Текстильные изделия (Грузия - Тендер #71124078)

ა(ა)იპ „თბილისის საბავშვო ბაგა-ბაღების მართვის სააგენტო"-ს მიერ დაფუძნებული ადრეული და სკოლამდელი აღზრდისა და განათლების საჯარო დაწესებულებებისათვის, 2026 წლის განმავლობაში საჭირო, სხვადასხვა ქსოვილის ნივთებისა და მზა საფეიქრო ნაწარმის სახელმწიფო შესყიდვა.

1.2.1. შესყიდვის ობიექტის ტექნიკური მახასიათებლები, საილუსტრაციო სურათები და რაოდენობა მითითებულია დანართში - ტექნიკური დავალება (დანართი N1);
1.2.2. შემოთავაზებული საქონელი უნდა შეესაბამებოდეს ტექნიკურ დავალებაში (დანართი N1) მითითებულ მინიმალურ მოთხოვნებს. პრეტენდენტი არ არის ვალდებული სატენდერო წინადადებაში მიუთითოს კონკრეტული მახასიათებლები (ზომები, ქსოვილის შემცველობა, გრამაჟი და ა.შ.)
1.2.3. მიწოდებული საქონელი უნდა იყოს ინდივიდუალურად შეფუთული, გააჩნდეს მწარმოებლის შესაბამისი იარლიყი (ძირითადი ტექნიკური მახასიათებლების და მწარმოებლის მითითებით) და აკმაყოფილებდეს მოქმედი კანონმდებლობით დადგენილ მოთხოვნებს და წესებს.
1.2.4. შესყიდვის ობიექტის დამზადებისთვის საჭირო მასალა უნდა იყოს ახალი (ექსპლუატაციაში არ მყოფი), ეკოლოგიურად სუფთა და აკმაყოფილებდეს მოქმედ სტანდარტებს და ნორმებს.
1.2.5. პრეტენდენტის მიერ შემოთავაზებული საქონლის შესაბამისობა სატენდერო დოკუმენტაციის ტექნიკური დავალებით განსაზღვრულ მოთხოვნებთან დადგინდება მის მიერ წარმოდგენილი ნიმუშებითა და ექსპერტიზის დასკვნებით.

1.4.1. შესყიდვის ობიექტის მიწოდება უნდა განხორციელდეს ორ ეტაპად, ხელშეკრულების გაფორმებიდან 2026 წლის 25 დეკემბრის ჩათვლით, შემსყიდველის მოთხოვნიდან 70 კალენდარული დღის განმავლობაში;
1.4.2. პირველ ჯერზე შემსყიდველის მიერ მოთხოვნილ იქნება შესყიდვის ობიექტის მთლიანი რაოდენობის არაუმეტეს 1/2 ნაწილისა;
1.4.3. შემსყიდველი მიმწოდებელს წერილობით დავალებას უგზავნის ფოსტის ან ელექტრონული ფოსტის (E-mail) საშუალებით.

1.5.1 მიწოდების ადგილია დანართი N3-ით განსაზღვრულ მისამართებზე განთავსებული ა(ა)იპ „თბილისის საბავშვო ბაგა-ბაღების მართვის სააგენტო“-ს მიერ დაფუძნებული ადრეული და სკოლამდელი აღზრდისა და განათლების საჯარო დაწესებულებები.
1.5.2 თითოეულ ჯერზე მიმწოდებლისთვის გაგზავნილ წერილობით დავალებაში მითითებული იქნება კონკრეტული მისამართ(ებ)ი, მისაწოდებელი საქონლის სახეობ(ებ)ისა და რაოდენობ(ებ)ის დაკონკრეტებით.
1.5.3 შესყიდვის ობიექტის მიწოდების პერიოდში, მიმწოდებელი ვალდებულია ტექნიკური დავალების (დანართი N1) მე-5 და მე-6 პოზიციებით განსაზღვრული საქონლის მიწოდებისთვის თავად აიღოს ზომები. ზომების აღებისათვის შემსყიდველი თბილისის რაიონების მიხედვით ბაგა-ბაღებში უზრუნველყოფს შესაბამისი პერსონალის ინფორმირებას და მობილიზებას, მიმწოდებლისათვის წინასწარ შეთანხმებულ დროს და ადგილზე.
1.5.4 წუნდებული საქონლის მიწოდების, მათ შორის ზომებისა და ვიზუალური შეუსაბამობის შემთხვევაში შემსყიდველი მიმართავს მიმწოდებელს ხარვეზის გამოსწორების მოთხოვნით. მოთხოვნიდან 10 (ათი) კალენდარული დღეში მიმწოდებელი ვალდებულია გამოასწოროს მითითებული ხარვეზი.

