Полные или частичные строительные работы и публичные работы (Грузия - Тендер #71124070)

„სუფსის კვანძზე“ საავტომობილო მაგისტრალის ქვეშ გარცმის მილების დახურული წესით მოწყობის/მონტაჟის სამუშაოების (შემდგომში - სამუშაო) სახელმწიფო შესყიდვა, სატენდერო დოკუმენტაციის 1.2 პუნქტის შესაბამისად.

1. წინამდებარე სატენდერო დოკუმენტაცია ითვალისწინებს „სუფსის კვანძზე“ საავტომობილო მაგისტრალის სამ კვეთას (ჯამურად 288 მეტრი) (Pk:0+28 - 164 მეტრი, Pk:2+41 - 64 მეტრი, Pk:4+93 - 60 მეტრი).
2. მიმწოდებელი ვალდებულია:
- უზრუნველყოს საავტომობილო მაგისტრალის ქვეშ გარცმის DN700 მილების მონტაჟი საპროექტო ნიშნულზე, ბურღვით/გამოწნეხვით, აგრეთვე აწარმოოს გეოდეზიური სამუშაოები (გეოდეზიური სამუშაოების წარმოება უნდა განხორციელდეს შემსყიდველისაგან მიღებული რეპერების გამოყენებით);
- სამუშაოები შეასრულოს დანართი №1-ის (მოცულობათა ცხრილი/ხარჯთაღრიცხვა) და დანართი №1.2-ის (ნახაზები) მიხედვით;
- სამუშაოები შეასრულოს საქართველოში მოქმედი სამშენებლო ნორმებისა და სტანდარტების მიხედვით, დაიცვას გარემოსდაცვითი ნორმები და კანონმდებლობით გათვალისწინებული შრომის უსაფრთხოების ყველა ნორმა;
- დაიცვას საქართველოს ორგანული კანონი "შრომის უსაფრთხოების შესახებ";
- დაიცვას ობიექტზე მომუშავე პირთა სიცოცხლისა და ჯანმრთელობისათვის უსაფრთხოების წესები.
- დაიცვას საქართველოს მთავრობის დადგენილება №361, “მშენებლობის უსაფრთხოების შესახებ ტექნიკური რეგლამენტი”;
- დაიცვას საქართველოს მთავრობის დადგენილება №370 “სახანძრო უსაფრთხოების წესებისა და პირობების შესახებ ტექნიკური რეგლამენტი”;
- დაიცვას საქართველოში აღიარებული შრომის უსაფრთხოებისა და ჯანმრთელობის დაცვასთან დაკავშირებული სხვა საჭირო საერთაშორისო ნორმები და პროცედურები.
3. შემსყიდველი, საკუთარი სახსრებით, უზრუნველყოფს გარსაცმის მილების ტრანსპორტირებასა და სამშენებლო მოედანზე დატვირთვა-გადმოტვირთვას სამუშაოებს. ჰორიზონტალური ბურღვისთვის/გამოწნეხვისათვის საჭირო ქვაბულებს (მიწის სამუშაოები) მიმწოდებელთან შეთანხმებული პარამეტრების მიხედვით მოამზადებს შემსყიდველი. აღნიშნულიდან გამომდინარე, სამუშაოთა მიმდინარეობის მთელი პერიოდის განმავლობაში, შემსყიდველი უზრუნველყოფს სამშენებლო მოედანზე შესაბამისი ტექნიკის (ექსკავატორი, ავტოამწე) საჭიროებისამებრ მობილიზებას/განთავსებას. შემსყიდველი, ასევე, უზრუნველყოფს გარცმის მილების შედუღებას და ქვაბულში დაგროვებული წყლის ამოტუმბვას (საჭიროების შემთხვევაში);
4. იმ შემთხვევაში, თუ მიმწოდებელი სამუშაოების შესრულების პროცესში, დააზიანებს არსებულ ინფრასტრუქტურას, იგი ვალდებული იქნება სამუშაების შესრულების ვადაში უზრუნველყოს დაზიანებული ინფრასტრუქტურის პირვანდელი სახით აღდგენა საკუთარი ხარჯებით;
5. სამუშაოს გაწევის დროს საკუთარი პერსონალის უსაფრთხოებაზე პასუხისმგებლობა ეკისრება მიმწოდებელს.

