Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #71124099)

შპს „ეკოსერვის ჯგუფის“ საკუთრებაში მყოფი მაღალი წნევით რეცხვის აპარატების შეკეთება და ტექნიკური მომსახურების სახელმწიფო შესყიდვა.

მომსახურების აღწერა (ტექნიკური დავალება):

1.2.1. მაღალი წნევით რეცხვის აპარატ(ებ)ის სერვის ცენტრში შეტანიდან 2 (ორი) სამუშაო დღის ვადაში მიმწოდებელმა უნდა უზრუნველყოს მაღალი წნევით რეცხვის აპარატ(ებ)ის დათვალიერება (შემოწმება) და ამავე ვადაში დეფექტური აქტის (დანართი №2) შედგენა და გამოგზავნა შემსყიდველის შემდეგ ელექტრონული ფოსტის მისამართზე - m.tabagari@ecosg.gov.ge. შემსყიდველის თანხმობის გარეშე (ამ პუნქტში მითითებული ელექტრონული ფოსტიდან თანხმობის მიღების გარეშე), მაღალი წნევით რეცხვის აპარატ(ებ)ის შეკეთების შემთხვევაში, კომპანია იტოვებს უფლებას, არ აუნაზღაუროს მომწოდებელს გაწეული მომსახურების ღირებულება;
1.2.2. მიმწოდებელმა მომსახურების გაწევის შემდგომ შემსყიდველს უნდა წარმოუდგინოს მიღება-ჩაბარების აქტი - დანართი №3;
1.2.3. მიმწოდებელმა თითოეულ შემთხვევაზე უნდა უზრუნველყოს მომსახურების გაწევა შემსყიდველის მხრიდან დამოწმებული დეფექტური აქტის (დანართი N2) გადაგზავნიდან 5 (ხუთი) სამუშაო დღის განმავლობაში (დეფიციტური ნაწილების დაზიანების შემთხვევაში, მომსახურება შეიძლება გაწეული იქნას გონივრულ ვადაში (არაუმეტეს 1 თვის ვადაში) რაც წინასწარ უნდა შეთანხმდეს შემსყიდველთან და დაფიქსირდეს დეფექტურ აქტში).
1.2.4. მომსახურება მიმწოდებლის მიერ გაწეული უნდა იქნეს სრულად, საკუთარი ახალი (ექსპლუატაციაში არ მყოფი) მასალით/სათადარიგო ნაწილებით;
1.2.5. პრეტენდენტის მიერ ფასების ცხრილის რომელიმე პოზიციის შეუვსებლობის შემთხვევაში აღნიშნულ პოზიციაში მოცემული სათადარიგო ნაწილის/მომსახურების გაწევის საჭიროების დადგომისას მიმწოდებელი ვალდებულია მომსახურება განახორციელოს ანაზღაურების გარეშე, ამასთანავე დანართი №1-ის (პრეისკურანტი) დაზუსტების საჭიროების შემთხვევაში დაუშვებელია დაზუსტების შემდეგ შემოთავაზებული ფასი აღემატებოდეს თავდაპირველად შემოთავაზებულ შესაბამის სათდარიგო ნაწილის/მოსახურების ფასს.
1.2.6 თუ მომსახურების პროცესში აღმოჩნდება რომ საჭიროა ისეთი მომსახურების და/ან სათადარიგო ნაწილის მიწოდება, რომლის ფასიც განსაზღვრული არ არის დანართი №1-ით, ასეთ შემთხვევაში მხარეები იხელმძღვანელებენ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-11 მუხლის მე-5 პუნქტით დადგენილი წესის შესაბამისად;
1.2.7 შემსყიდველი უფლებამოსილია მომსახურება შეისყიდოს მხოლოდ მისი საჭიროების შესაბამისი მოცულობით;
1.2.8 მიმწოდებელი ვალდებულია საკუთარი ხარჯით უზრუნველყოს მისი ბრალეულობით შემსყიდველისათვის მიყენებული ნებისმიერი სახის ზიანის ანაზღაურება;
1.2.9 იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად გაწეული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით;
1.2.10 მიმწოდებელი ვალდებულია მომსახურება გაწიოს ამ სფეროში საერთაშორისოდ აღიარებული ნორმებისა და სტანდარტების შესაბამისად.
1.2.11 ფასები წარმოდგენილი უნდა იქნეს სატენდერო პირობების დანართი №1-ის (პრეისკურანტი) შესაბამისად (შემოთავაზებული ერთეულის ფასი არ უნდა აღემატებოდეს ზღვრული ერთეულის ფასს).
1.2.12 მაღალი წნევით რეცხვის აპარატების მოდელები იხილეთ სატენდერო პირობების 1.3 მუხლში ატვირთულ პრეისკურანტში (დანართ N1-ში).

1.4.1 მომსახურების გაწევა უნდა განხორციელდეს ხელშეკრულების გაფორმების დღიდან 2026 წლის 25 დეკემბრის ჩათვლით, ეტაპობრივად, შემსყიდველის საჭიროების და მოთხოვნის შესაბამისად.
1.4.2 პრეტენდენტმა თითოეულ შემთხვევაზე უნდა უზრუნველყოს მომსახურების გაწევა შემსყიდველის მხრიდან დამოწმებული დეფექტური აქტის გადაგზავნიდან 5 (ხუთი) სამუშაო დღის ვადაში.
შენიშვნა:
დეფიციტური ნაწილების დაზიანების შემთხვევაში, მომსახურება შეიძლება გაწეული იქნას გონივრულ ვადაში (არაუმეტეს 1 თვის ვადაში) რაც წინასწარ უნდა შეთანხმდეს და დაფიქსირდეს დეფექტურ აქტში.

