Ремонт и техническое обслуживание транспортных средств и оборудования и сопутствующие услуги (Грузия - Тендер #71170686)

შპს "ჯიარ ქონების მართვას" საკუთრებაში არსებული ხუთი ერთეული ავტომანქანის შეკეთება და ტექნიკური მომსახურება (სერვისი), პროფილაქტიკური და დიაგნოსტიკური სამუშაოების ჩატარება, ავტომობილის ნაწილების შეკეთება ან/და გამოცვლა.

1.2.1 ავტომანქანების ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესახებ, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული იქნება გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.2 თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი მასალა) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.3 პრეისკურანტის სავარაუდო ღირებულება 248058,12 (ორასორმოცდარვა ათას ორმოცდათვრამეტი ლარი და 12 თეთრი ) ლარით დღგ-ს ჩათვლით.
1.2.4 ტენდერში გამარჯვებულ პრეტენდენტთან ხელშეკრულება გაფორმდება 20000 (ოცი ათასი) ლარზე დღგ-ს ჩათვლით. სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.
1.2.5 პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ საქონლის/მომსახურების პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ საქონლის/მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.
1.2.6 პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა საჭიროა პროპორციულად გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.
შენიშვნა: რომელიმე პოზიციაზე ნულოვანი ფასის დაფიქსირების შემთხვევაში პრეისკურანტის ჯამური ღირებულების დაზუსტებისას პრეტენდენტმა პროპორციულად უნდა შეამციროს სხვა დანარჩენი პოზიციებით განსაზღვრული საქონლის და მომსახურების ღირებულება.
1.2.7 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას;
1.2.8 მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი (საწვავი, ევაკუატორის მომსახურება და ა.შ.)
1.2.9 მიღება-ჩაბარების აქტის გაფორმებამდე რაიმე ხარვეზის აღმოჩენის შემთხვევაში (თუ მომსახურება არ არის გაწეული სრულყოფილად) მიმწოდებელი ვალდებულია უზრუნველყოს მისი გამოსწორება (უზრუნველყოს საჭირო საქონლის/მომსახურების მიწოდება) არაუგვიანეს 1 (ერთი) კალენდარული დღის ვადაში
1.2.10 შესყიდვის ობიექტის მიწოდება (მომსახურების გაწევა) უნდა განხორციელდეს შემსყიდველის მიერ მიმწოდებლისათვის მიმართვისთანავე, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - 1 (ერთი) სამუშაო დღეს;
• ელექტროობისათვის - 1 (ერთი) სამუშაო დღეს;
• საცხებ/საპოხი სამუშაოების ან/და საცხებ/საპოხი მასალების შეცვლისათვის - 1 (ერთი) კალენდარულ დღეს;
• ძრავის,გადაცემათა კოლოფის და ხიდების სრული შეკეთება მოთხოვნიდან არაუმეტეს 5 (ხუთი) სამუშაო დღე.
• იმ შემთხვევაში, თუ საჭირო გახდა ისეთი დეტალები რომლებიც არ აღმოჩნდება ადგილზე და არ არის ადგილობრივ ბაზარზე შესაძლებელია მომსახურების ვადა განისაზღვროს გონივრულ ვადაში, შემსყიდველთან შეთანხმებით.
1.2.11 მიმწოდებელმა ავტომანქანის შეცვლილ ან/და აღდგენილ დეტალებზე უნდა გაავრცელოს გარანტია:
1. სავალი ნაწილი არანაკლებ 6(ექვსი) თვე
2. ძრავი, გადაცემათა კოლოფი და ხიდები არანაკლებ 1 (ერთი) წელი ან 25000 კმ გარბენი, რომელი გარემოებაც დადგება უფრო ადრე
3. ელექტრონული მოწყობილობები (გარდა ელ. მცველი და ნათურა) არანაკლებ 1 (ერთი) წელი.
4. XENON-ის ტიპის ნათურებზე არანაკლებ 6(ექვსი) თვე.
5. შესრულებული სათუნუქე და სამღებრო სამუშაოები არანაკლებ 1 (ერთი) წელი.
6. გადაბმულობის კომპლექტები, სამუხრუჭე ხუნდები, დაკიდების დისკი, მორგვის საკისარი და ყუმბარები არანაკლებ 2000 კმ გარბენი.
შენიშვნა: სამუხრუჭე ხუნდები უნდა იყოს ხარისხიანი და დამუხრუჭებისას არ უნდა გამოსცემდეს ხმას.
7. ძრავის სინთეთიკური ზეთი არანაკლებ 10000 კმ გარბენი.
8. ძრავის ნახევრად სინთეთიკური ძრავის ზეთი 8000 კმ გარბენი.
9. მინერალური ძრავის ზეთი 6000 კმ გარბენი.

ხელშეკრულების გაფორმებიდან ერთი წელი

შესყიდვის ობიექტის მიწოდება უნდა განხორციელდეს მიმწოდებლის სერვის ცენტრ(ებ)ში, რომლებიც აუცილებელია, რომ განთავსებული იყოს ქ. თბილისში, თამარ მეფის ქ.15-დან არაუმეტეს 5 კმ-ის რადიუსში (საავტომობილო გზით).