შენიშვნა:
გასათვალისწინებელია ის გარემოება, რომ ავტობანის მონაკვეთზე, გზის ნაყარი განიცდის ჯდენას, შესაბამისად, გაზსადენის გარცმის მოწყობის მიზნით ბურღვითი/გამოწნეხვითი სამუშაოების შესრულებისას, შესაძლოა, გარსაცმის ნიშნულებმა განიცადოს გარკვეული კორექტირება საავტომობილო გზების დეპარტამენტის მხრიდან ნაყარის ჯდენის პარამეტრების შესახებ მიღებული ინფორმაციის საფუძველზე.

1.4.1 სამუშაოების შესრულების საერთო სავარაუდო ვადა შეადგენს ხელშეკრულების გაფორმებიდან 6 (ექვსი) კალენდარულ თვეს. მიმწოდებელი ვალდებულია თითოეული გადაკვეთისათვის სამუშოები დაიწყოს შემსყიდველის მოთხოვნიდან არაუგვიანეს 7 (შვიდი) კალენდარულ დღეში და დაასრულოს:
- Pk:0+28 - 164 მეტრი, სამუშაოების დაწყების დღიდან არაუგვიანეს 20 (ოცი) კალენდარული დღის ვადაში.
- Pk:2+41 - 64 მეტრი, სამუშაოების დაწყების დღიდან არაუგვიანეს 10 (ათი) კალენდარული დღის ვადაში.
- Pk:4+93 - 60 მეტრი, სამუშაოების დაწყების დღიდან არაუგვიანეს 10 (ათი) კალენდარული დღის ვადაში.
შემსყიდველს არ აქვს უფლება, მიმწოდებელს მოსთხოვოს, პარალელურად, ერთზე მეტ გადაკვეთაზე სამუშაოების განხორციელება.
1.4.2 შემსყიდველი თავის მხრივ ვალდებულია, მოთხოვნა სამუშაოების განხორციელების შესახებ გაუგზავნოს მიმწოდებელს იმგვარად, რომ დაცული იქნას სატენდერო დოკუმენტაციის 1.4.1 პუნქტში მითითებული როგორც სამუშაოების შესრულების საერთო, ისე კონკრეტული გადაკვეთისათვის განსაზღვრული ვადები.
1.4.3 შემსყიდველის მიერ სამუშაოების მოთხოვნის წარუდგენლობის შემთხვევაში, მიმწოდებელს სამუშაოების შესრულების ვალდებულება არ წარმოექმნება (შესაბამისად, აღნიშნულ შემთხვევაში, მიმწოდებელს არ წარმოეშვება სამუშოების ღირებულების მოთხოვნის უფლება), ხოლო შემსყიდველს არ წამოეშვება შეუსრულებელი სამუშოების ღირებულების გადახდის ვალდებულება.

1.5.1. სამუშაოს შესრულების ადგილი: სატენდერო დოკუმენტაციის დანართი №1.2-ით (ნახაზები) განსაზღვრული ადგილები.

1.6.1 შესრულებულ სამუშაოებზე მიმწოდებელმა უნდა გაავრცელოს ყოველ გადაკვეთაზე შესაბამისი მიღება-ჩაბარების აქტის გაფორმებიდან არანაკლებ 5 (ხუთი) წლიანი გარანტია, რომ მის მიერ შესრულებულ სამუშაოს არ ექნება დეფექტი ექსპლუატაციის ნორმების დაცვის პირობებში, წინააღმდეგ შემთხვევაში, მიმწოდებელი ვალდებულია საკუთარი ხარჯებით განახორციელოს გამოვლენილი დეფექტების აღმოფხვრა.
შენიშვნა: აღნიშნული ინფორმაცია მიმწოდებელმა უნდა წარმოადგინოს სატენდერო დოკუმენტაციის დანართის №2-ის (საგარანტიო პირობები) შესაბამისად.

