Страховые и пенсионные услуги (Грузия - Тендер #71190241)

სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს თანამშრომლებისათვის სიცოცხლისა და ჯანმრთელობის დაზღვევის მომსახურების შესყიდვა.

შესყიდვის ობიექტს წარმოადგენს სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს თანამშრომლებისათვის სიცოცხლისა და ჯანმრთელობის დაზღვევის მომსახურების შესყიდვა. მომსახურების აღწერა მოცემულია ტექნიკურ დავალებაში. იხილეთ დანართი N2 - ტექნიკური დავალება.

მომსახურების გაწევის ვადა განისაზღვრება 2026 წლის 01 აპრილიდან 2026 წლის 31 დეკემბრის ჩათვლით.

მომსახურების გაწევა უნდა განხორციელდეს როგორც საქართველოს მთელ ტერიტორიაზე, ასევე საზღვარგარეთ ტექნიკური დავალების შესაბამისად.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს სსიპ „საქართველოს დაზღვევის სახელმწიფო ზედამხედველობის სამსახური“-ს მიერ გაცემული სიცოცხლის დაზღვევის ლიცენზია.

პრეტენდენტი ვალდებულია დეტალურად გაეცნოს სატენდერო პირობების 1.2. პუნქტით განსაზღვრულ ტექნიკურ დავალებას და სრულად წარმოადგინოს ის დოკუმენტები და ინფორმაცია, რაც მოთხოვნილია ტექნიკური დავალებით.

პრეტენდენტის მიერ წარმოსადგენი ინფორმაცია/დოკუმენტაცია:

1. ტექნიკური დავალება - მომსახურების გაწევის პირობები დანართი N2-ის შესაბამისად;
2. ტექნიკური დავალებით გათვალისწინებული თითოეული შემოთავაზებული პაკეტი შესაბამისი ფასის მითითებით - (სტანდარტული პაკეტი და გაუმჯობესებული პაკეტი);
3. ფასების ცხრილი დანართი N1-ის შესაბამისად;
4. სსიპ „საქართველოს დაზღვევის სახელმწიფო ზედამხედველობის სამსახურის“ მიერ გაცემული სიცოცხლის დაზღვევის მოქმედი ლიცენზია;
5. პროვაიდერი კლინიკების სრული ჩამონათვალი (ჰოსპიტალური და ამბულატორიული), მისამართებისა და საკონტაქტო ინფორმაციის მითითებით;
6. პროვაიდერი სტომატოლოგიური კლინიკების ჩამონათვალი და პროვაიდერი ორთოპედიული სტომატოლოგიური კლინიკების ჩამონათვალი მისამართებისა და საკონტაქტო ინფორმაციის მითითებით;
7. არაპროვაიდერი სტომატოლოგიური კლინიკების ჩამონათვალი (ასეთის არსებობის შემთხვევაში) მისამართებისა და საკონტაქტო ინფორმაციის მითითებით;
8. ოჯახის ექიმებისა და პედიატრების ჩამონათვალი მათი სამუშაო ადგილების, მისამართებისა და სამუშაო საათების მითითებით; .
9. ინფორმაცია პროვაიდერი სააფთიაქო ქსელების შესახებ (მისამართები და საკონტაქტო ინფორმაცია);
10. ასანაზღაურებელი პუნქტ(ებ)ის მისამართ(ებ)ი) და ელექტრონული ფოსტის მისამართი, სადაც დაზღვეული პირი გადააგზავნის სამედიცინო მომსახურების დამადასტურებელ დოკუმენტაციის ასლს თანხის ანაზღაურების მიზნით;
11. ინფორმაცია სასწრაფო სამედიცინო მომსახურების გამწევი ორგანიზაციების შესახებ;
12. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი, მობილური ტელეფონის ნომერი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით.

შენიშვნა:

- პრეტენდენტის მიერ წარმოდგენილი ინფორმაცია კლინიკების, ოჯახის ექიმების, სტომატოლოგიური/ორთოპედიული კლინიკების, სააფთიაქო ქსელის და სასწრაფო სამედიცინო მომსახურების გამწევი ორგანიზაციების შესახებ ექვემდებარება დაზუსტებას შერჩევა-შეფასების ეტაპზე (მათ შორის დამატება ან/და მისამართის ან/და სახელწოდების დაზუსტება და სხვა) და ის არ იქნება განხილული როგორც სატენდერო წინადადების/დოკუმენტაციის არსებითი ცვლილება.

