Ремонт и техническое обслуживание транспортных средств и оборудования и сопутствующие услуги (Грузия - Тендер #71124097)

კომისიის ბალანსზე არსებული ავტომობილების ტექნიკური მომსახურების შესყიდვა

სატენდერო დოკუმენტაციის 1.3 პუნქტით განსაზღვრული პრეისკურანტით წარმოდგენილი (2 ერთეული KIA OPTIMA - ვინ კოდი: KNAGT411BJ5227779, KNAGT411BJ5227780; 1 ერთეული FORD RANGER - ვინ კოდი: 6FPPXXMJ2PFS06824; 1 ერთეული TOYOTA COROLLA - ვინ კოდი: NMTBB0JE30R239843) ავტოსატრანსპორტო საშუალებების ტექნიკური მომსახურება.

ელექტრონულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ-მომსახურების გაწევა:

- ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
- საცხებ-საპოხი მასალების შეცვლა;
- საჭიროების შემთხვევაში ევაკუატორით მომსახურება ქვეყნის მასშტაბით.

ა) მოსაწოდებელი ავტონაწილები უნდა იყოს ქარხნული წარმოების, ახალი (არამეორადი), გარდა იმ შემთხვევისა, როდესაც გამონაკლის შემთხვევაში მეორადი დეტალის გამოყენება შეთანხმებულია შემსყიდველთან.
ბ) დეტალის შეცვლა გულისხმობს არსებული დეტალის შეცვლას ახლით და ამისათვის საჭირო ყველა მომსახურების გაწევას (მაგ. სხვა დეტალების მოხსნა-დაყენებას და ა.შ.);
გ) პრეტენდენტი ვალდებულია შემსყიდველის მიმართვის შემთხვევაში ჩაატაროს ავტოსატრანსპორტო საშუალების დათვალიერება, რის შემდეგადაც მხარეები ადგენენ დეფექტურ აქტს/დოკუმენტს, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები.
დ) შემსყიდველი უფლებამოსილია პრეტენდენტის მიერ შედგენილ დეფექტურ აქტში მითითებული სამუშაოების სისწორის გადამოწმება მოახდინოს ავტორიზებულ სერვისცენტრში ან მხარეთა შეთანხმებით სხვა სერვისცენტრში, ასევე სსიპ ლევან სამხარაულის სახელობის სასამართლო ექსპერტიზის ეროვნულ ბიუროში;
ე) პრეტენდენტის მმართველობაში ან და სარგებლობაში არსებულმა თითოეულმა სერვისცენტრმა ადგილებზე უნდა უზრუნველყოს ავტომანქანის ტექნიკური მომსახურება ნებისმიერი სამუშაო დღის განმავლობაში;
ვ) პრეტენდენტს უნდა შეეძლოს ერთდროულად შემსყიდველის არანაკლებ 2 ავტოსატრანსპორტო საშუალების მომსახურება;
ზ) მომსახურების გაწევის პროცესში მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.
თ) პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე;
ი) პრეტენდენტის მიერ, სახელმწიფო შესყიდვების ერთიან ელექტრონულ სისტემაში წარმოდგენილ პრეისკურანტში გასაწევი მომსახურების და დეტალის ერთეულის ფასები (დეტალის/მომსახურების ერთეულის შემოთავაზებული ფასი) არ უნდა აღემატებოდეს შემსყიდველის მიერ, პრეისკურანტის შესაბამის გრაფაში მითითებული დეტალის და გასაწევის მომსახურების ერთეულის ზედა ზღვრულ ფასებს (დეტალის/მომსახურების ერთეულის ზედა ზღვრული ფასი).
კ) სატენდერო დოკუმენტაციის 1.3 პუნქტით გათვალისწინებული პრეისკურანტი (ფასების ცხრილი) წარმოდგენილი უნდა იქნას Excel-ის ფორმატით.
ლ) პრეტენდენტის მიერ პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე შემსყიდველის მიერ ერთეულებზე დაფიქსირებულ ზღვრულ ფასებთან მიმართებაში. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
მ) პრეისკურანტში ავტოსატრანსპორტო საშუალების ტექნიკური მომსახურების/საქონლის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსატრანსპორტო საშუალების ტექნიკური მომსახურების/საქონლის ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

