Ремонт и техническое обслуживание строительных сооружений (Грузия - Тендер #71124087)

შშმ პირებზე ადაპტირებული გარე სამგზავრო პლატფორმის ტექნიკური მომსახურების შესყიდვა

შშმ პირებზე ადაპტირებული გარე სამგზავრო პლატფორმის ტექნიკური მომსახურება

შშმ პირებზე ადაპტირებული გარე სამგზავრო პლატფორმის (Mehmet Konsan Makina İmalat Sanayi. ve Tic. Ltd. Şti. მოდელი: KP 901 (NAT210001976)) ტექნიკური მომსახურება ---------------------------- 3 ცალი

მიმწოდებლის მიმართ მოთხოვნები:
1. მიმწოდებელმა პრეისკურანტის (დანართი N1) 1÷19 პოზიციებით განსაზღვრული მომსახურება უნდა განახორციელოს ყოველთვიურად, ხოლო პრეისკურანტის (დანართი N1) 20÷57 პოზიციებით განსაზღვრული საქონლის მიწოდება და შესაბამისი მომსახურების გაწევა უზრუნველყოს საჭიროების შემთხვევაში. აღნიშნულის საჭიროება დადგენილი იქნება მიმწოდებლის მხრიდან, ყოველთვიური დიაგნოსტირების/შემოწმების შედეგად.
2. მიმწოდებელი ვალდებულია ყოველთვიურად განახორციელოს შემდეგი სახის მომსახურება:
• ინსპექტირება ვიზუალური დეფექტების აღმოჩენის მიზნით.
• ინსპექტირება პროგრამული დეფექტების აღმოჩენის მიზნით.
• ტექნიკური ხარვეზების და გაუმართაობის დიაგნოსტიკა, გამოვლენა და აღმოფხვრა.
3. პლატფორმ(ებ)ის ავარიული გამორთვის შემთხვევაში, მიმწოდებელი ვალდებულია გამოძახებიდან ერთი საათის განმავლობაში გამოცხადდეს ობიექტზე და ოპერატიულად უზრუნველყოს პლატფორმ(ებ)ის შეკეთება/გაშვება;
4. მიმწოდებელმა უნდა უზრუნველყოს 24 საათიანი მომსახურება. მგზავრის გაჭედვის შემთხვევაში, მგზავრის გამოყვანა გაჩერებული პლატფორმ(ებ)ის კაბინიდან უნდა განხორციელდეს შესაბამისი შეტყობინების მიღებიდან არაუგვიანეს 30 წუთში;
5. თუ ლიფტის გაშვება დაკავშირებულია დაზიანებული ნაწილის შეცვლასთან, მიმწოდებელმა უნდა შეადგინოს დეფექტური აქტი დაზიანების სრული აღწერით და ინფორმაციის სახით გაუგზავნოს შემსყიდველს. დაზიანებული ნაწილის შესყიდვას და შეცვლას უზრუნველყოფს მიმწოდებელი გონივრულ ვადაში, მაგრამ მიმართვიდან არაუგვიანეს 7 სამუშაო დღის განმავლობაში.
