Напитки, табак и сопутствующие продукты (Грузия - Тендер #71053020)

სასაჩუქრე ღვინის (წითელი - მშრალი) სახელმწიფო შესყიდვა აღდგომის ბრწყინვალე დღესასწაულთან დაკავშირებით
გლდანის რაიონში მცხოვრები მძიმე სოციალურ მდგომარეობაში მყოფი მოქალაქეებისთვის, უფასო სასადილოს ბენეფიციარებითვის, უსინათლო მოქალაქეებისთვის, რაიონის ტერიტორიაზე არსებული თავშესაფრების ბენეფიციარებისათვის, ასევე საქართველოს ტერიტორიული მთლიანობის, თავისუფლებისა და დამოუკიდებლობისთვის საბრძოლო მოქმედების ვეტერანებისთვის გადასაცემად.

1.2.1. შესასყიდია სულ 5400 ცალი სასაჩუქრე ღვინო წითელი (მშრალი), (მახასიათებლები მოცემულია ფასების ცხრილში- დანართი N1), მათ შორის:

- გლდანის რაიონში მცხოვრები მძიმე სოციალურ მდგომარეობაში მყოფი მოქალაქეებისთვის, უფასო სასადილოს ბენეფიციარებითვის, უსინათლო მოქალაქეებისთვის, რაიონის ტერიტორიაზე არსებული თავშესაფრების ბენეფიციარებისათვის - 5300 ცალი,

- საქართველოს ტერიტორიული მთლიანობის, თავისუფლებისა და დამოუკიდებლობისთვის საბრძოლო მოქმედების ვეტერანებისთვის - 100 ცალი.

1.2.2. მიმწოდებელმა ტრანსპორტირებისას უნდა უზრუნველყოს შესყიდვის ობიექტის ისეთი შეფუთვა, რომელიც დაიცავს მას დაზიანებისაგან დანიშნულების ადგილზე ტრანსპორტირების პროცესში.

1.2.3. შემოთავაზებული შესყიდვის ობიექტი უნდა იყოს ეკოლოგიურად სუფთა და არ უნდა შეიცავდეს სიცოცხლისთვის საშიშ ნივთიერებებს. პროდუქტის უვნებლობა, ხარისხი, შეფუთვა, ეტიკეტირება და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს;

1.2.4. სურსათი უნდა იყოს სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად;

1.2.5. შემოთავაზებული შესყიდვის ობიექტი უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს №301/ნ ბრძანებით) განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას)“;

1.2.6. პრეტენდენტის მიერ შემოთავაზებული შესყიდვის ობიექტის მახასიათებლები უნდა აკმაყოფილებდეს ფასების ცხრილში (დანართი N1) მითითებული მოთხოვნებს (ღვინოს უნდა გააჩნდეს ხარისხის დამადასტურებელი სერთიფიკატი, რომელიც წარმოდგენილი იქნება მიწოდების დროს).

ეტაპობრივად, შემსყიდველის მოთხოვნის შესაბამისად, 2026 წლის აპრილის თვეში; (მიწოდების თარიღი დაზუსტდება ხელშეკრულების გაფორმების დროს).

1.5.1. პროდუქტის მიწოდება უნდა განხორციელდეს გლდანის რაიონის ტერიტორიაზე მოქმედ უფასო სასადილოში და გლდანის გამგეობის ადმინისტრაციულ შენობაში.
შემდეგ მისამართებზე:

1. ქ. თბილისი, ილია ვეკუას ქ. N22 (ყოფილი ხიზანიშვილის ქ. N32)
2. ქ. თბილისი, გლდანის დასახლება, 1-ლი მ/რ, კორპუსი 9
3. ქ. თბილისი, გლდანის დასახლება, გრაფი შულენბურგის ქ. სახლი N4
4. ქ. თბილისი, ლიბანის ქუჩა N31
5. ქ. თბილისი, ლიბანის ქუჩა N1
6. ქ. თბილისი, გლდანის დასახლება, მე-8 მ/რ, კორპუსი 9
7. ქ. თბილისი, გლდანის დასახლება, მე-4 მ/რ, კორპუსი 101
8. ქ. თბილისი, მუხიანის დასახლება, მე-4ა მ/რ კორპუსი 4
9. ქ. თბილისი, მუხიანის დასახლება, 1-ლი მ/რ, კორპუსი 10
10. ქ. თბილისი, სარაჯიშვილის ქ. N1გ

