Ремонт и техническое обслуживание транспортных средств и оборудования и сопутствующие услуги (Грузия - Тендер #71144752)

სხვადასხვა მარკის ავტოსატრანსპორტო საშუალებების სათადარიგო ნაწილებისა და სერვის მომსახურების მრავალწლიანი შესყიდვა (ქვემო ქართლი, ქ. რუსთავი)

1. მიმწოდებელმა, შემსყიდველის მოთხოვნიდან არაუგვიანეს მომდევნო კალენდარული დღისა უნდა ჩაატაროს ავტომობილების დათვალიერება და წარუდგინოს შემსყიდველს დეფექტური აქტი ხელმოსაწერად, რომელშიც აღნიშნული იქნება გასაწევი მომსახურების ან/და ასეთი მომსახურებისათვის სათადარიგო ნაწილების/საცხებ-საპოხი მასალის დეტალური აღწერა, თარიღი და პასუხისმგებელი პირის ხელმოწერა. მომსახურების გაწევის შემდეგ მიმწოდებელმა შემსყიდველს წარუდგინოს ასევე შესრულებული სამუშაოს აქტი, რომელშიც აღნიშნული იქნება გაწეული მომსახურების ან/და ასეთი მომსახურებისათვის გახარჯული სათადარიგო ნაწილების/საცხებ-საპოხი მასალის დეტალური აღწერა, თარიღი და პასუხისმგებელი პირის ხელმოწერა. ამასთან, ავტომანქანების ტექმომსახურება უნდა განხორციელდეს, დეფექტურ აქტში მოცემულ მხოლოდ იმ პოზიციებზე, რომლებზეც იქნება შემსყიდველის უფლებამოსილი პირის თანხმობა-დასტური. ასევე ყოველი კვირის პარასკევ დღეს მიმწოდებლის მიერ შედგენილ და შემსყიდველისთვის წარდგენილ უნდა იქნას გაწეული ტექნიკური მომსახურების ამსახველი შესაბამისი დოკუმენტაცია (მიღება-ჩაბარების აქტი, საგადასახადო ანგარიშ-ფაქტურა, ინვოისი, დეფექტური აქტი, შესრულებული სამუშაოს აქტი). დეფექტური აქტის დაგვიანებით მომზადების შემთხვევაში მიმწოდებელს დაერიცხება პირგასამტეხლო ყოველ ჯერზე 200 (ორასი)ლარი; ყველა დოკუმენტი, მათ შორის, ავტომანქანის სერვის ცენტრში შეყვანის დამადასტურებელი დოკუმენტი, დეფექტური აქტი, შესრულებელი სამუშაოების აქტი და ა.შ. უნდა იყოს ბეჭდვითი ფორმით, არ უნდა იყოს ხელნაწერი.
2. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/საცხებ-საპოხი მასალა/მომსახურება, აღნიშნული საქონლის და გასაწევი მომსახურების ერთეულის ფასი დადგინდება შემსყიდველი ორგანიზაციის მიერ საბაზრო ფასის გათვალისწინებით და მიმწოდებელი ვალდებულია სათადარიგო ნაწილი/საცხებ-საპოხი მასალა/მომსახურება, მიაწოდოს შემსყიდველის მიერ მოძიებული ბაზარზე არსებული ყველაზე დაბალი ფასით და საგარანტიო ვადების გათვალისწინებით. მხოლოდ შეთანხმების აქტზე ხელმოწერის შემდეგ მოხდება ავტომანქანის შეკეთება.
პრეისკურანტში შესაბამისი საქონლის/მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს
3. ავტომობილის ტექნიკური მომსახურება გაწეული უნდა იქნას დაუყოვნებლივ, რიგგარეშე. ავტომობილების ელექტრო სისტემის და სავალი ნაწილების შემოწმება უნდა განხორციელდეს შემსყიდველის მხრიდან დამატებითი დანახარჯების გარეშე.