6.მომსახურების გაწევისას დაზიანებული ნაწილი უნდა შეიცვალოს ახალი, ექსპლუატაციაში არ მყოფი ნაწილით. გარდა დეფიციტური სათადარიგო ნაწილებისა, რომელიც შემსყიდველთან შეთანხმების საფუძველზე შესაძლებელია დაყენდეს მეორადი ან მოხდეს მისი აღდგენა (ამ შემთხვევაში, ფასი დგინდება მხარეთა შორის შეთანხმებით, საბაზრო ფასის გათვალისწინებით)
7. მიმწოდებელმა უნდა უზრუნველყოს ნებისმიერი ხარვეზის აღმოფხვრა, დაზიანებული ნაწილის (შეკეთება/შეცვლა საკუთარი ხარჯებით).
8. მიმწოდებლმა მომსახურება უნდა განახორციელოს “შრომის უსაფრთხოების შესახებ“ საქართველოს ორგანული კანონით დადგენილი ნორმების დაცვით.
9.მიმწოდებელი პასუხისმგებელია ყველა იმ შემთხვევაზე, რომლიც შეიძლება გამოწვეული იყოს ლიფტის ტექნიკური გაუმართაობით.
10. მიმწოდებელმა თვეში ერთხელ უნდა უზრუნველყოს ლიფტის ტექნიკური დათვალიერება, მისი ყველა ნაწილის (იხ.დანართი N1) დეტალური შემოწმება ვარგისიანობაზე და უსაფრთხო ფუნქციონირებისათვის გამართულობაზე, რაზედაც უნდა შეადგინოს დათვალიერების აქტი.
11. დამატებითი მომსახურების საჭიროების შემთხვევაში (გარდა ყოველთვიური მომსახურებისა) შემსყიდველი ვალდებულია მომსახურების საჭიროების თაობაზე, ყოველ კონკრეტულ შემთხვევაში შეატყობინოს მიმწოდებელს. მიმწოდებელი ვალდებულია შემსყიდველისგან დამატებითი მომსახურების გაწევის შეტყობინების მიღებისთანავე დაუყოვნებლივ, მაგრამ არაუგვიანეს 2 (ორი) სამუშაო დღისა, უზრუნველყოს დამატებითი მომსახურება უსასყიდლოდ.
12. შემსყიდველი ვალდებულია მომსახურების სახეობიდან გამომდინარე და მიმწოდებლის მიერ ნაკისრი ვალდებულებების შეუფერხებლად განხორციელების მიზნით, დროულად დაუშვას მიმწოდებელი მომსახურების განსახორციელებლად, მიაწოდოს მას დაზიანების/ხარვეზის შესახებ ყველა საჭირო ტექნიკური ინფორმაცია და დაუყოვნებლივ აღმოფხვრას ყველა დაბრკოლება, რაც ხელს შეუშლის მიმწოდებელს მომსახურების გაწევაში.
13. თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული იმ მომენტისათვის საჭირო საქონელი და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
14. მიმწოდებელი პასუხისმგებელია მომსახურების გაწევის მთელი პერიოდის განმავლობაში უსაფრთხოების წესების დაცვაზე. იმ შემთხვევაში, თუ მიმწოდებელი მომსახურების გაწევის პროცესში, დააზიანებს შემსყიდველის ქონებას, იგი ვალდებული იქნება უზრუნველყოს შემსყიდველის ქონებისათვის პირვანდელი სახის აღდგენა საკუთარი ხარჯებით.