1.5.2 მისაწოდებელი პროდუქტის/რაოდენობა კონკრეტული მისამართების მიხედვით, მიმწოდებელს გადაეცემა ხელშეკრულების გაფორმების დროს.
1.5.3შესყიდვის ობიექტის მიწოდებას (ყველა თანმდევი მომსახურების გათვალისწინებით) მიმწოდებელი უზრუნველყოფს საკუთარი ხარჯებით.
1.5.4 პროდუქტის დანიშნულების ადგილზე გადატანა უნდა განხორციელდეს პროდუქტების გადასაზიდად ვარგისი სპეციალური სატრანსპორტო საშუალებით. ასევე, მიმწოდებელმა უნდა უზრუნველყოს პროდუქტის ეტაპობრივი მიწოდება შემსყიდველთან შეთანხმებული რაოდენობით.

პროდუქტების ვარგისიანობის ვადა უნდა იყოს მიწოდებიდან არანაკლებ ერთი თვე.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი ქვეყანა ან/და მწარმოებელი.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

3.1.1.1. ერთიან ელექტრონულ სისტემაში დაფიქსირებული ყველაზე დაბალი ფასის წარმომდგენი პრეტენდენტი (დისკვალიფიკაციის შემთხვევაში მომდევნო დაბალფასიანი პრეტენდენტი), ვალდებულია შემსყიდველის მოთხოვნის შესაბამისად უზრუნველყოს შემოთავაზებული საქონლის ნიმუშის წარდგენა.
3.1.1.2. შესყიდვის ობიექტის ნიმუშების წარმოუდგენლობა ან სატენდერო მოთხოვნებთან შეუსაბამობა, გამოიწვევს პრეტენდენტის დისკვალიფიკაციას (ნიმუში დაზუსტებას არ ექვემდებარება).
3.1.1.3. პრეტენდენტის გამარჯვების შემთხვევაში, შემსყიდველისთვის მიწოდებული საქონელი სრულად უნდა შეესაბამებოდეს (იდენტური უნდა იყოს) ტენდერზე წარმოდგენილ ნიმუშების.

ქ. თბილისი, სარაჯიშვილის ქ. N1გ, გამგეობის ადმინისტრაციული შენობა.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, ქ. თბილისის მუნიციპალიტეტის 2026 წლის ადგილობრივი ბიუჯეტის სახსრებით, მიღება – ჩაბარების აქტის საფუძველზე.

ანგარიშსწორება განხორციელდება ეტაპობრივად, ხელშეკრულების შესრულების დამადასტურებელი მიღება-ჩაბარების აქტის გაფორმებიდან არაუგვიანეს 10 სამუშაო დღის ვადაში

სალომე კიკნაველიძე, 577361417, GldaniGamgeoba@procurement.gov.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა. აღნიშნული ვალდებულებისგან არარეზიდენტი პირები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულებისგან გათავისუფლების თაობაზე“ საქართველოს მთავრობის 2022 წლის 20 დეკემბრის №2380 განკარგულების შესაბამისად გათავისუფლებულები არიან და წარმოსადგენ დოკუმენტაციაზე ევალებათ მატერიალურად ხელმოწერის შესრულება.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 ფასების ცხრილი (დანართი N1), სატენდერო დოკუმენტაციის 2.1.1.1 პუნქტით მოთხოვნილი ინფორმაციის გათვალისწინებით (ფასების ცხრილის წარმოუდგენლობა ან განუფასებელი ფასების ცხრილის წარმოდგენა, ასევე, სატენდერო დოკუმენტაციის 2.1.1.1 პუნქტით გათვალისწინებული ინფორმაციის ფასების ცხრილში მიუთითებლობა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).