Различное транспортное оборудование и запасные части для замены (Грузия - Тендер #71144784)

გორის მუნიციპალიტეტის ადმინისტრაციულ საზღვრებში ადგილობრივი მნიშვნელობის საავტომობილო გზებზე ავტოტრანსპორტის სიჩქარის შენელების ხელოვნური უსწორმასწორობებისა და საგზაო ნიშნების შესყიდვა

ტექნიკური დავალება

1. საგზაო ნიშნები და ხელოვნური უსწორმასწორობები უნდა აკმაყოფილებდეს საქართველოში არსებულ შესაბამისი კანონმდებლობით დადგენილ სტანდარტებს.
2. საგზაო ნიშნები უნდა შეესაბამებოდეს (სსტ ენ 12899-1:2010) სტანდარტის მოთხოვნებს. საგზაო ნიშნები უნდა იყოს I ტიპოზომის ГОСТ 10807-78 სტანდარტის შესაბამისად და ნიშნის ფორმებიც უნდა შეესაბამებოდეს ამავე სტანდარტს.
3. ნიშნები დამზადებული უნდა იყოს (გარდა იდივიდუალური ნიშნებისა) არანაკლებ 1.2 მმ სისქის ფურცლოვანი მოთუთიებული ფოლადისგან. ნიშნის სიხისტის მისაცემად კიდეები უნდა ჰქონდეს დაცული ორმაგი ბორტირებით კლასი E2. ნიშანს სიხისტის მისაცემად უნდა ჰქონდეს სიხისტის წიბო, ნაწიბურები უნდა იყოს ორჯერ გადაკეცილი.
4.ინდივიდუალური საინფორმაციო დაფები დამზადებული უნდა იყოს არანაკლებ 1.5 მმ სისქის ფურცლოვანი მოთუთიებული ფოლადისგან, ნიშნის სიხისტის მისაცემად კიდეები უნდა ჰქონდეს დაცული ორმაგი ბორტირებით კლასი E2.
5. შუქამრეკლი მასალა უნდა იყოს სსტ ენ 12899-1:2010 სტანდარტის შესაბამისად საგზაო ნიშნების ფირის რეტრორეფლექტურობის კოეფიციენტი RA უნდა შეესაბამებოდეს RA2 კლასს.
6. ნიშნები დამზადებული უნდა იყოს ტრაფარეტული ბეჭდვის ტექნოლოგიით, ხოლო იქ სადაც გამოიყენება აპლიკაციის მეთოდი, ნიშნები უნდა დამზადდეს შუქ ამრეკლი ფირის მწარმოებელი კომპანიის რეკომენდაციით, იმგვარად, რომ უზრუნველყოფილი იქნეს ნიშნის მაქსიმალური ფუნქციონალური ხანმედეგობა. ნიშნის ზედაპირი არ უნდა იყოს გახვრეტილი და ყველა სამაგრი დეტალი უნდა იყოს უჟანგავი მასალისგან დამზადებული. ნიშნის ხანმედეგობა უნდა შეადგენდეს მიღება-ჩაბარების აქტის გაფორმებიდან არანაკლებ 5 (ხუთ) წელს.
7. დგარები დამზადებული უნდა იყოს ფოლადის მილისაგან გალვანიზირებული, დგარის ზედა ბოლო დახშული უნდა იყოს ე.წ ,,ქუდით’’, რომ არ მოხდეს მისი წყლით ამოვსება, ხოლო მეორე ქვედა ბოლოზე მართობულად დადუღებული უნდა იყოს არმატურა (მესამე კლასის D 14, სიგრძით 0,2 მ) და დგარი არ უნდა იყოს გახვრეტილი ან შედუღებული (გარდა არმატურის დადუღების).
8. საგზაო ნიშნები 5.23.1; 5.24.1 დამზადებული უნდა იყოს ზომით დანარში წარმოდგენილი სტანდარტის მიხედვით.
9. საგზაო ნიშნები უნდა დამონტაჟდეს ადგილობრივი მნიშვნელობის საავტომობილო გზებზე.
10. .დამატებითი ინფორმაციის ნიშნები (დაფა) წარწერით: „გარდა სამსახურეობრივი ავტოტრანსპორტის“; (დაფა) წარწერით: „გარდა ადგილობრივი მოსახლეობის ავტოტრანსპორტის“ დგება 3.27 „გაჩერება აკრძალულია“ საგზაო ნიშანთან ერთად.
11. სიჩქარის შემზღუდავი ბარიერი დამზადებული უნდა იყოს პოლივინილქლორიდის შენადნობისგან და უნდა შედგებოდეს ყვითელი და შავი სეგმენტებისგან. ბარიერს უნდა გააჩნდეს დაბოლოების სეგმენტები. შიდა სეგმენტის ზომები უნდა იყოს: სიგრძე 40სმ, სიგანე 50სმ, სიმაღლე 4სმ. დაბოლოების სეგმენტის ზომები უნდა იყოს: სიგრძე 40სმ, სიგანე 20სმ, სიმაღლე 4სმმ. შიდა სეგმენტს უნდა გააჩნდეს 2 ამრეკლი ელემენტი და დამაგრება უნდა მოხდეს 4 ანკერის საშუალებით. გარე სეგმენტის დამაგრება უნდა მოხდეს 2 ანკერის საშუალებით. სამაგრი ანკერები ბარიერს უნდა მოყვებოდეს კომპლექტში.
12. ხელოვნური უსწორმასწორობის ნაწილებს ერთმანეთთან დასაკავშირებლად უნდა გააჩნდეს ე.წ. ჩამკეტები. უსწორმასწორობის მთელ სიგრძეზე უნდა ხდებოდეს ყვითელი და შავი ფერის ნაწილების მონაცვლეობა და ყოველ ნაწილს ორივე მხრიდან უნდა ჰქონდეს შუქამრეკლები.
13. დამატებითი ინფორმაციის ნიშნები (დაფა) 8.13-„მთავარი გზის მიმართულება“ უნდა დამზადდეს ადგილზე გზაჯვარედინის ნახვის შემდეგ.