1.7.1.1.შესყიდვის ობიექტის საგარანტიო პერიოდი, სწორი ექსპლუატაციის პირობებში, უნდა შეადგენდეს 6 (ექვსი) თვეს, რომელიც აითვლება მხარეთა შორის მიღება-ჩაბარების აქტის გაფორმების დღიდან. საგარანტიო პერიოდში, შემსყიდველი მიმართავს მიმწოდებელს, ხოლო მიმწოდებელი ვალდებულია საკუთარი ხარჯებით აღმოფხვრას გამოვლენილი წუნი ან ჩაანაცვლოს წუნდებული საქონელი ახლით შემსყიდველის მოთხოვნიდან არაუმეტეს 10 (ათი) კალენდარული დღის განმავლობაში.
1.7.1.2. საგარანტიო პერიოდში მიწოდებული საქონელი უნდა ინარჩუნებდეს ხარისხსა და თვისობრივ მახასიათებლებს.
1.7.1.3. რეცხვისა და თერმული დამუშავების დროს მიწოდებული საქონელი უნდა ინარჩუნებდეს ზომას და ფორმას.

2.1.1.1. პრეტენდენტმა ფასების ცხრილში უნდა მიუთითოს შემოთავაზებული საქონლის მწარმოებელი ქვეყანა და მწარმოებელი ან/და ბრენდი; მათი მიუთითებლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.
2.1.1.2. ტექნიკური დოკუმენტაციის დაზუსტების საჭიროების შემთხვევაში, შემოთავაზებული საქონლის მწარმოებელი ქვეყნის და მწარმოებლის ან/და ბრენდის შეცვლა გამოიწვევს პრეტენდენტის დისკვალიფიკაციას.

2.2.1.1. პრეტენდენტს, 2023 წლის 01 იანვრიდან, წინამდებარე ტენდერში „წინადადებების მიღება დასრულებულია“ სტატუსის მინიჭების თარიღამდე პერიოდში, უნდა გააჩნდეს არანაკლებ 200 000 ლარის ღირებულების ქსოვილის ნივთების ან/და ტანსაცმლის ან/და უნიფორმის ან/და ტანსაცმლის აქსესუარების მიწოდების გამოცდილება.
2.2.1.2. გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
ა) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით, საკმარისია სატენდერო განცხადების ან CMR ნომრების შესახებ ინფორმაციის წარმოდგენა.
ბ) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს შესაბამისი ხელშეკრულებ(ები)ა და ამავე ხელშეკრულებ(ებ)ის ფარგლებში გაფორმებული მიღება-ჩაბარების აქტ(ებ)ი, რაც დაადასტურებს პრეტენდენტის გამოცდილების შესაბამისობას სატენდერო დოკუმენტაციის 2.2.1.1. პუნქტით განსაზღვრულ მოთხოვნებთან.
2.2.1.3. იმ შემთხვევაში, თუ არ არსებობს შესაბამისი ხელშეკრულებ(ები)ა და მიღება-ჩაბარების აქტ(ებ)ი, შესაძლებელია წარმოდგენილი იყოს დადასტურებული საგადასახადო ანგარიშ-ფაქტურ(ები)ა;

2.9.1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2.9.2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარში.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები განისაზღვრება მრავალნიშნა ათწილადის სახით, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე (თეთრების სიზუსტით), შესაბამისად შეამციროს საერთო ღირებულებაც.

2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.5. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

2.9.6. პრეტენდენტს არ აქვს უფლება წარმოადგინოს ალტერნატიული წინადადება.

2.9.7. შემსყიდველი უფლებამოსილია ხელშეკრულების გაფორმებიდან, საქონლის მიწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან დაკავშირებული ინფორმაცია.

2.9.8. შესყიდვის ობიექტის მიწოდების ყოველი ეტაპის დასრულების შემდგომ, მიმწოდებელი ვალდებულია, თითოეული ლოკაციის მიხედვით, შემსყიდველს წარუდგინოს სრულყოფილი ინფორმაცია (ცხრილი) როგორც კონკრეტულ ჯერზე მიწოდებული, ასევე ხელშეკრულების მიხედვით მისაწოდებელი (დარჩენილი) საქონლის რაოდენობის შესახებ, როგორც Excel-ის, ასევე ელექტრონული ხელმოწერით PDF ფორმატში. ინფორმაცია (ცხრილი) შედგენილი უნდა იყოს ფასების ცხრილის ფორმის, მათ შორის ნუმერაციის დაცვით.

2.9.9. შემსყიდველი იტოვებს უფლებას, სრულად არ იქნეს ათვისებული შესყიდვის ობიექტით გათვალისწინებული საქონელი. ფაქტიური საჭიროებიდან გამომდინარე, მხარეთა შეთანხმებით, შესაძლებელია საქონლის მიწოდების კონკრეტული ეტაპის დაწყებამდე, განხორციელდეს ცვლილებ(ები)ა შესყიდვის ობიექტით განსაზღვრული კონკრეტული საქონლის რაოდენობ(ებ)ის დაკორექტირების საფუძველზე.