ა) მომსახურება უნდა განხორციელდეს ხელშეკრულების ძალაში შესვლიდან 2026 წლის 31 დეკემბრის ჩათვლით;
ბ) მომსახურების გაწევის ვადა, რომელიც აითვლება შემსყიდველის წერილობითი ან/და მიმწოდებლის ელექტრონულ ფოსტაზე შეტყობინების მიღებიდან ან/და ავტომობილის მომსახურების სერვისცენტრში წარდგენიდან, თითოეულ შემთხვევაში არ უნდა აღემატებოდეს:
• სავალი ნაწილებისათვის 2 (ორი) სამუშაო დღე;
• ელექტროობისათვის 2 (ორი) სამუშაო დღე;
• აგრეგატების შეკეთების/შეცვლისთვის 2 (ორი) სამუშაო დღე;
• სამღებრო/სათუნუქე სამუშაოებისათვის 10 (ათი) სამუშაო დღე;
• ხანგრძლივი მომსახურების (ძრავის, სიჩქარეთა კოლოფის) გაწევის დრო 10 (ათი) სამუშაო დღე;
• სხვა დანარჩენ შემთხვევებში „შემსყიდველის“ მიერ მითითებულ გონივრულ ვადას;
გ) პრეტენდენტმა შემსყიდველის ავტოსატრანსპორტო საშუალებებს უნდა მიანიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას, თუ ავტოტექმომსახურება ეხება ძრავის კაპიტალურ რემონტს ან დეფიციტური სათადარიგო ნაწილით უზრუნველყოფას, შესაძლებელია, მომსახურების გაწევის დრო განისაზღვროს მხარეთა შეთანხმებით გონივრულ ვადებში. სათადარიგო ნაწილი არ ჩაითვლება დეფიციტურად თუ საქართველოს ბაზარზე მოიძებნება ერთი მიმწოდებელი მაინც, რომელიც ახორციელებს აღნიშნული სათადარიგო ნაწილის რეალიზაციას;

ავტოსატრანსპორტო საშუალების ტექნიკური მომსახურების გაწევა უნდა განხორციელდეს მიმწოდებლის სერვის-ცენტრ(ებ)ში.

ა) ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, უნდა ვრცელდებოდეს მინიმუმ 6 თვიანი გარანტია გარდა იმ სათადარიგო ნაწილებისა, რომელთა ექსპლუატაციის ვადა დამოკიდებულია ავტომანქანების გარბენზე. აღნიშნულმა სათადარიგო ნაწილებმა უნდა უზრუნველყონ ავტომანქანის გამართულად ექსპლუატაცია მინიმუმ ქვემოთ ჩამოთვლილ გარბენზე და პერიოდში:
• ავტომობილის ძრავის ღვედი - არანაკლებ 40 000 კმ;
• გენერატორის ღვედი – არანაკლებ 30 000 კმ;
• ავტომობილის ძრავზე, გადაცემათა კოლოფზე და ხიდებზე (კაპიტალური შეკეთების შემთხვევაში) არანაკლებ 1 წელი ან 40 000 კმ;
• ავტომობილის ძრავზე, გადაცემათა კოლოფზე და ხიდებზე (ახალი ნაწილის შემთხვევაში) არანაკლებ 2 წელი ან 80 000 კმ;
• ელექტრონულ მოწყობილობებზე (გარდა ელ. მცველებისა და ნათურებისა) არანაკლებ 1 წელი;
• XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე;
• სათუნუქე და სამღებრო სამუშაოებზე არანაკლებ 1 წელი;
• სამუხრუჭე ხუნდებზე არანაკლებ 10 000 კმ;
• გადაბმულობის კომპლექტზე, დაკიდების დისკზე, მორგვის საკისრებზე და ყუმბარებზე არანაკლებ 25 000 კმ;

ბ) საგარანტიო ვადის განმავლობაში მიმწოდებელი ვალდებულია დაუყონებლივ, არაუგვიანეს 3 (სამი) სამუშაო დღის განმავლობაში, აღმოფხვრას აღმოჩენილი წუნი/დაზიანება, შემსყიდველის მხრიდან გასაწევი ყველანაირი დამატებითი ხარჯის გარეშე;

გ) პრეტენდენტმა სატენდერო დოკუმენტაციის 1.7.1 და 1.7.2 პუნქტებით მოთხოვნილი საგარანტიო პირობების და ვადების დასადასტურებლად უნდა წარმოადგინოს ინფორმაცია.