2.2.1.1 პრეტენდენტს (ქვეკონტრაქტორის გარეშე) უნდა გააჩნდეს საავტომობილო გზის ქვეშ, დახურული წესით გადაკვეთის სამუშაოების განხორციელების გამოცდილება. გამოცდილების დადასტურების მიზნით, პრეტენდენტმა უნდა წარმოადგინოს ხელშეკრულება/ხელშეკრულებები და ამავე ხელშეკრულებ(ებ)ის სრულად შესრულების მიღება-ჩაბარების დამადასტურებელი დოკუმენტ(ებ)ი ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ:NAT/CMR/SPA და ა.შ).
2.2.1.2 იმ შემთხვევაში, თუ სატენდერო დოკუმენტაციის 2.2.1.1 პუნქტის შესაბამისად წარმოდგენილი ხელშეკრულება არ იძებნება სახელმწიფო შესყიდვების ერთიან ელექტრონულ სისტემაში (იგულისხმება, რომ არ წარმოადგენს სახელმწიფო შესყიდვას), პრეტენდენტმა, დამატებით უნდა წარმოადგინოს ამავე ხელშეკრულების ფარგლებში გამოწერილი, დადასტურებული საგადასახადო ანგარიშ-ფაქტურა (საგადასახადო ანგარიშ-ფაქტურები), რომელიც უნდა ედრებოდეს მიღება-ჩაბარების დამადასტურებელ დოკუმენტ(ებ)ში დაფიქსირებულ ფაქტობრივად შესრულებული სამუშაოების ჯამურ ღირებულებას. იმ შემთხვევაში, თუ პრეტენდენტი წარმოდგენილი ხელშეკრულების შესრულების პერიოდში არ იყო რეგისტრირებული დღგ-ს გადამხდელად, იგი ვალდებულია წარმოადგინოს შესაბამისი ცნობა სსიპ ,,შემოსავლების სამსახურიდან.“

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული შესაბამისი დადებითი დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი აკრედიტაციის დამადასტურებელი დოკუმენტი.)
- ფასწარმოქმნის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
- საექსპერტო დასკვნა მომზადებული უნდა იყოს საქართველოს მთავრობის 2017 წლის 26 სექტემბრის №439 დადგენილებით დამტკიცებული „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მიხედვით.
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.1.1.1 დასაშვებია მთლიანი სახელშეკრულებო ღირებულების არაუმეტეს 20%–ის წინასწარ (ავანსი) გადარიცხვა მიმწოდებლის მიერ წარმოდგენილი საავანსოდ გადასარიცხი თანხის იდენტური ოდენობის საქართველოში ლიცენზირებული კომერციული ბანკის/სადაზღვევო კომპანიის მიერ გაცემული უპირობო და გამოუთხოვადი საბანკო გარანტიის საფუძველზე. არარეზიდენტი პირების მიერ დასაშვებია უცხოური ბანკის მიერ გაცემული საბანკო გარანტია, რომელიც დამოწმებული უნდა იქნას საქართველოში ლიცენზირებული კომერციული ბანკის მიერ, აღნიშნული საბანკო გარანტია გაცემული უნდა იყოს გარანტიის გამცემი საქართველოში ლიცენზირებული კომერციული ბანკის ტიტულიან ფურცელზე (ბლანკი), ბეჭედდასმული და ხელმოწერილი უფლებამოსილი პირის მიერ. საბანკო გარანტია წარმოდგენილ უნდა იქნეს მატერიალური დოკუმენტის ფორმით ან/და ელექტრონული სისტემის საშუალებით – ელექტრონული დოკუმენტის ფორმით (საბანკო გარანტიაზე, საქართველოს კანონმდებლობით განსაზღვრული უფლებამოსილი პირის მიერ, შესრულებული უნდა იყოს კვალიფიციური ელექტრონული ხელმოწერა და დასმული უნდა იყოს კვალიფიციური ელექტრონული შტამპი).
საბანკო გარანტიაში ბენეფიციარად მითითებულ უნდა იყოს სს „საქართველოს ნავთობისა და გაზის კორპორაცია“. აღნიშნული საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულებით გათვალისწინებული სამუშაოების შესრულების საბოლოო ვადას (საბანკო გარანტია წარმოდგენილ უნდა იქნას დანართი №3-ის (საავანსო გადახდის საგარანტიო უზრუნველყოფა/ნიმუში) არსებითი პირობების დაცვით.
7.1.1.2 მიმწოდებელთან ანგარიშსწორებისას, გადახდილი საავანსო თანხის მთლიანი მოცულობით გაქვითვამდე, მიმწოდებლისათვის გადასახდელი თანხიდან შემსყიდველი გამოქვითავს ინვოისში (ანგარიშ-ფაქტურაში) მითითებული თანხის 25%-ს (ოცდახუთი პროცენტი). მას შემდეგ, რაც აღწერილი მეთოდით სრული მოცულობით გაიქვითება მიმწოდებლისათვის გადახდილი ავანსი, შემსყიდველი სრულად აანაზღაურებს შესრულებული სამუშაოებისათვის ინვოისში (ანგარიშ-ფაქტურაში) მითითებულ თანხას.
7.1.1.3 თეთრ სიაში რეგისტრირებული მიმწოდებელი უფლებამოსილია წარმოადგინოს საავანსო გადახდის უზრუნველყოფის გარანტიის მოთხოვნილი ოდენობის ნახევარი.

