხმებული მეორადი ნაწილებისა).) და უნდა შეესაბამებოდეს პრედენდენტის წარმოდგენილ ფასების ცხრილში მითითებულ საქონელს, მომსახურებას და ფასს;

1.2.4 ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;

1.2.5 საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

1.2.6 პრეტენდენტის წარმოდგენილ ფასების ცხრილში მითითებული ერთეულის ფასი არ უნდა აღემატებოდეს შემსყიდველისაგან შესაბამის გრაფაში მითითებულ ერთეულის სავარაუდო ფასს. იმ შემთხვევაში თუ პრეტენდენტის სატენდერო წინადადება/ტექნიკური დოკუმენტაცია, რომლის პრეისკურანტშიც პოზიციაზე დაფიქსირებული ერთეულის ფასი გადააჭარბებს აღნიშნულ პოზიციაზე სატენდერო პირობებით განსაზღვრულ ერთეულის სავარაუდო ფასს, არ ჩაითვლება მისაღებად.

1.2.7 ანგარიშსწორება მიმწოდებელთან მოხდება ფაქტობრივად გაწეული მომსახურების შესაბამისად;

1.2.8 პრეისკურანტში მომსახურების/საქონლის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას დგინდება შემსყიდველი ორგანიზაციისა და მიმწოდებლის შეთანხმებით, საბაზრო ფასის გათვალისწინებით, ხოლო ასეთ შემთხვევაში პრეისკურანტში შესაბამისი ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის საბოლოო ჯამური ღირებულების 10%–ს;

1.2.9 წინამდებარე ტენდერში - „წინადადების მიღება დასრულებულია“ ეტაპზე, პრეისკურანტის (ფასების ცხრილის) წარმოუდგენლობა ან არსებითად შეუსაბამო პრეისკურანტის წარმოდგენა (თუ ერთეულის ფას(ებ)ი აღემატება შემსყიდველისაგან შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას აღნიშნულ ტენდერში;
1.2.10 ტენდერში გამარჯვებულ პრეტენდენტთან ხელშეკრულება გაფორმდება 80 000 ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

მომსახურება უნდა განხორციელდეს 2026 წლის პერიოდში - ეტაპობრივად, შემსყიდველის მოთხოვნის შესაბამისად - ხელშეკრულების გაფორმებიდან 2026 წლის 31 დეკემბრის ჩათვლით.

1.5.1 მომსახურების შესრულების ფორმა მოცემულია ტექნიკურ პირობებში და ფასების ცხრილში;
1.5.2 მომსახურების ადგილი - ქ. ბათუმი, პრეტენდენტის მიერ შემოთავაზებული სერვის-ცენტრი.
ავტომობილების ტექნიკური მომსახურება გაწეული უნდა იქნას დაუყოვნებლივ, რიგგარეშედ. მომსახურებისას გაწევის ვადა შემსყიდვლის მხრიდან დეფექტური აქტის ხელმოწერის თარიღიდან თითოეულ შემთხვევაში არ უნდა აღემატებოდეს:
• სავალი ნაწილებისათვის - 4 კალენდარულ დღეს;
• ელექტროობისათვის - 3 კალენდარულ დღეს;
• სათუნუქე სამღებრო სამუშაოებისათვის - 15 კალენდარულ დღეს;
• ხანგრძლივი მომსახურების (ძრავი, ხიდი, გადაცემათა კოლოფი) გაწევისას - 20 კალენდარულ დღეს;
• ყველა სხვა დანარჩენი მომსახურება, რომელიც არ არის განსაზღვრული ზემოაღნიშნულ ჩამონათვალში - 10 კალენდარულ დღეს;
• სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა - არაუმეტეს 30 კალენდარულ დღეს;

შენიშვნა: მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში წარუდგინოს შემსყიდველს შეკვეთის დამადასტურებელი დოკუმენტი (ბეჭდვითი ფორმით (არ უნდა იყოს ხელნაწერი); დოკუმენტი უნდა შეიცავდეს ინფორმაციას შეკვეთილი დეტალის/სათადარიგო ნაწილის, შეკვეთის განხორციელების თარიღისა და ასევე შეკვეთით განსაზღვრული დეტალის ჩამოსვლის თარიღს).

სათადარიგო ნაწილებზე ქარხნული გარანტია უნდა ვრცელდებოდეს არანაკლებ 1 (ერთი) წლის განმავლობაში. საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადებში (მაგრამ არაუგვიანეს სატენდერო დოკუმენტაციის 1.4 პუნქტით განსაზღვრული მომსახურების გაწევის შესაბამისი ვადებისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, - შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მიმწოდებელს ჩაატარებინოს ავტოტექნიკური ექსპერტიზა აკრედიტებულ საექსპერტო დაწესებულებაში-სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, - შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება დეფექტური აქტის შედგენიდან/გახსნიდან 15 (თხუთმეტი) სამუშაო დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება.

