Электрическое оборудование (Грузия - Тендер #71053004)

2021-2023 წლებში გამოშვებული MITSUBISHI L200-ის მარკის ავტომანქანის ძარაზე (სახურავი) თავსებადი დასამაგრებელი ლურჯი შეფერილობის ციმციმა (თანმდევი მომსახურებით - მონტაჟით).

წინამდებარე ელ. ტენდერის ფარგლებში, გამარჯვებულმა პრეტენდენტმა უნდა უზრუნველყოს შემდეგი მახასიათებლების მქონე 2021-2023 წლებში გამოშვებული MITSUBISHI L200-ის მარკის ავტომანქანის ძარაზე (სახურავი) თავსებადი დასამაგრებელი ლურჯი შეფერილობის ციმციმის (თანმდევი მომსახურებით - მონტაჟით) მოწოდება:
1.2.1. 2021-2023 წლებში გამოშვებული MITSUBISHI L200-ის მარკის ავტომანქანის ძარაზე (სახურავი) თავსებადი დასამაგრებელი ლურჯი შეფერილობის ციმციმა (თანმდევი მომსახურებით - მონტაჟით) – 15 ცალი.
1.2.1.1. შუქდიოდებით;
1.2.1.2. ინტეგრირებული არანაკლებ 150 ვატიანი ხმამაღლამოლაპარაკით;
1.2.1.3. ნათების და ხმოვანი სიგნალების რეჟიმებით;
1.2.1.4. შესაბამისი პულტიდან მართვის შესაძლებლობებით;
1.2.1.5. ჰორნისა და სირენის ღილაკები განთავსებული უნდა იყოს პულტის ზედა მხარეს;
1.2.1.6. სირენის ხმები: Hi-Fi, Yelp, Hi-Lo , Wail 1 , Wail 2 , manual , Tool, Horn, Siren, Yelp Relay, Super Siren, tones;
1.2.1.7. პულტზე ხმის აწევ-დაწევის ღილაკებით;
1.2.1.8. სირენის ბლოკის სიმძლავრე 150 ვატი +/- 5 ვატი;
1.2.1.9. ციმციმას წინა და უკანა მხარეს განთავსებული უნდა იყოს არანაკლებ 8 ცალი შუქდიოდური მოდული;
1.2.1.10. თითოეულ მოდულში 28 ცალი+/- 4 ცალი 0.25 ვატიანი დიოდი და ორი ცალი დამატებითი მაშუქი;
1.2.1.11. სამუშაო ძაბვა - არანაკლებ 12/24 ვოლტი;
1.2.1.12. უნდა გააჩნდეს მართვის პულტი, რომელიც იძლევა ხმოვანი სიგნალის, შუქდიოდების წინა და უკანა მხარის დამოუკიდებლად მართვის საშუალებას;
1.2.1.13. რეგულირებადი სამაგრით;
1.2.1.14. მცირე აეროდინამიული წინაღობით;
1.2.1.15. ზომები: სიგრძე-1200 +/- 2 x სიგანე-300+/- 2 x სიმაღლე-195+/- 2 მმ;
1.2.1.16. სამუშაო ტემპერატურა არანაკლებ - 30 არაუმეტეს +50 გრადუსი ცელსიუსი;
1.2.1.17. კომპლექტში: ციმციმა, სირენა და ხმამაღლამოლაპარაკე (დინამიკი);
1.2.1.18. დაცვის კლასი: არანაკლებ IP 65.

ფასში გათვალისწინებული უნდა იყოს: საქონლის მიწოდება,მონტაჟი, ყველა საჭირო გაყვანილობა და აქსესუარი მონტაჟისთვის, აგრეთვე სრულად გათვალისწინებული უნდა იყოს მონტაჟისთვის საჭირო სახარჯი მასალების ხარჯი და პრეტენდენტმა თავად უნდა განსაზღვროს მონტაჟისთვის საჭირო სახარჯი მასალების ზუსტი რაოდენობა და ღირებულება.


სატენდერო წინადადების ფასი და ფასების ცხრილი (დანართი N1) პრეტენდენტმა უნდა წარმოადგინოს (ატვირთოს სისტემაში) Excel ფორმატში.

შემსყიდველის მოთხოვნიდან არაუგვიანეს 45 კალენდარული დღის განმავლობაში.

საქონლის მიწოდების ადგილი: ქ.თბილისი, ფონიჭალა, რუსთავის გზატკეცილი N26.

1.7.1.1. საქონლის საგარანტიო ვადა შეადგენს მიღება-ჩაბარების აქტის გაფორმებიდან არანაკლებ 3 (სამი) წელს. საგარანტიო ვადის ათვლა დაიწყება შესასყიდი საქონლის მიღება-ჩაბარების აქტის გაფორმებიდან.

1.7.1.2. „მიმწოდებლის" მიერ საქონელი მოწოდებული უნდა იქნეს იმ გარანტიით, რომ შესყიდვის ობიექტი საგარანტიო ვადის პერიოდში, სწორი მოხმარების პირობებში არ გახდება უვარგისი ექსპლუატაციისათვის და შეინარჩუნებს კარგ საექსპლუატაციო თვისებებს. შესყიდვის ობიექტს არ უნდა გააჩნდეს ნივთობრივი ნაკლი. ქარხნული წუნის აღმოჩენის შემთხვევაში, წუნდებული საქონლის ჩანაცვლება უნდა მოხდეს დამატებითი ხარჯების გარეშე.