7.2.1 ხელშეკრულების გაფორმების შემდგომ, მიმწოდებელი ვალდებულია ყოველი გადაკვეთის სამუშაოების დასრულების შემდეგ წარუდგინოს შემსყიდველს დეტალური ინფორმაცია შესრულებული სამუშაოების შესახებ, მათ შორის შესრულებული სამუშაოების დეტალური მოცულობათა ცხრილი (ფორმა №2, დანართი №1 _ მოცულობათა ცხრილის/ხარჯთაღრიცხვის შესაბამისად) და გასაფორმებელი მიღება-ჩაბარების აქტის პროექტი.
7.2.2. მიმწოდებლის მიერ წარმოდგენილ ფორმა №2-(ებ)ში მითითებული, ადგილზე შესრულებული სამუშაოების და მათი ხარისხის, ასევე მათი ღირებულებების სამუშაოების ნახაზებით და ხელშეკრულების დანართი №1 ხარჯთაღრიცხვით/მოცულობათა ცხრილით გათვალისწინებულ სამუშაოებთან და მათ ღირებულებებთან შესაბამისობის დადგენის მიზნით, შემსყიდველი, მიმწოდებლის მიერ სატენდერო დოკუმენტაციის 7.2.1. პუნქტში მითითებული დოკუმენტაციის შემსყიდველისათვის წარდგენიდან 3 სამუშაო დღის განმავლობაში დაჩქარებული წესით ექსპერტიზის ჩატარების მოთხოვნით მიმართავს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ (შემდგომში: ექსპერტიზის ბიურო). ხოლო იმ შემთხვევაში, თუ ადგილი ექნება 7.2.2.1 პუნქტით განსაზღვრულ გარემობას, მაშინ შემსყიდველი ექსპერტიზის ბიუროს მიმართავს 7.2.2.1 პუნქტში მითითებული საექსპერტო დადებითი დასკვნის მიღებიდან 3 სამუშაო დღის ვადაში.
7.2.2.1 თუ სხვადასხვა ობიექტური და მიმწოდებლისაგან დამოუკიდებელი გარემოებების (ნიადაგის შემადგენლობა, მიწისქვეშ არსებული სხვადასხვა სახის დაბრკოლებები და ა. შ.) გამო, სამუშაოები ვერ შესრულდება პროექტით და შესაბამისი სტანდარტებით გათვალისწინებულ მოთხოვნებთან ზუსტ შესაბამისობაში და შესრულებული სამუშაოების ფაქტობრივი პარამეტრები და მახასიათებლები ცდომილების დასაშვებ ნორმებზე მეტი აღმოჩნდება (მაგალითად, ბურღვის საწყისი და დასრულების წერტილის ჩაღრმავებები ან/და განივ ჭრილში მიმართულებები არ იქნება შესაბამისობაში ნახაზებთან და მოქმედი სტანდარტებით გათვალისწინებულ მოთხოვნებთან/დასაშვებ ცდომილებებთან), შემსყიდველი მხოლოდ იმ შემთხვევაში მიიღებს მიმწოდებლის მიერ შესრულებულ სამუშაოებს, თუ სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო“ ან სხვა სსიპ „აკრედიტაციის ერთიანი ეროვნული ორგანოს – აკრედიტაციის ცენტრის“ მიერ აკრედიტირებული საექსპერტო დაწესებულება დაადასტურებს, რომ: ა) ფაქტიურად შესრულებული სამუშაოების მეშვეობით შესაძლებელი/უზრუნველყოფილი იქნება გაზსადენის შესაბამისი მონაკვეთის შეუფერხებელი და უსაფრთხო ექსპლუატაცია/ფუნქციონირება