Разные изделия и сопутствующие товары (Грузия - Тендер #71124110)

კიბეების, ონკანების, უნიტაზის ავზების და სანტექნიკური მოწყობილობების სახელმწიფო შესყიდვა.

შესყიდვის ობიექტის აღწერა (ტექნიკური დავალება) და რაოდენობა:

1.2.1. დასაკეცი კიბე:
კიბე უნდა იყოს ორმხრივი (ორ სექციანი), კიბის მაქსიმალური დატვირთვა არანაკლებ 120 კგ; ალუმინის ან მსუბუქი ლითონის; არანაკლებ 7 და არაუმეტეს 10 საფეხურით; კიბეს უნდა გააჩნდეს ტრანსფორმაციის ფუნქცია; კიბის სიმაღლე გაშლილ მდგომარეობაში არანაკლებ 4.30 მეტრი
რაოდენობა: 15.00 ცალი.

1.2.2. გასაშლელი კიბე:
ალუმინის ან მსუბუქი ლითონის, 3 ან 4 საფეხურით.
(სავარაუდო ნიმუში ატვირთულია სატენდერო პირობების 1.2 პუნქტში).
რაოდენობა: 2.00 ცალი.

1.2.3. პლასტმასის მილის გადამყვანი:
1/2 -1/2, ერთი დაბოლოება გარე ხრახნით, მეორე შიგა ხრახნით
რაოდენობა: 10.00 ცალი.

1.2.4. ეზოს ონკანი:
დიამეტრი 1/2 დიუმი, კედელზე მისამაგრებელი, ნახევარ ბრუნიანი მექანიზმით, ხორთუმის სიგრძე არანაკლებ 10სმ და არაუმეტეს 15სმ.
რაოდენობა: 20.00 ცალი.

1.2.5. უნიტაზის ჩამრეცხ ავზთან შემაერთებელი მეტალის დრეკადი მილი:
დაბოლოებით 1/2-1/2 დიუმი, ორივე ბოლო შიგა ხრახნით, სიგრძე არანაკლებ 50სმ.
რაოდენობა: 100.00 ცალი.

1.2.6. ლითონის ონკანი:
1/2-1/2-ზე, ერთი მხარე შიგა ხრახნით მეორე მხარე გარე ხრახნით
რაოდენობა: 50.00 ცალი.

1.2.7. ლითონის ონკანი:
1/2-1/2-ზე, ორივე მხარე გარე ხრახნით
რაოდენობა: 100.00 ცალი.

1.2.8 ნიჟარის სიფონი:
ზომა: 1 "1/4 x ø 32/40 მმ, მასალა: პოლიპროპილენის PP, ფერი: თეთრი, დანიშნულება: ხელსაბანის ნიჟარებისათვის.
რაოდენობა: 30.00 ცალი..

1.2.9 ეზოს ონკანის წყლის შემშვები მექანიზმი:
ონკანის გაღება/დაკეტვა უნდა ხორციელდებოდეს ნახევარი ბრუნით, მექანიზმი თავსებადი უნდა იყოს 1/2 დიუმი დიამეტრის მქონე ეზოს ონკანისათვის.
რაოდენობა: 100.00 ცალი.

1.2.10 თურქული უნიტაზის ავზი (ბაჩოკი):
ზომა: სიგრძე 0.40სმ, სიგანე 0.13სმ, სიმაღლე 0.32სმ
რაოდენობა: 5.00 ცალი.

შენიშვნა:
1. მოწოდებული საქონელი უნდა იყოს ახალი, უნაკლო და სრულად უნდა პასუხობდეს ტექნიკური დავალებით გათვალისწინებულ მოთხოვნებს.
2. მიმწოდებელი ვალდებულია უზრუნველყოს საქონლის ისეთი ტრანსპორტირება, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
3. მიმწოდებელი ვალდებულია უზრუნველყოს შემსყიდველისთვის მიყენებული ნებისმიერი სახის ზიანის ანაზღაურება.

შესყიდვის ობიექტის სრულად მიწოდება უნდა განხორციელდეს ხელშეკრულების გაფორმებიდან 40 (ორმოცი) სამუშაო დღის ვადაში.

1.5.1. საქონლის მიწოდება უნდა განხორციელდეს მიმწოდებლის ხარჯით შემსყიდველის შემდეგ მისამართზე: ქალაქი თბილისი, სამღერეთის ქუჩა N3 (შპს "ეკოსერვის ჯგუფი"-ს საწყობი, მიღება-ჩაბარებაზე უფლებამოსილი პირის მიერ მითითებული ადგილი).
1.5.2. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.
1.5.3. შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე.
1.5.4. მიმწოდებელმა საქონლის მიწოდებისას უნდა წარმოადგინოს სასაქონლო ზედნადები, რომელშიც საქონლის დასახელება უნდა ემთხვეოდეს ხელშეკრულებაში მითითებულ საქონლის დასახელებას.

პრეტენდენტის მიერ ერთიან ელექტრონულ სისტემაში ასატვირთი მონაცემები:

პრეტენდენტმა უნდა წარმოადგინოს ფასების ცხრილი სატენდერო დოკუმენტაციის დანართი N1-ს შესაბამისად (ფასების ცხრილის წარმოუდგენლობა ან ისეთი ფასების ცხრილის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

3.1.1.1 პრეტენდენტი ვალდებულია შემსყიდველის წერილობითი მოთხოვნის საფუძველზე უზრუნველყოს შესყიდვის ობიექტის ტექნიკური დავალებით განსაზღვრულ თითოეულ პოზიციაზე თითო ნიმუშის შემსყიდველ ორგანიზაციაში წარმოდგენა. წარმოდგენილი ნიმუშები სრულად უნდა აკმაყოფილებდეს ტექნიკურ მოთხოვნებს.
3.1.1.2 პრეტენდენტის მიერ წარდგენილი შესყიდვის ობიექტის ნიმუშები დაზუსტებას არ ექვემდებარება.
3.1.1.3 წარმოდგენილი ნიმუშები პრეტენდენტს დაუბრუნდება მოთხოვნიდან გონივრულ ვადაში.

ნიმუშები მიმწოდებელმა შემსყიდველს უნდა წარუდგინოს შემდეგ მისამართზე: ქალაქი თბილისი, სამღერეთის ქუჩა N3 (შპს "ეკოსერვის ჯგუფი"-ს საწყობი, მიღება-ჩაბარებაზე უფლებამოსილი პირის მიერ მითითებული ადგილი).

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: შპს ,,ეკოსერვის ჯგუფი“-ს 2026 წლის სახსრები.
7.2.4 ანგარიშსწორება განხორციელდება ფაქტობრივად მოწოდებული საქონლის ღირებულების შესაბამისად, მიღება–ჩაბარების აქტის გაფორმების, ინსპექტირების აქტის (დადებითი დასკვნა) შედგენის, მიმწოდებლის მიერ შემსყიდველისთვის სასაქონლო ზედნადებისა და საგადასახადო ანგარიშ–ფაქტურის (ანგარიშსწორების მომენტში დღგ-ს გადამხდელის შემთხვევაში) წარდგენის შემდეგ.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

ქრისტინა ჯანაშია, 555191616, janashiakristina7@gmail.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება