Ремонт и техническое обслуживание транспортных средств и оборудования и сопутствующие услуги (Грузия - Тендер #71190202)

ა(ა)იპ ,,ხელვაჩაურის მუნიციპალური ინსპექციის, ინფრასტრუქტურისა და კეთილმოწყობის სამმართველო-ს ბალანსზე რიცხული მსუბუქი ავტომანქანების შეკეთება და ტექნიკური მომსახურება (სერვისი სათადარიგო ნაწილებით).

1.2.1 მომსახურება მოიცავს ა(ა)იპ ,,ხელვაჩაურის მუნიციპალური ინსპექციის, ინფრასტრუქტურისა და კეთილმოწყობის სამმართველო-ს ბალანსზე რიცხული მსუბუქი ავტომანქანების შეკეთებას და ტექნიკური მომსახურებას, პროფილაქტიკური და დიაგნოსტიკური მომსახურების ჩატარებას, ნაწილების შეკეთებას ან/და გამოცვლას.
1.2.2 მომსახურებას დაქვემდებარებული მსუბუქი ავტომანქანების ჩამონათვალი, მომსახურების აღწერილობა (სერვისი სათადარიგო ნაწილებით) და ერთეულის ფასები მოცემულია პრეისკურანტებში (დანართი №1; დანართი №2; დანართი №3; დანართი №4).
მსუბუქი ავტომანქანების შეკეთება და ტექნიკური მომსახურება (სერვისი, სათადარიგო ნაწილებით) უნდა განხორცილდეს პრეისკურანტებში (დანართი №1; დანართი №2; დანართი №3; დანართი №4) მითითებული სათადარიგო ნაწილებისა და მომსახურების შესაბამისად.
1.2.3 თუ ხელშეკრულების მოქმედების პერიოდში აღმოჩნდება, რომ პრეისკურანტებში (დანართი №1; დანართი №2; დანართი №3; დანართი №4) არ არის გათვალისწინებული იმ მომენტისათვის საჭირო სათადარიგო ნაწილი და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის ან/და მომსახურების რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.4 პრეისკურანტის სავარაუდო ღირებულება განისაზღვრება 550617,38 (ხუთას ორმოცდაათი ათას ექვსას ჩვიდმეტი ლარი და ოცდათვრამეტი თეთრი) ლარით.
1.2.5 ტენდერში გამარჯვებულ პრეტენდენტთან ხელშეკრულება გაფორმდება 17000 (ჩვიდმეტი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.
1.2.6 პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის ზღვრულ ფას(ებ)ს.
ამასთან, თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც.
1.2.7 მიმწოდებელი ვალდებულია განახორციელოს შესასრულებელი მომსახურების, შესაკეთებელი ან შესაცვლელი დეტალების დათვალიერება (სატრანსპორტო საშუალების დათვალიერება/შემოწმებას მიმწოდებელი ახორციელებს უფასოდ) და შესაბამისი დეფექტური აქტის შედგენა სატრანსპორტო საშუალების სერვის-ცენტრში მიყვანიდან არაუგვიანეს 1 (ერთი) სამუშაო დღეში.

მიმწოდებელმა მომსახურების გაწევა უნდა განახორციელოს ეტაპობრივად, შემსყიდველის მიერ მოთხოვნილი მოცულობის შესაბამისად, მოთხოვნიდან არაუგვიანეს 5 (ხუთი) სამუშაო დღის განმავლობაში. მომსახურების შესრულების საბოლოო ვადაა 2026 წლის 20 დეკემბრის ჩათვლით პერიოდი.

1.5.1. მომსახურების შესრულების ადგილი – ქ. ბათუმი, მიმწოდებლის მიერ წარმოდგენილი ავტომანქანების ტექნიკური მომსახურების სერვის-ცენტრ/ებ/ის მისამართ/ებ/ზე (დანართი №5).