და ბ) სამუშაოების შესრულება სამშენებლო ნორმებით და სტანდარტებით და ნახაზებით გათვალისწინებული მოთხოვნების მიხედვით ვერ მოხერხდა ,,მიმწოდებლისაგან“ დამოუკიდებელი გარემოებების გამო. აღნიშნულ შემთხვევაში, მიმწოდებლის მიერ სატენდერო დოკუმენტაციის 7.2.1. პუნქტში მითითებული დოკუმენტაციის შემსყიდველისათვის წარდგენიდან 3 სამუშაო დღის განმავლობაში დაჩქარებული წესით ექსპერტიზის ჩატარების მოთხოვნით.
7.2.2.2 მიღება-ჩაბარების აქტზე ხელმოწერას შემსყიდველი განახორციელებს 7.2.2. და 7.2.2.1 (ასეთის საჭიროების შემთხვევაში) პუქტებით განსაზღვრული დადებითი დასკვნ(ებ)ის მიღების შემდეგ.
7.2.3. შესრულებული სამუშაოების ღირებულებად განისაზღვრება ექსპერტიზის ბიუროს მიერ დადგენილი ოდენობა (შესაბამისად, შემსყიდველი ანგარიშსწორებას განახორციელებს ექსპერტიზის ბიუროს მიერ დადგენილი ოდენობის შესაბამისად).
7.2.4. შემსყიდველი მიმწოდებელთან ანგარიშსწორებას განახორციელებს ეტაპობრივად, უნაღდო ანგარიშსწორების ფორმით, მხარეთა შორის მიღება-ჩაბარების აქტის გაფორმებიდან, მიმწოდებლის მიერ საგადასახადო ანგარიშ-ფაქტურის შემსყიდველისათვის წარდგენიდან და ექსპერტიზის ბიუროს მიერ შესრულებულ სამუშაოებთან დაკავშირებით შემსყიდველისათვის 7.2.2. და 7.2.2.1 (ასეთის საჭიროების შემთხვევაში) პუქტებით განსაზღვრული დადებითი საექსპერტო დასკვნ(ებ)ის წარდგენიდან 5 სამუშაო დღის განმავლობაში.
7.2.5. იმ შემთხვევაში, თუ 7.2.2. და 7.2.2.1 (ასეთის საჭიროების შემთხვევაში) პუქტებით განსაზღვრული საექსპერტო დასკვნ(ებ)ი არ იქნება დადებითი, მიმწოდებელი ვალდებული იქნება ხელშეკრულების პირობების შესაბამისად აღმოფხვრას ასეთი შეუსაბამობა, ხოლო შემსყიდველი უფლებამოსილი იქნება ამგვარი შეუსაბამობის აღმოფხვრამდე უარი განაცხადოს სამუშაოების მიღებაზე და შესაბამისად, სამუშაოების ღირებულების ანაზღაურებაზე. შეუსაბამობის აღმოფხვრა უნდა დადასტურდეს ექსპერტიზის დასკვნ(ებ)ით (შემდგომში: განმეორებითი ექსპერტიზის დასკვნა), რომლის მომზადებასაც უზრუნველყოფს შემსყიდველი დაჩქარებული წესით სატენდერო დოკუმენტაციის 7.2.2. პუნქტით გათვალისწინებული წესების შესაბამისად. ამასთან, განმეორებითი ექსპერტიზის დასკვნ(ებ)ის ღირებულება (ასეთის არსებობის შემთხვევაში) გამოაკლდება შემსყიდველის მიერ მიმწოდებლისათვის გადასახდელ სამუშაოების ღირებულებას, ხოლო შემსყიდველი შესრულებული სამუშაოების ღირებულების ანაზღაურებას უზრუნველყოფს სატენდერო დოკუმენტაციის 7.2.4. პუნქტით გათვალისწინებული პირობებით.