პრეტენდენტის ხელმოწერა: -----------------------------------

ინფორმაცია პრეტენდენტის გამოცდილების შესახებ:
ა) ტენდერში მონაწილე პრეტენდენტს 2023 წლიდან (2026 წლის აღნიშნული ტენდერის გამოცხადებამდე) შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის მომსახურება ჯამში არანაკლებ 80 000 (ოთხმოციათასი) ლარის ოდენობით
ბ) ინფორმაცია წარმოდგენილ უნდა იქნეს დანართი N1-ის (ცხრილის) შესაბამისად;
გ) პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის მომსახურების შესრულების დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, მიღება-ჩაბარების აქტების ასლები);
დ) იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა გ) ქვეპუნქტით მოთხოვნილი დოკუმენტაციისა პრეტენდენტი ვალდებულია დამატებით წარმოადგინოს აღნიშნულ სამუშაოებზე/მომსახურებაზე დადასტურებული საგადასახადო ანგარიშ-ფაქტურების ქსეროასლები.

შენიშვნა N1: თუ პრეტენდენტის მიერ მითითება იქნება NAT/SPA/CMR ნომრებზე და წარმოდგენილი ნომრების ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტები რაც გათვალისწინებულია სატენდერო დოკუმენტაციით, დამატებით წარმოდგენას არ საჭიროებს (ხელშეკრულების ასლები ხარჯთაღრიცხვით, მიღება-ჩაბარების აქტების ასლები).

პრეტენდენტს საკუთრებაში ან/და სარგებლობაში უნდა ჰქონდეს ქალაქ ბათუმში არანაკლებ ერთი სერვის ცენტრი, მინუმუმ 2 (ორი) სარემონტო სექციით (ე.წ. „ბოქსი“) სადაც შემსყიდველს უნდა გაუწიოს წინამდებარე ტენდერით გათვალისწინებული მომსახურება.
ტექნიკური შესაძლებლობის შესახებ პრეტენდეტმა ერთიან ელექტრონულ სისტემაში უნდა ატვირთოს ინფორმაცია აღნიშნული სერვის ცენტრ(ებ)ის ფლობის ან/და კანონმდებლობით გათვალისწინებული სარგებლობის დამადასტურებელი დოკუმენტაცია სერვის-ცენტრ(ებ)ის მისამართის მითითებით;
ასევე, პრეტენდენტმა უნდა წარმოადგინოს სერვის ცენტრის დეტალური ფოტო მასალა სადაც ვიზუალურად ასახული იქნება პრეტენდენტის საკუთრებაში არსებული მატერიალურ-ტექნიკური ბაზა.

ა) პრეტენდეტნის მიერ ასატვირთი დოკუმენტები:
1.3 მუხლი - განფასების ცხრილები (პრეისკურანტები) დანართი 1–ის "ფასების ცხრილი - პრეისკურანტი.xlsx" მიხედვით;
1.7.1 მუხლი - საგარანტიო პირობა,
2.2.1 მუხლი - ინფორმაცია პრეტენდენტის გამოცდილების შესახებ
2.3.1 მუხლი - ინფორმაცია მატერიალურ-ტექნიკური ბაზის შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, უნდა დასაბუთდეს შესყიდვის ობიექტის მიწოდებასთან დაკავშირებით აუდიტის დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი). რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.

7.2.2 ანგარიშსწორება განხორციელდება ხელშეკრულებით გათვალისწინებულ მომსახურებაზე შესაბამისი მიღება-ჩაბარების აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

ანგარიშსწორება მიმწოდებელთან განხორციელდება ეტაპობრივად (ყოველთვიურად) მომსახურების გაწევის შემდგომ მიღება-ჩაბარების აქტის გაფორმებისა და შესაბამისი ანგარიშ-ფაქტურის (დღგ-ს გადამხდელის შემთხვევაში) წარმოდგენის შემდეგ, არაუგვიანეს 10 სამუშაო დღეში და პირგასამტეხლოს ჩარიცხვის შემდგომ (ასეთის არსებობის შემთხვევაში) არაუგვიანეს 5 სამუშაო დღეში.

სალომე გოგუა, 598100090, batumiinsp@procurement.gov.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ფასების ცხრილი - (პუნქტი 1.3) - სასურველია პრეტენდენტის მიერ განფასება წარმოდგენილ იქნას „MS Excel“ ფორმატით;
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7.ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;
8.სატენდერო დოკუმენტაციით მოთხოვნილი,ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა). გარდა იმ შემთხვევისა, როდესაც სატენდერო დოკუმენტაციის 10,1 პუნქტის 3.ქვეპუნქტით მოთხოვნილი ფასების ცხრილი, პრეტენდენტის მიერ სისტემაში წარმდგენილი იქნება „MS Excel“-ის ფორმატში.