1.7.1.1 მსუბუქი ავტომანქანების შეკეთებისა და მომსახურებისათვის გამოყენებული სათადარიგო ნაწილები უნდა იყოს ახალი, ქარხნული, ხარისხიანი და არ ავლენდეს დეფექტს.
1.7.1.2 მიმწოდებელი იძლევა გარანტიას, რომ მის მიერ მომსახურების გაწევისას გამოყენებული სათადარიგო ნაწილი მისი ექსპლუატაციის ნორმების დაცვის შემთხვევაში არ გამოავლენს დეფექტს.
1.7.1.3 განხორციელებულ მომსახურებაზე და გამოყენებული სათადარიგო ნაწილის საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 6 (ექვსი) თვეს.
ამასთან:
- ძრავზე, გადაცემათა კოლოფზე და ხიდებზე საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 1 წელი;
- ელექტრულ მოწყობილობებზე (გარდა ელ. მცველებისა და ნათურებისა) საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 1 წელი;
- სათუნუქე და სამღებრო სამუშაოებზე საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 1 წელი;
- სტანდარტულ სამუხრუჭე ხუნდებზე საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 5000 კმ., ხოლო სამუხრუჭე დისკებზე არანაკლებ 10000 კმ. (გარეგანი ზემოქმედების გარდა);
- გადაბმულობის კომპლექტზე, დაკიდების დისკზე, ბურთულა თითზე, რაზვალის ვტულკებზე, გიტარაზე, წევაზე და წევის დაბოლოებაზე, ამორტიზატორებზე, ძრავის და გადაცემათა კოლოფის ბალიშებზე, მორგვის საკისრებზე და ყუმბარებზე საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 6 თვე;
- გენერატორის ღვედზე საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 10000კმ., ჰაერის ფილტრზე არანაკლებ 8000კმ. ძრავის ზეთის ფილტრზე არანაკლებ 5000კმ. საწვავის ფილტრზე არანაკლებ 10000კმ.
1.7.1.4 თუ საგარანტიო პერიოდის განმავლობაში გამოყენებული სათადარიგო ნაწილის ექსპლუატაციისას გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან გონივრულ ვადაში (მაგრამ არაუმეტეს 3 (სამი) სამუშაო დღისა) უზრუნველყოს დეფექტის აღმოფხვრა საკუთარი ხარჯით.

1.მიმწოდებელს ბათუმის ტერიტორიაზე საკუთრებაში ან სარგებლობაში უნდა გააჩნდეს ავტოსატრანსპორტო საშუალებების ტექნიკური მომსახურების არანაკლებ 1 (ერთი) სერვის-ცენტრი, რაზედაც პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია სერვის-ცენტრ/ებ/ის შესახებ (ზუსტი მისამართის მითითებით), დანართი №5-ის შესაბამისად.
2. სერვის-ცენტრ/ებ/ის საკუთრების შემთხვევაში პრეტენდენტმა უნდა წარმოადგინოს ამონაწერი საჯარო რეესტრიდან, რომელიც გაცემული უნდა იყოს ტენდერის გამოცხადების შემდეგი თარიღით. იმ შემთხვევაში, თუ პრეტენდენტს სერვის-ცენტრ/ებ/ი აღებული აქვს დროებით სარგებლობაში (ქირავნობა, იჯარა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.

პრეტენდენტის სატენდერო წინადადება უნდა შეიცავდეს პრეისკურანტებს (დანართი №1; დანართი №2; დანართი №3; დანართი №4) და ინფორმაციას მატერიალურ-ტექნიკური ბაზის შესახებ, სატენდერო დოკუმენტაციის 2.3.1 პუნქტის შესაბამისად.

შენიშვნა: პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის ზღვრულ ფას(ებ)ს. ამასთან, თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც. პრეტენდენტის მიერ პრეისკურანტების (დანართი №1; დანართი №2; დანართი №3; დანართი №4) წარმოუდგენლობა ან ისეთი პრეისკურანტის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.