1.5.1. გაწეული მომსახურების ხარისხი უნდა აკმაყოფილებდეს სატენდერო დოკუმენტაციით გათვალისწინებულ მოთხოვნებს.
1.5.2. მომსახურების გაწევა უნდა განხორციელდეს ქალაქ თბილისის ტერიტორიაზე მდებარე მიმწოდებლის სერვის ცენტრში.
შენიშვნა: მაღალი წნევით რეცხის აპარატ(ებ)ის მიმწოდებლის სერვის ცენტრში ტრანსპორტირებას უზრუნველყოფს შემსყიდველი.

1.7.1. ტექნიკური მომსახურების დროს გამოყენებულ სათადარიგო ნაწილებზე სწორი ექსპლუატაციის პირობებში უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ 3 (სამი) თვე (შენიშვნა: გარანტია შესაძლებელია არ ვრცელდებოდეს აქსესუარებზე (სამარჯვი თოფი, მაღალი წნევის მილი, ლულა, გამფრქვევი კორპუსის დეტალები)).
1.7.2. საგარანტიო ვადის განმავლობაში შეცვლილი სათადარიგო ნაწილის დაზიანების/წუნდების შემთხვევაში მიმწოდებელი ვალდებულია შემსყიდველის შეტყობინებიდან 5 (ხუთი) სამუშაო დღის ვადაში საკუთარი ხარჯებით აღმოფხვრას აღმოჩენილი წუნი/დაზიანება.
1.7.3 პრეტენდენტმა ინფორმაცია საგარანტიო ვადისა და პირობების შესახებ უნდა წარმაოდგინოს დანართი N4-ის შესაბამისად.

2.2.1.1. პრეტენდენტს, 2023 წლის 01 იანვრიდან ტექნიკური დოკუმენტაციის (მათ შორის დაზუსტებული ტექნიკური დოკუმენტაციის) ერთიან ელექტრონულ სისტემაში ატვირთვის დღემდე უნდა გააჩნდეს არანაკლებ 9000.00 (ცხრა ათასი) ლარის ღირებულების მაღალი წნევით რეცხვის აპარატების შეკეთება/ ტექნიკური მომსახურეობის გაწევის გამოცდილება, (გამოცდილების შესახებ ინფორმაცია პრეტენდენტმა უნდა წარმოადგინოს დანართი N5–ის შესაბამისად ან 2.2.1.3 პუნქტის გათვალისწინებით.
2.2.1.2. დანართი N5-ის ატვირთვა სავალდებულო არ არის;
2.2.1.3. იმ შემთხვევაში თუ დანართი N5 არ იქნება ატვირთული ან დანართ N5-ში არ იქნება ასახული ინფორმაცია CMR/SPA/NAT/MEP ნომრების შესახებ ან ასახული CMR/SPA/NAT/MEP ნომრებში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების პრეტენდნენტის მიერ შესრულების დადასატურებას, პრეტენდენტმა უნდა წარმოადგინოს ამ გამოცდილების დამადასტურებელი დოკუმენტ(ებ)ის ასლები (ხელშეკრულება და მიღება-ჩაბარების აქტი ან/და დამკვეთის მიერ დადასტურებული სხვა სახის რაიმე დოკუმენტი რომლითაც დადასტურდება პრეტენდენტის გამოცდილების სატენდერო პირობებთან შესაბამისობა).

2.3.1 პრეტენდენტს ექსპლუატაციაში (საკუთარი ან/და სარგებლობის უფლებით) უნდა გააჩნდეს მოქმედი მინიმუმ ერთი სერვის ცენტრი ქალაქ თბილისში.
2.3.2 პრეტენდენტმა უნდა წარმოადგინოს სერვისცენტრის საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ან/და სარგებლობის უფლებით ფლობა).

შენიშვანა:
ა) შემსყიდველი უფლებამოსილია მისთვის ხელსაყრელი მეთოდით/საშუალებით გადაამოწმოს მიმწოდებლის მიერ 2.3.1 პუნქტის საფუძველზე წარმოდგენილი ინფორმაციის სისწორე;
ბ) 2.3.1 პუნქტის საფუძველზე მიმწოდებლის მიერ ყალბი ინფორმაციის წარმოდგენა გამოიწვევს პრეტენდენტის დისკვალიფიკაციას.

პრეტენდენტის მიერ ერთიან ელექტრონულ სისტემაში ასატვირთი მონაცემები:

2.9.1 ფასების ცხრილი (პრეისკურანტი) დანართი N1-ის შესაბამისად.
2.9.2 ინფორმაცია საგარანტიო ვადისა და პირობების შესახებ დანართი N4-ის შესაბამისად.
2.9.3 გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 მუხლის შესაბამისად.
2.9.4 სერვის ცენტრ(ებ)ის საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ანდა სარგებლობის უფლებით ფლობა.

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: შპს ,,ეკოსერვის ჯგუფი“-ს 2026 წლის სახსრები.
7.2.4 ანგარიშსწორება განხორციელდება ეტაპობრივად, ფაქტობრივად გაწეული მომსახურების შემდეგ, მიღება–ჩაბარების აქტის გაფორმების საფუძველზე, ასევე საგადასახადო ანგარიშ–ფაქტურის (ანგარიშსწორების მომენტში დღგ-ს გადამხდელის შემთხვევაში) მიმწოდებლის მიერ შემსყიდველისთვის წარდგენის შემდეგ.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

გელა იაკობაშვილი, 577095553, gelaiakobashvili7@gmail.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

ტექნიკურ საკითხებთან დაკავშირებით საკონტაქტო პირია დავით სამხარაძე, ტელ: 551-22-88-78.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.