Ремонт и техническое обслуживание транспортных средств и оборудования и сопутствующие услуги (Грузия - Тендер #71098573)

ავტოსატრანსპორტო საშუალებების ტექნიკური მომსახურება (მინების დამუქება და დამუქების დემონტაჟი).

1. ავტოსატრანსპორტო საშუალების მინის დამუქების მომსახურება (მასალის გათვალისწინებით);
2. ავტოსატრანსპორტო საშუალებაზე არსებული დამუქების ფირის დემონტაჟის მომსახურება.

1. ეტაპობრივად, ხელშეკრულების გაფორმებიდან 2026 წლის 20 დეკემბრის ჩათვლით.
2. მომსახურების გაწევის თაობაზე შემსყიდველის მხრიდან მოთხოვნა/შეტყობინება შესაძლებელია განხორციელდეს სატელეფონო ზარით, SMS-ით, ელ-ფოსტაზე გაგზავნილი შეტყობინებით ან ოფიციალური წერილის სახით. მიმწოდებელი ვალდებულია შეტყობინების მიღებიდან ორი კალენდარული დღის განმავლობაში უზრუნველყოს სერვის-ცენტრში შემსყიდველის ავტოსატრანსპორტო საშუალებების მიღება და ტექნიკური მომსახურების გაწევა. ამასთან, შემსყიდველს წინასწარ შეატყობინოს სერვის-ცენტრში ავტოსატრანსპორტო საშუალების მიყვანის თარიღის შესახებ.

მომსახურების გაწევის ადგილია: ქ. თბილისი - მიმწოდებლის სერვის-ცენტრი.

1. გაწეულ მომსახურებაზე (ავტოსატრანსპორტო საშუალების მინის დამუქება) საგარანტიო პერიოდი უნდა შეადგენდეს მიღება-ჩაბარების აქტის შედგენის თარიღიდან არანაკლებ 1 (ერთი) წელს, გარდა ავტოსატრანსპორტო საშუალების მინაზე მექანიკური ზემოქმედებით გამოწვეული დაზიანებისა.
2. პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია შემოთავაზებულ საგარანტიო ვადასთან დაკავშირებით ყოველგვარი "არანაკლებ" ტერმინის გამოყენების გარეშე.
3. მიმწოდებელი ვალდებულია საგარანტიო პერიოდის განმავლობაში უზრუნველყოს გაწეულ მომსახურებაზე გამოვლენილი ხარვეზის ან/და ნაკლის აღმოფხვრა (საჭიროების შემთხვევაში, მინაზე დაკრული ფირის ახლით შეცვლა), აღნიშნულის თაობაზე შემსყიდველის შეტყობინების მიღებიდან (სატელეფონო ზარით, SMS-ით, ელ-ფოსტაზე გაგზავნილი შეტყობინებით ან ოფიციალური წერილის სახით) არაუგვიანეს 2 (ორი) სამუშაო დღის ვადაში, შემსყიდველის მხრიდან დამატებითი დანახარჯების გაწევის გარეშე.

1. პრეტენდენტს უნდა გააჩნდეს ანალოგიური მომსახურების გაწევის არანაკლებ 15 000 (თხუთმეტი ათასი) ლარის ღირებულების გამოცდილება, ტენდერის გამოცხადების თარიღამდე.
2. აღნიშნული ინფორმაცია წარმოდგენილი უნდა იყოს ერთიანი ელექტრონული სისტემის მეშვეობით SPA/NAT/CMR ნომრების მითითებით ან/და გაფორმებული ხელშეკრულებებით და შესაბამისი მიღება-ჩაბარების აქტებით/ანგარიშფაქტურებით.

1. პრეტენდენტს უნდა გააჩნდეს არანაკლებ ერთი სერვის ცენტრი ქ. თბილისში.
2. პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია სერვის ცენტრის მისამართის, სამუშაო გრაფიკის და საკონტაქტოს შესახებ.

1. მიმწოდებელმა ავტოსატრანსპორტო საშუალების მინაზე არსებული ფირის დემონტაჟის დროს უნდა უზრუნველყოს მინის ხარისხიანად გაწმენდა-გასუფთავება და ამასთან, ვალდებულია დასამუქებელი ფირის მონტაჟისას ავტომანქანის სალონში დაიცვას სისუფთავე.
2. სატენდერო წინადადებაში საერთო და ერთეულის ფასი გამოსახული უნდა იყოს მხოლოდ ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
3. პრეტენდენტის მიერ წარმოდგენილ პრეისკურანტში შემოთავაზებული ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის ზღვრულ ღირებულებას;
4. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე (მაგალითად თუ პრეტენდენტმა სახელმწიფო შესყიდვების ერთიან ელექტრონულ სისტემაში დააფიქსირა პრეისკურანტის საბოლოო ჯამური ღირებულება, რომელიც 12%-ით ნაკლებია პრეისკურანტის სავარაუდო ღირებულებაზე, მაშინ პრეისკურანტის თითოეულ პოზიციაზე შემოთავაზებული ღირებულების გრაფაში უნდა მიეთითოს შესაბამის ზღვრულ ღირებულებაზე არანაკლებ 12%-ით ნაკლები თანხა).
5. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
6. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდა;
7. დაზუსტებას არ ექვემდებარება პრეისკურანტი, თუ იგი არ არის წარდგენილი ან განუფასებელი პოზიციების რაოდენობა აღემატება განსაფასებელი პოზიციების 1%-ს;
8. თუ პრეტენდეტი რომელიმე პოზიციის შესრულებას გვთავაზობს უფასოდ, შესაბამის გრაფაში უნდა დააფიქსიროს „0“, წინააღმდეგ შემთხვევაში აღნიშნული პოზიცია ჩაითვლება განუფასებლად.
9. თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული საჭირო მომსახურება/საქონელი, ამ შემთხვევაში საბაზრო ფასების გათვალისწინებითა და მხარეთა შეთანხმებით, შესაბამისი ცვლილების განხორციელების გზით მოხდება საჭირო პოზიციის დამატება პრეისკურანტში (ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს);
10.მიმწოდებელი უფლებამოსილია პრეიკურანტი ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

2. ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები. დამოუკიდებელი სერთიფიცირებული აუდიტის დასკვნის საფუძველზე

ანგარიშსწორება მოხდება უნაღდო ანგარიშსწორებით ლარში, 2026 წლის დაფინანსების ფარგლებში.
ანგარიშსწორება შემსყიდველის მიერ მოხდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონით დადგენილ შემთხვევაში) გამოწერისა და წარმოდგენის შემდეგ.

მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღე.

ქეთევან ლორია, 551888113, Delta@procurement.gov.ge

1. პრეტენდენტმა ერთიანი ელექტრონული სისტემის მეშვეობით უნდა წარმოადგინოს:
სატენდერო დოკუმენტაციის 1.3 პუნქტით გათვალისწინებული პრეისკურანტი;
სატენდერო დოკუმენტაციის 1.7.1 პუნქტით გათვალისწინებული ინფორმაცი საგარანტიო ვადასთან დაკავშირებით;
სატენდერო დოკუმენტაციის 2.2.1 პუნქტით გათვალისწინებული ინფორმაცია გამოცდილების შესახებ;
სატენდერო დოკუმენტაციის 2.3.1 პუნქტით გათვალისწინებული ინფორმაცია სერვის ცენტრთან დაკავშირებით.
2. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნეს მოქმედი კანონმდებლობის შესაბამისად.
3. ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
4. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ სსსტც "დელტას" მიერ „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.