შემსყიდველი მიმწოდებელთან ანგარიშსწორებას განახორციელებს ეტაპობრივად (თითოეული გადაკვეთის სრულად დასრულების შემდეგ), უნაღდო ანგარიშსწორების ფორმით, მხარეთა შორის მიღება-ჩაბარების აქტის გაფორმებიდან, მიმწოდებლის მიერ საგადასახადო ანგარიშ-ფაქტურის შემსყიდველისათვის წარდგენიდან და ექსპერტიზის ბიუროს მიერ შესრულებულ სამუშაოებთან დაკავშირებით შემსყიდველისათვის დადებითი საექსპერტო დასკვნის წარდგენიდან 5 სამუშაო დღის განმავლობაში.

არჩილ პაპუაშვილი, 595701003, A.papuashvili@gogc.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში, ქ. თბილისი, კახეთის გზატკეცილი №21, მე-2 სართული, ოთახი 205; საკონტაქტო პირი: არჩილ პაპუაშვილი +995 (32) 224-40-40, (შიდა-259).

10.1.1 შესყიდვის ობიექტის სავარაუდო ღირებულება შეადგენს 41 170,00 ლარი, დღგ-ს გარეშე;
10.1.2 შესყიდვების ერთიან ელექტრონულ სისტემაში (შემდგომში – სისტემა) წინადადების ფასი დაფიქსირებულ უნდა იყოს ეროვნულ ვალუტაში (ლარი), საქართველოს კანონმდებლობით განსაზღვრული ყველა გადასახადის გათვალისწინებით, დღგ-ს გარდა;
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება);
10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილი დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი,ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა). გარდა იმ შემთხვევისა, როდესაც სატენდერო დოკუმენტაციის 10.3.1 პუნქტით მოთხოვნილი დანართი №1 - ხარჯთაღრიცხვა, პრეტენდენტის მიერ სისტემაში წარმდგენილი იქნება „MS Excel“-ის ფორმატში.
10.2.3 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №4), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.4 სატენდერო დოკუმენტაციით მოთხოვნილი, სისტემაში პრეტენდენტის მიერ ასატვირთი ყველა დოკუმენტი წარმოდგენილ უნდა იქნეს ქართულ ენაზე. დოკუმენტაციის/ინფორმაციის სხვა ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.2.5 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.2.8. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 ხარჯთაღრიცხვა, დანართი №1-ის შესაბამისად (პუნქტი 1.3);
შენიშვნა:
- სასურველია პრეტენდენტის მიერ ხარჯთაღრიცხვა წარმოდგენილ იქნას „MS Excel“ ფორმატით;
- პრეტენდენტის მიერ, „წინადადების მიღება დასრულებულია“ ეტაპზე, ხარჯთაღრიცხვის წარმოუდგენლობა ან ხარჯთაღრიცხვის განუფასებლად წარდგენა გამოიწვევს პრეტენდენტის დისკვალიფიკაციას აღნიშნული ტენდერიდან.
10.3.2 საგარანტიო პირობები, დანართი №2-ის შესაბამისად (პუნქტი 1.6);
10.3.3 პრეტენდენტის გამოცდილების დამადასტურებელი დოკუმენტაცია ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: №NAT/CMR/SPA და ა.შ) (პუნქტი 2.2.1);
10.3.4 ინფორმაცია სასურველი ანგარიშსწორების პირობის შესახებ (პუნქტები 7.1.1; 7.1.2 და 7.1.3). (წარმოდგენილ ინფრომაციაში მკაფიოდ უნდა იკითხებოდეს სურს თუ არა პრეტენდენტს ავანსის მიღება და რა პროცენტული ოდენობით).