ხელშეკრულების გაფორმებიდან 12 კალენდარული თვის განმავლობაში, მაგრამ არაუადრეს 2026 წლის 1 აპრილისა.

წყალტუბოს მუნიციპალიტეტი, სოფელი კოპიტნარი (რკინიგზის სადგური კოპიტნარი)

პრეტენდენტს 2023- 2024 -2025 წლებში უნდა გააჩნდეს შშმ ლიფტების მომსახურების (ტექნიკური მომსახურების) გამოცდილება, აღნიშნულის დადასტურების მიზნით წარმოდგენილ უნდა იქნეს თითოეულ წელზე არანაკლებ 1 ხელშეკრულება და ამავე ხელშეკრულების სრულად შესრულების დამადასტურებელი მიღება-ჩაბარების აქტები ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: NAT/CMR/SPA/MEP/DAP).

შენიშვნა: იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა (კერძო სამართლის სუბიექტთან გაფორმებული) და მათი შესრულების დოკუმენტაციას, პრეტენდენტმა დამატებით უნდა წარმოადგინოს გადახდის დამადასტურებელი დოკუმენტი ან დადასტურებული საგადასახადო ანგარიშ-ფაქტურა.

1.პრეტენდეტის მიერ ერთიან ელექტრონულ სისტემაში ასატვირთი მონაცემები:
1.1. დანართი N1 - პრეისკურანტი (პუნქტი 1.3);
1.2. პრეტენდენტის გამოცდილების დამადასტურებელი დოკუმენტ(ებ)ი (პუნქტი 2.2.1);
შენიშვნა:
- პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან განუფასებლად წარმოდგენა ან ისეთი პრეიკურანტის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს ან არსებითად შეუსაბამო პრეისკურანტის წარმოდგენა (არსებით შეუსაბამობაში იგულისხმება, თუ პრეტენდენტის მიერ წარმოდგენილი ერთეულის ფას(ებ)ი აღემატება შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს და ასეთი პოზიციების რაოდენობა აღემატება სრული პრეისკურანტის პოზიციების საერთო რაოდენობის 5%-ს), დაზუსტების მექანიზმის გამოყენების გარეშე გამოიწვევს პრეტენდენტის დისკვალიფიკაციას;
- სასურველია პრეტენდენტის მიერ განფასება (პრეისკურანტი - დანართი N1) წარმოდგენილ იქნას „MS Excel“ ფორმატით. იმ შემთხვევაში, თუ პრეტენდენტის მიერ წარმოდგენილი იქნება დანართი №1 (პრეისკურანტი), როგორც „MS Excel“, ასევე „PDF“ ფორმატით, სატენდერო კომისია განიხილავს მხოლოდ „MS Excel“ ფორმატით წარმოდგენილ დოკუმენტს;

შენიშვნა:
- სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა); გარდა იმ შემთხვევისა, როდესაც სატენდერო დოკუმენტაციის 2.9 პუნქტის პირველი და მეორე ქვეპუნქტით მოთხოვნილი პრეისკურანტი (დანართი N1), პრეტენდენტის მიერ სისტემაში წარმდგენილი იქნება „MS Excel“-ის ფორმატში.
- „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №24, 15.01.2021წ).