4. მიმწოდებელმა ხელშეკრულების მოქმედების პერიოდში, თითოეულ სერვისცენტრში (ადგილმდებარეობის მიხედვით) უნდა უზრუნველყოს შემსყიდველის წარმომადგენლისთვის თავისუფალი საოფისე ფართის გამოყოფა.
5. ავტომანქანის დაზიანებული ნაწილი უნდა შეიცვალოს ახალი/არამეორადი მაღალი ხარისხის სათადარიგო ნაწილით (გარდა პრეისკურანტით განსაზღვრული და შემსყიდველთან შეთანხმებული მეორადი ნაწილებისა).
6. მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.
7. პრეტენდენტი იმ შემთხვევაში თუ ვერ ახერხებს ავტომანქანის შეკეთერბას თავის ავტოსერვისცენტრში, უნდა უზრუნველყოს ამტომანქანის სხვა ავტოსერვისცენტრში გადაყვანა და შეკეთება. მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი, ევაკუატორის მომსახურება და ა.შ.).
8. სერვისცენტრს უნდა გააჩნდეს საჭირო ფართი იმისათვის, რომ უზრუნველყოს ზემოაღნიშნული რაოდენობის ფარგლებში შემსყიდველის ავტომობილების განთავსება ბოქსებში ან/და შესაბამის სადგომზე (დაცულ ტერიტორიაზე).
9. საგარანტიო პერიოდში დაზიანებული სათადარიგო ნაწილის (ქარხნული წუნი) ან მიმწოდებლის ბრალეულობის შემთხვევაში, მიმწოდებელი ვალდებულია შემსყიდველს გაუწიოს უფასო მობილური ჯგუფით ან ევაკუატორით მომსახურება, ხოლო იმ შემთხვევაში, თუ დაზიანება გამოწვეული არ არის მიმწოდებლის ბრალეულობით, მობილური ჯგუფით ან ევაკუატორით მომსახურების ღირებულება განსაზღვრულია დანართი N1-პრეისკურანტით.
10. მიმწოდებელი იღებს ვალდებულებას, რომ გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს მოქმედი ყველა საჭირო ნორმების, სტანდარტების, წესების და მოთხოვნების დაცვით.
11. სერვისცენტრამდე უნდა მიდიოდეს მოწესრიგებული სამანქანო გზა.
12. მიმწოდებელმა შემსყიდველის მოთხოვნიდან 2 (ორი) კალენდარულ დღის განმავლობაში, ხოლო საგანგებო სიტუაციების დროს, ხანძარი, წყალდიდობა, დიდთოვლობა და ა.შ. 1 (ერთი) კალენდარულ დღის განმავლობაში, უნდა უზრუნველყოს მობილური ჯგუფის მეშვეობით მომსახურების გაწევა შემსყიდველის მიერ მითითებულ მისამართზე (მიმწოდებელმა აღნიშნულ ვადებში უნდა უზრუნველყოს დეფექტური აქტის შედგენა). იმ შემთხვევაში, თუ საველე პირობებში შეუძლებელია დაზიანებული სატრანსპორტო საშუალების შეკეთება, მიმწოდებელი ვალდებულია დეფექტური აქტის შედგენიდან 24 საათის განმავლობაში, შემსყიდველთან შეთანხმებით, საკუთარი ხარჯებით უზრუნველყოს ავტოსატრანსპორტო საშუალებების ტრანსპორტირება მიმწოდებლის უახლოეს სერვის ცენტრში, სადაც მოხდება მისი შემდგომი შეკეთება. (შეტყობინების გაგზავნა მოხდება სატელეფონო კომუნიკაციით ან/და ელ.ფოსტით).

