Инженерные услуги (Грузия - Тендер #71124115)

ქ.თბილისში, გლდანის რაიონში მდებარე საჯარო სკოლების შენობის სახურავების და წყალსაწრეტი მილების მიმდინარე შეკეთების სამუშაოების დეფექტური აქტებისა და ხარჯთაღრიცხვების შედგენის მომსახურება.

1.2.1 გასაწევი მომსახურება ითვალისწინებს ქ.თბილისში, გლდანის რაიონში მდებარე საჯარო სკოლების, კერძოდ: №16 და №200 ქანობიანი, ხოლო №6, №39, №208 სკოლებში ბრტყელი სახურავების და წყალსაწრეტი მილების მიმდინარე შეკეთების სამუშაოებისთვის დეფექტური აქტებისა და ხარჯთაღრიცხვების შედგენის მომსახურებას ტექნიკური დავალების შესაბამისად.

მიმწოდებელმა უნდა უზრუნველყოს:

1.2.2 შემსყიდველის მიერ გაცემული წერილობითი დავალების საფუძველზე ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა და დეფექტური აქტის შედგენა (სამუშაოთა მოცულობებისა და გამოსაყენებელი მასალების ზუსტი აღწერით);
1.2.3. ყოველ კონკრეტულ ობიექტზე სამუშაო ობიექტის განმატებითი ბარათის, სქემატური ნახაზის შედგენა, ორთოფოტოს და ობიექტის მდგომარეობის ამსახველი ფოტომასალის წარმოდგენა;
1.2.4. დეფექტური აქტის შესაბამისი ხარჯთაღრიცხვის შედგენა (როგორც რესურსული, ასევე სატენდერო გამარტივებული სახით);
1.2.5. მომსახურების პროცესში მიმწოდებელმა უნდა იხელმძღვანელოს ქვეყანაში მოქმედი ნორმებით, აღიარებული სტანდარტებით და ტექნიკური დავალებით გათვალისწინებული პირობების შესაბამისად;
1.2.6. მიმწოდებელმა დოკუმენტაცია უნდა წარმოდგინოს ნაბეჭდი სახით (ტექსტი- Sylfaen-ით, სიმბოლოები „Calibri”-ით) სამ ეგზემპლარად და ელექტრონული ვერსია (DWG და PDF ფორმატში) ხოლო ხარჯთაღრიცხვა - „EXCEL” ფორმატში.
1.2.7. წარმოდგენილი დოკუმენტაციის ელექტრონული ვერსია დამოწმებული უნდა იყოს ბეჭდით (არსებობის შემთხვევაში) და ხელმოწერით.
1.2.8. შემსყიდველი უფლებამოსილია, აცნობოს მიმწოდებელს დეფექტურ აქტსა და ხარჯთაღრიცხვაში რაიმე წუნის (ხარვეზის) აღმოჩენის შესახებ, ხოლო მიმწოდებელი ვალდებულია, შენიშვნების გაცნობიდან არაუგვიანეს 5 სამუშაო დღის ვადაში საკუთარი ხარჯებით აღმოფხვრას აღმოჩენილი წუნი (ხარვეზი);
1.2.9. მიმწოდებელმა უნდა უზრუნველყოს მის მიერ შესრულებული დეფექტური აქტისა და სახარჯთაღრიცხვო დოკუმენტაციის შესაბამისად წარმოებული სარემონტო სამუშაოების საავტორო ზედამხედველობის ღონისძიებები და საჭიროების შემთხვევაში შესაბამის დოკუმენტაციაში შეიტანოს კორექტირებები. საავტორო ზედამხედველობის განხორციელების ვადაა მიმდინარე სამუშაოების მთელი პერიოდი;
1.2.10. სამუშაოების მიმდინარეობის პროცესში დეფექტურ აქტსა და ხარჯთაღრიცხვაში გამოვლენილი უზუსტობების ან/და შეუსაბამობების შემთხვევაში მიმწოდებელი ვალდებულია, გამგეობის მიერ წერილობითი მიმართვის საფუძველზე, მოთხოვნიდან არაუმეტეს 7 სამუშაო დღის ვადაში საკუთარი ხარჯებით უზრუნველყოს შესაბამისი დოკუმენტაციის კორექტირება და გამგეობისთვის მიწოდება.
1.2.11. მიმწოდებელმა თითოეულ ობიექტზე განსახორციელებელი სამუშაოების ტექნიკური დავალებით განსაზღვრულ დეფექტური აქტსა და სახარჯთაღრიცხვო დოკუმენტაციასთან ერთად უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ გაცემული შესაბამისი დადებითი დასკვნა. (სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული ექსპერტიზის დასკვნის ხარჯებს აანაზღაურებს მიმწოდებელი).
1.2.12 გასაწევი მომსახურების ჩამონათვალი და რაოდენობა განსაზღვრულია სატენდერო დოკუმენტაციის დანართი N1-ში, რომელიც თან ერთვის სატენდერო დოკუმენტაციას.