2. წინადადების ფასი:
2.1 სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2.2 წინადადების ფასი გამოსახული და დაფიქსირებული უნდა იყოს ეროვნულ ვალუტაში (ელექტრონული ტენდერის შესაბამის ველში) საქართველოს კანონმდებლობით განსაზრვრული ყველა გადასახდელის გათვალისწინებით. წინადადების ფასი შესყიდვების ერთიან ელექტრონულ სისტემაში (შემდგომში – სისტემა) მითითებული უნდა იქნეს დღგ-ს გარეშე.
2.3 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
2.4 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება);
2.5 გამარჯვებულ პრეტენდენტთან ხელშეკრულება გაფორმდება აშშ დოლარში, შემსყიდველის მიერ სისტემაში ატვირთული წერილობითი მოთხოვნით პრეტენდენტის მიერ წარმოდგენილი წინადადების მიღების დასრულების დღეს ეროვნული ბანკის მიერ დაფიქსირებული ოფიციალური გაცვლითი კურსის შესაბამისად დაკორექტირებული პრეისკურანტის (აშშ დოლარში) მიხედვით, ხოლო ანგარიშწორება განხორციელდება ეროვნულ ვალუტაში (რეზიდენტი პირების შემთხვევაში) მიღება-ჩაბარების დღეს ეროვნული ბანკის მიერ დაფიქსირებული ოფიციალური გაცვლითი კურსის შესაბამისად;
2.6 პრეტენდენტმა უნდა წარმოადგინოს განფასება პრეისკურანტით განსაზღვრულ სათადარიგო ნაწილებისა და მომსახურების ყველა სახეობაზე. განსაფასებელ დანართი N1 (პრეისკურანტში) მითითებული მომსახურების ფასი უნდა მოიცავდეს კონკრეტული მომსახურების გაწევასთან დაკავშირებულ ყველა თანმდევი მომსახურების ღირებულებას.
2.7 ელექტრონული ვაჭრობა გაიმართება დანართი №1-ით განსაზღვრული პრეისკურანტის ჯამურ სავარაუდო ღირებულებაზე. პრეტენდენტის მიერ ერთიან ელექტრონულ სისტემაში დაფიქსირებული პრეისკურანტის საბოლოო ჯამურ ღირებულებასა და წინამდებარე ტენდერის ფარგლებში შემსყიდველის მიერ განსაზღვრული პრეისკურანტის ჯამურ ღირებულებას შორის სხვაობის შემთხვევაში, პრეტენდენტის მიერ პრეისკურანტში დაფიქსირებული ერთეულის ღირებულებები დაკლებულ უნდა იქნას პროპორციულად პრეისკურანტის თითოეულ პოზიციაზე (იგულისხმება თითოეული განსაფასებელი გრაფა), სატენდერო დოკუმენტაციაში მოცემული პრეისკურანტის ზღვრული ერთეულის ფასებიდან, არანაკლებ ერთიან ელექტრონულ სისტემაში შემსყიდველის მიერ განსაზღვრული პრეისკურანტის ჯამურ ღირებულებასა და პრეტენდენტის მიერ სისტემაში დაფიქსირებულ წინადადების საბოლოო ფასს შორის არსებული სხვაობის შესაბამისი პროცენტული ოდენობით.
თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები დაამრგვალოს ლარის მეასედის სიზუსტით (არითმეტიკული დამრგვალების მეთოდით). ამასთანავე, გათვალისწინებული უნდა იქნას, რომ დამრგვალების შემდგომ მიღებული პრეისკურანტის ჯამური ღირებულება არ უნდა აღემატებოდეს ვაჭრობის შედეგად პრეტენდენტის მიერ სისტემაში საბოლოოდ დაფიქსირებული პრეისკურანტის ჯამურ ღირებულებას.
2.8 პრეისკურანტში ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება. თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0“ ან „0.00“. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტი ან წარდგენილ პრეისკურანტში განუფასებელი პოზიციების რაოდენობა აღემატება განსაფასებელი პრეისკურანტების პოზიციების 5%-ს.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ეტაპობრივად, ყოველთვიურად, მიმწოდებლის მიერ წარმოდგენილი, ხელშეკრულებით გათვალისწინებული დოკუმენტების საფუძველზე.

ანგარიშსწორება განხორციელდება მიღება-ჩაბარების აქტის საფუძველზე, მიმწოდებლის მიერ შემსყიდველისთვის ანგარიშ-ფაქტურის წარმოდგენიდან 10 საბანკო დღის ვადაში (იმ შემთხვევაში, თუ მიმწოდებელი არ წარმოადგენს დღგ-ს გადამხდელს, ანგარიშსწორება განხორციელდება მიღება-ჩაბარების აქტის გაფორმებიდან 10 საბანკო დღის ვადაში).

ნინო ასიტაშვილი, 557526061, nino.asitashvili@railway.ge .
სატენდერო კომისიის აპარატის უფროსი:
მედეა ყანჩაველი ტელ: (995 32) 219-91-04; 558-99-85-66

მთავარი სპეციალისტი: ელენა მურადოვა ტელ: (995 32) 219-98-27; 593-14-47-21
მთავარი სპეციალისტი: კახა ბერძენიშვილი ტელ: (995 32) 219-97-75; 595-99-35-82
მთავარი სპეციალისტი: მარიამ ნადირაძე ტელ: (995 32) 219-91-04; 577-96-70-96
ტექნიკურ საკითხებთან დაკავშირებით დაუკავშირდით: თამარ ქაწაშვილს, ტელ: (+995) 599-23-21-31

1. სხვა მოთხოვნა:
1.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
1.2 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
1.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
1.4 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;

2. ინფორმაცია პრეტენდენტებისთვის:
2.1 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის/მიმწოდებლის მოთხოვნის შემთხვევაში, განახორციელოს სატენდერო განცხადებასთან და დოკუმენტაცია/პირობებთან დაკავშირებით შესაბამისი დაზუსტება/განმარტება.
2.2 შემსყიდველ ორგანიზაციასა და მიმწოდებელს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.