ა) პრეტენდენტს 2023 წლის 1 იანვრიდან აღნიშნული ტენდერის გამოცხადებამდე პერიოდში უნდა გააჩნდეს ანალოგიური/მსგავსი მომსახურების გაწევის გამოცდილება, რომლის სახელშეკრულებო ჯამური ღირებულება უნდა შეადგენდეს არანაკლებ 40 000 (ორმოცი ათასი) ლარს, საქართველოს კანონმდებლობით დადგენილი ყველა გადასახადის ჩათვლით.
აღნიშნული დასადასტურებლად პრეტენდენტმა უნდა წარმოადგინოს:
• ხელშეკრულება/ხელშეკრულებები და მისი შესრულების დამადასტურებელი დოკუმენტაცია (მიღება-ჩაბარების აქტ(ებ)ი ან/და დადასტურებული ანგარიშ-ფაქტურ(ები)ა);
• სახელმწიფო შესყიდვის შესახებ ხელშეკრულებ(ებ)ის არსებობის შემთხევაში საკმარისია შესაბამისი SPA, NAT, CMR და ა.შ. ნომრების შესახებ ინფორმაციის წარმოდგენა.

ბ) პრეტენდენტმა უნდა უზრუნველყოს არანაკლებ 1 (ერთი) სახელმწიფო შემსყიდველი ორგანიზაციის სარეკომენდაციო წერილის წარმოდგენა, 2023 წლის 1 იანვრიდან წინამდებარე ტენდერის გამოცხადების დღემდე გაფორმებული, ავტოსატრანსპორტო საშუალებების ტექნიკური მომსახურების გაწევისა და ამ ხელშეკრულებების ფარგლებში განსაზღვრული ვალდებულებების სრულად და ჯეროვნად შესრულების შესახებ. სარეკომენდაციო წერილი უნდა იყოს ორგანიზაციის ტიტულოვან ფურცელზე, დადასტურებული უფლებამოსილი პირის მიერ ხელმოწერით და შეიცავდეს შემდეგ ინფორმაციას:
• იმ ორგანიზაციის დასახელებას რომლისთვისაც იქნა მომსახურება გაწეული.
• ინფორმაციას ხელშეკრულების ღირებულებისა და მომსახურების მოწოდების ვადების შესახებ.
• ინფორმაციას ხელშეკრულებით განსაზღვრული ვალდებულებების სრულად და ჯეროვნად შესრულების შესახებ.

სარეკომენდაციო წერილი გაცემული უნდა იქნეს წინამდებარე ტენდერის გამოცხადების შემდეგი თარიღით.

ა) პრეტენდენტს ქალაქ თბილისის ტერიტორიაზე, საკუთრებაში ან/და სარგებლობაში უნდა გააჩნდეს არანაკლებ 1 სერვის ცენტრი, რომელსაც უნდა შეეძლოს ერთდროულად შემსყიდველის არანაკლებ 2 ავტოსატრანსპორტო საშუალების მიღება, რომელიც აღჭურვილი იქნება შემდეგი მოწყობილობა-მექანიზმებით:
• საბურავის დაშლა აწყობისა და ბალანსირების დანადგარი;
• თვლების შეყრის კომპიუტერული (რაზვალი) დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ავტომანქანის არანაკლებ 2 (ორი) ამწე მექანიზმი;
• ავტომანქანის ძრავში საწვავის შეფრქვევის სისტემის გაწმენდის აპარატი;
• წინა მაშუქების რეგულირების აპარატი;
• სამღებრო სამუშაოებისათვის განკუთვნილი საშრობი ოთახი;
• სათუნუქე სამუშაოებისათვის განკუთვნილი ტერიტორია ან ფართი აღჭურვილი სათუნუქე ავტორობოტით;
• სერვისცენტრ(ებ)ის სამუშაო სივრცე აღჭურვილი უნდა იყოს ვიდეო სამეთვალყურეო კამერით (არანაკლებ 1 თვის ჩანაწერის შენახვის შესაძლებლობით), ხოლო შემსყიდველის მოთხოვნის შემთხვევაში მიმწოდებელმა უნდა უზრუნველყოს როგორც ონლაინ წვდომა შეკეთების პროცესზე, ასევე შეკეთების პროცესის ჩანაწერის წარდგენა.