3.1.1.1 პრეტენდენტი ვალდებულია შემსყიდველ ორგანიზაციაში წარმოადგინოს შემოთავაზებული საქონლის ნიმუშებთან ერთად სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK, EKOTEKS ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული შესაბამისი დასკვნის ორიგინალი/დედანი და ექსპერტიზაგავლილი ქსოვილი.
3.1.1.2 ექსპერტიზის დასკვნები უნდა ჩატარდეს ტექნიკური დავალების (დანართი N1) მე-7; მე-8 და მე-9 პოზიციების გარდა, ყველა პოზიციიით განსაზღვრულ საქონელზე. მათ შორის: პირველ, მე-2, მე-3, მე-4, მე-5 და მე-6 პოზიციებზე საექსპერტო დასკვნა წარმოდგენილი უნდა იქნას ქსოვილის შემცველობის და გრამაჟის შესახებ, ხოლო მე-10 და მე-11 პოზიციებზე ქსოვილის გრამაჟის შესახებ.
3.1.1.3. ექსპერტიზის დასკვნის ორიგინალი/დედანი, ექსპერტიზაგავლილ ქსოვილთან ერთად წარმოდგენილი უნდა იყოს დალუქულ მდგომარეობაში. ასეთის არ არსებობის შემთხვევაში, პრეტენდენტმა შესაძლებელია წარმოადგინოს ექსპერტიზაგავლილი ქსოვილი დალუქულ, ხოლო ექსპერტიზის დასკვნის ორიგინალი/დედანი დაულუქავ მდგომარეობაში. ამ შემთხვევაში შესაძლებელი უნდა იყოს დალუქული ქსოვილის, შესაბამისი ექსპერტიზის დასკვნასთან იდენტიფიცირება. მაგალითად, ექსპერტიზის დასკვნის ინდივიდუალური ნომერი უნდა ემთხვეოდეს დალუქული საქონლის შეფუთვაზე (შეფუთვაში) არსებულ ნომერს.
3.1.1.4. ექსპერტიზის ხარჯებს ანაზღაურებს პრეტენდენტი. წარმოდგენილი ნიმუშები სრულად უნდა აკმაყოფილებდეს სატენდერო დოკუმენტაციით განსაზღვრულ ტექნიკურ მოთხოვნებს.
3.1.1.5. თუ მიმწოდებელი წინამდებარე ტენდერში არსებულ საბოლოო პროდუქტებს ქმნის ერთიდაიმავე ქსოვილით, შესაძლებელია შესაბამის ქსოვილებზე წარმოდგენილი იქნას ერთი დასკვნა.
3.1.1.6. ექსპერტიზის დასკვნაში მითითებული უნდა იყოს წინამდებარე ტენდერის უნიკალური NAT ნომერი.
3.1.1.7. ნიმუშები წარმოდგენილი უნდა იქნას შესყიდვის ობიექტის თითოეულ პოზიციაზე.
3.1.1.8. პრეტენდენტის მიერ წარდგენილი შესყიდვის ობიექტის ნიმუშები/ექსპერტიზის დასკვნები დაზუსტებას არ ექვემდებარება.
3.1.1.9. ტენდერში მონაწილე „დისკვალიფიცირებულ“ პრეტენდენტს ნიმუშების და ექსპერტიზის დასკვნების დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 დღის განმავლობაში, ხოლო ტენდერის შეწყვეტის შემთხვევაში ტენდერში მონაწილე პრეტენდენტს ტენდერის შეწყვეტიდან 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე.

3.1.3.1. ნიმუშების წარმოდგენა უნდა მოხდეს ა(ა)იპ „თბილისის საბავშვო ბაგა-ბაღების მართვის სააგენტო"; ქალაქი თბილისი, საბურთალოს რაიონი, ა. მიცკევიჩის ქუჩა N29-29ა, მე-3 სართული.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება შემოთავაზებული საქონლის მწარმოებელი ქვეყნით და მწარმოებლით ან/და ბრენდით).

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

3 Процентов

5 Процентов

6.3.1. ხელშეკრულების შესრულების უზრუნველყოფის საბანკო/სადაზღვევო გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების ვადას.

6.4.1. გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან; გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა. გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.4.2. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს;

6.4.3. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს ხელშეკრულების შესრულების უზრუნველყოფის საბანკო/სადაზღვევო გარანტიის სრული ოდენობით გამოყენება.

7.1.1.1. ტენდერში გამარჯვებულ პრეტენდენტს უფლება აქვს მოითხოვოს ავანსი, არაუმეტეს სახელშეკრულებო ღირებულების 30%-ის ოდენობით, წინასწარი ანგარიშსწორების საბანკო/სადაზღვევო გარანტიის საფუძველზე, რომლის მოქმედების ვადა არანაკლებ 60 (სამოცი) დღით უნდა აღემატებოდეს შესყიდვის ობიექტის მიწოდების საბოლოო ვადას.
7.1.1.2. საავანსო გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან.

ანგარიშსწორება განხორციელდება მიმწოდებლის საბანკო ანგარიშზე, საქართველოს კანონმდებლობით დადგენილი შესაბამისი დოკუმენტების წარმოდგენისა და მიღება-ჩაბარების აქტზე ორმხრივი ხელმოწერის შემდგომ.

ანგარიშსწორება შემსყიდველის მიერ ხორციელდება ეტაპობრივად საქონლის მიწოდების შემდეგ, ფაქტობრივად მოწოდებული საქონლის მიხედვით, მიღება-ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10(ათი) სამუშაო დღის განმავლობაში.

გიორგი გოგისვანიძე, 597777676, g.gogisvanidze@kids.org.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.