- დაზუსტების ეტაპზე დაუშვებელია სატენდერო წინდადებასთან ერთად წარმოდგენილი კლინიკების, ოჯახის ექიმების, სტომატოლოგიური/ორთოპედიული კლინიკების, სააფთიაქო ქსელისა და სასწრაფო სამედიცინო მომსახურების გამწევი ორგანიზაციების შემცირება.

- თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს ჯამური ღირებულებაც.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

2 Процентов

5 Процентов

ხელშეკრულების უზრუნველყოფის საბანკო/სადაზღვევო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

ა) ხელშეკრულების უზრუნველყოფის უპირობო გამოუთხოვადი საბანკო/სადაზღვევო გარანტია წარმოდგენილი უნდა იყოს ეროვნულ ვალუტაში - ლარში.

ბ) მიმწოდებლის მიერ წარმოდგენილი ხელშეკრულების შესრულების უზრუნველყოფის გარანტია შემსყიდველს შეუძლია გამოიყენოს ნებისმიერი ზარალის/ზიანის ასანაზღაურებლად, რომელიც მიადგება ხელშეკრულებით განსაზღვრული პირობების შეუსრულებლობით ან/და არაჯეროვანი შესრულებით, აგრეთვე ხელშეკრულების შესრულების უზრუნველყოფის გარანტია შემსყიდველს შეუძლია გამოიყენოს ნაკისრი ვალდებულებების შეუსრულებლობის, არაჯეროვნად შესრულების, ვალდებულებების დარღვევის შემთხვევაში, რომელიც ვადებთანაა დაკავშირებული და ხელშეკრულების თვითნებურად შეწყვეტით გათვალისწინებული პირგასამტეხლო, თუ მიმწოდებელი უარს განაცხადებს შემსყიდველის მიერ მოთხოვნილი პირგასამტეხლოს გადახდაზე.

1. ანგარიშსწორება მიმწოდებელთან განხორციელდება ლარში უნაღდო ანგარიშსწორების ფორმით, მიმწოდებლის წერილობითი მიმართვის საფუძველზე;
2. მიმწოდებლის წერილობით მოთხოვნას ანგარიშსწორების თაობაზე უნდა დაერთოს მიღება-ჩაბარების აქტი და ინვოისი, რომელშიც მიეთითება შესაბამის თვეში დაზღვეულ პირთა რაოდენობის გათვალისწინებით დამზღვევის მიერ მზღვეველისათვის გადასახდელი სადაზღვევო პრემიის ოდენობა.
3. ანგარიშსწორება ანუ დამზღვევის მიერ სადაზღვევო პრემიის გადახდა განხორციელდება ფაქტიურად გაწეული მომსახურების შესაბამისად, მომსახურების გაწევის შემდეგ. ამასთან თუ ამ თავის მე-2 პუნქტით გათვალისწინებული დოკუმენტი მიწოდებული იქნა შემსყიდველისათვის მომდევნო თვის 15 რიცხვამდე, ამ შემთხვევაში, თანხის მზღვეველისათვის ჩარიცხვა მოხდება არაუგვიანეს იმავე თვის 25 რიცხვისა. იმ შემთხვევაში თუ 15 რიცხვის შემდგომ მოხდა მე-2 პუნქტით გათვალისწინებული დოკუმენტების მიწოდება, თანხის ჩარიცხვა მოხდება არაუგვიანეს მომდევნო თვისა.


შენიშვნა:
შესყიდვის ღირებულება არ მოიცავს საშემოსავლო გადასახადს. საქართველოს საგადასახადო კოდექსის 101-ე მუხლის მე-3 პუნქტის, "ე" ქვეპუნქტის შესაბამისად ხელფასის სახით მიღებულ შემოსავალში არ შედის საქართველოს კანონმდებლობის შესაბამისად სავალდებულო დაზღვევის ფარგლებში დამქირავებლის მიერ დაქირავებულის სასარგებლოდ სადაზღვევო პრემიის გადახდით მიღებული სარგებელი.

ანგარიშსწორება მოხდება ფაქტიურად გაწეული მომსახურების შესაბამისად, მომსახურების გაწევის შემდეგ ყოველთვიურად, არაუგვიანეს მომდევნო თვის 25 რიცხვისა, სატენდერო პირობების 7.2. პუნქტის პირობათა გათვალისწინებით.

ინგა გულორდავა, 595015004, ingulordava@prevention.gov.ge

10.1.1. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
10.1.2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.3. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში;
10.1.4 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
10.1.6. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.7. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.8. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.9. მიმწოდებელი ვალდებულია გაუწიოს შემსყიდველს უფლებრივად უნაკლო მომსახურება.
10.1.10. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.