პრეტენდენტმა ელექტრონული სისტემის საშუალებით უნდა წარმოადგინოს 2025 წლის 1 იანვრიდან ტენდერის გამოცხადების თარიღამდე, ანალოგიური მომსახურების მიწოდების გამოცდილების დამადასტურებელი, არანაკლებ 25 000 (ოცდახუთი ათასი) ლარის ღირებულების ერთი ხელშეკრულება და ამ ხელშეკრულების ფარგლებში 25 000 ლარის ღირებულების შესრულებული სამუშაოს დამადასტურებელი მიღება-ჩაბარების აქტები ან/და შესაბამისი ღირებულების დადასტურებული ანგარიშფაქტურები. შესაძლებელია აღნიშნული დოკუმენტაციის შესახებ სახელმწიფო შესყიდვების სააგენტოს ერთიანი ელექტრონული სისტემის შესაბამისი ელექტრონული შესყიდვის (NAT/CMR/SPA და ა.შ.) ნომრების მითითება

პრეტენდენტმა ერთიანი ელექტრონული სისტემის საშუალებით უნდა წარმოადგინოს ქ. თბილისში, თამარ მეფის ქ.15-დან არაუმეტეს 5 კმ-ის რადიუსში (საავტომობილო გზით). და ასევე დასავლეთ საქართველოში (სამტრედიაში ან ქუთაისში) მუდმივი ან დროებითი სარგებლობის უფლების დამადასტურებელი დოკუმენტ(ებ)ი, რომლის მოქმედების ვადა უნდა აღემატებოდეს ტენდერით განსაზღვრულ მომსახურების მიწოდების ვადას.
სერვის ცენტრები აღჭურვილი უნდა იყოს შემდეგი დანადგარებით:

1. ელექტრო მომარაგების ალტერნატიული წყარო;
2. ელექტრო სისტემის კომპიუტერული დიაგნოსტიკა;
3. არანაკლებ 2 (ორი) ერთეული ამწე მექანიზმი;
4. საყრდენი დისკის გასაჩარხი აპარატი;
5. ვულკანიზაციის, ბალანსირების და დისკების გასწორების აპარატი;
6. თვლების შეყრის კომპიუტერული დიაგნოსტიკის აპარატი;
9. საწვავის სისტემის დიაგნოსტირების აპარატი;
10.ავტომატური კოლოფის ზეთის შეცვლის აპარატი;


შენიშვნა:
1.ძრავის, გადაცემათა კოლოფის და ხიდების დიაგნოსტირება და კაპიტალური შეკეთება დასაშვებია იყოს მხოლოდ თბილისის სერვისცენტრ(ებ)ში.
2. პირველადი მოთხოვნის მარაგი ზეთი, ფილტრები და ხუნდები უნდა იყოს ყველა სერვისცენტრში ადგილზე.
3. შემსყიდველი იტევებს უფლებას გამარჯვებულის გამოვლენამდე გადაამოწმოს პრეტენდენტის მიერ წარმოდგენილი სატენდერო პირობებით განსაზღვრული სერვის ცენტრებისა და აღჭურვილობის არსებობა პრეტენდენტის მიერ მითითებულ მისამართზე, აღნიშნულის სატენდერო პირობებთან შეუსაბამობა გახდება პრეტენდენტის დისკვალიფიკაციის საფუძველი.

2.9.1 ტენდერთან დაკავშირებულ ყველა დოკუმენტს ან/და ინფორმაციას უცხოურ ენაზე წარმოდგენის შემთხვევაში, უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
2.9.2 სახელწიფო შესყიდვების ერთიან ელექტრონულ სისტემაში ატვირთულ დოკუმენტზე ან/და ინფორმაციაზე შესრულებული უნდა იყოს ელექტრონული ხელმოწერა ან/და დამოწმებული უნდა იყოს ელექტრონული შტამპით, "სახელმწიფო შესყიდვების განხორციელებისას დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე" სახელმძღვანელო ინსტრუქციის შესაბამისად.
2.9.3 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
2.9.4 სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში.
2.9.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული პრეისკურანტის ფასი 20%-ით ან მეტით დაბალია შესყიდვის ობიექტის პრეისკურანტის სავარაუდო ღირებულებაზე პრეტენდენტმა უნდა წარმოადგინოს ფასწარმოქმნის ადეკვატურობის დამადასტურებელი დოკუმენტაცია. ფასწარმოქმნის ადეკვატურობის დამადასტურებელ დოკუმენტად ჩაითვლება საქართველოში შესაბამისი უფლებამოსილების მქონე ორგანიზაციის/პირის მიერ გაცემული დასკვნა, რომელიც დაადასტურებს პრეტენდენტის მიერ დაფიქსირებულ ფასად სატენდერო პირობებით გათვალისწინებული ვალდებულებების შესრულების შესაძლებლობას და დაკვნის გამცემი ორგანიზაციის (გარდა სსიპ ლევან სამხარაულის სახელობის სასამართლო ექსპერტიზის ბიურო) უფლებამოსილების დამადასტურებელი დოკუმენტი.

ანგარიშსწორება განხორციელდება მხარეების უფლებამოსილი პირების მიერ, ფაქტიურად გაწეული მომსახურების შესახებ გაფორმებული მიღება-ჩაბარების აქტის საფუძველზე.

ანგარიშსწორება განხორციელდება მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

გიორგი ფიცხელაური, 595030010, gog1461@gmail.com

10.1.1 ყველაზე დაბალი ფასის მქონე პრეტენდენტის მიერ წარმოდგენილი ტექნიკური დოკუმენტაციის, მათ შორის დაზუსტებული ტექნიკური დოკუმენტაციის (არსებობის შემთხვევაში) სატენდერო განცხადებასთან და სატენდერო დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას.
10.1.2 ხელშეკრულებით ნაკისრი ვალდებულებების შეუსრულებლობის შემთხვევაში შემსყიდველის მიერ გამოყენებული იქნება საჯარიმო სანქციები, რომლის გამოყენების წესი დაზუსტდება ხელშეკრულების პირობებში