შენიშვნა: პრეტენდენტმა ტექნიკური დავალება - უნდა წარმოადგინოს PDF - ფაილის სახით, ელექტრონულად ხელმოწერილი - სადაც განსაზღვრული იქნება მის მიერ შემოთავაზებული შესყიდვის ობიექტის ზუსტი ტექნიკური პარამეტრები.

საქონლის მიწოდება უნდა განხორციელდეს ხელშეკრულების გაფორმებიდან 30 (ოცდაათი) კალენდარული დღის ვადაში.

1.5.1 მიმწოდებელმა შესყიდვის ობიექტის მიწოდება უნდა უზრუნველყოს საკუთარი ხარჯებით;
1.5.2. საგზაო ნიშნების და დგარების მიწოდება უნდა განხორციელდეს ა(ა)იპ „გორის მუნიციპალიტეტის კეთილმოწყობის სააგენტოს" ტერიტორიაზე. მისამართი: ქ. გორი ცხინვალის გზ. მე-2 კმ.

1. შესყიდვის ობიექტის საექსპლუატაციო საგარანტიო ვადა განისაზღვრება საბოლოო მიღება-ჩაბარების აქტის გაფორმებიდან არანაკლებ 5 (ხუთი) წელი.
2.შემოთავაზებული შესყიდვის ობიექტი უნდა შეესაბამებოდეს ტექნიკური დავალებით განსაზღვრულ მოთხოვნებს და უნდა იყოს ახალი და უნაკლო.
3. საგარანტიო ვადის განმავლობაში, ექსპლუატაციის პროცესში რაიმე წუნის (ხარვეზი, დეფექტი) აღმოჩენის შემთხვევაში მიმწოდებელი ვალდებულია შეტყობინების მიღებიდან, შემსყიდველის მიერ განსაზღვრულ გონივრულ ვადაში, მაგრამ არაუმეტეს შეტყობინებიდან 10 სამუშაო დღისა, გამოასწოროს წარმოქმნილი ხარვეზი/დეფექტი საკუთარი ხარჯებით. (შეაკეთოს ან შეცვალოს დეფექტური საქონელი იგივე მოდელის საქონლით (ახალი).
4. საგარანტიო პირობების შეუსრულებლობის შემთხვევაში, შემსყიდველი უფლებამოსილია მიმწოდებელს დააკისროს პირგასამტეხლო საგარანტიო პირობების დარღვევაზე, ამავე პუნქტის მესამე ქვეპუნქტით განსაზღვრული ვადის გასვლიდან, ყოველ ვადაგადაცილებულ დღეზე - ხელშეკრულების ღირებულების 1 %-ის ოდენობით.
5. შესყიდვის ობიექტის დეფექტის/წუნის/ხარვეზის აღმოჩენის გამო საქონლის შეკეთების ან/და ახლით შეცვლისას ტრანსპორტირების საჭიროების შემთხვევაში ტრანსპორტირება უნდა უზრუნველყოს მიმწოდებელმა.