1.7.1.3 მიწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის მქონე საქონლის, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან საქონლის შეცვლა ახლით. აღნიშნულის შესახებ „შემსყიდველი" ატყობინებს „მიმწოდებელს" წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში მითითებულ რეკვიზიტებში მითითებულ ელ.ფოსტის მისამართზე.

1.7.1.4. შეტყობინების გაგზავნის მომდევნო დღიდან აითვლება წუნდებული საქონლის ხარვეზის გამოსწორების ან შეცვლის, შემსყიდველთან შეთანხმებული გონივრული ვადა, რომელიც არ უნდა იყოს 10 კალენდარულ დღეზე მეტი.

1.7.1.5 ინფორმაცია საგარანტიო ვადის თაობაზე მიმწოდებელმა უნდა მიუთითოს დანართი N2 -ის შესაბამის ველში.

2.1.1.1 პრეტენდენტმა სატენდერო დოკუმენტაციის დანართი N2-ის საშუალებით უნდა წარმოადგინოს ინფორმაცია შემოთავაზებული საქონლის მწარმოებლის და მოდელის ან/და კოდის ან/და მწარმოებლის მიერ მითითებული მაიდენტიფიცირებელი მონაცემის შესახებ.

2.1.1.2 მწარმოებლის და მოდელის ან/და კოდის ან/და მწარმოებლის მიერ მითითებული მაიდენტიფიცირებელი მონაცემის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, მოდელის ან მწარმოებლის იდენტიფიკაცია.

2.7.1.1. პრეტენდენტმა უნდა წარმოადგინოს ინფორმაცია, რომელიც დაადასტურებს შემოთავაზებული საქონლის მოდელის ან/და კოდის ან/და მწარმოებლის მიერ მითითებული მაიდენტიფიცირებელი მონაცემის ტექნიკური მახასიათებლების, სატენდერო პირობების 1.2 პუნქტით შემსყიდველის მიერ განსაზღვრულ საქონლის ტექნიკური მახასიათებლებთან შესაბამისობას.

2.7.1.2. სატენდერო პირობების 2.7.1.1 ქვეპუნქტით მოთხოვნილი ტექნიკური მახასიათებლების შესაბამისობის დადასტურების ინფორმაცია პრეტენდენტმა უნდა წარმოადგინოს მწარმოებლის მიერ გაცემული დოკუმენტ(ებ)ის ან/და ამონარიდის სახით მწარმოებლის ოფიციალური ინტერნეტ საიტიდან, ინტერნეტ მისამართ(ებ)ის (ლინკი) მითითებით. აღნიშნული დოკუმენტ(ებ)ი/ამონარიდი უნდა აიტვირთოს ერთიან ელექტრონულ სისტემაში ნოტარიულად დამოწმებულ ქართულ თარგმანთან ერთად.

2.9.1. შევსებული დანართი N1 Excel ფორმატში (წინამდებარე სატენდერო პირობების 1.3 პუნქტი);
2.9.2. შევსებული დანართი N2 (წინამდებარე სატენდერო პირობების 2.9 პუნქტი);
2.9.3. ინფორმაცია, რომელიც დაადასტურებს შემოთავაზებული საქონლის ტექნიკური მახასიათებლების, სატენდერო პირობების 1.2 პუნქტით შემსყიდველის მიერ განსაზღვრულ მახასიათებლებთან შესაბამისობას (წინამდებარე სატენდერო პირობების 2.7.1 პუნქტით განსაზღვრული პირობების გათვალისწინებით).

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუთება უნდა მოხდეს:
ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

4.1.1.2 ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული ვალდებულებების შესრულების შესაძლებლობა.

ანგარიშსწორება განხორციელდება უნაღდო ანგარიშწორების ფორმით ეროვნულ ვალუტაში - ლარში, მიმწოდებლის საბანკო ანგარიშზე.

ანგარიშსწორება განხორციელდება 10 სამუშაო დღის განმავლობაში, გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენის საფუძველზე.

ნათია დევნოზაშვილი, 597774455, Natia.Devnozashvili@ag.ge

10.1.1. დაზუსტებას არ ექვემდებარება ტექნიკური დოკუმენტაცია, თუ არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ასეთ შემთხვევაში, სატენდერო კომისია ახდენს პრეტენდენტის დისკვალიფიკაციას.

10.1.2. დაზუსტებას არ ექვემდებარება ტექნიკური დოკუმენტაცია, თუ მასში არ არის მითითებული ინფორმაცია შესყიდვის ობიექტის მწარმოებლის ან/და ბრენდის და მოდელის შესახებ. ასეთ შემთხვევაში, სატენდერო კომისია ახდენს პრეტენდენტის დისკვალიფიკაციას.

10.1.3. ყველგან, თუკი სადმე მითითებულია სასაქონლო ნიშანი, მწარმოებელი, ბრენდი და მოდელი ან/და კოდი ან/და მწარმოებლის მიერ მითითებული მაიდენტიფიცირებელი მონაცემი იგულისხმება "მსგავსი" ან "ექვივალენტური". ასევე, თუ მოთხოვნილია სტანდარტთან შესაბამისობა, იგულისხმება მითითებული ან მისი ექვივალენტური სტანდარტი.

10.1.4. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ უფლებამოსილი პირის კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).

10.1.5. სატენდერო წინადადება და მასთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.6. თუ ხელშეკრულების გაფორმების მომენტისთვის გამარჯვებული პრეტენდენტი იქნება დარეგისტრირებული დღგ-ს გადამხდელად შესასყიდი საქონლის ღირებულებას (შემოთავაზებულ მთლიან თანხას) დაემატება დღგ (18 %).