ხელშეკრულების გაფორმებიდან 15 კალენდარული დღის ვადაში მიმწოდებელმა უნდა უზრუნველყოს შემოთავაზებული სერვის-ცენტრების ვიდეო-კამერებით აღჭურვა, რომლებიც საშუალებას მისცემს შემსყიდველს რეალურ დროში დააკვირდეს მუშაობის პროცესს (კამერების ხედვის არეალში მოქცეული უნდა იყოს ყველა "ბოქსი“) და ამასთან, არანაკლებ 30 დღიანი ჩანაწერის უზრუნველყოფა, რომლის მიწოდება შემსყიდველის მოთხოვნის შემთხვევაში უნდა განხორცილდეს არაუგვიანეს 2 სამუშაო დღის ვადაში.

ეტაპობრივად, ხელშეკრულების გაფორმებიდან 2027 წლის 31 მარტის ჩათვლით.

ავტომობილების ტექნიკური მომსახურება გაწეული უნდა იქნას დაუყოვნებლივ, რიგგარეშედ, მომსახურებისას გაწევის ვადა თითოეულ შემთხვევაში არ უნდა აღემატებოდეს:

- სავალი ნაწილებისათვის: მარტივი სირთულის 1, საშუალო სირთულის 2, რთული არაუმეტეს 3 სამუშაო დღე;
- ელექტროობისათვის: მარტივი სირთულის 1, საშუალო სირთულის 3, რთული არაუმეტეს 5 სამუშაო დღე;
- აგრეგატებისათვის: მარტივი სირთულის 1, საშუალო სირთულის 3, რთული არაუმეტეს 10 სამუშაო დღე;
- სათუნუქე-სამღებრო სამუშაოებისთვის: მარტივი სირთულის 5, საშუალო სირთულის 10, რთული არაუმეტეს 15 სამუშაო დღე;
- ხანგრძლივი მომსახურების (ძრავი, ხიდი, გადაცემათა კოლოფი) გაწევის ვადა: მარტივი სირთულის 2, საშუალო სირთულის 7, რთული არაუმეტეს 15 სამუშაო დღე;
- სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა არაუმეტეს 45 კალენდარული დღე.
შენიშვნა: აღნიშნულ დროს მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 კალენდარული დღის ვადაში მოთხოვნის შემთხვევაში წარუდგინოს შემსყიდველს შეკვეთის დამადასტურებელი დოკუმენტი, სადაც მითითებული იქნება შეკვეთის თარიღი და შეკვეთის ჩამოსვლის დრო.

ავტოსატრანსპორტო საშუალებების ტექნიკური მომსახურება უნდა განხორციელდეს ქვემო ქართლის რეგიონში, ქ. რუსთავი ან არაუმეტეს 30კმ.

1.7.1.1. ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, ახალ (არამეორად), შეკეთებულ და მეორად ნაწილებზე გარანტია უნდა ვრცელდებოდეს არანაკლებ 6 თვე (თუ პრეისკურანტში არ არის მითითებული განსხვავებული საგარანტიო პირობა (ვადა/გარბენი) (შენიშვნა: საგარანტიო ვადის შესახებ ინფორმაციის წარდგენისას პრეტენდენტი ვალდებულია დააკონკრეტოს საგარანტიო პერიოდი);

1.7.1.2 საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადებში (მაგრამ არაუგვიანეს 5 კალენდარული დღისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, - შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მიმწოდებელს ჩაატარებინოს ავტოტექნიკური ექსპერტიზა აკრედიტებულ საექსპერტო დაწესებულებაში-სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, - შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება შემსყიდველის მიმართვიდან 15 (თხუთმეტი) სამუშაო დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება.

1.7.1.3 მიმწოდებელი ვალდებულია საჭიროების შემთხვევაში, წინამდებარე ტენდერით გათვალისწინებული ავტოსატრანსპორტო საშუალებების ელექტრო (კომპიუტერული) სისტემის დიაგნოსტიკა და სავალი ნაწილების შემოწმების მომსახურება გაუწიოს შემსყიდველს უსასყიდლოდ - როგორც ხელშეკრულების მოქმედების ნებისმიერ ეტაპზე, ასევე საგარანტიო პერიოდის განმავლობაში.

ტენდერში მონაწილე პრეტენდენტს 2023 წლის 01 იანვრიდან მოცემულ ტენდერში წინადადებების მიღების დასრულების დღემდე უნდა გააჩნდეს არანაკლებ 250 000 (ორასორმოცდაათი ათასი) ლარის ავტოსატრანსპორტო საშუალებების ტექნიკური მომსახურების გაწევის გამოცდილება,რომლის დამადასტურებლად პრეტენდენტმა ელექტრონულ სისტემაში უნდა ატვირთოს ტექ-მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული ტექ-მომსახურების ამსახველი მიღება-ჩაბარების აქტ(ებ)ი, ან/და შესრულების დამადასტურებელი სხვა დოკუმენტაცია

2.3.1.1 პრეტენდენტს უნდა გააჩნდეს გამართული სასაწყობე მეურნეობა, სათადარიგო ნაწილებისა და საცხებ-საპოხი მასალების მარაგი დანართი N2-ის შესაბამისად.
სერვისცენტრს უნდა გააჩნდეს მინიმალური პირობები ავტომანქანის შესამოწმებლად და შესაკეთებლად.
მიმწოდებელმა წინამდებარე ხელშეკრულების ფარგლებში, სერვისცენტრებში უნდა უზრუნველყოს ერთდროულად (მითითებულ თითოეულ მისამართზე) - არანაკლებ 2 ავტომანქანის მიღება და შეკეთება;

2.3.1.2 პრეტენდენტის მიერ ტექ-მომსახურების გასაწევად სატენდერო წინადადებით/ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული ყველა სერვის-ცენტრი აღჭურვილი უნდა იყოს კომპიუტერული დიაგნოსტიკის აპარატით, ზეთის შემცვლელი ვაკუუმური ბალონით, კონდიციონერის დასატუმბი აპარატით, განშლადობის გასასწორებელი დანადგარით, ვულკანიზაციის დანადგარით, ძრავის ამოსაღები ამწეებით, ავტო-ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით.