ბ) პრეტენდენტმა მომსახურების გაწევისთვის საჭირო მატერიალურ-ტექნიკური ბაზის შესახებ უნდა წარმოადგინოს შემდეგი ინფორმაცია/დოკუმენტაცია:
• საკუთრებაში ან/და სარგებლობაში არსებული სერვის-ცენტრ(ებ)ის მისამართ(ებ)ი, ასევე პრეტენდენტმა უნდა წარმოადგინოს მატერიალურ-ტექნიკური ბაზის შესახებ ინფორმაცია სატენდერო დოკუმენტაციის 2.3.1 პუნქტის "ა" ქვეპუნქტით გათვალისწინებული პირობების/აღწერილობის/ფორმულირებების უცვლელად.
• სერვის ცენტრ(ებ)ის საკუთრებაში ფლობის არსებობის შემთხვევაში პრეტენდენტმა უნდა წარმოადგინოს საკუთრების დამადასტურებელი დოკუმენტაცია, ხოლო სარგებლობის უფლებით ფლობის არსებობის შემთხვევაში პრეტენდენტმა უნდა წარმოადგინოს სარგებლობის უფლების დამადასტურებებლი დოკუმენტაციის ასლ(ებ)ი, რომლის სარგებლობის განსაზღვრული ვადა უნდა აღემატებოდეს წინამდებარე ტენდერით გათვალისწინებული მომსახურების გაწევის ვადას. სარგებლობის უფლების დამადასტურებელ დოკუმენტაციასთან ერთად წარმოდგენილი უნდა იქნეს უფლებამოსილი პირის (მეიჯარის) საკუთრების დამადასტურებელი დოკუმენტაციაც.

პრეტენდენტი ვალდებულია გაითვალისწინოს, რომ აღნიშნული დოკუმენტზე ხელმოწერით ეთანხმება და ადასტურებს, სატენდერო დოკუმენტაციის 2.3.1 პუნქტის "ა" ქვეპუნქტით დადგენილ მოთხოვნებს.

პრეტენდენტის მიერ სახელმწიფო შესყიდვების ერთიან ელექტრონულ სისტემაში წარმოსადგენია:

1. ფასების ცხრილი - პრეისკურანტი (სატენდერო განაცხადის 1.2 პუნქტის მოთხოვნათა გათვალისწინებით);
2. ინფორმაცია საგარანტიო პირობების და ვადების შესახებ (სატენდერო განაცხადის 1.7.1 პუნქტის "ა"და "ბ" ქვეპუნქტების მოთხოვნათა გათვალისწინებით);
3. გამოცდილების დამადასტურებელი დოკუმენტაცია და სარეკომენდაციო წერილი (სატენდერო განაცხადის 2.2.1 პუნქტის მოთხოვნათა გათვალისწინებით);
4. ინფორმაცია მატერიალურ-ტექნიკური ბაზასთან დაკავშირებით (სატენდერო განაცხადის 2.3.1 პუნქტის მოთხოვნათა გათვალისწინებით);

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (სხვა აკრედიტირებული პირის ან/და აუდიტის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების/გაწევის შესაძლებლობა.

ანგარიშსწორება განხორციელდება ეტაპობრივად, ფაქტიურად გაწეული მომსახურების შესაბამისად, მხარეთა შორის გაფორმებული მიღება-ჩაბარების აქტის და შესაბამისი საგადასახადო დოკუმენტაციის წარმოდგენის საფუძველზე

ანგარიშწორება განხორციელდება მიღება-ჩაბარების აქტის გაფორმებისა და ანგარიშფაქტურის წარმოდგენიდან 10 სამუშაო დღის ვადაში.

ანა მაჭარაძე, 551113311, aanimacharadze@gmail.com