ეტაპობრივად, შემსყიდველის წერილობითი დავალების შესაბამისად, 25 (ოცდახუთი) კალენდარული დღე (ექსპერტიზის მომსახურების ვადის ჩათვლით).

შენიშვნა: საავტორო ზედამხედველობის განხორციელების ვადა - შედგენილი დეფექტური აქტების და სახარჯთაღრიცხვო დოკუმენტაციის მიხედვით მიმდინარე სამუშაოების მთელი პერიოდი, რომლის განმავლობაშიც მიმწოდებელი ვალდებულია, შემსყიდველის მოთხოვნის შემთხვევაში, დაუყოვნებლივ მოახდინოს დოკუმენტაციის კორექტირება.

ქ. თბილისი, დ. სარაჯიშვილის გამზ. N1გ, ქალაქ თბილისის მუნიციპალიტეტის გლდანის რაიონის გამგეობის ადმინისტრაციული შენობა.

2.2.1.1 პრეტენდენტს 2023 წლის 01 იანვრიდან ტენდერის გამოცხადების დღემდე უნდა გააჩნდეს არანაკლებ შესყიდვის სავარაუდო ღირებულების 150% ღირებულების შენობის სახურავ(ებ)ის შეკეთების ან/და სახურავების რეაბილიტაციის, ან/და ახლის მოწყობის სამუშაოებისთვის დეფექტური აქტების/ხარჯთაღრიცხვების ან/და საპროექტო-სახარჯთაღრიცხვო დოკუმენტაციის შედგენის გამოცდილება. წარმოდგენილ იქნას დამადასტურებელი დოკუმენტები: ხელშეკრულებ(ებ)ა, ამ ხელშეკრულებ(ებ)ის შესრულების დამადასტურებელი მიღება-ჩაბარების აქტ(ებ)ი, დადასტურებული ანგარიშ-ფაქტურა ან/და გადახდის დამადასტურებელი დოკუმენტი.

2.2.1.2 იმ შემთხვევაში, თუ პრეტენდენტის მიერ ანალოგიური შესყიდვ(ები)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2–ის შესაბამისად (სატენდერო განცხადების SPA/NAT/CMR . . . ნომრების მითითებით).

შენიშვნა: სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯარო სამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

2.7.1.1. მიმწოდებელმა თითოეულ ობიექტზე განსახორციელებელი სამუშაოების ტექნიკური დავალებით განსაზღვრულ დეფექტური აქტსა და სახარჯთაღრიცხვო დოკუმენტაციას თან უნდა დაურთოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ გაცემული საექსპერტო დასკვნა (აკრედიტებული პირის შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) შემდეგი შემადგენლობით:

ა) ხარჯთაღრიცხვის ექსპერტიზა;

2.7.1.2 მიღება-ჩაბარების აქტი გაფორმდება მხოლოდ სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება 2026 წლის ქ. თბილისის მუნიციპალიტეტის ადგილობრივი ბიუჯეტის სახსრებით.

ეტაპობრივად, ფაქტიურად გაწეული მომსახურების მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

სალომე კიკნაველიძე, 577361417, GldaniGamgeoba@procurement.gov.ge დავით ბეჟუაშვილი - საკ. ნომერი +995 577 000796.

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

2. ინფორმაცია/დოკუმენტაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.