2.3.1.3 პრეტენდენტმა უნდა მიუთითოს შემოთავაზებული სერვის-ცენტრების (მისამართების მითითებით) და მათი მატერიალურ-ტექნიკური ბაზის შესახებ ინფორმაცია 2.3.1.2 პუნქტის შესაბამისად (სერვის-ცენტრების მიხედვით და კონკრეტულ პოზიციაზე ზუსტი რაოდენობის მითითებით).

2.3.1.4 იმ შემთხვევაში, თუ სერვის ცენტრი არ წარმოადგენს პრეტენდენტის საკუთრებას, ერთიან ელექტრონულ სისტემაში უნდა აიტვირთოს სარგებლობაში (იჯარით) არსებობის დამადასტურებელი შესაბამისი ხელშეკრულებები, რომელიც უნდა მოქმედებდეს არანაკლებ 2027 წლის 30 აპრილისა.

2.3.1.5 იმ შემთხვევაში, თუ პრეტენდენტს ,,წინადადებების მიღება დასრულებულია" ეტაპზე არ ექნება, შემსყიდველის მიერ განსაზღვრული მინიმალური მატერიალურ-ტექნიკური ბაზა, ,,შერჩევა-შეფასების ეტაპზე" უნდა წარმოადგინოს ინფორმაცია ხელშეკრულების გაფორმებიდან რა ვადაში მოხდება სერვის-ცენტრების აღჭურვა სატენდერო პირობებით გათვალისწინებული აპარატურით (აღნიშნული ვადა არ უნდა აღემატებოდეს ხელშეკრულების გაფორმებიდან 15 სამუშაო დღეს).

2.8.1 ქვეკონტრაქტორ(ებ)ის არსებობის შემთხვევაში, პრეტენდენტმა სატენდერო წინადადებასთან ერთად უნდა წარმოადგინოს:

ა) მხარეთა შორის გაფორმებული ხელშეკრულებ(ები)ა (წარმოდგენილ ხელშეკრულებაში, ხელშეკრულების საგანში გარკვევით უნდა იკითხებოდეს (ტექსტის შინაარსიდან ირკვეოდეს) შესყიდვის ობიექტის ტიპები:

*ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
* საცხებ–საპოხი მასალების შეცვლა;
* საჭიროების შემთხვევაში ევაკუატორით მომსახურება;

ამასთანავე, სავალდებულოა რომ ხელშეკრულების მოქმედების (შესრულების) ვადა იყოს არანაკლებ 2027 წლის 30 აპრილისა.

ბ) იმ შემთხვევაში, თუ სერვის ცენტრი არ წარმოადგენს პრეტენდენტის საკუთრებას, სისტემაში უნდა ატვირთოს სარგებლობის (იჯარის) შესაბამისი ხელშეკრულებ(ებ)ი, რომელიც უნდა მოქმედებდეს არანაკლებ 2027 წლის 30 აპრილისა;

2.9.1 პრეტენდენტმა სატენდერო წინადადებასთან ერთად უნდა წარმოადგინოს, ინფორმაცია სერვის-ცენტრ(ებ)ი მისმართების შესახებ, (შესაბამისი მისამართების მითითებით).

2.9.2 იმ შემთხვევაში, თუ სერვის ცენტრი არ წარმოადგენს პრეტენდენტის საკუთრებას, ერთიან ელექტონულ სისტემაში უნდა ატვირთოს სარგებლობის (იჯარის) შესაბამისი ხელშეკრულებ(ებ)ი, რომელიც უნდა მოქმედებდეს არანაკლებ 2027 წლის 30 აპრილისა;

2.9.3 პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ა) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
ბ) ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო სავარაუდო ღირებულებასთან მიმართებით;

გ) პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.
პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში.

2.9.4 ტენდერის გახსნის მომდევნო დღეს შემსყიდველი ორგანიზაცია სატელეფონო ან და ელ.ფოსტის მეშვეობით უკავშირდება პრეტენდენტს და ატყობინებს სერვის-ცენტრის დათვალიერების მიზნით ვიზიტის დროს.
პრეტენდენტის მიერ სერვის ცენტრის დათვარიელებაზე უარის თქმა გამოიწვევს პრეტენდენტის დისკვალიფიკაციას.