4.1.1 თუ ელექტრონულ ტენდერში ელექტრონული ვაჭრობის შედეგად ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი).
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით უნდა დასტურდებოდეს სატენდერო პირობებით განსაზღვრული ვალდებულების შესრულების შესაძლებლობა როგორც პრეტენდენტის მიერ დაფიქსირებული სატენდერო წინადადების ფასთან (პრეისკურანტის (განფასების) ჯამურ ღირებულებასთან), ასევე პრეისკურანტის (განფასების) ერთეულ ღირებულებასთან მიმართებით.
4.1.1.4 ფასწარმოქმნის ადეკვატურობის დაუსაბუთებლობა მითითებულ ვადაში ან ფასწარმოქმნის ადეკვატურობის დამადასტურებელი დოკუმენტების შეუსაბამობა სატენდერო პირობებთან ან/და სატენდერო წინადადებასთან, გამოიწვევს პრეტენდენტის დისკვალიფიკაციას, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 32-ე მუხლის 1-ლი პუნქტის ,,დ’’ ქვეპუნქტის საფუძველზე.

7.2.1 მიმწოდებელთან ანგარიშსწორება შემსყიდველის მიერ განხორციელდება, ეტაპობრივად, უნაღდო ანგარიშსწორების ფორმით, ეროვნულ ვალუტაში;
7.2.2 მიმწოდებელთან ანგარიშსწორება იწარმოებს ხელშეკრულებით გათვალისწინებული ფაქტიურად გაწეული მომსახურების შესრულების შესახებ გაფორმებული მიღება-ჩაბარების აქტისა და შესაბამისი საანგარიშსწორებო დოკუმენტის საფუძველზე.
7.2.3. თუ ხელშეკრულებით განსაზღვრული მომსახურების მოცულობების ღირებულებამ არ შეადგინა აღნიშნული ხელშეკრულებით გათვალისწინებული თანხა, ასეთ შემთხვევაში შემსყიდველი გადაუხდის მიმწოდებელს ფაქტიურად შესრულებული მომსახურების მოცულობების ღირებულებას. აღნიშნულიდან გამომდინარე მიმწოდებელს პრეტენზია არ უნდა გააჩნდეს შეუსრულებელი მომსახურების მოცულობების ანაზღაურებაზე.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

სოფიკო ბერიძე, 557722853, KhelvachauriMI@procurement.gov.ge - სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემაში არსებული „კითხვა-პასუხის“ მოდულის მეშვეობით ან/და სატენდერო კომისიის აპარატში, მის. ქ. ბათუმი, დიდაჭარის ქ. N23ა.

10.1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს სამუშაოს შესრულებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
10.2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.3. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ სატენდერო წინადადებაზე ან მის შემადგენელ დოკუმენტზე (გარდა excel-ის ფორმატის ფაილისა), უნდა იყოს შესრულებული კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი. იგივე წესი უნდა იქნეს დაცული პრეტენდენტის მიერ სხვა, შემდგომი დოკუმენტების წარდგენის საჭიროების წარმოშობის შემთხვევაში (მაგალითად, დაზუსტებული ტექნიკური დოკუმენტაცია და სხვა). აღნიშნული ვალდებულებისაგან განთავისუფლებულია სახელმწიფო შესყიდვების ერთიან ელექტრონულ სისტემაში ,,მიმწოდებლად’’ რეგისტრირებული არარეზიდენტი მომხმარებელი. რაც შეეხება სატენდერო პირობებით მოთხოვნილ სხვა დამატებით ინფორმაციას, მაგალითად: შესაბამისი ორგანიზაციის მიერ გაცემულ ფასწარმოქმნის ადეკვატურობის დასკვნას, მას დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
10.4. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი პირის მიერ. საჭიროების შემთხვევაში ერთიან ელექტრონულ სისტემაში ატვირთულ უნდა იქნეს ნოტარიულად დამოწმებული მინდობილობა/რწმუნებულება, რომელიც დაადასტურებს პირის უფლებამოსილებას სატენდერო წინადადების ან მისი შემადგენელი დოკუმენტის ხელმოწერაზე.
10.5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.6. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.7. წინამდებარე შესყიდვა ხორციელდება ,,სახელმწიფო შესყიდვის შესახებ’’ საქართველოს კანონისა და ,,ელექტრონული ტენდერის ჩატარების შესახებ წესის’’ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.