1. პრეტენდენტმა ინფორმაცია შესყიდვის ობიექტის წარმოშობის ქვეყნის, მწარმოებლის და მოდელის (არსებობის შემთხვევაში) შესახებ უნდა წარმოადგინოს 1.3-ში წარმოდგენილი ფასების ცხრილი-დანართი N1-ის მიხედვით.
2. ფასების ცხრილი დანართი N1-ის წარმოდგენა, წარმოშობის ქვეყნის, მწარმოებლის და მოდელის დასახელების მითითების გარეშე, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.
3. იმ შემთხვევაში თუ შემოთავაზებული შესყიდვის ობიექტის მოდელი ვერ მოიძებნა ოფიციალური მწარმოებლის ვებგვერდზე - შემსყიდველის მიერ სატენდერო დოკუმენტაციის 2.1 პუნქტში არსებული შესყიდვის ობიექტის ტექნიკურ პარამეტრებთან პრეტენდენტის მიერ შემოთავაზებული მოდელის ტექნიკური მონაცემების შედარების მიზნით, პრეტენდენტმა უნდა წარმადგინოს შემოთავაზებული მოდელის მწარმოებლის ოფიციალური ვებგვერდის ლინკი (მისამართი), სადაც უნდა იძებნებოდეს მის მიერ შემოთავაზებული მოდელი ან/და უნდა წარმოადგინოს ოფიციალური მწარმოებლის წერილი, სადაც მითითებული იქნება შემოთავზებული მოდელის დეტალური ტექნიკური პარამეტრები.

შენიშვნა: მოდელის არ არსებობის შემთხვევაში უნდა მიეთითოს ,,მოდელი არ გააჩნია“.

პრეტენდენტმა უნდა წარმოადგინოს საერთაშორისო სტანდარტით გათვალისწინებული ხარისხის მოთხოვნებთან შესაბამისობის დამადასტურებელი სერტიფიკატი/დოკუმენტი, რომელიც გაცემული იქნება სერთიფიცირებული ორგანოს მიერ და დაადასტურებს მისაწოდებელი საქონლის შესაბამისობას სატენდერო დოკუმენტაციით და ტექნიკური დავალებით განსაზღვრულ სტანდარტებთან.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს ფასწარმოქმნის ადეკვატურობის დამადასტურებელი დოკუმენტები.

ფასწარმოქმნის ადეკვატურობის დამადასტურებელი დოკუმენტებში იგულისხმება:

4.1.1.2 ექსპერტიზის დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

4.1.1.3 აღნიშნული ტენდერის გამოცხადებამდე, ბოლო 1 (ერთი) წლის განმავლობაში, შესყიდვის ობიექტის მიწოდებასთან დაკავშირებით პრეტენდენტის მიერ დადებული ხელშეკრულება/ხელშეკრულებები (შესაბამისი მიღება/ჩაბარების აქტი/აქტები), ანგარიშფაქტურები, ინვოისები, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას.

4.1.1.4 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან - ფასების ცხრილის ჯამურ ღირებულებასთან,

4.1.1.5 ექსპერტიზის დასკვნის ან/და ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან მისი/მათი სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 32-ე მუხლის პირველი პუნქტის „დ“ ქვეპუნქტის საფუძველზე.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
7.2.2 ანგარიშსწორება განხორციელდება საქართველოს კანონმდებლობით გათვალისწინებული დოკუმენტების დადასტურებისა და მიღება-ჩაბარების აქტის გაფორმების საფუძველზე.

ანგარიშსწორებისთვის განსაზღვრული დოკუმენტების საბოლოოდ გაფორმებიდან 10 (ათი) სამუშაო დღის განმავლობაში.

ეკატერინე მარკოზაშვილი, 599854021, e.markozashvili@yahoo.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.

4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

5. სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“. . ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.

6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.

8. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი, ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

9. სახელმწიფო შესყიდვების ერთიან ელექტრონულ სისტემაში (შემდგომში – სისტემა) მიმწოდებლის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად.

10. 2023 წლის 03 თებერვლის ,,სახელმწიფო შესყიდვების სააგენტოს რეკომენდაციის სახელმწიფო შესყიდვების ერთიან ელექტრონულ სისტემაში ფასების ცხრილის/ხარჯთაღრიცხვის Excel-ის ფორმატის სახით განთავსებასთან დაკავშირებით/თანახმად" - პრეტენდენტმა ფასების ცხრილი დანართი #1 უნდა წარმოადგინოს მხოლოდ ექსელის Excel-ის ფაილის სახით. პრეტენდენტის მიერ Excel-ის ცხრილის სახით წარმოსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).


10.2. პრეტენდენტის მიერ სისტემაში ასატვირთი დოკუმენტები:
10.2.1 ფასების ცხრილი (დანართი N1).
10.2.2 ტექნიკური დავალება PDF - ფაილის სახით.
10.2.3 საერთაშორისო სტანდარტით გათვალისწინებული ხარისხის მოთხოვნებთან შესაბამისობის დამადასტურებელი სერტიფიკატი/დოკუმენტი.