2.9.5 შერჩევა-შეფასების ეტაპზე პრეტენდენტმა ერთიან ელექტრონული სისტემის მეშვეობით უნდა წარმოადგინოს რეგიონების მიხედვით იმ კომპეტენტურ პირთა მონაცემები (სახელი, გვარი, პირადი ნომერი, ტელეფონის ნომერი), რომლებიც დაესწრებიან სერვის ცენტის დათვალიერებას და აღნიშნულს დააფიქსირებენ დათვალიერების აქტზე ხელმოწერით.
პრეტენდენტის მიერ შერჩევა-შეფასების ეტაპზე ზემოაღნიშნული ინფორმაციის წარმოუდგენლობა და დათვალიერების აქტზე ხელის მოწერაზე უარის თქმა გამოიწვევს პრეტენდენტის დისკვალიფიკაციას.

2.9.6 შემსყიდველი უფლებამოსილია ტენდერის გახსნის მომდევნო 5 (ხუთი) სამუშაო დღის განმავლობაში, ნებისმიერ დროს საკუთარი შეხედულებისამებრ განმეორებით დაათვალიეროს სერვის-ცენტრი შესაბამის უფლებამოსილ პირთან ერთად.
პრეტენდენტის მიერ სერვის ცენტრის დათვარიელებაზე უარის თქმა გამოიწვევს პრეტენდენტის დისკვალიფიკაციას.

2.9.7 იმ შემთხვევაში თუ პრეტენდენტს არ აქვს შემოთავაზებული სერვის-ცენტრი წინადადების მიღების დროს, სატენდერო დოკუმენტაციის დაზუსტების ეტაპზე, დაზუსტებულ ტექნიკურ დოკუმენტაციასთან ერთად, ერთიან ელექტრონული სისტემის მეშვეობით უნდა წარმოადგინოს რეგიონების მიხედვით იმ კომპეტენტურ პირთა მონაცემები (სახელი, გვარი, პირადი ნომერი, ტელეფონის ნომერი), რომლებიც დაესწრებიან სერვის ცენტის დათვალიერებას და აღნიშნულს დააფიქსირებენ დათვალიერების აქტზე ხელმოწერით.
პრეტენდენტის მიერ შერჩევა-შეფასების ეტაპზე ზემოაღნიშნული ინფორმაციის წარმოუდგენლობა და დათვალიერების აქტზე ხელის მოწერაზე უარის თქმა გამოიწვევს პრეტენდენტის დისკვალიფიკაციას.

2.9.8 პრეტენდენტის მიერ დაზუსტებული ტექნიკური დოკუმენტაციის განხილვის დროს, შემსყიდველი ორგანიზაცია სატელეფონო ან და ელ.ფოსტის მეშვეობით უკავშირდება პრეტენდენტს და ატყობინებს სერვის-ცენტრის დათვალიერების მიზნით ვიზიტის დროს.
პრეტენდენტის მიერ სერვის ცენტრის დათვარიელებაზე უარის თქმა გამოიწვევს პრეტენდენტის დისკვალიფიკაციას.


2.9.9 შემსყიდველი უფლებამოსილია დაზუსტებული ტექნიკური დოკუმენტაციის განხილვის დროს 3 (სამი) სამუშაო დღის განმავლობაში, ნებისმიერ დროს საკუთარი შეხედულებისამებრ განმეორებით დაათვალიეროს სერვის-ცენტრი შესაბამის უფლებამოსილ პირთან ერთად.

პრეტენდენტის მიერ სერვის ცენტრის დათვარიელებაზე უარის თქმა გამოიწვევს პრეტენდენტის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება, რისთვისაც შემსყიდველის მიერ განესაზღვრება არაუმეტეს 5 (ხუთი) სამუშაო დღე. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს მომსახურების გაწევის ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

- ანგარიშსწორება განხორციელდება შემსყიდველის მხრიდან ეროვნულ ვალუტაში, უნაღდო ანგარიშსწორებით;
- ანგარიშსწორება შემსყიდველის მიერ განხორციელდება ფაქტიურად მიწოდებულ მომსახურებაზე მიღება-ჩაბარების აქტის გაფორმებისა და საქართველოს კანონმდებლობის შესაბამისად, ანაზღაურებისათვის სათანადო დოკუმენტაციის (შესაბამისი სასაქონლო ზედნადებისა ან/და კანონით გათვალისწინებულ შემთხვევაში საგადასახადო ანგარიშ-ფაქტურის გამოწერის) წარმოდგენის შემდეგ, ორი საბიუჯეტო წლის განმავლობაში:
- 2026 წლის სახელმწიფო ბიუჯეტით ანაზღაურებულ იქნება არაუმეტეს 250 000 ლარის ფარგლებში;
- 2027 წლის სახელმწიფო ბიუჯეტით ანაზღაურებულ იქნება არაუმეტეს 62 500 ლარის ფარგლებში.